ლევან კობიაშვილი უეფას კომიტეტის სხდომაზე

ლევან კობიაშვილმა UEFA-ს კომიტეტის სხდომა პირველად ჩაატარა

49
კომიტეტის სხდომაზე იმსჯელეს ფეხბურთის, მათ შორის ქალთა ფეხბურთის განვითარების საკითხებზე, ასევე თამაშის წესების ცვლილებებზე

თბილისი, 19 ნოემბერი – Sputnik. საქართველოს ფეხბურთის ფედერაციის პრეზიდენტმა ლევან კობიაშვილმა პირველად ჩაატარა უეფას ფეხბურთის კომიტეტის სხდომა, რომელიც ფეხბურთის ასოციაციების ევროპული კავშირის ცენტრალურ ოფისში, შვეიცარიის ქალაქ ნიონში გაიმართა, აღნიშნულია საქართველოს ფეხბურთის ფედერაციის განცხადებაში.

ნიონის შეხვედრაზე განიხილებოდა ფეხბურთის, მათ შორის, ქალთა ფეხბურთის განვითარების, თამაშის წესებსა და ეროვნულ ჩემპიონატებში ცვლილებების შეტანის საკითხები.

სხდომის დაწყებამდე ლევან კობიაშვილი, ტრადიციულად, კომიტეტის ახალ წევრებს მიესალმა და მათ სამახსოვრო საჩუქრები გადასცა.

ფეხბურთის კომიტეტის მომდევნო სხდომა 2020 წლის შემოდგომაზე გაიმართება.

უნდა აღინიშნოს, რომ ლევან კობიაშვილი ფეხბურთის კომიტეტის თავმჯდომარედ 2019 წლის მაისში დაინიშნა. უეფა აერთიანებს 19 კომიტეტს და ექვს საექსპერტო კავშირს, სადაც პირველად იქნება წარმოდგენილი ექვსი ქართველი.

კობიაშვილის გარდა, უეფაში საქართველოდან დაინიშნენ: დავით მუჯირი – ახალგაზრდული და სამოყვარულო ფეხბურთის კომიტეტის ვიცე-თავმჯდომარე; კახა ჭუმბურიძე – უეფას განვითარებისა და ტექნიკური მხარდაჭერის კომიტეტის წევრი; ალექსანდრე იაშვილი – უეფას კომიტეტის წევრი, რომელიც ეროვნული ნაკრებების შეხვედრებზეა პასუხისმგებელი; ნიკოლოზ ჯღარკავა – უეფას მასობრივი ფეხბურთის განვითარების ექსპერტთა კავშირის წევრი; ოთარ გიორგაძე – უეფას მედიაკომიტეტის წევრი.

ფეხბურთის ფედერაციის პრეზიდენტი ლევან კობიაშვილი მეორე წრეზე წავიდა >>

უეფას გადაწყვეტილებით, შერჩეული კანდიდატები თანამდებობებზე 2023 წლამდე დარჩებიან.

49
თემები:
სპორტის ამბები (823)
გიორგი ჭიაბრიშვილი

ჭიაბრიშვილი: მატჩი „გრანადას“ წინააღმდეგ ჩვენთვის გამოწვევაა

22
(განახლებულია 12:29 24.09.2020)
თბილისის „ლოკომოტივი“ დღეს კლუბის ისტორიაში პირველად ითამაშებს ევროტურნირის მესამე საკვალიფიკაციო რაუნდში

თბილისი, 24 სექტემბერი - Sputnik. „გრენადა“ ძალიან ძლიერი კლუბია და მატჩი მის წინააღმდეგ – ეს ჩვენი გუნდისთვის გამოწვევაა, განაცხადა თბილისის „ლოკომოტივის“ მთავარმა მწვრთნელმა გიორგი ჭიაბრიშვილმა ესპანურ გუნდთან უეფას ევროპის ლიგის მესამე საკვალიფიკაციო რაუნდის მატჩის წინ.

თბილისის „ლოკომოტივმა“ მოსკოვის „დინამო“ ანგარიშით 2:1 დაამარცხა>>

თბილისის „ლოკომოტივი“ დღეს, კლუბის ისტორიაში პირველად, ევროტურნირის მესამე საკვალიფიკაციო რაუნდში ითამაშებს და ესპანეთის „გრანადას“ დაუპირისპირდება.

„ჩვენ სენსაციები აქამდეც მოვახდინეთ და ფეხბურთში ყველაფერი შეიძლება მოხდეს, მაგრამ ფურცელზე ბევრად ძლიერი გუნდია და უპირატესობა „გრანადას“ აქვს. დანარჩენი მოედანზე გამოჩნდება. ჩემთვის გამოწვევა და დიდი სიამოვნებაა ასეთ გუნდთან თამაში, რათა ვნახოთ, როგორ შეგვიძლია ფეხბურთის თამაში“, – განაცხადა ჭიაბრიშვილმა.

ამასთან, მან აღნიშნა, რომ ცარიელი ტრიბუნების ფონზე თამაში მისი გუნდისთვის პლუსი იქნება.

„ცარიელი სტადიონი ჩვენი პლუსია, რადგან ჩვენთვის ჩვეული მომენტია და მათთვის - არა. ლოგიკურად, დასაკარგი არაფერი გვაქვს. წნეხი, დაძაბულობა და შიში არ გვაქვს. ფეხბურთელს და მწვრთნელს თამაშის თუ გეშინია, მაშინ რა გინდა მინდორზე“, – განაცხადა მწვრთნელმა.

მისი თქმით, „ლოკომოტივს“ კიდევ ერთი უპირატესობა აქვს „გრანადასთან“ – ინფორმაციული.

„ძალიან კარგად ვიცი, „გრანადა“ როგორ ფეხბურთს თამაშობს. ლა ლიგას მუდმივად ვუყურებ და რომც არ შეგხვედროდა, მაინც ვიცოდით, როგორი გუნდია. მათვის უფრო რთულია ჩვენ შესახებ ინფორმაციის მოპოვება, ვიდრე ჩვენთვის მათ შესახებ“, – აღნიშნა ჭიაბრიშვილმა.

მწვრთნელმა ასევე ისაუბრა მოთამაშეების მდგომარეობის შესახებ.

„მოსკოვის „დინამოსთან“ მატჩის შემდეგ ორჯერ ვივარჯიშეთ და ვერ გავერკვიე, რა გვჭირდა, იმდენად გამოცლილები ვიყავით ემოციისგან. ახლა ფრენაც დაემატა, მაგრამ ასეთ გუნდებთან თამაშის შესაძლებლობა არ გვაქვს და ამიტომ, მთელი ენერგია უნდა აღვიდგინოთ, შეგიძლია თუ არ შეგიძლია, მნიშვნელობა არ აქვს, უბრალოდ უნდა შეძლო, რადგან ამ კლუბის ისტორიაში ასეთი თამაში ჯერ არ ყოფილა“, – განაცხადა „ლოკომოტივის“ მწვრთნელმა.

როგორ დაამარცხა თბილისის „ლოკომოტივმა“ მოსკოვის „დინამო“ - საუკეთესო ფოტოები>>

მატჩი „გრანადასა“ და „ლოკომოტივს“ შორის თბილისის დროით 22:00 საათზე დაიწყება.


22
თემები:
სპორტის ამბები (823)
თორნიკე შენგელია

შენგელიამ ЦСКА-ს შემადგენლობაში პირველივე ოფიციალურ მატჩში მუხლი დაიზიანა

42
დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის მოპოვება და ორი მოხსნის გაკეთება მოასწრო

თბილისი, 23 სექტემბერი - Sputnik. საქართველოს ნაკრების კაპიტანმა თორნიკე შენგელიამ, რომელიც მოსკოვის ЦСКА-ს შემადგენლობაში თამაშობს, გუნდის პირველივე ოფიციალურ შეხვედრაზე მუხლი დაიზიანა, აღნიშნულია კლუბის ვებგვერდზე განთავსებულ განცხადებაში.

VTB ლიგის სადებიუტო შეხვედრაში ყაზახური „ასტანას“ წინააღმდეგ შენგელიამ პარკეტზე მხოლოდ 3 წუთი და 19 წამი გაატარა, რის შემდეგაც მუხლი დაიზიანა. მაგრამ, როგორც ჩანს, ტრავმა სერიოზული არაა. შენგელიას დაზიანებული ადგილი გაუყინეს და ის სათადარიგო სკამთან ითელებოდა იმ იმედით, რომ თამაშს დაუბრუნდებოდა. თუმცა საბოლოო ჯამში მოედანზე შენგელია მატჩის განმავლობაში აღარ გასულა.

რაც შეეხება შეხვედრის შედეგს, ЦСКА-მ დამაჯერებელი გამარჯვება მოიპოვა - 93:60. დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის აღება და ორი მოხსნის გაკეთება მოასწრო. საუკეთესო შედეგს კი გამარჯვებული გუნდის შემადგენლობაში მიაღწია მაიკ ჯეიმსმა, რომელმაც გუნდს 21 ქულა მოუტანა.

მომდევნო შეხვედრას VTB ლიგის ფარგლებში ЦСКА 26 სექტემბერს პერმის „ამკარის“ წინააღმდეგ გამართავს.

შენგელია ЦСКА-ში მიდმინარე წლის ივლისში გადავიდა ესპანური „ბასკონიიდან“, სადაც 2014 წლიდან თამაშობდა. გასულ სეზონზე მისი კლუბი ქვეყნის ჩემპიონი გახდა (პირველად 2010 წლის შემდეგ). 28 წლის ქართველ კალათბურთელს მოსკოვის ЦСКА-სთან სამწლიანი კონტრაქტი აქვს გაფორმებული.

42
თემები:
სპორტის ამბები (823)
ქართველი სამხედროები

სრული მოდერნიზაცია: ყველა სამხედრო ქვედანაყოფში უახლესი სპორტული ინვენტარი დამონტაჟდება

0
(განახლებულია 14:12 24.09.2020)
საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს

თბილისი, 24 სექტემბერი - Sputnik. საქართველოს მასშტაბით არსებულ ყველა სამხედრო ქვედანაყოფში მაღალი ხარისხისა და ხანგრძლივ ექსპლუატაციაზე გათვლილი სპორტული ინვენტარი დამონტაჟდება, ნათქვამია საქართველოს თავდაცვის სამინისტროს მიერ გავრცელებულ განცხადებაში.

ტერიტორიული რეზერვის პროგრამით სულ უფრო მეტი ადამიანი ინტერესდება>>

უწყების ცნობით, დღეს საქართველოს თავდაცვის მინისტრი ირაკლი ღარიბაშვილი ვაზიანის მეოთხე მექანიზებულ ბრიგადაში იმყოფებოდა და პირადად გაეცნო სამხედრო ბაზის უახლესი სპორტული ინვენტარითა და თანამედროვე სანტექნიკით აღჭურვის პროცესს.

„საქართველოს თავდაცვის ძალების ბაზებზე სპორტული დარბაზების განახლება და თანამედროვე ინვენტარით აღჭურვა სამხედროებში ფიზიკური შესაძლებლობების გაუმჯობესებასა და ქვედანაყოფებში სხვადასხვა სპორტული სახეობის პოპულარიზაციას შეუწყობს ხელს“, - აღნიშნულია განცხადებაში.

ასევე, ყველა ბაზაზე მონტაჟდება მსოფლიო ბრენდების უმაღლესი ხარისხის თანამედროვე სანტექნიკა და სააბაზანო ინვენტარი.

უწყების ინფორმაციით, საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს.

ასევე,წლის ბოლომდე 60 ლოკაციაზე ყველა მოქმედი ყაზარმისა და სასადილოს, დაახლოებით, 250-მდე ობიექტის სრული რეაბილიტაცია მოხდება.

სამინისტროს ინფორმაციით, თავდაცვის მინისტრის მიერ გაცხადებული ინფრასტრუქტურული განვითარების პოლიტიკა ნატო-ს წამყვანი ქვეყნების სტანდარტთან გათანაბრებას გულისხმობს.

0
თემები:
საქართველოს თავდაცვა