ფეხბურთი. მატჩი საქართველოსა და შვეიცარიის ნაკრებებს შორის

ვლადიმირ ვაისი: „თამაშით კმაყოფილი ვარ, შედეგით არა“

71
(განახლებულია 13:24 16.11.2019)
საქართველოს ფეხბურთის ნაკრებმა ევრო–2020–ის შესარჩევი ციკლი D–ჯგუფში მეოთხე ადგილით დაასრულა, გაიმარჯვა ორჯერ და ორჯერ მატჩი ფრედ დაასრულა

თბილისი, 16 ნოემბერი –  Sputnik. საქართველოს ფეხბურთის ნაკრების მთავარი მწვრთნელი ვლადიმირ ვაისი თავისი გუნდის თამაშით კმაყოფილი დარჩა, ხოლო შედეგით – არა.

ასეთი განცხადებით გამოვიდა სლოვაკი სპეციალისტი პრესკონფერენციაზე საქართველოს ნაკრების დამარცხების შემდეგ (0:1) ევრო–2020–ის დასკვნით შესარჩევ მატჩში შვეიცარიასთან.

 „ყველა გუნდისთვის რთულია შვეიცარიის წინააღმდეგ 90 წუთის განმავლობაში თანაბარ ტემპში თამაში. საწყისი ოცი წუთი შვეიცარიამ შეტევაში ძალიან კარგად ითამაშა. ამის შემდეგ თამაშის გადაწყობა მოვახერხეთ, უფრო მეტს ვმოძრაობდით და მეორე ტაიმში უკეთესი გუნდი ვიყავით, სამწუხაროდ, არ გაგვიმართლა და მცირე შეცდომის შედეგად, გოლი მივიღეთ. შედეგით კმაყოფილი არ ვარ, მაგრამ კმაყოფილი ვარ თამაშის იმ ხარისხით, რომელიც ჩემმა გუნდმა აჩვენა“, – განაცხადა ვაისმა მატჩის შემდეგ გამართულ კონფერენციაზე.

Тренер футбольной сборной Грузии Владимир Вайсс
© Sputnik / Alex Shlamov
ვლადიმირ ვაისი

თავისი კოლეგისგან განსხვავებით, შვეიცარიის გუნდის მთავარმა მწვრთნელმა ფინალური სასტვენის შემდეგ შვებით ამოისუნთქა. თუმცა, ჟურნალისტებთან ურთიერთობისას ბოსნიელმა სპეციალისტმა თავისი გუნდის თამაშში ხარვეზებზე ისაუბრა.

„იგრძნობოდა, რომ პირველ ტაიმში ჩემი ბიჭები ნერვიულობდნენ, რადგან თამაში ჩვენთვის ძალზე მნიშვნელოვანი იყო. ამასთან, გუნდში საგრძნობი იყო საკადრო პრობლემები. შესვენებაზე მათ ვურჩიე, დამშვიდებულიყვნენ და მეორე ტაიმში მეტი ძალით შევუტიეთ. გასაგებია, რომ ამის გამო თავისუფალი სივრცე გაჩნდა და საქართველოს ნაკრებმა რამდენიმე საშიში მომენტის შექმნა შეძლო. მაგრამ ეს უკვე აღარ არის მნიშვნელოვანი. მთავარია, რომ გავიმარჯვეთ“, – განაცხადა პეტკოვიჩმა.

ამ წაგების შემდეგ საქართველოს ნაკრებმა D–ჯგუფში რვა ქულა მოაგროვა და მეოთხე ადგილზე განთავსდა. რაც შეეხება შვეიცარიას, ამ გამარჯვების წყალობით ის 14 ქულით მესამე ადგილზე აღმოჩნდა. ჯგუფის ლიდერია დანია, რომელმაც პარალელურ თამაშში გიბრალტარი 6:0 გაანადგურა.

Матч между сборными Грузии и Швейцарии по футболу
© Sputnik / STRINGER
საფეხბურთო მატჩი საქართველოსა და შვეიცარიას შორის

D–ჯგუფში ბოლო სათამაშო დღეს (18 ნოემბერი) შვეიცარიის ნაკრები გასვლით თამაშში შეხვდება გიბრალტარს, ხოლო დუბლინში ირლანდია და დანია ევროპის ჩემპიონატის მეორე საგზურის მფლობელს განსაზღვრავენ.

რაც შეეხება საქართველოს ნაკრებს, გუნდი 19 ნოემბერს ამ კალენდარულ წლის ბოლო მატჩს გამართავენ. გასვლით თამაშში ქართველი ფეხბურთელები მსოფლიოს ვიცე–ჩემპიონ ხორვატიასთან ამხანაგურ მატჩს გამართავენ.

71
თემები:
სპორტის ამბები (823)
გიორგი ჭიაბრიშვილი

ჭიაბრიშვილი: მატჩი „გრანადას“ წინააღმდეგ ჩვენთვის გამოწვევაა

25
(განახლებულია 12:29 24.09.2020)
თბილისის „ლოკომოტივი“ დღეს კლუბის ისტორიაში პირველად ითამაშებს ევროტურნირის მესამე საკვალიფიკაციო რაუნდში

თბილისი, 24 სექტემბერი - Sputnik. „გრენადა“ ძალიან ძლიერი კლუბია და მატჩი მის წინააღმდეგ – ეს ჩვენი გუნდისთვის გამოწვევაა, განაცხადა თბილისის „ლოკომოტივის“ მთავარმა მწვრთნელმა გიორგი ჭიაბრიშვილმა ესპანურ გუნდთან უეფას ევროპის ლიგის მესამე საკვალიფიკაციო რაუნდის მატჩის წინ.

თბილისის „ლოკომოტივმა“ მოსკოვის „დინამო“ ანგარიშით 2:1 დაამარცხა>>

თბილისის „ლოკომოტივი“ დღეს, კლუბის ისტორიაში პირველად, ევროტურნირის მესამე საკვალიფიკაციო რაუნდში ითამაშებს და ესპანეთის „გრანადას“ დაუპირისპირდება.

„ჩვენ სენსაციები აქამდეც მოვახდინეთ და ფეხბურთში ყველაფერი შეიძლება მოხდეს, მაგრამ ფურცელზე ბევრად ძლიერი გუნდია და უპირატესობა „გრანადას“ აქვს. დანარჩენი მოედანზე გამოჩნდება. ჩემთვის გამოწვევა და დიდი სიამოვნებაა ასეთ გუნდთან თამაში, რათა ვნახოთ, როგორ შეგვიძლია ფეხბურთის თამაში“, – განაცხადა ჭიაბრიშვილმა.

ამასთან, მან აღნიშნა, რომ ცარიელი ტრიბუნების ფონზე თამაში მისი გუნდისთვის პლუსი იქნება.

„ცარიელი სტადიონი ჩვენი პლუსია, რადგან ჩვენთვის ჩვეული მომენტია და მათთვის - არა. ლოგიკურად, დასაკარგი არაფერი გვაქვს. წნეხი, დაძაბულობა და შიში არ გვაქვს. ფეხბურთელს და მწვრთნელს თამაშის თუ გეშინია, მაშინ რა გინდა მინდორზე“, – განაცხადა მწვრთნელმა.

მისი თქმით, „ლოკომოტივს“ კიდევ ერთი უპირატესობა აქვს „გრანადასთან“ – ინფორმაციული.

„ძალიან კარგად ვიცი, „გრანადა“ როგორ ფეხბურთს თამაშობს. ლა ლიგას მუდმივად ვუყურებ და რომც არ შეგხვედროდა, მაინც ვიცოდით, როგორი გუნდია. მათვის უფრო რთულია ჩვენ შესახებ ინფორმაციის მოპოვება, ვიდრე ჩვენთვის მათ შესახებ“, – აღნიშნა ჭიაბრიშვილმა.

მწვრთნელმა ასევე ისაუბრა მოთამაშეების მდგომარეობის შესახებ.

„მოსკოვის „დინამოსთან“ მატჩის შემდეგ ორჯერ ვივარჯიშეთ და ვერ გავერკვიე, რა გვჭირდა, იმდენად გამოცლილები ვიყავით ემოციისგან. ახლა ფრენაც დაემატა, მაგრამ ასეთ გუნდებთან თამაშის შესაძლებლობა არ გვაქვს და ამიტომ, მთელი ენერგია უნდა აღვიდგინოთ, შეგიძლია თუ არ შეგიძლია, მნიშვნელობა არ აქვს, უბრალოდ უნდა შეძლო, რადგან ამ კლუბის ისტორიაში ასეთი თამაში ჯერ არ ყოფილა“, – განაცხადა „ლოკომოტივის“ მწვრთნელმა.

როგორ დაამარცხა თბილისის „ლოკომოტივმა“ მოსკოვის „დინამო“ - საუკეთესო ფოტოები>>

მატჩი „გრანადასა“ და „ლოკომოტივს“ შორის თბილისის დროით 22:00 საათზე დაიწყება.


25
თემები:
სპორტის ამბები (823)
თორნიკე შენგელია

შენგელიამ ЦСКА-ს შემადგენლობაში პირველივე ოფიციალურ მატჩში მუხლი დაიზიანა

42
დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის მოპოვება და ორი მოხსნის გაკეთება მოასწრო

თბილისი, 23 სექტემბერი - Sputnik. საქართველოს ნაკრების კაპიტანმა თორნიკე შენგელიამ, რომელიც მოსკოვის ЦСКА-ს შემადგენლობაში თამაშობს, გუნდის პირველივე ოფიციალურ შეხვედრაზე მუხლი დაიზიანა, აღნიშნულია კლუბის ვებგვერდზე განთავსებულ განცხადებაში.

VTB ლიგის სადებიუტო შეხვედრაში ყაზახური „ასტანას“ წინააღმდეგ შენგელიამ პარკეტზე მხოლოდ 3 წუთი და 19 წამი გაატარა, რის შემდეგაც მუხლი დაიზიანა. მაგრამ, როგორც ჩანს, ტრავმა სერიოზული არაა. შენგელიას დაზიანებული ადგილი გაუყინეს და ის სათადარიგო სკამთან ითელებოდა იმ იმედით, რომ თამაშს დაუბრუნდებოდა. თუმცა საბოლოო ჯამში მოედანზე შენგელია მატჩის განმავლობაში აღარ გასულა.

რაც შეეხება შეხვედრის შედეგს, ЦСКА-მ დამაჯერებელი გამარჯვება მოიპოვა - 93:60. დროის იმ ხანმოკლე მონაკვეთში, რომელიც შენგელიამ პარკეტზე გაატარა, ქართველმა ფორვარდმა ორი ქულის აღება და ორი მოხსნის გაკეთება მოასწრო. საუკეთესო შედეგს კი გამარჯვებული გუნდის შემადგენლობაში მიაღწია მაიკ ჯეიმსმა, რომელმაც გუნდს 21 ქულა მოუტანა.

მომდევნო შეხვედრას VTB ლიგის ფარგლებში ЦСКА 26 სექტემბერს პერმის „ამკარის“ წინააღმდეგ გამართავს.

შენგელია ЦСКА-ში მიდმინარე წლის ივლისში გადავიდა ესპანური „ბასკონიიდან“, სადაც 2014 წლიდან თამაშობდა. გასულ სეზონზე მისი კლუბი ქვეყნის ჩემპიონი გახდა (პირველად 2010 წლის შემდეგ). 28 წლის ქართველ კალათბურთელს მოსკოვის ЦСКА-სთან სამწლიანი კონტრაქტი აქვს გაფორმებული.

42
თემები:
სპორტის ამბები (823)

შემოდგომის ნუგბარი: საქართველომ რუსეთში წაბლის ექსპორტი დაიწყო

0
ადრე ქვეყანაში არ ფიქრობდნენ წაბლის ექსპორტის პოტენციალზე და მოსავალს მხოლოდ ადგილობრივ ბაზარზე ანაწილებდნენ

ექსპორტიორი ლევან ბენაშვილი მოსკოვში საკვები პროდუქციის გამოფენას დაესწრო და თავად იხილა, რამდენად მოთხოვნადია უზბეკური წაბლი. მან გადაწყვიტა ქართული წაბლის მიწოდება და გახსნა წაბლის გადამამუშავებელი პირველი ქარხანა ქვეყანაში, სადაც ნუგბარს გასაყიდად ამზადებენ და რუსეთში გზავნიან.

პანდემიამ ხელი ვერ შეუშალა ასეთ ძლიერ და გაბედულ ნაბიჯს. ბენაშვილი წელს რუსეთში 500 ათასამდე ტონა წაბლის გატანას გეგმავს.

0