თბილისი, 19 ოქტომბერი – Sputnik. ახალგაზრდულ მსოფლიო ჩემპიონატზე მაროკოში ქართველი ძიუდოისტები ლაშა ბექაური და ვლადიმერ ახალკაცი კვარცხლბეკის უმაღლეს საფეხურზე ავიდნენ.
ლაშა ბექაური მსოფლიო ჩემპიონი 90 კგ-მდე წონით კატეგორიაში გახდა - მან ფინალში უნგრელ როლან გოცს იპონით აჯობა.
ვლადიმერ ახალკაცმა 81 კგ-მდე ქონით კატეგორიაში ფინალში რუსეთის წარმომადგენელს დავიდ კარაპეტიანს მოუგო.
პარასკევს მსოფლიო ჩემპიონი გახდა ეთერ ლიპარტელიანი. ამგვარად, სამ დღეში საქართველოს ნაკრების ყულაბაში სამი ოქროს და ერთი ბრინჯაოს მედალია.
დღეს -100 კგ და +100 კგ წონით კატეგორიაში მედლებზე იბრძოლებენ ილია სულამანიძე, გელა ზაალიშვილი, საბა ინანეიშვილი, გოგონებს შორის - სალომე მაკიშვილი (+78 კგ).
მსოფლიო ჩემპიონატი იუნიორებს შორის მარაკეშში 20 ოქტომბრამდე გასტანს.