ვანო ქარქაძე

იაპონიაში რაგბის მსოფლიო ჩემპიონატის ყველაზე ახალგაზრდა მოთამაშე ქართველია

78
(განახლებულია 17:23 19.09.2019)
ჩემპიონატის ყველაზე ახალგაზრდა მორაგბეების ათეულში ოთხი ქართველი შედის.

თბილისი, 19 სექტემბერი — Sputnik. იაპონიაში რაგბის მსოფლიო ჩემპიონატის ყველაზე ახალგაზრდა მონაწილე საქართველოს ნაკრების წევრი ვანო კარკაძე გახდება.

მსოფლიო პირველობის დაწყებისას კარკაძე, რომელიც ფრანგულ „ბრივში" გამოდის, 19 წლისა და სამი თვის იქნება. ახალგაზრდა მორაგბემ ეროვნულ გუნდში სამი მატჩი ჩაატარა, მაგრამ, მიუხედავად ამისა, ბორჯღალოსნების მთავარმა მწვრთნელმა მილტონ ჰეიგმა ახალგაზრდა კვაჭი მსოფლიო თასზე წაიყვანა.

ასევე უნდა აღინიშნოს, რომ კარკაძე ყველა ჩატარებული მსოფლიო ჩემპიონატის ყველაზე ახალგაზრდა მოთამაშეებს შორის მეხუთე ადგილს იკავებს.

Игрок сборной Грузии по регби Тедо Абжандадзе
თედო აბჟანდაძე

ყველაზე ახალგაზრდა მორაგბეების ათეულში იაპონიის მსოფლიო ჩემპიონატზე კიდევ სამი ქართველია. ესენი არიან თედო აბჟანდაძე (20 წლისა და სამი თვის), ვანო საღინაძე (20 წლისა და 10 თვის) და გურამ გოგიჩაშვილი (21 წლის).

გვერდს ვერ ავუვლით ასევე ყველაზე უფროს მოთამაშეებსაც. ასეთი იაპონიაში მსოფლიო ჩემპიონატზე ლუკ ტომპსონი იქნება – 38 წლისა და ხუთი თვის, რომელიც იაპონიის სახელით იასპარეზებს.

მსოფლიო ჩემპიონატი იაპონიაში 20 სექტემბერს გაიხსნება და 2 ნოემბერს დასრულდება.

საქართველოს ნაკრები ზედიზედ მეხუთედ მონაწილეობს მსოფლიო პირველობაზე. ქართველი მორაგბეები D ჯგუფში ავსტრალიის, უელსის, ფიჯისა და ურუგვაის გუნდებთან ერთად ითამაშებენ.

პირველ მატჩს ქართველი მორაგბეები უელსის წინააღმდეგ 23 სექტემბერს გამართავენ.

78
თემები:
სპორტის ამბები (722)
„დინამო“ თბილისი

საქართველოს ფეხბურთის ჩემპიონატში ლიდერი შეიცვალა

268
(განახლებულია 15:06 04.07.2020)
თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონი დაიკავა.

თბილისი, 4 ივლისი — Sputnik. საქართველოს ფეხბურთის ჩემპიონატის ეროვნული ლიგის მეოთხე ტურში თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონზე „რკინიგზელები“ ჩაანაცვლა.

ცნობილი გახდა თარიღი, თუ როდის განახლდება საქართველოს საფეხბურთო ჩემპიონატი მეორე ლიგაში >>

შეხვედრის ყველა გოლი შესვენების შემდეგ გავიდა. ანგარიში 61-ე წუთზე დავით კობოურმა გახსნა. კიდევ ათი წუთის შემდეგ თორნიკე კაპანაძემ პენალტი დაარტყა, რამაც დაპირისპირების დასასრულიც განაპირობა.

შეხვედრის ბოლო 11 წუთში მასპინძლებმა თავი კიდევ ორჯერ გამოიჩინეს. თავიდან კირკიტაძემ ავტოგოლი გაიტანა, ხოლო საბოლოო ანგარიში „დინამოს“ ბრაზილიელი ლეგიონერის, ვიქტორ პერნამბუკოს გატანილმა გოლმა დაამყარა.

აღსანიშნავია, რომ დინამოელები მთელი მეორე ტაიმის დროს უპირატესობას ფლობდნენ, რადგან შესვენების წინ მინდორიდან „ლოკომოტივის“ კაპიტანი და მცველი დავით უბილავა გააძევეს.

ჩემპიონატის ოთხი მატჩის შემდეგ „დინამომ“ რვა ქულა დააგროვა და „ლოკომოტივს“ ერთი ქულით გაუსწრო. დაგროვილი ქულებით „დინამოელებს“ შეიძლება გაუტოლდეს გორის „დილა“, რომელიც საანგარიშო ტურში გასვლაზე საჩხერის „ჩიხურას“ ხვდება.

საქართველოს ჩემპიონატი ეროვნულ ლიგაში მარტის დასაწყისში ორი ტურის შემდეგ COVID-19-ის პანდემიის გამო შეწყდა. ივნისის ბოლოს ჩემპიონატი განახლდა, თუმცა ყველა მატჩი ცარიელი ტრიბუნებით ტარდება.

268
თემები:
სპორტის ამბები (722)
ახალი სტადიონი ბათუმში

ბათუმში ახალი სტადიონის მშენებლობა დასრულდა - ფოტო

716
(განახლებულია 12:02 04.07.2020)
სტადიონი ბათუმის ცენტრალურ ადგილას მდებარეობს და მისი მშენებლობის ღირებულება თითქმის 100 მილიონ დოლარს შეადგენს

თბილისი, 4 ივლისი – Sputnik. ბათუმის ცენტრალური სტადიონის მშენებლობა დასრულდა, ნათქვამია საქართველოს ფეხბურთის ფედერაციის განცხადებაში.

Строительство нового стадиона в Батуми - вид сверху
ახალი სტადიონი ბათუმში

უეფას IV კატეგორიის სტანდარტებით აშენებული არენა 20000 მაყურებელზეა გათვლილი.

ახალი სტადიონის საძირკველი 2018 წლის დასაწყისში ჩაიყარა. პროექტის ღირებულება თითქმის 100 მილიონ დოლარს შეადგენს. სტადიონი მდებარეობს ბათუმის ცენტრალურ ადგილას, ყოფილი მანქანათმშენებელი ქარხნის ტერიტორიაზე.

ძველი სტადიონი ბათუმში 2006 წელს დაანგრიეს, მას მერე ქალაქს სტადიონი არ აქვს. ახალი ობიექტის მშენებლობისთვის რამდენიმე ტენდერი ჩაიშალა, ასევე რამდენჯერმე შეიცვალა პროექტი.

716
თემები:
სპორტის ამბები (722)
დაკავება

ფოთში მკვლელობის საქმეზე პოლიციამ კიდევ ერთი ბრალდებული დააკავა

0
გამოძიების ვერსიით, ბრალდებულებმა 44 წლის მამაკაცს ჯერ სცემეს, შემდეგ კი ბასრი საგნით და ცეცხლსასროლი იარაღით ჭრილობები მიაყენეს

თბილისი, 5 ივლისი — Sputnik. სამეგრელო-ზემო სვანეთის პოლიციის თანამშრომლებმა განზრახ მკვლელობისა და თავისუფლების უკანონო აღკვეთის ბრალდებით ფოთში ახალგაზრდა მამაკაცი დააკავეს, იუწყება შსს-ს პრესსამსახური.

შაბათს პოლიციის თანამშრომლებმა ამავე საქმეზე სამი პირი დააკავეს.

გამოძიებით დადგინდა, რომ ბრალდებულებმა, თანმხლებ პირებთან ერთად, 44 წლის ვ.ტ.-ს ფიზიკური შეურაცხყოფა მიაყენეს, შემდეგ კი, სავარაუდოდ, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ. უგონო მდგომაროებაში მყოფი ვ.ტ. გადაიყვანეს სამედიცინო დაწესებულებაში, სადაც მალევე გარდაიცვალა.

ბრალის დამტკიცების შემთხვევაში ოთხივე დაკავებულს 16-დან 20 წლამდე ვადით თავისუფლების აღკვეთა ემუქრება.

უწყების ცნობით, საქმეზე დამატებითი მტკიცებულებების მოპოვებისა და დანაშაულში მონაწილე სხვა პირთა გამოვლენის მიზნით ტარდება კომპლექსური ოპერატიულ-საგამოძიებო მოქმედებები.

0
თემები:
კრიმინალი საქართველოში