ლაშა ტალახაძე

დასახელდა საქართველოს ძალოსანთა ნაკრების შემადგენლობა მსოფლიო ჩემპიონატზე

76
(განახლებულია 19:36 11.09.2019)
ტაილანდის ქალაქ პატაიაში მსოფლიო ჩემპიონატზე, გარდა მედლებისა, ტოკიოს 2020 წლის ოლიმპიური თამაშების სალიცენზიო ქულებიც გათამაშდება.

თბილისი, 11 სექტემბერი — Sputnik. საქართველოს ძალოსანთა ნაკრების მთავარმა მწვრთნელმა გიორგი ასანიძემ მსოფლიო ჩემპიონატისთვის ნაკრების შემდგენლობა დაასახელა, ნათქვამია ძალოსანთა ეროვნული ფედერაციის განცხადებაში

მსოფლიო ჩემპიონატი ძალოსნობაში ტაილანდის ქალაქ პატაიაში გაიმართება. აღსანიშნავია, რომ ასპარეზობაზე, გარდა მედლებისა, ტოკიოს 2020 წლის ოლიმპიური თამაშების სალიცენზიო ქულებიც გათამაშდება. ძალოსანთა ნაკრები მსოფლიო ჩემპიონატზე 15 სექტემბერს გაემგზავრება, ასპარეზობა კი 17 სექტემბერს დაიწყება და 28 სექტემბრამდე გასტანს. 

საქართველოს ძალოსანთა ნაკრების სია ასე გამოიყურება: შოთა მიშველიძე, გოდერძი ბერდელიძე, გოგა ჩხეიძე, კახი ასანიძე, არჩილ მალაყმაძე, რევაზ დავითაძე, ანტონ პლესნოი, ირაკლი ჩხეიძე, გიორგი ჩხეიძე, ლაშა ტალახაძე და ლომია თებიძე (რეზერვი). 

მსოფლიოს წინა ჩემპიონატზე, რომელიც აშხაბადში (თურქმენეთი) ჩატარდა, საქართველოს ნაკრებმა ორი მედალი მოიპოვა: ბრინჯაოს პრიზიორი რევაზ დავითაძე გახდა, ხოლო ოქროს მედალი და ზედიზედ მესამედ ჩემპიონის ტიტული ლაშა ტალახაძეს ერგო.

76
თემები:
სპორტის ამბები (825)
უეფას ევროპის ლიგა. თბილისის „ლოკომოტივი“ - მოსკოვის „დინამო“

თბილისის „ლოკომოტივმა“ და „დინამომ“ უეფას „ევროპა ლიგაში“ ასპარეზობა დაასრულეს

83
(განახლებულია 13:28 25.09.2020)
„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ.

თბილისი, 24 სექტემბერი — Sputnik. თბილისის საფეხბურთო კლუბებმა „ლოკომოტივმა“ და „დინამომ“ უეფას „ევროპა ლიგის“ მესამე საკვალიფიკაციო რაუნდის მატჩები წააგეს.

„ლოკომოტივი“ გასვლაზე დამარცხდა ესპანურ „გრანადასთან“ ანგარიშით 0:2. ორივე გოლი შესვენების შემდეგ გავიდა. 48-ე წუთზე ესპანელები წინ გაიყვანა დარვინ მაჩისმა, ხოლო მსაჯის მიერ დამატებულ დროში ხორხე მოლინამ საბოლოო ანგარიში გააფორმა. აღსანიშნავია, რომ „რკინიგზელები“ მეორე ტაიმის შუა პერიოდიდან უმცირესობაში აღმოჩნდნენ, რადგან მეორე ყვითელი ბარათის გამო მოედნიდან გიორგი გაბაძე გააძევეს.

რაც შეეხება „დინამოს“, თბილისურმა კლუბმა გამანადგურებელი მარცხი განიცადა – ფარერების კუნძულების ჩემპიონმა „კლაქსვიკმა“ მას 6:1 მოუგო. შეხვედრის გმირი გახდა თავდამსხმელი პოლ კლეტსკარდი, რომელმაც ჰეტ-ტრიკი შეასრულა. „დინამოელთა“ მხრიდან პრესტიჟის გოლი ჟოზე ვიტორმა გაიტანა.

„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ. მანამდე უეფას „ევროპა ლიგის“ პირველივე საკვალიფიკაციო რაუნდში თბილისის „საბურთალო“ კვიპროსის „აპოლონთან“ 1:5 დამარცხდა, ხოლო ბათუმის „დინამო“ – ისრაელის „ჰაპოელთან“ (0:3).

83
თემები:
სპორტის ამბები (825)
შოთა არველაძემ „ფახთაქორი“ აზიის ჩემპიონთა ლიგის პლეი-ოფში გაიყვანა

არველაძემ „ფახთაქორი“ აზიის ჩემპიონთა ლიგის პლეი-ოფში გაიყვანა

58
(განახლებულია 21:46 24.09.2020)
კლუბის მწვრთნელი მატჩს ვერ დაესწრო, რადგან ქართველ სპეციალისტს მატჩის წინა დღეს კორონავირუსი დაუდგინდა.

თბილისი, 23 სექტემბერი — Sputnik. ტაშკენტის „ფახთაქორი“, რომლის მთავარი მწვრთნელი ქართველი სპეციალისტი შოთა არველაძეა, პირველად 10 წლის მანძილზე აზიის ჩემპიონთა ლიგის პლეი-ოფში გავიდა.

ჯგუფური ეტაპის ბოლო მატჩში „ფახთაქორმა“ გასვლაზე მოუგო ირანის „პადიდე ჰორასანს“ 1:0 და 11 ქულით კვარტეტში პირველი ადგილი დაიკავა.

თავად არველაძე მატჩს ვერ დაესწრო, რადგან ქართველ სპეციალისტს მატჩის წინა დღეს კორონავირუსი დაუდგინეს და მომდევნო ორ კვირას ის კარანტინში გაატარებს.

გამარჯვების შემდეგ „ფახთაქორის“ მოთამაშეებმა მხარი დაუჭირეს თავის მთავარ მწვრთნელს და გადაიღეს საერთო ფოტო, რომელზეც ეჭირათ მაისური, რომელსაც არველაძის გვარი ეწერა.

მერვედფინალურ მატჩში, რომელიც 26 სექტემბერს გაიმართება, გუნდი ირანის „ესტეგლალს“ შეხვდება.

არველაძემ მწვრთნელის კარიერა 2008 წელს დაიწყო, როდესაც ჰოლანდიურ AZ-ში ლუი ვან გაალის ასისტენტი გახდა. ორი წლის შემდეგ ქართველი სპეციალისტი გაემგზავრა თურქეთში, სადაც 2010-დან 2015 წლამდე სამ კლუბთან - „ქაისერისპორთან“, „კასიმფაშასთან“ და „ტრაბზონსპორთან“ იმუშავა. მომდევნო ეტაპი არველაძის კარიერაში იყო ისრაელის „მაკაბი“, 2017 წლიდან კი ის „ფახთაქორს“ ჩაუდგა სათავეში.

ქართველი სპეციალისტის ხელმძღვანელობით ტაშკენტის კლუბმა 2017 წლის ჩემპიონატის ბრინჯაო მოიპოვა, 2018 წელს ქვეყნის ვიცე-ჩემპიონი გახდა და გასულ წელს უზბეკეთის ჩემპიონიც გახდა.

58
თემები:
COVID-19-ის პანდემია მსოფლიოში
სასწრაფო დახმარების მანქანა

კახეთში რთველში მიმავალი მიკროავტობუსი გადატრიალდა: დაშავებულია 11 ადამიანი

0
(განახლებულია 21:36 25.09.2020)
სასწრაფო-სამედიცინო დახმარების ბრიგადებმა დაშავებულები  ყვარლისა და თელავის კლინიკებში, მცირეწლოვანი ბავშვი კი თბილისში გადაიყვანეს.

თბილისი, 25 სექტემბერი - Sputnik. თელავი-ყვარლის საავტომობილო გზაზე ავტოსაგზაო შემთხვევის შედეგად 11 ადამიანი, მათ შორის ერთი ოთხი წლის ბავშვი დაშავდა, იუწყება პირველი არხი.

გავრცელებული ინფორმაციით, სამარშრუტო ტაქსი, რომელსაც თელავის მუნიციპალიტეტის სოფელ ყარაჯალიდან ყვარელში რთველში ადამიანები გადაჰყავდა,  ცემენტის ბოგირს შეეჯახა და გადატრიალდა. მანქანაში მყოფმა მგზავრებმა სხვადასხვა სახის დაზიანებები მიიღეს.

სასწრაფო–სამედიცინო დახმარების ბრიგადებმა დაშავებულები ყვარლისა და თელავის კლინიკებში გადაიყვანეს, მცირეწლოვანი ბავშვი კი თბილისში მოათავსეს. თელავის რეფერალურ საავადმყოფოში  რვა ადამიანია მოთავსებული, ორ დაშავებულს ქირურგიული ოპერაცია ჩაუტარდა და რეანიმაციულ განყოფილებაში იმყოფება.

სავარაუდოდ, მანქანას სავალი ნაწილი დაუზიანდა და მძღოლმა საჭე ვერ დაიმორჩილა.

მომხდარ ფაქტზე გამოძიება საქართველოს სსკ-ის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დრღვევას გულისხმობს.

0
თემები:
შემთხვევები საქართველოში