მამუკა გორგოძე ქომაგებთან ერთად

ლეგენდარული მამუკა გორგოძე მსოფლიო-2019-ის წინ ნაკრებში ბრუნდება

65
(განახლებულია 18:37 31.08.2019)
ამჟამად მიმდინარეობს მოლაპარაკებები კლუბთან, რომელშიც ქართველი ბორჯღალოსანი თამაშობს

თბილისი, 31 აგვისტო — Sputnik. საქართველოს მორაგბეთა ნაკრების ლეგენდარული კაპიტანი მამუკა გორგოძე მონაწილეობას მიიღებს მსოფლიო ჩემპიონატში, დაწერა პრემიერ-მინისტრმა მამუკა ბახტაძემ Facebook-ის საკუთარ გვერდზე.

„მეგობრებო, მრავალრიცხოვან გულშემატკივართა თხოვნა იყო, რომ მამუკა გორგოძეს მიეღო მონაწილეობა რაგბის 2019 წლის მსოფლიო ჩემპიონატზე. ამას დაემატა სამწუხარო ფაქტი, რომ ნაკრების რამდენიმე წამყვანი მოთამაშე მძიმედ დაშავდა. მამუკას ვესაუბრე ამ საკითხებზე 2 დღის წინ, სადაც მან თანხმობა მითხრა მსოფლიო ჩემპიონატში მონაწილეობაზე“, - დაწერა ბახტაძემ.

მან ყოფილ კაპიტანს ამ გადაწყვეტილებისთვის მადლობა გადაუხადა და აღნიშნა, რომ ამჟამად მის კლუბთან საბოლოო დეტალების შესათანხმებლად მოლაპარაკებები მიმდინარეობს.

ადრე ნაკრების მთავარმა მწვრთნელმა მილტონ ჰეიგმა ისაუბრა გორგოძის შესაძლო დაბრუნების შესახებ. ეს თემა აქტუალური მას შემდეგ გახდა, რაც საბოლოოდ გაირკვა, რომ გიორგი ცუცქერიძე მსოფლიო ჩემპიონატზე ტრავმის გამო ვერ მიდის.

ჰეიგმა აღნიშნა, რომ სამწვრთნელო შტაბი ამ საკითხს შოტლანდიასთან მატჩის შემდეგ განიხილავს.

შოტლანდიასთან გასამართი ტესტ-მატჩი არის მოსამზადებელი პროცესის ნაწილი მსოფლიო ჩემპიონატისთვის, რომელიც წელს იაპონიაში 20 სექტემბრიდან 2 ნოემბრამდე გაიმართება. პირველ ტესტ-მატჩში, რომელიც თბილისში სამი დღის წინ შემდგა, საქართველომ სამხრეთ-აფრიკულ კლუბ „საუთერნ კინგსს“ ანგარიშით 24:20 მოუგო. დასკვნით ტესტ-მატჩს „ჯვაროსნები“ კვლავ შოტლანდიის წინააღმდეგ ედინბურგში 6 სექტემბერს გამართავენ.

საქართველოს მორაგბეთა ნაკრების კაპიტანმა და უცვლელმა ლიდერმა მამუკა გორგოძემ ეროვნულ ნაკრებში კარიერის დასრულების შესახებ 2017 წლის მაისში განაცხადა.

Капитан сборной Грузии по регби Мамука Горгодзе
© facebook.com/OfficialGeorgiaRugby.
მამუკა გორგოძე

გორგოძე უსაყვარლესი მოთამაშეა რაგბის ქომაგების, რომლებიც მთელი კარიერის განმავლობაში მხარს უჭერდნენ და მის გვერდით იდგნენ. თავის კუმირს სწორედ მათ შეარქვეს მეტსახელი — გორგოძილა!

საქართველოს ნაკრების შემადგენლობაში გორგოძემ 71 მატჩი ჩაატარა, რომელთაგან 13-ში კაპიტანი იყო. მისი დებიუტი 2003 წელს ესპანეთის წინააღმდეგ მატჩში შედგა, როდესაც ის შეცვლაზე გამოვიდა. იმ დროიდან გორგოძეს ქვეყნის მთავარ გუნდში მუდმივად იბარებდნენ.

Капитан сборной Грузии по регби Мамука Горгодзе
© facebook.com/OfficialGeorgiaRugby.
მამუკა გორგოძე

გორგოძე საქართველოს ნაკრების რეკორდსმენი მელელოვეა — მას 26 ლელო აქვს გატანილი. საქართველოს საუკეთესო მორაგბე ექვსჯერ გახდა —2008, 2009, 2011, 2013, 2015 და 2016 წლებში, 2011 წელს კი ის საქართველოს საუკეთესო სპორტსმენად აღიარეს.

მონაწილეობა აქვს მიღებული სამ მსოფლიო თასზე — 2007, 2011 და 2015 წლებში. 4-ჯერ გახდა მატჩის საუკეთესო მოთამაშე: 2011 წელს ინგლისთან და რუმინეთთან, 2015 წელს ტონგასთან და ახალ ზელანდიასთან.

2015 წლის მსოფლიო თასზე საქართველომ ისტორიულ შედეგს მიაღწია — ტონგასთან (17:10) და ნამიბიასთან (17:16) თამაშების მოგებით 2019 წლის მსოფლიო თასის საგზური ავტომატურად მოიპოვა. იმ ნაკრების კაპიტანი გორგოძე იყო.

65
თემები:
სპორტის ამბები (732)
ჯანო ანანიძე

ჯანო ანანიძემ „ანორთოსისი“ დატოვა სად გააგრძელებს კარიერას ქართველი ნახევარმცველი

78
(განახლებულია 17:29 15.07.2020)
ქართველი ფეხბურთელი კვიპროსის „ანორთოსისში“ მოსკოვის „სპარტაკიდან“ მიმდინარე წლის იანვარში თავისუფალი აგენტის სტატუსით გადავიდა.

თბილისი, 15 ივლისი – Sputnik. საქართველოს ფეხბურთის ნაკრების ნახევარმცველმა ჯანო ანანიძემ კვიპროსის გუნდი „ანორთოსისი“ დატოვა. ამის შესახებ ფეხბურთელმა გამოცემა sport24-ს განუცხადა.

ჯანო ანანიძემ მატჩის დროს მეტოქეს პირველადი დახმარება აღმოუჩინა>>

როგორც 27 წლის ანანიძემ გამოცემასთან საუბრისას აღნიშნა, ის ახლა თბილისში იმყოფება და სხვა გუნდებისგან წინადადებებს ელოდება.

უფრო ადრე მასმედიაში გაჩნდა ინფორმაცია, რომ ანანიძე, შესაძლოა, რუსეთში დაბრუნდეს და „სოჭში“, „როსტოვში“ ან „როტორში“ ითამაშოს, თუმცა ეს ინფორმაცია ჯერჯერობით არ დასტურდება.

ქართველი ნახევარმცველი კვიპროსის „ანორთოსისში“ მოსკოვის „სპარტაკიდან“ ამ წლის იანვარში თავისუფალი აგენტის სტატუსით გადავიდა. კლუბის შემადგენლობაში ანანიძემ სულ ექვსი მატჩი ჩაატარა და ამ მატჩებში თავი არ გამოუჩენია.

თავისი კარიერის უმეტესი ნაწილი – 10 წელი ანანიძემ მოსკოვის „სპარტაკში“ გაატარა. ქართველი ფეხბურთელი ასევე გამოდიოდა „როსტოვისა“ და სამარის „კრილია სოვეტოვის“ შემადგენლობაში.

78
თემები:
სპორტის ამბები (732)
ესპანეთი-რუსეთის მატჩი. 2018 მსოფლიო ჩემპიონატი

ქართველი ფეხბურთელი ესპანეთის ჩემპიონატში 12 წლის განმავლობაში პირველად ასპარეზობს

83
„ლევანტეში“, სადაც ქართველი ფეხბურთელი გასული წლის ივლისში გადავიდა, ის დუბლში ასპარეზობს, თუმცა ძირითადი გუნდის განაცხადში არაერთხელ მოხვდა.

თბილისი, 13 ივლისი - Sputnik. ნახევარმცველი გიორგი ქოჩორაშვილი 12 წლის განმავლობაში პირველი ქართველი ფეხბურთელი გახდა, რომელმაც ესპანეთის ჩემპიონატის „პრიმერა-დივიზიონის“ მატჩში ითამაშა.

ქოჩორაშვილი 36-ე ტურის მატჩში ბილბაოს „ატლეტიკოს“ წინააღმდეგ „ლევანტეს“ შემადგენლობაში 89-ე წუთზე შეცვლაზე გამოვიდა. 21 წლის ქართველმა ფეხბურთელმა რუბენ როჩინა შეცვალა. მიუხედავად იმისა, რომ ქოჩორაშვილმა მოედანზე დამატებითი დროის ჩათვლით სულ 6 წუთი დაჰყო, „ატლეტიკოს“ ფეხბურთელებისთვის ტექნიკური მოთამაშე შეუმჩნეველი არ დარჩენილა.

რაც შეეხება უშუალოდ მატჩს, „ლევანტემ“ ანგარიშით 1:2 წააგო.

ბოლო ქართველი ფეხბურთელი, რომელიც ესპანეთის ჩემპიონატის უმაღლეს დივიზიონში ასპარეზობდა, შოთა არველაძე იყო. 2007/2008 წლების სეზონზე „პახტაკორის“ ამჟამინდელი მთავარი მწვრთნელი სწორედ „ლევანტეს“ ფერებს იცავდა.

„დიდი ხნის პაუზის შემდეგ, გამახარა ქართველის გამოჩენამ ლა ლიგაში. თანაც იმ გუნდში, სადაც კარიერა დავასრულე. საუკეთესოს ვუსურვებ გიორგის ლევანტეში და იმედი მაქვს, მომდევნო სეზონში კიდევ უფრო მეტ წარმატებას მიაღწევს“, - დაწერა არველაძემ თავის Facebook-გვერდზე.

ქოჩორაშვილმა კარიერა „საბურთალოს“ აკადემიაში დაიწყო, რომლის შემდეგ ესპანურ კლუბ „პერალადაში“ გადავიდა. გასული წლის ივლისში ქართველი ნახევარმცველი შეუერთდა „ლევანტეს“, სადაც დუბლში ასპარეზობდა, თუმცა ძირითადი გუნდის განაცხადში არაერთხელ მოხვდა.

ესპანეთის ჩემპიონატის დასრულებამდე ორი ტურით ადრე „ლევანტე“ 43 ქულით მე-12 ადგილს იკავებს.

 

83
თემები:
სპორტის ამბები (732)
დიეტა

დუკანის დიეტის საფრთხეები: ნუტრიციოლოგი საშიშ უკუჩვენებებსა და აკრძალვებს სახელებს

0
(განახლებულია 14:47 16.07.2020)
ცნობილი ნუტრიციოლოგის თქმით, დუკანის დიეტის დაცვა, სხვა პრობლემებთან ერთად, ზოგ შემთხვევაში ჰორმონალურ მოშლასაც იწვევს

თბილისი, 16 ივლისი — Sputnik. პიერ დუკანის პოპულარული დიეტა გარკვეულ შემთხვევებში საზიანოა ჯანმრთელობისთვის და შეუძლია სერიოზული პრობლემები შექმნას, აცხადებს დიეტოლოგების ეროვნული საზოგადოების წევრი, ნუტრიციოლოგი ოლგა დეკერი.

როგორც ცნობილია, დუკანის სისტემის საფუძველი — ეს არის დიდი რაოდენობით ცილების შემცველი საკვების მიღება და ცხიმებისა და ნახშირწლების მინიმუმამდე დაყვანა. ამასთან, დიეტა ითვალისწინებს დიდი რაოდენობით წყლის სმასა და რაციონიდან შაქრის სრულად გამორიცხვას.

დეკერის თქმით, დუკანის დიეტას უკუჩვენება აქვს თირკმელებისა თუ ღვიძლის დაავადებების, ასევე ნივთიერებათა ცვლის დარღვევის, პოდაგრის, ორსულობისა და ძუძუთი კვების დროს.  

„გადაჭარბებული ცილის გამო ორგანიზმში კეტონური სხეულები გამომუშავდება: ისინი თრგუნავს მადას და იწვევს დაღლილობის შეგრძებას, წარმოქმნის უსიამოვნო სუნს პირის ღრუში და ასვე სხეულზე“, — განმარტავს ნუტრიციოლოგი.

მისი თქმით, მიკროელემენტებისა და ვიტამინების მკაფიოდ გამოხატული დეფიციტი პრობლემებს ქმნის არა მარტო გარეგნობის, არამედ ნერვული, გულ–სისხლძარღვთა და საჭმლის მომნელებელი სისტემების მხრივ.

  • „ამან კი შეიძლება ჰორმონალური მოშლა გამოიწვიოს“, — აფრთხილებს დუკანის დიეტის მოყვარულებს ექსპერტი.

გარდა ამისა, დეკერის თქმით, ცხიმების ნაკლებობამ შესაძლოა ადამიანს ნაღვლის ბუშტისა და გაუვალობის პრობლემაც შეუქმნას.

„ამგვარი დიეტის პირობებში ნელდება ნაწლავთა სისტემის მუშაობა და ხდება ორგანიზმის ინტოქსიკაცია“, — განმარტავს მედიკოსი.

სპეციფიკური შემთხვევა: სალა გახდომაში დაგეხმარებათ, თუ...>>

როგორც ნუტრიციოლოგი ამბობს, დუკანის დიეტას ასევე უკუჩვენება აქვს იმ ადამიანებისთვის, რომლებიც გონებრივი სამუშაოთი არიან დაკავებულები, ვინაიდან მათი ტვინი ამ დროს ნახშირწყლების მწვავე დეფიციტს განიცდის.

 

0
თემები:
მსოფლიო და მეცნიერება