ავტორბოლა

ქალები საჭესთან: საქართველოში პირველად გაიმართება ქალების სათავგადასავლო ავტორბოლა

132
(განახლებულია 21:37 21.08.2019)
რბოლაში ქალბატონები მონაწილეობას მიიღებენ მხოლოდ და მხოლოდ საკუთარი სიამოვნებისთვის.

თბილისი, 21 აგვისტო - Sputnik. საერთაშორისო სათავგადასავლო ავტორბოლა (Rally Adventure Georgia) ქალებისთვის, რომლის დროსაც ავტომრბოლელი ქალბატონები პრაქტიკულად მთელ საქართველოს შემოივლიან, ქვეყანაში პირველად ჩატარდება 2019 წლის 13-19 ოქტომბერს.

ღონისძიების მიზანია დამკვიდრებული სტერეოტიპის დამსხვრევა იმის თაობაზე, რომ ქალი საჭესთან სახიფათოა.

საინტერესოა, რომ რალი წამზომის გარეშე ჩატარდება. მთავარი კრიტერიუმი იქნება ფინალურ წერტილამდე მისვლა ყველაზე მოკლე გზით. ამასთან, შეჯიბრების სულისჩამდგმელთა სიტყვებით, მრბოლელი ქალები რალიში მხოლოდ გასართობად მიიღებენ მონაწილეობას.

რბოლის მარშრუტი 1800 კილომეტრს შეადგენს და გადის საქართველოს თითქმის ყველა რეგიონზე.

სისწრაფის მოყვარული ქალბატონები შეჯიბრებას თბილისიდან დაიწყებენ, საიდანაც მარშრუტი მიემართება წალკისკენ, შემდეგ გაივლიან ვარძიას, ახალციხეს, გოდერძის უღელტეხილსა და ბათუმს. ზღვისპირეთიდან გადავლენ ზუგდიდში, იქიდან მესტიაში, მაღალმთიან სოფელ უშგულში, ლენტეხში, წყალტუბოში, გუდაურში, ყაზბეგსა და ხევსურეთში. რბოლა ქვეყნის დედაქალაქში დასრულდება.

შეჯიბრების განმავლობაში მონაწილეები ღამეს გაათევენ სასტუმროებსა ან კარვებში.

ორგანიზატორები აღნიშნავენ: შეჯიბრში მონაწილეობის მისაღებად აუცილებელია გუნდის შემადგენლობაში ქალების ყოფნა. მეორე შესაძლო ვარიანტია - ქალი საჭესთან, ხოლო მამაკაცი - შტურმანად.

ქუთაისელი გოგონას გაბედული იდეა – ტაქსის საჭესთან ქალია>>

ნიშანდობლივია, რომ დარეგისტრირებულ მონაწილეთა უმრავლესობა უცხოელია. რალიში მონაწილეობის სურვილი გამოთქვეს მრბოლელებმა კანადიდან, საფრანგეთიდან, ბელგიიდან, გერმანიიდან და იტალიიდან. რეგისტრაცია შეჯიბრების ოფიციალურ ვებგვერდზე მიმდინარეობს. მონაწილეობა ფასიანია.

უნდა აღინიშნოს, რომ რალი საქველმოქმედო ხასიათისაც იქნება. გზაში შეჯიბრების მონაწილეები სოფლის მოსახლეობას დაურიგებენ ტანსაცმელს, სათამაშოებსა და სხვა ჰუმანიტარულ დახმარებას.

132
თემები:
სპორტის ამბები (725)
საქართვცელოს ოლიმპიური კომიტეტი

ქართველი დეპუტატები მედიას სპორტსმენების მიზანმიმართულ დისკრედიტაციაში ადანაშაულებენ

131
(განახლებულია 00:15 08.07.2020)
ქართველ სპორტსმენებს ქვეყნის წინაშე დიდი დამსახურება აქვთ, ეს კიდევ ერთხელ გაიმეორა ვეტერანმა ძიუდოისტმა, ოლიმპიურმა ჩემპიონმა შოთა ხაბარელმა

თბილისი, 7 ივლისი — Sputnik. საქართველოს პარლამენტის სპორტისა და ახალგაზრდულ საქმეთა კომიტეტის წევრები მიიჩნევენ, რომ მედიაში ქართველი სპორტსმენების მიზანმიმართული დისკრედიტაცია მიმდინარეობს.

როგორც ცნობილმა ძიუდოისტმა, ოლიმპიურმა ჩემპიონმა, ახლა კი პარლამენტის დეპუტატმა შოთა ხაბარელმა პრესკონფერენციაზე აღნიშნა, სპორტსმენებს ხშირად ამკობენ უსიამოვნო ეპითეტებს, რაც მათ სახელს უტეხს და მომავალ თაობებზე ნეგატიურ გავლენას ახდენს.

გიორგი შაქარაშვილის გარდაცვალების საქმე: სასამართლომ 17-ვე ბრალდებული პატიმრობაში დატოვა >>

„მინდა, მივუსამძიმრო გიორგი შაქარაშვილის ოჯახს, მშობლებს, ახლობლებს. მართლაც ძალიან ცუდი რაღაცა მოხდა. არ უნდა მომხდარიყო თავისთავად ცხადია, მაგრამ ეს შეფასება, რასაც ჩვენ ახლა ვხედავთ და ვისმენთ, არანაირად არ ესადაგება იმ ქართველი სპორტსმენების წარმატებას, რომელთაც არაერთხელ გაუთქვეს ქვეყანას სახელი. მინდა, მაგალითისთვის მოგიყვანოთ 2019 წლის ჩვენი სპორტსმენების შედეგები. 1 200 მედალი იქნა მოპოვებული ჩვენი სპორტსმენების მხრიდან. წარმოიდგინეთ, რომ მსოფლიოს ყველა ქვეყნიდან 1 200-ჯერ აიწია საქართველოს დროშა. ეს არის ჩვენი ქვეყნის ცნობადობა, ჩვენი ქვეყნის კიდევ ერთხელ გაცნობა მსოფლიოსთვის. საქართველოში შეტევა ხდება სპორტსმენებზე – იმ ადამიანებზე, რომლებმაც ცნობადი გახადეს ჩვენი ქვეყანა“, – განაცხადა შოთა ხაბარელმა.

მისი თქმით, ახლახან მედიის თავდასხმის ობიექტი გახდა ოლიმპიური ჩემპიონი, ძალოსანი ლაშა ტალახაძე.

„სპორტსმენებს უყვართ თავიანთი ქვეყანა“, - აღნიშნა დეპუტატმა.

კომიტეტის სხვა წევრის, ირაკლი აბუსერიძის თქმით, ნებისმიერი სპორტის სახეობის წარმომადგენელმა, როგორც ნებისმიერი პოლიტიკური ჯგუფის წევრმა, შეიძლება ჩაიდინოს დანაშაული, მაგრამ გამოძიების და სასამართლოს დასრულებამდე არავის აქვს უფლება ისინი დამნაშავეებად შერაცხოს.

„გიორგის ოჯახსაც არ გაუკეთებია ასეთი განცხადება. იმ ხალხს აინტერესებთ, უბედური შემთხვევა იყო თუ მკვლელობა. ამიტომ დაველოდოთ და მე ვთხოვ საზოგადოებას, რომ ერთ ქვაბში ნუ მოვხარშავთ ყველას, სპორტის სახეობას ჩრდილს ნუ მივაყენებთ და დამნაშავეებად ნუ შევრაცხავთ. რომელიღაც ადამიანმა შესაძლოა რაღაც ჩაიდინოს, მაგრამ იმის გამო, რომ მთლიანი ჯგუფი, მთლიანი სახეობა დამნაშავედ შერაცხო, მგონია, უსამართლობაა“, – განაცხადა აბუსერიძემ.

ამ ზაფხულს ორ გახმაურებულ საქმეში - 19 წლის გიორგი შაქარაშვილის გარდაცვალების და ბათუმელი ახალგაზრდის ცემის საქმეებში ერთბაშად ექვსი სპორტსმენი ფიგურირებს.

შაქარაშვილის დაღუპვის საქმე: პოლიციამ ტრაგიკული წვეულების მასპინძელი გოგონა გამოკითხა >>

შაქარაშვილის საქმეში საუბარია სამ მორაგბეზე და ერთ ძიუდოისტზე, ხოლო ბათუმის საქმეში ფიგურირებენ იური და ლუკა ლომაძეები - ერთ-ერთია მოჭიდავე და ევროპის ჩემპიონატის პრიზიორი, მეორე - ფეხბურთელია,

სპორტსმენების მიმართ აღძრულია სისხლის სამართლის საქმე „თავისუფლების უკანონო აღკვეთის“ და „პირთა ჯგუფის მიერ ჩადენილი ძალადობის“ მუხლებით.

131
თემები:
გახმაურებული სასამართლო პროცესები
მატჩი რაგბიში: საქართველო-რუსეთი

როდის გაიმართება საქართველო-რუსეთის მატჩი რაგბიში

68
(განახლებულია 21:56 07.07.2020)
მატჩი საქართველოსა და რუსეთის ნაკრებებს შორის ამ წლის 14 მარტს უნდა გამართულიყო, თუმცა COVID-19-ის პანდემიის გამო ის გაურკვეველი ვადით გადაიდო.

თბილისი, 7 ივლისი — Sputnik. საქართველოსა და რუსეთის ეროვნული ნაკრებების მატჩი რაგბიში ევროპის ერთა თასის დასკვნითი ტურის ფარგლებში შეიძლება 31 ოქტომბერს გაიმართოს. ამის შესახებ რუსეთის რაგბის ფედერაციის დირექტორმა სერგეი მარკოვმა განაცხადა.

„ოფიციალური გადაწყვეტილება ჯერჯერობით არ არის, მაგრამ Rugby Europe-ს აქვს წინასწარი პროექტი, რომლის თანახმად ევროპის ჩემპიონატის მატჩები 31 ოქტომბერს გაიმართება. მაგრამ ყველაფერი Rugby Europe-ის გადაწყვეტილებაზეა დამოკიდებული. Rugby Europe ერთი კვირის წინ შეიკრიბა, მაგრამ ჯერ არაფერი გადაუწყვეტია. როგორც ჩანს, გადაწყვეტილებას ივლისის შუა რიცხვებში მიიღებენ", – განუცხადა მარკოვმა РИА Новости-ს.

თავდაპირველად მატჩი საქართველოსა და რუსეთის ნაკრებებს შორის მიმდინარე წლის 14 მარტს უნდა გამართულიყო, თუმცა COVID-19-ის პანდემიის გამო ის გაურკვეველი ვადით გადაიდო. სატურნირო თვალსაზრისით ქართული გუნდისთვის ამ შეხვედრას არანაირი მნიშვნელობა არ აქვს, რადგან ის ევროპის ერთა თასის გამარჯვებული ვადამდე გახდა – ზედიზედ მესამედ და მეთორმეტედ ისტორიის განმავლობაში.

საქართველოსა და რუსეთის ნაკრებები რაგბიში ერთმანეთს 23-ჯერ შეხვდნენ. რუსეთმა ერთადერთხელ გაიმარჯვა ქართველ მორაგბეებთან, ერთხელ თამაში ფრედ დასრულდა, დანარჩენ შემთხვევებში კი შეხვედრები საქართველოს ნაკრების გამარჯვებით დასრულდა.

საქართველოსა და რუსეთის ნაკრებების დაპირისპირების საერთო ანგარიშია 579:260.

68
თემები:
სპორტის ამბები (725)
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0