ზურიკო დავითაშვილი

„რუბინის“ ქართველი ფეხბურთელი: მთავარია გუნდმა გაიმარჯვოს

75
(განახლებულია 20:32 18.08.2019)
ქართველი ლეგიონერი უკეთესი თამაშის პირობას დებს

თბილისი, 18 აგვისტო — Sputnik.  ყაზანის „რუბინის“ ქართველმა ფეხბურთელმა, 18 წლის ზურიკო დავითაშვილმა გუნდის სახელით მიმდინარე სეზონზე ექვსი მატჩი ჩაატარა.

პრემიერ–ლიგის მეექვსე ტურის ფარგლებში კვირას გამართულ მატჩში „რუბინმა“ „არსენალი“ ანგარიშით 1:0 დაამარცხა. პირველ ტაიმში დავითაშვილმა „არსენალის“ კარზე შეტევა განახორციელა.

 „ვუმიზნებდი და მეგონა, რომ გავიტანდი, მაგრამ ძელს მოხვდა. უნდა ვიმუშავო მეტი, რომ კარში მოვახვედრო ბურთი. რა თქმა უნდა, გოლის გატანა მინდა, მაგრამ მთავარია, რომ გუნდმა გაიმარჯვოს. ჩვენ ერთი ოჯახი ვართ. ყველა ერთად ვხარობთ“, – განაცხადა ჟურნალისტებთან მოთამაშემ. 

მისი განცხადებით, ახლა რუსულ ენას სწავლობს და ერთი თვის შემდეგ თარჯიმნის გარეშე მოახერხებს ინტერვიუს მიცემას.

 „რუსულ ენას ვსწავლობ. ჯერჯერობით ჟურნალისტებთან საუბარი მერიდება. თვენახევრის შემდეგ ინტერვიუს რუსულ ენაზე თავისუფლად მოგცემთ“, – განაცხადა დავითაშვილმა.

 „რუბინსა“ და 18 წლის ქართველ ნახევარმცველს შორის კონტრაქტის ვადა ერთწლიანია. ყაზანელების შემადგენლობაში იგი 11 ნომრით ასპარეზობს. „რუბინი“–„ახმატის“ შეხვედრის შედეგებით ქართველი ფეხბურთელი ყაზანელთა შემადგენლობაში საუკეთესო მოთამაშედ აღიარეს.

 დავითაშვილის გარდა „რუბინში“ კიდევ სამი ქართველი თამაშობს – ხვიჩა კვარაცხელია, ბექა მიქელთაძე და ნიკა ყიფიანი.

75
თემები:
სპორტის ამბები (731)
ესპანეთი-რუსეთის მატჩი. 2018 მსოფლიო ჩემპიონატი

ქართველი ფეხბურთელი ესპანეთის ჩემპიონატში 12 წლის განმავლობაში პირველად ასპარეზობს

79
„ლევანტეში“, სადაც ქართველი ფეხბურთელი გასული წლის ივლისში გადავიდა, ის დუბლში ასპარეზობს, თუმცა ძირითადი გუნდის განაცხადში არაერთხელ მოხვდა.

თბილისი, 13 ივლისი - Sputnik. ნახევარმცველი გიორგი ქოჩორაშვილი 12 წლის განმავლობაში პირველი ქართველი ფეხბურთელი გახდა, რომელმაც ესპანეთის ჩემპიონატის „პრიმერა-დივიზიონის“ მატჩში ითამაშა.

ქოჩორაშვილი 36-ე ტურის მატჩში ბილბაოს „ატლეტიკოს“ წინააღმდეგ „ლევანტეს“ შემადგენლობაში 89-ე წუთზე შეცვლაზე გამოვიდა. 21 წლის ქართველმა ფეხბურთელმა რუბენ როჩინა შეცვალა. მიუხედავად იმისა, რომ ქოჩორაშვილმა მოედანზე დამატებითი დროის ჩათვლით სულ 6 წუთი დაჰყო, „ატლეტიკოს“ ფეხბურთელებისთვის ტექნიკური მოთამაშე შეუმჩნეველი არ დარჩენილა.

რაც შეეხება უშუალოდ მატჩს, „ლევანტემ“ ანგარიშით 1:2 წააგო.

ბოლო ქართველი ფეხბურთელი, რომელიც ესპანეთის ჩემპიონატის უმაღლეს დივიზიონში ასპარეზობდა, შოთა არველაძე იყო. 2007/2008 წლების სეზონზე „პახტაკორის“ ამჟამინდელი მთავარი მწვრთნელი სწორედ „ლევანტეს“ ფერებს იცავდა.

„დიდი ხნის პაუზის შემდეგ, გამახარა ქართველის გამოჩენამ ლა ლიგაში. თანაც იმ გუნდში, სადაც კარიერა დავასრულე. საუკეთესოს ვუსურვებ გიორგის ლევანტეში და იმედი მაქვს, მომდევნო სეზონში კიდევ უფრო მეტ წარმატებას მიაღწევს“, - დაწერა არველაძემ თავის Facebook-გვერდზე.

ქოჩორაშვილმა კარიერა „საბურთალოს“ აკადემიაში დაიწყო, რომლის შემდეგ ესპანურ კლუბ „პერალადაში“ გადავიდა. გასული წლის ივლისში ქართველი ნახევარმცველი შეუერთდა „ლევანტეს“, სადაც დუბლში ასპარეზობდა, თუმცა ძირითადი გუნდის განაცხადში არაერთხელ მოხვდა.

ესპანეთის ჩემპიონატის დასრულებამდე ორი ტურით ადრე „ლევანტე“ 43 ქულით მე-12 ადგილს იკავებს.

 

79
თემები:
სპორტის ამბები (731)
ვალერიან გვილია შეტევისას

გამარჯვებულის „ლეკური“ ქართველი ფეხბურთელი პოლონეთის ჩემპიონია

60
(განახლებულია 21:21 13.07.2020)
ქართველმა ნახევარმცველმა „ლეგიის“ შემადგენლობაში ჩატარებულ 47 მატჩში 11 გოლი გაიტანა და ცხრა შედეგიანი გადაცემა გააკეთა.

თბილისი, 13 ივლისი – Sputnik. საქართველოს ფეხბურთის ნაკრების შემტევი ნახევარმცველი ვაკო გვილია ვარშავის „ლეგიის“ შემადგენლობაში პოლონეთის ჩემპიონი გახდა.

„ლეგიამ“ „კრაკოვს“ 2:0 სძლია. პირველი გოლის ავტორი ტომაშ პეკჰარტი იყო, ხოლო მატჩის საბოლოო ანგარიში 75-ე წუთზე გვილიამ დაადგინა, რის შემდეგაც მოედანზე „ლეკურიც“ იცეკვა.

„ჩემპიონები ვართ! „ლეგიას“ ჩემპიონობა – ეს მთელი წლის განმავლობაში გაძლიერებული და დაძაბული მუშაობის შედეგია. კარგ თუ ცუდ დროს ყოველთვის ერთად ვიყავით, მზად ვიყავით ერთმანეთის მხარდასაჭერად. და, რაც მთავარია, არასდროს ვნებდებოდით. ამ ყველაფერს მნიშვნელობა აქვს! მადლობა ყველას, ვინც ყოველთვის მხარს გვიჭერდა!“ – დაწერა გვილიამ გამარჯვების შემდეგ თავის Instagram-ზე.

გვილიასთვის ეს სეზონი საკმაოდ წარმატებული იყო. მან „ლეგიის“ შემადგენლობაში ყველა ტურნირზე 11 გოლი გაიტანა, გააკეთა ცხრა შედეგიანი გადაცემა. ეს 26 წლის ფეხბურთელის საუკეთესო მაჩვენებელია კარიერის განმავლობაში. ქართველი ნახევარმცველი ტურის სიმბოლურ ნაკრებში რამდენჯერმე მოხვდა, ასევე რამდენჯერმე გახდა მატჩის საუკეთესო მოთამაშე.

გვილია „ლეგიაში“ გასული წლის ზაფხულში შვეიცარიის „ლუცერნიდან“ გადავიდა. ის ასევე თამაშობდა ბელარუსულ გუნდებში „ბატე“ და „მინსკი“, უკრაინის „მეტალურგში“ და პოლონეთის „გურნიკში“.

60
თემები:
სპორტის ამბები (731)

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0