საბურთალო – არარატ–არმენია

„საბურთალომ“ „არარატ–არმენიასთან" წააგო და ევროპის ლიგას გამოეთიშა

106
(განახლებულია 08:40 15.08.2019)
„საბურთალო“ ზედიზედ მესამედ დამარცხდა საკუთარ მოედანზე ევროთასის გათამაშებაში

თბილისი, 14 აგვისტო – Sputnik. თბილისის საფეხბურთო კლუბმა „საბურთალო“ „არარატ–არმენიასთან“ უეფას ევროპის ლიგის მესამე საკვალიფიკაციო რაუნდის საპასუხო მატჩში საკუთარ მოედანზე 0:2 წააგო და ტურნირზე გამოსვლა დაასრულა. პირველი მატჩი ერევანში 2:1 დასრულდა ქართული გუნდის სასარგებლოდ, მაგრამ ორი შეხვედრის შედეგად სომხურმა კლუბმა 3:2 გაიმარჯვა.

სტუმრებმა პირველი გოლი დასაწყისში – მეათე წუთზე გაიტანეს, რაც ქართველების ცენტრალური მცველების „დამსახურებას“ შეიძლება მივაწეროთ.

ამ გოლის შემდეგ „არარატ–არმენიამ" ინიციატივა მასპინძლებს გადასცა, მაგრამ, ფლობდა რა ტერიტორიულ უპირატესობას, „საბურთალომ“ გოლის გატანა მაინც ვერ შეძლო.

შესვენების შემდეგ მიხეილ მესხის სახელობის სტადიონზე პირველი ტაიმის მსგავსი სიტუაცია განვითარდა – „საბურთალო“ უფრო მეტად ფლობდა ბურთს, ხოლო ერევნის კლუბი კონტრშეტევებზე ამახვილებდა ყურადღებას. ამან შედეგი გამოიღო 67–ე წუთზე – დაინიშნა 11–მეტრიანი საჯარიმო დარტყმა და დაფიქსირდა მატჩის საბოლოო ანგარიში 2:0.

„საბურთალოს“ მთავარმა მწვრთნელმა გიორგი ჭიაბრიშვილმა მატჩისშემდგომ პრესკონფერენციაზე წაგებაზე პასუხისმგებლობა საკუთარ თავზე აიღო.

ეს ზედიზედ მესამე მარცხი იყო ქართული კლუბისთვის. ამ წაგებით „საბურთალო“ ევროპის თასის გათამაშებას გამოეთიშა.

ხვალ, 15 აგვისტოს ევროპის ლიგის ამავე სტადიაზე საპასუხო საშინაო მატჩს გამართავს თბილისის „დინამო“. თამაშს უფრო ფორმალური ხასიათი ექნება. ერთი კვირის წინ „დინამომ“ ჰოლანდიის „ფეინოორდთან“ 0:4 წააგო.

ამგვარად, შეიძლება ჩაითვალოს, რომ ქართული კლუბებისთვის ევროთასის ამჟამინდელი სეზონი დამთავრებულია.

106
თემები:
სპორტის ამბები (697)
მერაბ შარიქაძე

საქართველოს მორაგბეთა ნაკრების კაპიტანი კლუბის გარეშე დარჩა

33
(განახლებულია 22:15 04.06.2020)
როდესაც გაზაფხულის დასაწყისში პანდემიის გამო საყოველთაო თვითიზოლაცია დაიწყო, მორაგბემ გუნდის დატოვების გადაწყვეტილება მიიღო

თბილისი, 4 ივნისი — Sputnik. საქართველოს მორაგბეთა ნაკრების კაპიტანმა მერაბ შარიქაძემ არ გააგრძელა კონტრაქტი კლუბ „ორიაკთან“ (Aurillac), რომელიც მეორე ფრანგულ დივიზიონში (Pro D2) ასპარეზობს და ის ამჟამად ახალი გუნდის ძიებაშია. ამის შესახებ განცხადება „ორიაკის“ ოფიციალურ Facebook-გვერდზე გავრცელდა.

„გვსურს მადლობა გადავუხადოთ საქართველოს ნაკრების კაპიტან მერაბ შარიქაძეს, რომელმაც ჩენი გუნდის შემადგენლობაში ექვსი სეზონი გაატარა და შემდგომ კარიერაში წარმატებას ვუსურვებთ“, - ნათქვამია განცხადებაში.

აღსანიშნავია, რომ 27 წლის შარიქაძემ „ორიაკის“ დატოვების გადაწყვეტილება ჯერ კიდევ გაზაფხულის დასაწყისში მიიღო, როდესაც COVID-19-ის პანდემიის გამო საყოველთაო თვითიზოლაცია დაიწყო.

„ჯერჯერობით არ ვიცი, სად გავაგრძელებ კარიერას. პანდემიის გამოცხადებამდე იყო რამდენიმე ვარიანტი, მაგრამ ახლა ყველაფერი შეჩერდა, არავინ იცის, როდის განახლდება ჩემპიონატები, კლუბები ფრთხილობენ. ძებნა გრძელდება, მაგრამ ეს კომპლექსური საკითხია, და ჩემი ტრანსფერის ბედი ეროვნული ნაკრების მწვრთნელებთან და ექიმებთან შეთანხმებულად გადაწყდება“, - განაცხადა შარიქაძემ გამოცემა rugger.ingo-სთან ინტერვიუში.

ამ დროისათვის შარიქაძე მუხლებზე ჩატარებული ოპერაციების შემდეგ რეაბილიტაციას გადის. მორაგბეს მყესები დაუზიანდა შარშან, იაპონიაში გამართული მსოფლიო თასის დროს.

რა წესები უნდა დაიცვან სპორტსმენებმა - შემუშავდა ახალი პროტოკოლი >>

„ორიაკში“ ჩატარებული ექვსი სეზონის განმავლობაში შარიქაძემ კლუბის შემადგენლობაში 77 მატჩი გამართა და ცხრა შედეგიანი გადაცემის ავტორი გახდა.

საქართველოს ნაკრების შემადგენლობაში შარიქაძემ გამართა 66 მატჩი (აქედან 64 სასტარტო შემადგენლობაში) და 62 ქულა დააგროვა.

33
თემები:
სპორტის ამბები (697)
დინამო თბილისი

საქართველოს ჩემპიონატი ფეხბურთში შეცვლილი ფორმატით და გულშემატკივრის გარეშე

26
(განახლებულია 21:32 04.06.2020)
ეროვნული ლიგის ჩემპიონატი შემცირებული სქემით ჩატარდება – თავიდან დაგეგმილი 36 ტურის ნაცვლად კლუბები ორ წრედ 18 ტურს ჩაატარებენ.

თბილისი, 4 ივნისი – Sputnik. საქართველოს ფეხბურთის ჩემპიონატის ეროვნული ლიგის ხელმძღვანელობამ ივნისის ბოლოსთვის დაგეგმილი განახლებული ჩემპიონატის კალენდარი შეადგინა – ჩემპიონატი „საბურთალოსა“ და თბილისის „დინამოს“ მატჩით განახლდება.

ორ თბილისურ კლუბს შორის შეხვედრა 25 ივნისს მიხეილ მესხის სახელობის სტადიონზე გაიმართება. მატჩის დასაწყისი – 18:00 საათი.

ადრე საქართველოს ფეხბურთის ფედერაციამ (სფფ) ჩემპიონატის 25 ივნისს განახლების შესახებ განაცხადა. ამ ეტაპზე საუბარია მხოლოდ ეროვნული ლიგის ჩემპიონატზე. თუ როდის აიღებს სტარტს ჩემპიონატები დანარჩენ დივიზიონებში, ასაკობრივ ჯგუფებსა და საქართველოს თასზე – ჯერჯერობით უცნობია. 

გარდა ამისა, ეროვნული ლიგის ჩემპიონატი შემცირებული სქემით ჩატარდება – თავიდან დაგეგმილი 36 ტურის (ოთხ წრედ) ნაცვლად, კლუბები ორ წრედ 18 ტურს ჩაატარებენ – ერთმანეთს მხოლოდ ორჯერ დაუპირისპირდებიან – საკუთარ მოედანზე და გასვლით მატჩში. მატჩები საწყის ეტაპზე მაყურებლის გარეშე გაიმართება.

ასევე აღსანიშნავია ის ფაქტი, რომ ყველა ფეხბურთელს კორონავირუსზე ორი ტესტი ჩაუტარდებათ – პირველი ჩემპიონატის განახლებამდე 10 დღით ადრე და მეორე – მატჩის დაწყებამდე.

COVID-19-ის პანდემიის გამო მარტის დასაწყიში საქართველოს ფეხბურთის ფედერაციამ ქვეყანაში ყველა დონეზე საფეხბურთო ჩემპიონატის შეჩერების გადაწყვეტილება მიიღო. ორ ჩატარებული მატჩის შემდეგ ლიდერობს თბილისის „ლოკომოტივი“, რომელსაც ორი გამარჯვება აქვს მოპოვებული.

საქართველოს მოქმედი ჩემპიონი თბილისის „დინამოა“.

26
თემები:
სპორტის ამბები (697)
აქციის ჩახშობა მინეაპოლისში

რუსეთის საგარეო უწყებაში აშშ-ში მიმდინარე პროტესტთან დაკავშირებით კომენტარი გააკეთეს

0
აშშ-ში პროტესტები უკვე მეორე კვირაა მიმდინარეობს და ზოგიერთ ქალაქში არეულობაში და მაროდიორობაში გადაიზარდა

თბილისი, 5 ივნისი - Sputnik. მოსკოვი აკვირდება მოვლენების განვითარებას აშშ-ში, სადაც პოლიციელის მიერ აფროამერიკელი ჯორჯ ფლიოდის მკვლელობის გამო არ ცხრება მასობრივი პროტესტი, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„უკვე მეორე კვირაა მთელს ქვეყანაში მიმდინარეობს მასობრივი გამოსვლები, როგორც გაცხადებულია, პოლიციური ძალადობისა და რასობრივი დისკრიმინაციის წინააღმდეგ. გუშინდელი დღის განმავლობაში დემონსტრაციების ტალღამ გადაუარა 27 შტატს, 200 დასახლებულ პუნქტში კომენდანტის საათი დაწესდა. პოლიციის გარდა, ჩართულია აშშ-ის ეროვნული გვარდიის 20 ათასი სამხედრო მოსამსახურე“, - განაცხადა ზახაროვამ ხუთშაბათს გამართულ ბრიფინგზე.

მისი თქმით, მოსკოვმა საპროტესტო გამოსვლების დროს ამერიკული სამართალდამცავი ორგანოების ქმედებებს ყურადღება მიაქცია.

„აშშ-ის ქალაქებში გადაღებულ მრავალრიცხოვან კადრებზე ყველამ დაინახა, როგორ გამოიყენება მშვიდობიანი დემონსტრანტების წინააღმდეგ ცრემლსადენი გაზი, სხვა სპეცსაშუალებები, ფაქტობრივად უწყვეტად მიმდინარეობს დაპატიმრებები, დაკავებები, მონაწილეების დასაშინებლად გამოიყენებოდა ვერტმფრენები, გამოსვლების და მიტინგების დროს დაშავდნენ სხვადასხვა მედიის წარმომადგენლები, მათ შორის რუსეთის“, - განაცხადა ზახაროვამ.

მან აღნიშნა, რომ მაროდიორობის და სხვა კანონსაწინააღმდეგო ქმედებების აღსაკვეთად განხორციელებული ღონისძიებების დროს ხელისუფლება ამერიკელების მშვიდობიანი პროტესტის უფლებას არ უნდა არღვევდეს.

რა ხდება აშშ-ში

მინეაპოლისსა და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა. მისმა გარდაცვალებამ საზოგადოებაში აღშფოთების ტალღა გამოიწვია.

მინეაპოლისში დაწყებული პროტესტი სხვა შტატებსაც მოედო. ანტიპოლიციური პროტესტმა მოიცვა ასობით ქალაქი, ნიუ-იორკის და ვაშინგტონის ჩათვლით, სადაც მომიტინგეები თეთრ სახლთან იკრიბებიან. ათობით ქალაქში კომენდანტის საათი გამოცხადდა.

მშვიდობიანი მსვლელობები იმართება ასევე ავსტრალიაში, ბრიტანეთში და სხვა ქვეყნებში.

დემონსტრაციების დაწყების შემდეგ სამსახურიდან ოთხი პოლიციელი გაათავისუფლეს, ერთ მათგანს - დერეკ ჩავენს - გაუფრთხილებლობით მკვლელობის ბრალდება წაუყენეს. გამოძიებაში ჩაერთო გამოძიების ფედერალური ბიურო, რომელმაც საქმე პრიორიტეტულად გამოაცხადა. ამჟამად პოლიციის ყოფილი ოფიცერი ჩავენი მინესოტას მკაცრი რეჟიმის ციხეში იმყოფება.

აქტივისტები დანარჩენი სამი პოლიციელის დასჯასაც ითხოვენ, რომლებიც არ ჩაერივნენ მიმდინარე მოვლენებში და ჩავენს ფლოიდის მოკვლის საშუალება მისცეს. მინესოტას გენერალურმა პროკურორმა კიტ ელისონმა განაცხადა, რომ სხვა ბრალდებები შეიძლება „ძალიან მალე“ გამოჩნდეს, თუმცა თარიღი არ დაუზუსტებია.

0
თემები:
მსოფლიო დღეს