ვარდან მინასიანი

„არარატ–არმენიას“ მთავარი მწვრთნელი: თბილისში მატჩი განსხვავებული იქნება

88
(განახლებულია 22:43 13.08.2019)
ვარდან მინასიანის განცხადებით, თბილისში ორივე ტაიმს ერთ დონეზე ჩაატარებენ

თბილისი, 13 აგვისტო – Sputnik.  საფეხბურთო კლუბ „არარატ–არმენიას“ მთავარი მწვრთნელი ვარდან მინასიანი მიიჩნევს, რომ „საბურთალოს“ წინააღმდეგ უეფას ევროპის ლიგის მესამე საკვალიფიკაციო რაუნდის საპასუხო მატჩი ერევანში გამართული მატჩისგან, რომელიც ანგარიშით 1:2 დასრულდა, განსხვავებული იქნება. 

„ერთი კვირის წინ ჩვენ ორი განსხვავებული ტაიმი ჩავატარეთ. პირველში ძალიან კარგად ვითამაშეთ და გოლიც გავიტანეთ. შესვენების შემდეგ კი ვითარება შეიცვალა და ჩვენ მატჩი სამ წუთში წავაგეთ. ასეთი რამ თბილისში არ განმეორდება. ხვალ ორივე ტაიმს ერთ დონეზე ვითამაშებთ“, – განაცხადა მინასიანმა პრესკონფერენციაზე.

ამასთან, მოწინააღმდეგე გუნდის მწვრთნელმა აღნიშნა, რომ „საბურთალო“ გაცილებით უკეთეს სიტუაციაში იმყოფება და არცთუ უბრალო მოწინააღმდეგეა მოთამაშეების შესანიშნავი ნაკრებით.

 „საბურთალოს“ ფეხბურთელები ინდივიდუალური ოსტატობით გამოირჩევიან. შესანიშნავად აკონტროლებენ და მართავენ ბურთს. არ გამიკვირდება, თუ მომავალში მათგან რომელიმე სერიოზულ ევროპულ კლუბში აღმოჩნდება. ერთმნიშვნელოვნად შეიძლება ითქვას, რომ მომავალი თამაში ჩვენთვის და მასპინძლებისთვისაც არ იქნება მარტივი“, – აღნიშნა მინასიანმა.

„საბურთალოსა“ და „არარატ–არმენიას“ შორის მატჩი 14 აგვისტოს თბილისის მიხეილ მესხის სტადიონზე გაიმართება – მატჩის დასაწყისი 20:00 საათზე.

88
თემები:
სპორტის ამბები (945)
ბათუმის ახალი სტადიონი

საქართველო ფეხბურთში ევროპის ახალგაზრდულ ჩემპიონატს უმასპინძლებს

27
2023 წელს გასამართი ევროპის ჩემპიონატის პირველ მატჩს რუმინეთი უმასპინძლებს, ხოლო ფინალური შეხვედრა ბათუმის სტადიონზე გაიმართება.

თბილისი, 3 დეკემბერი - Sputnik. ფეხბურთში 21 წლამდე ნაკრებთა შორის 2023 წლის ევროპის ჩემპიონატს საქართველო და რუმინეთი უმასპინძლებენ. ინფორმაციას UEFA-ს ოფიციალური გვერდი ავრცელებს.

ევროპული ფეხბურთის მმართველმა ორგანომ ეს გადაწყვეტილება 3 დეკემბერს გამართულ აღმასრულებელი კომიტეტის სხდომაზე მიიღო.

აღნიშნულ ჩემპიონატზე 16 ევროპული ნაკრები ოთხ ქვეჯგუფში გადანაწილდება. რუმინეთი და საქართველო კი ორ-ორ ჯგუფს უმასპინძლებენ. ასევე, დებულების თანახმად, საქართველოსა და რუმინეთის ახალგაზრდული ნაკრებები ევროპის ჩემპიონატის ჯგუფში საკვალიფიკაციო ეტაპის გავლის გარეშე იასპარეზებენ.

აღსანიშნავია, რომ 2023 წლის ევროპის ახალგაზრდული ჩემპიონატის ფინალი ბათუმის სტადიონზე გაიმართება, ხოლო გახსნით მატჩს კი რუმინეთი უმასპინძლებს. ჯგუფური შეხვედრები ოთხ სტადიონზე შედგება, მათ შორის ბათუმში, ფოტსა და თბილისში. დედაქალაქში აღნიშნულ მატჩებს „დინამო არენა“ და მიხეილ მესხის სტადიონი უმასპინძლებს.

27
თემები:
სპორტის ამბები (945)
საქართველოს ნაკრების მატჩი შოტლანდიასთან რაგბიში

ლევან მაისაშვილი: ფიჯისთან უძლიერესი შემადგენლობით ვითამაშებთ

29
(განახლებულია 20:11 03.12.2020)
საქართველოს ეროვნულ ნაკრებში ფიჯისთან გასამართი მატჩის წინ რამდენიმე ცვლილებაა. გუნდს ტრავმების გამო რამდენიმე მორაგბე ვერ დაეხმარება.

თბილისი, 3 დეკემბერი – Sputnik. საქართველოს რაგბის ეროვნული ნაკრების მთავარმა მწვრთნელმა ლევან მაისაშვილმა 5 დეკემბერს ფიჯისთან გასამართი შეხვედრისთვის შემადგენლობა დაასახელა. ინფორმაციას საქართველოს რაგბის კავშირი ავრცელებს.

ირლანდიასთან გამართული შეხვედრის შემდეგ ეროვნული გუნდის ძირითად შემადგენლობაში სამი ცვლილებაა. მიღებული ტრავმების გამო მატჩს ბექა გორგაძე და ლაშა ხმალაძე გამოტოვებენ. გარკვეული ცვლილებებია ასევე სათადარიგოთა შემადგენლობაშიც. გავრცელებულ ინფორმაციაში ნათქვამია, რომ გორგაძეს ჯვარედინი იოგები და მყესი აქვს დაზიანებული.

ლევან მაისაშვილმა ფიჯისთან დაპირისპირებამდე სასტარტო შემადგენლობასა და ცვლილებებთან დაკავშირებით ისაუბრა. მისი თქმით, „ბორჯღალოსნები“ დუბლინში მაქსიმალურად გამოცდილი და ძლიერი შემადგენლობით წარდგებიან.

„სელექციისას გავითვალისწინეთ მიკროტრავმები და სტატისტიკური მდგომარეობა. ბიჭებს ყოველდღიურად და ყოველწუთიერად ვაკვირდებოდით. რამდენიმე პოზიციაზე ისეთი კონკურენციაა, რომ არჩევანის გაკეთება გაგვიჭირდა, რაც ძალიან კარგია“, – აღნიშნა მაისაშვილმა.

„ბორჯღალოსანთა“ თავკაცმა ასევე ნაკრების სუსტ მხარეებსა და შესაძლო ტაქტიკურ სვლებზეც ისაუბრა. აღსანიშნავია, რომ „შემოდგომის ერთა თასის“ სამივე შეხვედრაში ქართველმა მორაგბეებმა მეორე ტაიმი უკეთ ჩაატარეს. მაისაშვილმა ამის მიზეზიც განმარტა.

„ძლიერ მეტოქეებთან თამაშში ჩართვა გვიჭირს. დებიუტშივე შეცდომებზე გვიჭერენ და უპირატესობას ხელიდან არ უშვებენ. ამ ეტაპზე ჩვენი თამაშის მართვა დახვეწის პროცესშია. ასევე უმნიშვნელოვანესია ფიზიკური მომზადება. ამ მხრივ გუნდი სრულ მზადყოფნაშია. მთლიანობაში შეკრებაზე მყოფი ყველა მოთამაშე უფრო მაღალ დონეზეა, ვიდრე ტურნირის დაწყებამდე იყო“, – განაცხადა ლევან მაისაშვილმა.

საქართველოს ეროვნული ნაკრები ფიჯის წინააღმდეგ შემდეგი შემადგენლობით ითამაშებს:

  • ხაზი: 15. სოსო მათიაშვილი (29 კეპი, 152 ქულა), 14. აკაკი ტაბუცაძე (6 კეპი, 30 ქულა), 13. გიორგი კვესელაძე (28 კეპი, 25 ქულა), 12. მერაბ შარიქაძე (70 კეპი, 60 ქულა, კაპ.), 11. სანდრო თოდუა (88 კეპი, 65 ქულა), 10. თედო აბჟანდაძე (19 კეპი, 109 ქულა), 9. ვასილ ლობჟანიძე (55 კეპი, 40 ქულა);
  • შერკინება: 1. მიხეილ ნარიაშვილი (65 კეპი, 10 ქულა), 2. შალვა მამუკაშვილი (77 კეპი, 50 ქულა), 3. ბექა გიგაშვილი (17 კეპი, 5 ქულა), 4. ლაშა ჯაიანი (5 კეპი), 5. კოტე მიქაუტაძე (65 კეპი, 10 ქულა), 6. ოთარ გიორგაძე (28 კეპი, 25 ქულა), 7. ბექა საღინაძე (16 კეპი, 5 ქულა), 8. თორნიკე ჯალაღონია (3 კეპი);
  • მარქაფა: 16. ჯაბა ბრეგვაძე (61 კეპი, 15 ქულა), 17. გურამ გოგიჩაშვილი (17 კეპი, 5 ქულა), 18. გიორგი მელიქიძე (21 კეპი, 5 ქულა), 19. გრიგორ ქერდიყოშვილი (4 კეპი, 5 ქულა), 20. მიხეილ გაჩეჩილაძე (11 კეპი, 10 ქულა); 21. გელა აფრასიძე (28 კეპი, 24 ქულა), 22. დემურ თაფლაძე (5 კეპი, 5 ქულა), 23. დავით ნინიაშვილი (1 კეპი).

საქართველოს ეროვნულმა ნაკრებმა „შემოდგომის ერთა თასის“ მიმდინარე გათამაშებაში ჩატარებული სამი შეხვედრიდან სამივე დათმო. ინგლისთან და უელსთან ჩვენი გუნდი მოედნიდან უქულოდ გავიდა, ხოლო ირლანდიასთან მატჩში მეტოქეთა მიერ მოგროვებულ 23 ქულას გიორგი კვესელაძემ ერთი დადებული ლელოთი უპასუხა. თავის მხრივ აღნიშნულ შეხვედრაში წვლილი შეიტანა თედო აბჟანდაძემაც და ნაკრებს ზუსტად შესრულებული გარდასახვისა და საჯარიმო დარტყმის შედეგად კიდევ ხუთი ქულა მოუტანა.

საქართველოს რაგბის ნაკრები ფიჯის შაბათს, 5 დეკემბერს საქართველოს დროით 16:00 საათზე დუბლინში დაუპირისპირდება.

29
თემები:
სპორტის ამბები (945)
ყვავილები ზღვის სანაპიროზე

2021 წლის ჰოროსკოპი: მორიელი ფინანსები, სიყვარული, ჯანმრთელობა

0
(განახლებულია 11:09 03.12.2020)
როგორი იქნება 2021 წელი მორიელებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

მორიელები ის ადამიანები არიან, რომლებიც რთული სიტუაციიდან გამოსავალს ყოველთვის იპოვიან. 2021 წელს ასეთი რთული ვითარება შეიძლება ბევრი იყოს, რაც ნიშნავს, რომ დგება დრო, როცა მორიელებმა მათთვის დამახასიათებელი მთელი სიფრთხილე და მძლავრი ინტუიცია უნდა აამუშაონ.

2021 წელი ძალზე დინამიკური იქნება. დგება ხანა, როდესაც უკვალოდ არაფერი ჩაივლის, ამიტომ მნიშვნელოვანია, გახსოვდეთ თითოეული თქვენი საქციელის შედეგები.

მორიელებმა ყურადღება უნდა მიაქციოთ მნიშვნელოვან ასტროლოგიურ მოვლენებს, როგორიცაა დაბნელებები და რეტროგრადული პლანეტები. ამ მოვლენებმა თქვენი ცხოვრება, შესაძლოა, ძალიან შეცვალოს.

მამაკაცი მორიელი

წლის დასაწყისი მამაკაცი მორიელებისთვის ძალზე იღბლიანი აღმოჩნდება, შეძლებთ ყურადღების გამახვილებას მნიშვნელოვანი პრობლემების გადაჭრაზე ცხოვრების ყველა სფეროში. ენერგეტიკული ე.წ. უძრაობის დრო გაზაფხულის მიწურულს დადგება. იმ დროისთვის, სჯობს, ყველა მნიშვნელოვანი საქმე დაასრულოთ, რადგან ზაფხულის დადგომისას საამისოდ, შესაძლოა, ძალები აღარ გეყოთ.

ფინანსები და სამუშაო: ამ სფეროში წარმატებები გელოდებათ. მთავარია, ფინანსები სწორად გადაანაწილოთ – გადადოთ გარკვეული თანხა დანაზოგის სახით სამომავლოდ და უაზრო და უსარგებლო ნივთების შეძენაში ფული არ დახარჯოთ. ყველაზე ძვირადღირებული ნივთების ყიდვა წლის დასასრულისთვის გადადეთ.

სიყვარული და ურთიერთობები: სიყვარულის სფეროში მამაკაცი მორიელებისთვის ყველაფერი სტაბილურად იქნება. თამამად შეგიძლიათ ახალი ურთიერთობების დაწყება ან ძველის განახლება. 2021 ის დროა, როცა პრობლემების გარეშე შეიძლება ნებისმიერ ადამიანთან საერთო ენის გამონახვა.

განწყობა და ჯანმრთელობა: უმეტეს ვითარებაში მშვიდ და პოზიტიურ განწყობას შეინარჩუნებთ. სჯობს, არ დაიძაბოთ. თუ რამე საქმის მიტოვების სურვილი გაგიჩნდებათ, კარგად დაფიქრდით, რომ შეცდომა არ დაუშვათ.

კრიმინალური ტალანტი ზოდიაქოს ნიშნის მიხედვით>>

ქალი მორიელი

ქალ მორიელებს ძალზე პოზიტიური წელი გელოდებათ. ვარსკვლავები დაგეხმარებიან ყველაფერში, რომ საუკეთესო შედეგებს მიაღწიოთ. იქნებით შთაგონებით სავსე, გექნებათ მოტივაცია და იღბალი არ მიგატოვებთ. ერთადერთი, რაც აუცილებელია, ეს საქმეების წინასწარ დაგეგმვაა.

ფინანსები და სამუშაო: ქალ მორიელებს დიდი წარმატება გელოდებათ შემოქმედებით საქმიანობაში – დიზაინში, მუსიკასა და კინოში. ასტროლოგები გირჩევენ, თანხა ეკონომიურად ხარჯოთ. თუ რამე მნიშვნელოვანი და ძვირფასი ნივთის შეძენა გახდება საჭირო, ინტუიციასა და იღბალს მიენდეთ.

სიყვარული და ურთიერთობები: ვარსკვლავები ბევრად მომხიბლავსა და მიმზიდველს გაგხდიან. მეორე ნახევრის პოვნა თქვენთვის სირთულე არ იქნება, განსაკუთრებით წლის დასაწყისში. ზაფხული და შემოდგომის დასაწყისი იდეალური პერიოდია დროის ოჯახთან გასატარებლად. ძალზე იღბლიანი იქნება ერთობლივი მოგზაურობა, მოახერხებთ არსებული ურთიერთობების გამტკიცებას.

ზოდიაქოს ნიშნების ვენდეტა>>

განწყობა და ჯანმრთელობა: მორიელმა ქალებმა 2021 წელს მეტი დრო უნდა დაუთმოთ დასვენებას, უნდა მოერიდოთ გადაღლას. ბევრს თუ იმუშავებთ და ცოტას დაისვენებთ, უბრალოდ, „გადაიწვებით“. დაღლილობამ ცხოვრებაში „შავი პერიოდის“ დაწყებაც კი შეიძლება გამოიწვიოს.

გაეცანით ასევე 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორებისთვის.

0