გიორგი ჭიაბრიშვილი

გიორგი ჭიაბრიშვილი: „შევეცდებით, მოსაგებად ვითამაშოთ“

72
(განახლებულია 20:16 13.08.2019)
მატჩი „საბურთალოსა“ და „არარატ-არმენიას“ შორის 14 აგვისტოს თბილისში, მიხეილ მესხის სახელობის სტადიონზე გაიმართება. დასაწყისი 20:00 საათზე.

თბილისი, 13 აგვისტო — Sputnik. უეფას ევროპის ლიგის მესამე საკვალიფიკაციო რაუნდის საპასუხო მატჩის წინ თბილისის „საბურთალოსა“ და „არარატ-არმენიას“ შორის, ქართული გუნდის მთავარმა მწვრთნელმა გიორგი ჭიაბრიშვილმა პრესკონფერენცია გამართა.  

ერთი კვირის წინ „საბურთალომ“ „არარატ-არმენია“ ერევანში დაამარცხა ანგარიშით 2:1 და მნიშვნელოვნად გაზარდა პლეი-ოფის რაუნდში გასვლის შანსები. თუმცა ჭიაბრიშვილს მიაჩნია, რომ რაიმე დასკვნის გაკეთება ჯერჯერობით ნაადრევია.

„ვფიქრობ, მეტოქე შემოგვიტევს და შეეცდება რომ თავისი თამაში მოგვახვიოს თავს. ამისთვის მზად ვართ. ვეცდებით, ბურთი ვაკონტროლოთ და არა სხვაობის შესანარჩუნებლად, არამედ მოსაგებად ვითამაშოთ“, — განაცხადა ჭიაბრიშვილმა.

„საბურთალოს“ მთავარმა მწვრთნელმა აღნიშნა, რომ „არარატი“ კარგი გუნდია, ეროვნული გუნდების კანდიდატებით დაკომპლექტებული“, და იმისათვის, რომ მომავალ მოწინააღმდეგეებზე იფიქრონ, ჯერ „არარატ-არმენიას“ სახით არსებული ბარიერი უნდა გადალახონ.

ჭიაბრიშვილის თქმით, „საბურთალოს“ გარკვეულწილად გაუმართლა კენჭისყრის კუთხით. საქმე ისაა, რომ „თუ საბურთალო“ შემდეგ ეტაპზე გადავა, მას ლუქსემბურგული „დუდელანჟისა“ და ესტონური „კალიუს“ წყვილში გამარჯვებულთან მოუწევს შეხვედრა.

„თუ ფლეი-ოფზე ვისაუბრებთ, დუდელანჟს მარტივ მეტოქედ არ მივიჩნევთ... წინა სეზონში მათ ჯგუფში შესვლის კანდიდატად არავინ მიიჩნევდა, მაგრამ სენსაცია მოახდინეს და ფინალურ ეტაპზეც კარგი შთაბეჭდილება დატოვეს“, — განაცხადა ქართველმა მწვრთნელმა.

შეგახსენებთ: მატჩი „საბურთალოსა“ და „არარატ-არმენიას“ შორის 14 აგვისტოს თბილისში, მიხეილ მესხის სახელობის სტადიონზე გაიმართება. დასაწყისი 20:00 საათზე.

72
თემები:
სპორტის ამბები (828)
საქართველოს ნაკრები. ოქრიაშვილი და ქვილითაია

ვაისმა საქართველოს ფეხბურთის ნაკრების შემადგენლობა ბელარუსთან მატჩისთვის დაასახელა

53
(განახლებულია 23:31 28.09.2020)
თბილისში მატჩის გარდა, ქართველ ფეხბურთელებს კიდევ ორი გასვლითი თამაში ელოდება - სომხეთთან და ჩრდილოეთ მაკედონიასთან

თბილისი, 28 სექტემბერი – Sputnik. საქართველოს ფეხბურთის ნაკრების მთავარმა მწვრთნელმა ვლადიმირ ვაისმა დაასახელა ის ფეხბურთელები, რომლებიც ბელარუსის წინააღმდეგ უეფას ერთა ლიგის ნახევარფინალისთვის მოსამზადებლად ეროვნულ გუნდში გამოიძახა, იუწყება საქართველოს ფეხბურთის ფედერაცია (სფფ).

საქართველოს ნაკრები ბელარუსს თბილისში 8 ოქტომბერს დაუპირისპირდება.

სლოვაკი სპეციალისტის გაფართოებულ სიაში 29 ფეხბურთელი მოხვდა:

მეკარეები:

გიორგი ლორია („ანორთოსისი“, „ფამაგუსტა“, კვიპროსი), გიორგი მაკარიძე („ალმერია“, ესპანეთი), ლაზარე კუპატაძე („საბურთალო“, თბილისი)

მცველები:

გურამ კაშია („სან ხოსე ერთკვეიკსი“, აშშ), ოთარ კაკაბაძე („ტენერიფე“, ესპანეთი), დავით ხოჭოლავა („შახტარი“,უკრაინა), გია გრიგალავა („არსენალი“, ტულა), სოლომონ კვერკველია („როტორი“, ვოლგოგრადი), ნიკა მალი („საბურთალო“, თბილისი), მამუკა კობახიძე („დინამო“, ბათუმი), ჯიმი ტაბიძე („უფა“, რუსეთი), ლაშა დვალი („ფერენცვაროში“, უნგრეთი)

ნახევარმცველები:

ჯაბა კანკავა, ნიკა კვეკვესკირი (ორივე - „ტობოლი“,ყაზახეთი), გიორგი ჩაკვეტაძე („გენტი“, ბელგია), გიორგი აბურჯანია („ოვიედო“, ესპანეთი), მურთაზ დაუშვილი („ანორთოსისი“, კვიპროსი), ლევან შენგელია („კონიასპორი“, თურქეთი), საბა ლობჟანიძე („ანკარაგუჯუ“, თურქეთი), ხვიჩა კვარაცხელია („რუბინი“, ყაზანი), ზურიკო დავითაშვილი („როტორი“, ვოლგოგრადი), ვაკო გვილია („ლეგია“, პოლონეთი), ჯაბა ჯიღაური („დინამო“, ბათუმი), ოთარ კიტეიშვილი („შტურმი“, ავსტრია)

თავდამსხმელები:

გიორგი ქვილითაია, თორნიკე ოქრიაშვილი (ორივე - „ანორთოსისი“, კვიპროსი), ვაკო ყაზაიშვილი („სან ხოსე ერთკვეიკსი“, აშშ), ელგუჯა ლობჯანიძე („კაისარი“, ყაზახეთი), ნიკა კაჭარავა („ლეხი“, პოლონეთი).

საქართველოს ეროვნული გუნდის ფეხბურთელები თბილისში 5 ოქტომბერს შეიკრიბებიან. მზადება მომავალი სამი მატჩისთვის ტრადიციულად „ზესტაფონის“ ბაზაზე ჩატარდება.

საქართველოს ნაკრები თბილისში უეფას ერთა ლიგის წინა გათამაშების ნახევარფინალში ბელარუსს შეხვდება, შემდეგ მას ტურნირის ამჟამინდელი გათამაშების ორი გასვლითი მატჩი ელოდება - 11 ოქტომბერს ერევანში სომხეთის ნაკრების წინააღმდეგ, სამი დღის შემდეგ კი სკოპიეში ჩრდილოეთ მაკედონიის წინააღმდეგ.

უეფას ერთა ლიგის წინა გათამაშების მეორე ნახევარფინალში ჩრდილოეთ მაკედონიის და კოსოვოს ნაკრებები შეხვდებიან.

 

53
თემები:
სპორტის ამბები (828)
ზაზა ნადირაძე

ქართველმა კანოისტმა მსოფლიო თასის ეტაპზე ვერცხლი მოიპოვა

31
(განახლებულია 15:38 28.09.2020)
უფრო ადრე ქართველი კანოისტი უნგრეთის ქალაქ სეგედში ორ შეჯიბრებაში ვიცე-ჩემპიონი გახდა – 2017 და 2018 წლებში.

თბილისი, 28 სექტემბერი – Sputnik. ქართველმა კანოისტმა ზაზა ნადირაძემ მსოფლიოს თასის ეტაპზე 200-მეტრიან დისტანციაზე ინდივიდუალურ შეჯიბრებაში ვერცხლის მედალი მოიპოვა. შეჯიბრება უნგრეთის ქალაქ სეგედში გაიმართა.

ნადირაძემ დისტანცია 40,38 წამში დაფარა და 0,29 წამით ჩამორჩა რუსეთის წარმომადგენელ ივან შტილს, რომელიც შეჯიბრების გამარჯვებული გახდა. მესამე ადგილზე ესპანელი ალფონსო ბენავიდესი გავიდა (40,39).

ნადირაძისთვის სეგედში მსოფლიო თასის ეტაპზე ეს უკვე მესამე ვერცხლია. უფრო ადრე ის ასევე ვიცე-ჩემპიონი 2017 და 2018 წლებში გახდა.

გასულ 2019 წელს იმავე სეგედში ზაზა ნადირაძემ მსოფლიო ჩემპიონატზე ბრინჯაოს მედალი მოიპოვა.

31
თემები:
სპორტის ამბები (828)
ტკივილი მუცლის არეში

რა იწვევს ცისტიტს, როგორ ვუმკურნალოთ მას: სიმპტომები და გართულებები

0
(განახლებულია 18:10 29.09.2020)
მიმდინარეობის მიხედვით, განასხვავებენ ცისტიტის მწვავე და ქრონიკულ ფორმებს. მწვავე ცისტიტი ხშირად უვითარდებათ ჯანმრთელ ქალებს, საშარდე გზების რაიმე გამოხატული პათოლოგიების გარეშე. ხოლო ქრონიკულად ითვლება ცისტიტი, რომელიც წელიწადში სულ მცირე 2-3-ჯერ გამოვლინდება.

ცისტიტი არის შარდის ბუშტის ლორწოვანი გარსის ანთება, რომლითაც ძირითადად ქალები ავადდებიან, რადგან მათი საშარდე მილი მოკლეა და ფართო, რაც საშოდან ან სწორი ნაწლავიდან საშარდე გზებში ინფექციის მოხვედრას აადვილებს.

რა იწვევს ცისტიტს

ცისტიტის გამომწვევი არაერთი მიზეზი არსებობს. ესენია საშარდე გზების ინფექცია, კათეტერის ხანგრძლივი გამოყენება, ჰიგიენური საშუალებების გამაღიზიანებელი მოქმედება და სხვა.

რა სიმპტომები აქვს ცისტიტს

თუ თქვენ უჩივით მოშარდვის გახშირებულ სურვილს, ტკივილს შარდვის, სქესობრივი აქტის დროს, გაქვთ მღვრიე და უსიამოვნო სუნის მქონე შარდი, შარდში შეინიშნება სისხლის არსებობა, აუცილებლად მიმართეთ ექიმს.

მწვავე ცისტიტის დროს იმატებს ტემპერატურა, თავს იჩენს ტკივილი მუცლის ქვედა არეში. მწვავე ცისტიტი იწყება მოულოდნელად, ორგანიზმის გადაცივებიდან ან სხვა მაპროვოცირებელი ფაქტორების ზემოქმედებიდან რამდენიმე საათის შემდეგ. რაც უფრო ძლიერია ანთება, მით უფრო ხშირია მოშარდვის სურვილი და ინტენსიურია ტკივილი. მძიმე ფორმების დროს ავადმყოფი ყოველ 20-30 წუთში ერთხელ შარდავს.

ვინ იმყოფება რისკის ზონაში

დაავადება გვხვდება ყველა ასაკისა და ორივე სქესის წარმომადგენელთან, თუმცა ქალებში უფრო ხშირია, რადგან მათი შარდსადენი მილი უფრო მოკლეა. ამის გამო ქალების შემთხვევაში ბაქტერიები ადვილად აღწევენ შარდის ბუშტში. კვლევების მიხედვით, ქალების ნახევარზე მეტს სიცოცხლეში ერთხელ მაინც აქვს გადატანილი ცისტიტი.

ქალებში ცისტიტით დაავადების რისკს აჩენს სექსუალური აქტივობა, ორსულობა, მენოპაუზა, ისეთი ჰიგიენის საშუალებების გამოყენება, რომელიც აღიზიანებს ლორწოვანს.

მამაკაცებში დაავადების რისკი იზრდება პროსტატის ზომების მატებისას და შარდის ბუშტში შარდის შეკავების გამო.

დიაგნოსტიკა

დაავადების არსებობის დროს ძალიან მნიშვნელოვანია დროული დიაგნოსტიკა, რადგან არსებობს საფრთხე, რომ ინფექცია გავრცელდეს თირკმელზე და სერიოზული ზიანი მიაყენოს ადამიანის ჯანმრთელობას. ამიტომ სიმპტომების გამოვლენისთანავე მიმართეთ ექიმს.

ცისტიტის დიაგნოსტიკისათვის აუცილებელია ცისტოსკოპია – ინსტრუმენტული გამოკვლევა, რომლის საშუალებითაც ხდება შარდის ბუშტის ვიზუალური დათვალიერება. ის საშუალებას გვაძლევს, ვნახოთ შარდის ბუშტის ლორწოვანი გარსის ცვლილება და ზოგ შემთხვევაში დავადგინოთ მიზეზიც (წყლული, კენჭი, და სხვა), რომელიც ინფექციას იწვევს. ასევე აუცილებელია ზემოთა საშარდე ტრაქტის (თირკმელი, შარდსაწვეთი) რენტგენოლოგიური გამოკვლევა.

როგორ ვუმკურნალოთ ცისტიტს

დაავადების არსებობის შემთხვევაში ინიშნება კომპლექსური მკურნალობა. დიდი ყურადღება ეთმობა დიეტას. რაციონიდან უნდა გამოირიცხოს ცხარე და გამაღიზიანებელი პროდუქტები, ყველანაირი გაზიანი სასმელი. ანთების ორგანიზმიდან გამოსადევნად პაციენტმა დღეში 2-3 ლიტრი სითხე უნდა მიიღოს. შვების მომგვრელია შარდის ბუშტის საპროექციო არეში თბილი სათბურის დადება და ცხელი აბაზანა. მკურნალობის კურსში შეიძლება ჩაირთოს სპაზმოლიზური და ტკივილგამაყუჩებელი პრეპარატები.

ცისტიტის პროფილაქტიკა

ცისტიტის პროფილაქტიკა გულისხმობს იმ ელემენტარული წესების დაცვას, რომლებიც ხელს უწყობს შარდსასქესო სისტემის სწორ ფუნქციობას, აგრეთვე - იმ მიზეზების აღმოფხვრას, რომლებიც ხელს უწყობს დაავადების წარმოშობასა და განმეორებას. იმისთვის, რომ თავიდან აიცილოთ ცისტიტი მოერიდეთ სხეულის გადაცივებას, მაღალ დონეზე შეინარჩუნეთ ორგანიზმის იმუნიტეტი, განუწყვეტლივ იზრუნეთ პირად და სქესობრივი ცხოვრების ჰიგიენაზე, ეცადეთ, დროულად და სრულად დაიცალოთ შარდის ბუშტი, ეს ხელს შეუწყობს ბუშტში მოხვედრილი ბაქტერიების გამოძევება.  იკვებეთ სწორად, ყურადღება მიაქციეთ სეზონურ ჩაცმულობას, ნუ ჩაიცვამთ მოჭერილ ტანსაცმელს, რომელიც ხელს უშლის მცირე მენჯის ღრუს ორგანოებში სისხლის მიმოქცევას, ნუ ჩაიცვამთ სინთეზური მასალისგან დამზადებულ ქვედა საცვლებს.

ამასთან, გახსოვდეთ, რომ სამკურნალოდ და საპროფილაქტიკოდ ნებისმიერი ხალხური საშუალება, ჩაი იქნება ეს თუ ბალახების ნაყენი, მნიშვნელოვანია, მაგრამ დამატებითი და არა ძირითადი.

ჯანმრთელობას გისურვებთ!

 

0
თემები:
ჯანმრთელობა და სილამაზე