გუდაური

გვჭირდება თუ არა ზამთრის ოლიმპიური თამაშების ჩატარება დადებითი და უარყოფითი მხარეები

134
(განახლებულია 14:31 01.08.2019)
„Sputnik-საქართველო“ მკითხველს სთავაზობს ქვეყანაში ზამთრის ოლიმპიური თამაშების ჩატარების დადებითი და უარყოფითი მხარეების მიმოხილვას და აფასებს სპორტულ შეჯიბრებებში ქართველი სპორტსმენების გამარჯვების შანსებს.

საქართველოს ოლიმპიური კომიტეტი ქვეყანაში 2025 წლის ზამთრის ახალგაზრდული ოლიმპიური თამაშების ჩატარების ერთ-ერთი პრეტენდენტი იქნება, განაცხადა გუშინ პრემიერ-მინისტრმა მამუკა ბახტაძემ.

„გუშინ საქართველოს ოლიმპიურმა კომიტეტმა ოფიციალურად გააკეთა განაცხადი, რომ ჩვენი მიზანია 2025 წელს ვუმასპინძლოთ ახალგაზრდულ ოლიმპიადას ზამთრის სახეობებში. ეს არის ერთ-ერთი ყველაზე მასშტაბური ღონისძიება. დარწმუნებული ვარ, ჩვენ ვიქნებით ძალიან წარმატებულები. მინდა მივმართო ქართველ ახალგაზრდებს და საზოგადოებას – როდესაც ქართველი ერი არის ერთსულოვანი და ჩვენ ვდგავართ ერთად, მხარდამხარ, ჩვენ აუცილებლად გავიმარჯვებთ“, – განაცხადა მამუკა ბახტაძემ.

საქართველოში ზამთრის ოლიმპიური თამაშების ჩატარებაზე უკვე დიდი ხანია საუბრობენ. პირველად ეს აზრი გასული წლის იანვარში გამოითქვა. მაშინდელი პრემიერ-მინისტრი გიორგი კვირიკაშვილი შეხვდა საერთაშორისო ოლიმპიური კომიტეტის პრეზიდენტს თომას ბახს და მას საქართველოს შესაძლებლობები გააცნო. მოგვიანებით კვირიკაშვილის ადმინისტრაციის ვებ-გვერდზე გამოჩნდა ინფორმაცია, რომ საერთაშორისო ოლიმპიური კომიტეტის ვიცე-პრეზიდენტი ნავალ ელ-მუტავაკელი მხარს უჭერდა საქართველოს სწრაფვას, ემასპინძლა 2030 წლის ზამთრის ოლიმპიური თამაშებისთვის. 

„ჩვენ განვიხილეთ თქვენი წინადადება, 2030 წელს უმასპინძლოთ ზამთრის ოლიმპიადას. საქართველო – გმირების ქვეყანაა და ოლიმპიურ თამაშებზე ყოველთვის წარმოდგენილია მაღალი რანგის სპორტსმენებით. ვფიქრობ, ეს სწორად შერჩეული დროა თქვენი სურვილის გასამჟღავნებლად და ჩვენ მივესალმებით თქვენს წინადადებას“, – აღნიშნა მან.

როგორია არგუმენტები ქვეყანაში ოლიმპიური თამაშების ჩატარების სასარგებლოდ და რამდენად შესაძლებელია ახლა საქართველოს გამარჯვების შანსის შეფასება?

დადებითი მხარეები

ზაფხულის თამაშებისგან განსხვავებით, რომლებიც, როგორც წესი, ერთ ქალაქში იმართება, ზამთრის ოლიმპიადა თითქმის ყოველთვის სხვადასხვა ქალაქში ტარდება.

მაგალითად, 1998 წელს ოლიმპიური შეჯიბრი არა მხოლოდ იაპონიის ქალაქ ნაგანოში, არამედ ერთდროულად ხუთ დასახლებულ პუნქტში გაიმართა. კიდევ უფრო თვალსაჩინო მაგალითი იქნება 2026 წლის ოლიმპიადა: ფორმალურად გამარჯვებულები არიან მილანი და კორტინა-დამპეცო, თუმცა შეჯიბრებების ნაწილი ვერონასა და ბორმიოშიც ჩატარდება – იტალიის ჩრდილოეთი დაყოფილია ხუთ კლასტერად, რომლებზეც 15 სპორტული ობიექტი განთავსდა.

ამ მხრივ კომპაქტური საქართველო, რომლის ფართობიც იტალიის ჩრდილოეთ ნაწილზეც კი პატარაა, იდეალურად შეეფერება ოლიმპიურ თამაშებს – ყველაფერი ახლოსაა.

ადვილად შეიძლება რამდენიმე ქალაქისა და კურორტის დასახელება, სადაც ცალკეული შეჯიბრების ჩატარებაა შესაძლებელი – თბილისიდან და ქუთაისიდან გუდაურამდე, გოდერძის უღელტეხილამდე და ბაკურიანამდე. ეს უკანასკნელი კვირიკაშვილს არაერთხელ უხსენებია, როგორც ოლიმპიადის ჩატარების შესაძლო ლოკაცია. ჯერ კიდევ საბჭოთა პერიოდში ბაკურიანში ფუნქციონირებდა მოთხილამურეების მოსამზადებელი ბაზა, ბოლო წლებში კი დასახლების საკურორტო, სპორტულ ინფრასტრუქტურაში მნიშვნელოვანი თანხები ჩაიდო.

Зимний курорт Бакуриани
ბაკურიანი

მეორე დიდი პლუსი – ე.წ. „ოლიმპიური მემკვიდრეობაა“. ეს არა მხოლოდ სპორტული ობიექტები, არამედ სასტუმროები და ტრანსპორტია. იაპონური ეკონომიკური სასწაულის ერთ-ერთი მამოძრავებელი ძალა სწორედ 1964 წლის ოლიმპიადა გახდა, რომლისთვისაც აშენდა ასობით კილომეტრის საავტომობილო და სარკინიგზო გზები. მოხერხებული ლოგისტიკა ქვეყნის წარმატებული განვითარების ერთ-ერთი საწინდარია.

საქართველოს სამთო კურორტები რეკორდებს ხსნიან >>

მესამე, კოლოსალური ბონუსი – საქართველოს ტურისტული პოტენციალის გახსნაა. ევროპელი ტურისტის რამით გაოცება უკვე რთულია და ბევრისთვის სპორტი ახალი ქვეყნების აღმოჩენის კარგი საშუალებაა. ასე ხდება ახლა რუსეთში: მუნდიალის შემდეგ ქვეყანაში ტურისტული ნაკადი გაიზარდა. ბევრს აშინებს უცნობი ადგილები, ისეთი მასშტაბური მოვლენა კი, როგორიც ოლიმპიადაა, კარგი დასვენების დამატებითი გარანტიაა. 

ამის მიუხედავად, განაცხადის მომზადების სტადიაზეც კი საქართველოს მოუწევს რამდენიმე ურთულეს კითხვაზე პასუხის გაცემა.

რატომ შეიძლება არ გამოვიდეს?

შეიძლება ერთი, მთავარი მიზეზის დასახელება და ამაზე შეჩერება – ეს არის ფული.

საქართველოს შემთხვევაში საუბარია მრავალმილიარდიან ინვესტიციებზე სატრანსპორტო ქსელში, რომელმაც ქვეყნის სხვადასხვა კუთხე უნდა დააკავშიროს; სასტუმროებზე, რომლებმაც ათობით ათას გულშემატკივარს უნდა უმასპინძლოს; აეროპორტებში ახალი ტერმინალების მშენებლობაზე; კოლოსალური ხარჯი იქნება გასაწევი ასევე უსაფრთხოების უზრუნველსაყოფად, და, რაც მთავარია – სპორტული ობიექტები.

თამაშების მასპინძლობა ქვეყნისთვის თითქმის ყოველთვის წამგებიანია. იტალიის მთავრობამ ლატარიაც კი ჩაატარა, რათა ტურინში გამართული შეჯიბრების შედეგად გაწეული ხარჯი დაეფარა. ბევრი ექსპერტი თანხმდება, რომ ოლიმპიადა ათენში საბერძნეთის მასშტაბური ეკონომიკური კრიზისისა და შემდგომი დეფოლტის ერთ-ერთი მთავარი მიზეზი იყო. ვალმა 11,5 მილიარდ დოლარს მიაღწია.

2014 წელს სტოკჰოლმმა უკან გაიხმო 2022 წლის ოლიმპიური თამაშების ჩატარებაზე წარდგენილი განაცხადი შემდეგი ფორმულირებით: „ზამთრის ოლიმპიური თამაშების ორგანიზება მოითხოვს დიდ ინვესტიციებს სპორტულ ნაგებობებში. მაგალითად, საჭიროა სპეციალური ტრასების აგება ბობსლეისა და ციგებისთვის. ამასთან, ოლიმპიადის შემდეგ მსგავსი კონსტრუქციები საჭირო აღარ იქნება“, – განაცხადეს მაშინ მმართველ პარტიაში. სტოკჰოლმის მაგალითს იმავე მოსაზრებით კრაკოვმა და ოსლომაც მიბაძეს.

აქვს თუ არა აზრი ძვირადღირებული ობიექტების აშენებას სპორტის იმ სახეობებისთვის, რომლებზეც საქართველო საერთოდ არ არის წარმოდგენილი? საქართველოში რომ გვყოლოდა მოციგურავეები, რომლებიც საერთაშორისო შეჯიბრებებში მედლებს აიღებდნენ და მშობლიურ ქვეყანაში ვარჯიშის სურვილი ექნებოდათ, რასაკვირველია, ეს მიზანშეწონილი იქნებოდა. მათი წარმატებით წახალისებული ახალგაზრდობა მიბაძავდა თავის კერპებს და მასობრივად მიაწყდებოდა ყინულს. სწორედ ასე ცვლიან თაობები ერთმანეთს.

მაგრამ პრობლემა ისაა, რომ საქართველოს არასდროს აუღია მედლები ზამთრის ოლიმპიურ თამაშებზე.

მეტიც, დელეგაციების შემადგენლობები მინიმალური იყო: 2018 წელს – ოთხი ათლეტი სპორტის სამ სახეობაში, 2014 წელს - შვიდი სამ სახეობაში, ასეთივე ვითარება იყო 2010 წელს. სპორტის უმეტეს სახეობაში საქართველო საერთოდ არ არის წარმოდგენილი. ეს კი ობიექტების ექსპლუატაციის მომავალ პრობლემებზე მიუთითებს. საერთაშორისო ოლიმპიურ კომიტეტში შესანიშნავად ახსოვთ სარაევოში აგებული სპორტული ობიექტების ბედი, რომლებიც 1984 წლის თამაშების შემდეგ აღარ გამოუყენებიათ.

ახლა საქართველო არ არის იმ მდგომარეობაში, რომ თამაშების ჩატარებაზე პრეტენზია გამოთქვას: დიდი პრობლემებია ტრანსპორტის, სასტუმროების, სპორტული ობიექტების კუთხით, თვით სპორტსმენების სიმცირის თვალსაზრისითაც. ამის მიუხედავად, 2025 წლის ზამთრის ახალგაზრდული ოლიმპიური თამაშების ჩატარების ინიციატივამ შეიძლება გაჭრას კიდეც, რაც ახალი სპორტული ობიექტების გაჩენის შესაძლებლობას შექმნის. ექვს წელიწადში სავსებით შესაძლებელია სამ-ოთხ დისციპლინაში მაინც ისეთი სპორტსმენების მომზადება, რომლებიც მედლებისთვის იბრძოლებენ. ასეთი ბაგაჟითა და ინვესტორების მხარდაჭერით კი დღემდე მიუღწეველ მწვერვალებთანაც შეიძლება შეჭიდება.

134
თემები:
სპორტის ამბები (826)
ლევან გორგაძე - ტოჩინოშინი

ქართველმა სუმოისტმა აკი ბაშოს შემოდგომის ტურნირი წაგებით დაასრულა

62
(განახლებულია 16:16 27.09.2020)
ტოჩინოშინმა შემოდგომის აკი ბაშო უარყოფითი ბალანსით დაასრულა - ქართველი სპორტსმენის ანგარიშზე ექვსი მოგება და ცხრა წაგებაა.

თბილისი, 27 სექტემბერი — Sputnik. ქართველმა სუმოისტმა ლევან გორგაძემ, რომელიც ტოჩინოშინის სახელით ასპარეზობს, შემოდგომის აკი ბაშოზე ასპარეზობა მორიგი წაგებით დაასრულა.

ტურნირის დასკვნით საშეჯიბრო დღეს ტოჩინოშინი, რომელიც დასავლეთის მეოთხე მაეგაშირას რანგში ასპარეზობს, აღმოსავლეთის მეორე მაეგაშირა ჰოკუტოფუძისთან დამარცხდა.

ტოჩინოშინმა შემოდგომის აკი ბაშო უარყოფითი ბალანსით დაასრულა - ქართველი სპორტსმენის ანგარიშზე ექვსი მოგება და ცხრა წაგებაა. ეს ნიშნავს, რომ მსოფლიოს უძლიერესი სუმოისტების ახალ რეიტინგში გორგაძე ერთი რანგით დაქვეითდება.

რაც შეეხება შემოდგომის ტურნირს, იმპერატორის თასი პირველად თავის კარიერაში მოიპოვა სეკივაკე სიოდაიმ, რომელიც ხვალიდან ოძეკის ტიტულს მიიღებს.

იმპერატორის თასზე მომდევნო ტურნირი - კიუსიუ ბაშო - ტოკიოში ნოემბერში გაიმართება.

62
თემები:
სპორტის ამბები (826)
უეფას ევროპის ლიგა. თბილისის „ლოკომოტივი“ - მოსკოვის „დინამო“

თბილისის „ლოკომოტივმა“ და „დინამომ“ უეფას „ევროპა ლიგაში“ ასპარეზობა დაასრულეს

84
(განახლებულია 13:28 25.09.2020)
„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ.

თბილისი, 24 სექტემბერი — Sputnik. თბილისის საფეხბურთო კლუბებმა „ლოკომოტივმა“ და „დინამომ“ უეფას „ევროპა ლიგის“ მესამე საკვალიფიკაციო რაუნდის მატჩები წააგეს.

„ლოკომოტივი“ გასვლაზე დამარცხდა ესპანურ „გრანადასთან“ ანგარიშით 0:2. ორივე გოლი შესვენების შემდეგ გავიდა. 48-ე წუთზე ესპანელები წინ გაიყვანა დარვინ მაჩისმა, ხოლო მსაჯის მიერ დამატებულ დროში ხორხე მოლინამ საბოლოო ანგარიში გააფორმა. აღსანიშნავია, რომ „რკინიგზელები“ მეორე ტაიმის შუა პერიოდიდან უმცირესობაში აღმოჩნდნენ, რადგან მეორე ყვითელი ბარათის გამო მოედნიდან გიორგი გაბაძე გააძევეს.

რაც შეეხება „დინამოს“, თბილისურმა კლუბმა გამანადგურებელი მარცხი განიცადა – ფარერების კუნძულების ჩემპიონმა „კლაქსვიკმა“ მას 6:1 მოუგო. შეხვედრის გმირი გახდა თავდამსხმელი პოლ კლეტსკარდი, რომელმაც ჰეტ-ტრიკი შეასრულა. „დინამოელთა“ მხრიდან პრესტიჟის გოლი ჟოზე ვიტორმა გაიტანა.

„ლოკომოტივი“ და „დინამო“ ამჟამინდელი სეზონის ევროთასებში საქართველოს უკანასკნელი წარმომადგენლები იყვნენ. მანამდე უეფას „ევროპა ლიგის“ პირველივე საკვალიფიკაციო რაუნდში თბილისის „საბურთალო“ კვიპროსის „აპოლონთან“ 1:5 დამარცხდა, ხოლო ბათუმის „დინამო“ – ისრაელის „ჰაპოელთან“ (0:3).

84
თემები:
სპორტის ამბები (826)
მზის ჩასვლა

კვირის ასტროპროგნოზი: სიყვარული, ფინანსები, სამუშაო 28 სექტემბერი 4 ოქტომბერი

0
(განახლებულია 15:23 27.09.2020)
ასტროლოგები გვირჩევენ, ამ კვირაში დიდი ყურადღება მივაქციოთ შინაგან ჰარმონიას. ძალზე მნიშვნელოვანია ვაკეთოთ ის, რაც მოგვწონს. საკმაოდ ხელსაყრელი კვირა ელოდება ზოდიაქოს ნიშნების უმრავლესობას

როგორი იქნება ვარსკვლავებისა და პლანეტების განწყობა ამ კვირაში ზოდიაქოს ნიშნებისთვის, როგორ იმოქმედებენ ისინი ადამიანებზე, რა უნდა გავითვალისწინოთ, რომ წარმატებებს მივაღწიოთ – ყოველივე ამის შესახებ კვირის ასტროლოგიური პროგნოზიდან შეიტყობთ.

რა ფარული ნიჭი იმალება ზოდიაქოს თითოეულ ნიშანში>>

ვერძი

ვერძებისთვის ამ კვირაში ყველაზე მნიშვნელოვანი სფერო სიყვარული იქნება. თამამად შიძლება ახალი ადამიანების გაცნობა, ახალი ურთიერთობების დაწყება, ან უკვე არსებულის ახალ დონეზე გადაყვანა. კარგად ჩაივლის სიყვარულში გამოტყდომა, საყვარელი ადამიანის მშობლებთან შეხვედრა, საცხოვრებლად სხვაგან გადასვლა, შოპინგი.

ვარსკვლავებისა და პლანეტების ენერგია დაგეხმარებათ ცნობიერებაში არსებული ბარიერების გადალახვაში, რომლებიც მიზნების მიღწევაში გიშლით ხელს. უნდა იყოთ გაბედული, მიზანსწრაფული და ნებისმიერი ცვლილებისთვის მზად. სამსახურსა და ბიზნესში სტაბილურობა არ გელოდებათ, მაგრამ ეს არ ნიშნავს, რომ ყველაფერი ცუდად მიდის. პირიქით, ახლა სწორედ ის დროა, როდესაც შესაძლებელია გამარჯვება და წარმატებების მიღწევა.

კურო

კუროებს მხოლოდ საკუთარი თავის იმედი უნდა გქონდეთ. ეს განსაკუთრებით ეხება 28 და 29 სექტემბერსა და 4 ოქტომბერს. ამ არახელსაყრელ დღეებში ბევრი მნიშვნელოვანი რამ შეიძლება მოხდეს. ასტროლოგები გირჩევენ, თვითონ გადალახოთ დაბრკოლებები, რომ გაძლიერდეთ, ისწავლოთ რამე ახალი და აიმაღლოთ ავტორიტეტი კოლეგებს, ხელმძღვანელობას, მეგობრებსა და ახლობლებს შორის.

ძალზე მნიშვნელოვან როლს შეასრულებს პოზიტიური აზროვნება. ეს დაგეხმარებათ სასურველის მოზიდვასა და დასახული მიზნების სწრაფად განხორციელებაში. პოზიტიური ადამიანები იზიდავენ არა მხოლოდ ფულს, არამედ სხვა ადამიანებსაც. ეს ნიშნავს, რომ კეთილ და მხიარულ კუროებთან წარმატება ნაცნობებისა და კავშირების მეშვეობითაც მივა. ექსპერტები გირჩევენ, იმოქმედოთ შედგენილი გეგმით და არ გარისკოთ.

ტყუპი

ყურადღება მიაქციეთ დესტრუქციულ აზროვნებას, რომელიც ხშირად გარშემომყოფებისგან მოდის. ეს საშიში გზაა, რომელიც ჩიხში შეგიყვანთ. უნდა იაროთ საკუთარი გზით, ჯანსაღად შეაფასოთ გარესამყარო და მოიქცეთ ისე, როგორც ამას საკუთარი გული გკარნახობთ და არა შემთხვევითი მრჩეველი. ამ კვირაში თქვენი ინტუიცია საკმაოდ ძლიერი იქნება.

ოქტომბრის დასაწყისში აუცილებლად მიქციეთ ყურადღება ჯანმრთელობას. მრავალრიცხოვან პრობლემებსა და მცირე გაუგებრობებს თქვენი კალაპოტიდან ამოგდება, შინაგანი ბალანსისა და ჰარმონიის დარღვევა შეუძლია. ასტროლოგები გირჩევენ, ყველანაირად ეცადოთ, რომ არ ინერვიულოთ. ამაში ფიზიკური აქტიურობა, აქტიური ცხოვრების წესი დაგეხმარებათ.

კირჩხიბი

თქვენთვის კვირის ყველაზე ხელსაყრელი დღეებია 2, 3 და 4 ოქტომბერი. ამ დღეებში ადვილი იქნება ნებისმიერი, განსაკუთრებით შემოქმედებითი სამუშაოს შესრულება. ვარსკვლავებისა და პლანეტებისგან მიიღებთ ძალებისა და ენერგიის დიდ მარაგს, რაც სირთულეების გადალახვაში დაგეხმარებათ.

კვირის დასაწყისში პრობლემების გაჩენისთანავე შეგიძლიათ დახმარებისთვის მეგობრებს, ნათესავებს ან კოლეგებს მიმართოთ. არ ღირს საკუთარ თავში ჩაკეტვა და ყველასგან იზოლირება, თუნდაც ამის ძლიერი სურვილი გაგიჩნდეთ. გარშემომყოფებისგან უნდა აიღოთ პოზიტიური ენერგია, ჩაკეტილობა კი იდეების წყაროებსა და შესაძლებლობებს გადაღობავს.

ლომი

დღის წესრიგი ადამიანის ბიოველსა და განწყობაზე მოქმედებს. ამ კვირაში ლომებს ექსპერტები გირჩევენ, მოაგვაროთ დღის რეჟიმი, შეასრულოთ ფიზიკური სავარჯიშოები, ბევრი იმოძრაოთ. ძალზე ხელსაყრელი პერიოდია იმისთვის, რომ გამოიმუშაოთ ახალი სასარგებლო ჩვევები და გათავისუფლდეთ მავნე ჩვევებისგან.

ვარსკვლავები თქვენ მხარეს იქნებიან, ამიტომ გქონდეთ იღბლის იმედი ნებისმიერ სფეროში. ყველაზე მეტად გაუმართლებს იმას, ვინც ადამიანებთან მუშაობს, მათთან ურთიერთობები აქვს. კვირის მეორე ნახევარი დაუთმეთ სწავლას, ახალი გამოცდილების მიღებას. ჩნდება დიდი შანსი მათთვის, ვინც სამუშაოს ეძებს.

ქალწული

ქალწულებისთვის ძალზე დინამიკური პერიოდი იწყება. ამ დროს ყურადღება ყველაზე მნიშვნელოვანზე უნდა გაამახვილოთ. არ ღირს ორ კურდღელზე გამოდევნება. დროა, ერთი პრიორიტეტული მიმართულება შეარჩიოთ. თუ დინამიკურ რიტმში იცხოვრებთ და ბევრ ამოცანას შეეჭიდებით ერთდროულად, ძალიან მალე დახარჯავთ ენერგიას, ძალას და სიტუაციაზე კონტროლს დაკარგავთ.

აუცილებლად უნდა იპოვოთ დრო დასვენებისთვის, თუნდაც გაჩაღებული მუშაობის დროს. უქმეებზე ძალიან წაგადგებათ გარემოს შეცვლა, სადმე წასვლა, ნათესავების მონახულება. ნერვების დამშვიდებასა და მოდუნებაში დაგეხმარებათ შოპინგი, გარდერობის განახლება.

სასწორი

სასწორებმა ეს კვირა მსუბუქი განწყობითა და ოპტიმიზმით უნდა გაატაროთ. არ შეიძლება წარსულზე, წყენებზე „ჩაციკლვა“ და მით უმეტეს, შურისძიებაზე, გულში ბოღმის ჩადებაზე. აპატიეთ საკუთარ თავსაც და სხვებსაც. თქვენთვის, როგორც ასტროლოგები მიიჩნევენ, პრიორიტეტულია პატიება და კომპრომისის მოძებნა.

კვირა მნიშვნელოვანი იქნება კარიერული წარმატებებისთვისაც. არაა გამორიცხული კარიერულ კიბეზე წინსვლა, ხელფასის მომატება. საკუთარ თავზე უნდა აიღოთ პასუხისმგებლობა როგორც გამარჯვებაზე, ისე მარცხზეც. კვირის ბოლოს, შესაძლოა, თქვენი ძალები ამოიწუროს, ამიტომ თქვენთვის რეკომენდებულია საღამოობით დასვენება და პოზიტივზე და არა ნეგატივზე ფოკუსირება.

მორიელი

კვირის პირველი დღე საკმაოდ არახელსაყრელი და საშიში იქნება. ეს ეხება შაბათსაც. ამ დღეებში მეტი სიფრთხილე გმართებთ.

მომავალში წარმატებებისთვის ძალიან მნიშვნელოვანია ამ კვირაში ნათესავებთან ურთიერთობები. კავშირი უნდა გქონდეთ მეგობრებთან და ურთიერთობები – სასიამოვნო ადამიანებთან. რთულ მომენტებში შეგიძლიათ მათ დახმარება სთხოვოთ. ასტროლოგები გირჩევენ, მოერიდოთ ოჯახურ კონფლიქტებს, განსაკუთრებით უქმეებზე.

მშვილდოსანი

მშვილდოსნებმა უნდა იპოვოთ ენერგიისა და დადებითი ემოციების წყარო. მთელი შვიდი დღის განმავლობაში შრომისუნარიანობისა და კარგი განწყობის შენარჩუნება გაგიჭირდებათ, ამიტომ აუცილებლად გამონახეთ დრო დასვენებისთვის. თქვენი გარემოს შეცვლის ნიჭის გათვალისწინებით, იდეებთან დაკავშირებით პრობლემა არ უნდა გაჩნდეს.

კვირის პირველი ნაახევარი შემოქმედებას, ინტელექტუალურ მუშაობას, ახალი ცოდნის შეძენას, უცხო ენების შესწავლას მიესადაგება. ასტროლოგები გირჩევენ, ამ კვირაში შორეულ გზას არ დაადგეთ. 1–დან 4 ოქტომბრის ჩათვლით მოსალოდნელია სასიამოვნო შეხვედრები და ნაცნობობა.

თხის რქა

ასტროლოგები გირჩევენ, რომ ამ კვირაში მეტი ყურადღება დაუთმოთ სიყვარულსა და ურთიერთობებს. თუ თქვენი საყვარელი ადამიანი ეჭვიანია, სჯობს, არ მოახდინოთ მისი პროვოცირება. პირიქით, იყავით ლოიალური, გულღია დიალოგისთვის.

კარგი დროა თვალსაწიერის გაფართოებისთვის. მარტოხელებს არ გაწყენთ ახალი ნაცნობობა. რაც შეეხება სამუშაოს, ამ სფეროში იღბლიანი იქნება ნებისმიერი ახალი წამოწყება. კვირის პირველივე დღიდან ღირს ინიციატივის გამოჩნენა, თავდაჯერებულობისა და ოპტიმიზმის დემონსტრირება. კოლეგები და ხელმძღვანელობა ამას სათანადოდ შეაფასებს.

მერწყული

ამ კვირაში მერწყულებისთვის ყველაზე მნიშვნელოვანი ფინანსური სფერო გახდება. ვარსკვლავები და პლანეტები ყოველთვის კარგ განწყობაზე არ იქნებიან. ამ მხრივ უნდა იფრთხილოთ და გეგმას მისდიოთ, განსაკუთრებით 30 სექტემბერსა და 1 ოქტომბერს.

შუა კვირაში არ ღირს სესხის აღება და ძვირადღირებული რამის ყიდვა. იღბალი იმ მერწყულების გვერდით იქნება, რომლებიც დავალებებს პასუხისმგებლობით მოეკიდებიან, იმოქმედებენ და უქმად არ ისხდებიან. ეს იქნება დინამიკური დრო, როდესაც სარისკოა საქმეების თავის დინებაზე მიშვება. ამან შეიძლება დიდი პრობლემები გამოიწვიოს.

თევზები

თევზები ბედის იმედად არ უნდა იყოთ. უნდა გამოიჩინოთ მაქსიმალური აქტიურობა და მზად იყოთ ნებისმიერი ამოცანის გადასაჭრელად. ორშაბათი ძალზე ხელსაყრელი დღე იქნება, ამიტომ დილიდან უნდა განეწყოთ პოზიტიურ კილოზე, სწრაფად ჩაერთოთ მუშაობაში, მაგრამ ძალიან არ უნდა გადაიღალოთ.

იღბალზე პოზიტიურად აისახება დამოუკიდებლობა. არ ღირს დახმარების თხოვნა გარშემომყოფებისთვის, განსაკუთრებით, თუ მათთან ურთიერთობები ყოველთვის სასიამოვნოდ არ ეწყობა. მოერიდეთ არაკეთილმოსურნეებს, ამასთან, მათი რიცხვი შეიძლება გაიზარდოს.

0