ცნობილი გახდა საქართველოს თასის მეოთხედფინალური წყვილები

თბილისი, 28 ივნისი — Sputnik. საქართველოს ფეხბურთის ფედერაციაში დავით ყიფიანის სახელობის თასის მეოთხედფინალური ეტაპის წილისყრა გაიმართა.

წილისყრაში მონაწილეობას იღებდა ეროვნული ლიგის ოთხი, ეროვნული ლიგა 2-ის ერთი, ლიგა 3-ის ერთი და ლიგა 4-ის ორი გუნდი.

გუნდები შემდეგნაირად დაწყვილდნენ: 

• "გარეჯი" - "თბილისი სითი";
• "რუსთავი" - "ტორპედო";
• „მერანი“ თბილისი - „საბურთალო“;
• „მერანი“ მარტვილი - "ლოკომოტივი".

დავით ყიფიანის სახელობის თასის მეოთხედფინალური ეტაპის შეხვედრები 25 სექტემბერს გაიმართება.

შეგახსენებთ, რომ შემდეგ ეტაპზე გამსვლელი გუნდები ერთმატჩიან დაპირისპირებაში გამოვლინდებიან.