საქართველო-დანიის მატჩის შემდეგ

საქართველოს ნაკრებმა ფეხბურთში დანიასთან გამანადგურებელი ანგარიშით წააგო

59
(განახლებულია 13:37 11.06.2019)
გუნდები ერთმანეთს მეორე წრეში თბილისში სექტემბერში შეხვდებიან.

თბილისი, 11 ივნისი — Sputnik. საქართველოს ეროვნულმა ნაკრებმა ფეხბურთში ევრო-2020-ის შესარჩევი მატჩი დანიის ნაკრებთან კოპენჰაგენში 1:5 წააგო.

მასპინძლებმა ანგარიში უკვე მე-13 წუთზე გახსნეს (გოლის ავტორია კასპერ დოლბერგი). ანგარიშის გათანაბრება ქართველებმა პირველი ტაიმის შუაში შეძლეს – გოლი გაიტანა საბა ლობჟანიძემ, რომელიც დანიის ჩემპიონატში გამოდის.

Сборная Грузии по футболу во время матча с командой Дании
© Sputnik / STRINGER
საქართველოს ნაკრები დანიის გუნდის წინააღმდეგ

30-ე წუთზე 11-მეტრიანი საჯარიმო დარტყმა ზუსტად შეასრულა მასპინძლების კაპიტანმა კრისტიან ერიქსენმა. შესვენებაზე გუნდები 2:1 ანგარიშით გავიდნენ დანიის სასარგებლოდ.

მეორე ტაიმში დანიელები კვლავ უპირატესობას ფლობდნენ მინდორზე და მეტჩის მეორე ნახევარში კიდევ სამი გოლი დაამატეს – დოლბერგმა დუბლი გააფორმა, იუსუფ პოულსენმა ლორიას კარში მეოთხე გოლი გაიტანა, ხოლო საბოლოო ანგარიში 5:1 მარტინ ბრეიტვეიტმა დააფიქსირა.

ეს მარცხი საქართველოს ნაკრებისთვის ევრო-2020-ის შესარჩევ ციკლში მესამეა. ვლადიმირ ვაისის გუნდი ოთხი ტურის შემდეგ D ჯგუფში სამი ქულით მეოთხე ადგილზეა. ლიდერი კვლავ ირლანდიაა (10 ქულა ოთხ მატჩში), ხოლო დანიამ მეორე ადგილზე გადაინაცვლა (5 ქულა სამ მატჩში).

ევრო-2020-ის შესარჩევი ციკლი სექტემბერში გაგრძელდება. შემდეგ მატჩს საქართველოს ნაკრები 8 სექტემბერს თბილისში დანიის წინააღმდეგ გამართავს.

59
თემები:
სპორტის ამბები (297)