ნანა ძაგნიძე

ძაგნიძემ ყაზანში პარტია ტურნირის ლიდერთან წააგო

72
(განახლებულია 10:28 07.06.2019)
ქართველი მოჭადრაკე ექვსი ტურის შემდეგ ლიდერს ერთნახევარი ქულით ჩამორჩება

თბილისი, 7 ივნისი — Sputnik. საქართველოს ქალთა ნაკრების ლიდერი ჭადრაკში ნანა ძაგნიძე (მე-11 ადგილი ფიდეს რეიტინგში) ფიდეს 2019 წლის პრეტენდენტთა ტურნირზე, რომელიც ამ დღეებში ყაზანში მიმდინარეობს, ზედიზედ მეორედ დამარცხდა.

ტურნირის მეექვსე დღეს ძაგნიძე რუს ალექსანდრა გორიაჩკინას შეხვდა. ქართველმა თეთრი ფიგურებით ითამაშა. მან მარცხი 71-ე სვლის შემდეგ აღიარა.

ამ გამარჯვების წყალობით რუსმა მოჭადრაკემ მოაგროვა ხუთი ქულა და სატურნირო ცხრილში ლიდერის პოზიციები განამტკიცა. ძაგნიძე და რუსეთის კიდევ ერთი წარმომადგენელი ეკატერინა ლაგნო, თითოეული 3,5 ქულით, მეორე ადგილზე განთავსდნენ.

მოჭადრაკეები 7 ივნისს ისვენებენ, ხოლო შაბათს ძაგნიძე შავი ფიგურებით ლაგნოს შეხვდება, ხოლო გორიაჩკინა - უკრაინელ მარია მუზიჩუკს.

ტურნირი 18 ივნისამდე გაგრძელდება. ტურნირის გამარჯვებული მოქმედ მსოფლიო ჩემპიონთან, ჩინელ ცზიუ ვენცზიუნთან თამაშის უფლებას მოიპოვებს.

72
თემები:
სპორტის ამბები (721)
საქართველოს ჩემპიონატი ფეხბურთში

ცნობილი გახდა თარიღი, თუ როდის განახლდება საქართველოს საფეხბურთო ჩემპიონატი მეორე ლიგაში

66
(განახლებულია 19:05 01.07.2020)
ფედერაციის მიზანია, რომ გაკეთდეს ყველაფერი, რათა განხორციელდეს 2020 წლისთვის დაგეგმილი პროექტები. ეს ეხება როგორც პროფესიულ, ისე მასობრივ ფეხბურთს.

თბილისი, 1 ივლისი — Sputnik. საქართველოს საფეხბურთო ჩემპიონატი მეორე ლიგაში 13 ივლისს განახლდება. ამის შესახებ საქართველოს ფეხბურთის ფედერაციის (სფფ) პრეს-სამსახურს ორგანიზაციის გენერალურმა მდივანმა დავით მუჯირმა განუცხადა.

„კლუბებთან კომუნიკაციის შემდეგ მივიღეთ გადაწყვეტილება, რომ „ეროვნული ლიგა 2“ 13 ივლისიდან განახლდება. ეროვნული ლიგის მსგავსად, აღნიშნული ტურნირიც მესამე ტურიდან გაგრძელდება", – განაცხადა მუჯირმა.

ასევე ცნობილი გახდა საქართველოს ჩემპიონატის განახლების თარიღი მესამე ლიგაში. მუჯირის განცხადებით, ეს დღეა 27 ივლისი. რაც შეეხება მეოთხე და რეგიონულ ლიგებს, ასევე საქართველოს თასს, მათი განახლება აგვისტოს შუა რიცხვებში იგეგმება, თუმცა ზუსტი თარიღები ჯერჯერობით უცნობია.

„ჩვენი მიზანია, რომ 2020 წელს დაგეგმილი ყველა პროექტი განვაახლოთ როგორც პროფესიული, ასევე მასობრივი ფეხბურთის მიმართულებით", – აღნიშნა მუჯირმა.

საქართველოს ჩემპიონატის მეორე ლიგაში ჩატარებული ორი ტურის შემდეგ (რომელიც კორონავირუსის პანდემიის გამო მარტის დასაწყისში შეწყდა) ექვსი ქულით ლიდერობს ქობულეთის „შუქურა".

საქართველოს ეროვნული ლიგის ყველა ფეხბურთელმა კორონავირუსზე ტესტი ჩააბარა>>

რაც შეეხება საქართველოს ჩემპიონატის ეროვნულ ლიგას, ის გასულ უქმეებზე განახლდა. ლიდერი კვლავინდებურად თბილისის „ლოკომოტივია", რომლის აქტივშია შვიდი ქულა. შემდეგ ხუთ-ხუთი ქულით მოდიან თბილისის „დინამო" და გორის „დილა".

66
თემები:
სპორტის ამბები (721)
საკალათბურთო კლუბი „ბასკონია

თორნიკე შენგელია ესპანეთის ჩემპიონია

64
(განახლებულია 16:29 01.07.2020)
ქართველი სპორტსმენისთვის, რომელიც „ბასკონიაში" 2014 წლიდან გამოდის, ეს კლუბის შემადგენლობაში ჩემპიონის პირველი ტიტულია.

თბილისი, 1 ივლისი — Sputnik. საკალათბურთო კლუბი „ბასკონია", რომლის კაპიტანი საქართველოს ნაკრების ლიდერი თორნიკე შენგელიაა, ესპანეთის ჩემპიონი გახდა. მან ფინალში „ბარსელონა" 69:67 დაამარცხა.

შენგელია „ბასკონიაში" 2014 წლიდან თამაშობს და ეს ქართველი კალათბურთელისთვის კლუბის შემადგენლობაში ჩემპიონის პირველი ტიტულია.

თორნიკე შენგელია ესპანეთის ჩემპიონობას უმიზნებს>>

შეხვედრის დასაწყისში ფავორიტად „ბარსელონა" მიიჩნეოდა, მაგრამ „ბასკონიამ" მატჩი უნაკლოდ ჩაატარა და ოთხიდან სამი მეოთხედი მოიგო. შენგელიამ მოედანზე 33 წუთზე მეტი გაატარა, მოიპოვა 14 ქულა, გააკეთა ოთხი მოხსნა და ორი შედეგიანი გადაცემა.

გამარჯვებულების შემადგენლობაში ყველაზე შედეგიანი მოთამაშე 17 ქულით და მატჩის MVP არგენტინელი ლუკა ვალდოზა გახდა.

ესპანეთის ჩემპიონი გახდა საქართველოს ნაკრების კიდევ ერთი მოთამაშე – ნატურალიზებული ამერიკელი მეტ ჯენინგიც, რომელიც ასევე „ბასკონიაში" გამოდის.

„ბასკონია" ესპანეთის ჩემპიონი მეოთხედ გახდა. ბოლოს ეს ტიტული კლუბმა 2010 წელს მოიპოვა.

64
თემები:
სპორტის ამბები (721)
სავსე მთვარე

მთვარის კალენდარი: 4 ივლისი რისი გაკეთება შეიძლება და რისი არა

0
(განახლებულია 19:15 03.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 ივლისი, შაბათი. ამ დღეს სატურნი მართავს. მზარდი მთვარე თხის რქის ნიშანშია.

კარგი დღეა ჯგუფური მუშაობისთვის, ახალი ინფორმაციის მიღებისთვის. ამ დღეს რეკომენდებულია კორექტივების შეტანა ბიზნესში, გავლენის სფეროს გაფართოება, შეთანხმებებზე ხელმოწერა, საზოგადოებრივი ღონისძიებების ჩატარება, ახალი ცოდნის მიღებს, მუშაობა, მატერიალურ საკითხებზე მუშაობა.

არარეკომენდებულია სერიოზული საქმეების წამოწყება, განსაკუთრებით – მარტო, ასევე დიდი ხნით უსაქმოდ ყოფნა, დასვენება. დღე კატეგორიულად არ მიესადაგება დიდ ხარჯებს, ანუ არ შეიძინოთ ძვირადღირებული არაფერი.

თმის შეჭრა, შეღებვა: მთვარე თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეცერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

მებაღეობა: რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

შეიძლება სარეველასთან, მავნებლებთან ბრძოლა, მორწყვა და სასუქის მიცემა იმ მცენარეებისთვის, რომლებსაც სუსტი ფესვები აქვთ.

0