თბილისი, 2 ივნისი - Sputnik. საქართველოს ქალთა საჭადრაკო ნაკრების ლიდერი ნანა ძაგნიძე (მე–11 ადგილი ფიდეს რეიტინგში) ფიდე–2019–ის პრეტენდენტთა ტურნირზე ყაზანში ლიდერებში მოხვდა.
მეორე ტურში ძაგნიძემ შავი ფიგურებით უკრაინელ ანა მუზიჩუკს მოუგო და 1,5 ქულა დააგროვა. ქულათა იგივე რაოდენობა აქვს რუს ალექსანდრა გორიაჩკინას, რომელმაც მეორე საშეჯიბრო დღეს თავის თანამემამულე ვალენტინა გუნინას მოუგო.
ტურნირზე გამართული ორი სხვა პარტია - ეკატერინა ლაგნო (რუსეთი) - ალექსანდრა კოსტენიუკი (რუსეთი) და ტან ჩჟუნი (ჩინეთი) - მარია მუზიჩუკი (უკრაინა) ყაიმით დასრულდა.
მესამე ტურში 2 ივნისს ძაგნიძე მარია მუზიჩუკს თეთრი ფიგურებით ეთამაშება.
პრეტენდენტთა ტურნირი ორწრიული სისტემით ჩატარდება – რვა მონაწილიდან თითოეული ყველა მონაწილესთან ორ პარტიას ითამაშებს: ერთს თეთრით, მეორეს – შავი ფიგურებით.
ტურნირის საპრიზო ფონდი 200 ათასი ევროა, რომელიც მონაწილეთა შორის დაკავებული ადგილების მიხედვით გადანაწილდება.
„ჭადრაკის დედოფალი" თბილისში სექტემბერში გამოჩნდება >>
ტურნირი 18 ინისამდე გაგრძელდება.
