ქართველმა ჩოგბურთელმა რომის „მასტერსზე“ პირველი მატჩი მოიგო

© AP Photo / Lynne Sladkyნიკოლოზ ბასილაშვილი
ნიკოლოზ ბასილაშვილი - Sputnik საქართველო
გამოწერა
ქართველმა სპორტსმენმა მონტე-კარლოს ტურნირზე აპრილში განცდილი მარცხისთვის რევანში აიღო

თბილისი, 12 მაისი — Sputnik. საქართველოს ნომერ პირველმა ჩოგბურთელმა ნიკოლოზ ბასილაშვილმა (АТР-ს რეიტინგი მე-17 ნომერი) რომში „მასტერსის“ სერიის ტურნირზე ასპარეზობა მოგებით დაიწყო.

პირველ წრეში ბასილაშვილი შეხვდა უნგრელს მარტონ ფუჩოვიჩს (36) და ორ სეტში მოიგო - 6:1, 7:6. მატჩი ერთ საათსა და 40 წუთს გაგრძელდა.

ნიკოლოზ ბასილაშვილი - Sputnik საქართველო
ნიკოლოზ ბასილაშვილი მადრიდის ტურნირს პირველი წრის შემდეგ გამოეთიშა

ქართველი ჩოგბურთელის წარმატება განაპირობა მეტოქის ცუდმა თამაშმა მეორე ჩაწოდებაზე. ფუჩოვიჩმა თავისი მეორე ჩაწოდების შემდეგ ბურთების მხოლოდ 31% მოიგო, მაშინ, როდესაც ბასილაშვილის ანალოგიურმა მაჩვენებელმა 61% შეადგინა.

მატჩის განმავლობაში ჩვენმა ჩოგბურთელმა ხუთი ბრეიკ პოინტის რეალიზება შეძლო, ხოლო თავისი ჩაწოდება სულ ორჯერ დათმო.

აღსანიშნავია, რომ აპრილის შუა რიცხვებში მეტოქეები ერთმანეთს მონტე-კარლოში „მასტერსის“ პირველ წრეში შეხვდნენ. მაშინ გამარჯვება იზეიმა ფუჩოვიჩმა, რომელმაც სამ პარტიაში ანგარიშით 7:5, 3:6, 6:1 მოიგო.

ნიკოლოზ ბასილაშვილი - Sputnik საქართველო
რამ განაპირობა ნიკოლოზ ბასილაშვილის АТР-ს რეიტინგში ჩამოქვეითება

რომში ტურნირის მეორე წრეში გასვლამ ბასილაშვილს 45 სარეიტინგო ქულა და 33,5 ათასი ევრო მოუტანა.

მომდევნო რაუნდში ქართველი ჩოგბურთელი მიხაილ კუკუშკინის (ყაზახეთი) - ლასლო დიარეს (სერბეთი) წყვილის გამარჯვებულს შეხვდება.

Internazionali BNL d"Italia 19 მაისამდე გაგრძელდება. ტურნირის საერთო საპრიზო ფონდი 5 მილიონ 207 ათას ევროს შეადგენს, ხოლო მოქმედი გამარჯვებული რაფაელ ნადალია.

ყველა ახალი ამბავი
0