ნინო სალუქვაძე

უკვე მეცხრედ: ნინო სალუქვაძე ტოკიოს 2020 წლის ოლიმპიადაზე გაემგზავრება

141
პეკინში მსოფლიო თასის ეტაპზე პნევმატური პისტოლეტიდან 10 მეტრზე სროლაში სალუქვაძემ მეხუთე ადგილი დაიკავა, თუმცა ოლიმპიადის ლიცენზიის მოსაპოვებლად ეს საკმარისი აღმოჩნდა.

თბილისი, 24 აპრილი — Sputnik. სპორტული პისტოლეტიდან სროლაში სეულის (1998 წ) ოლიმპიურმა ჩემპიონმა ნინო სალუქვაძემ ქართველ სპორტსმენებს შორის პირველმა მოიპოვა ტოკიოს 2020 წლის ოლიმპიურ თამაშებში მონაწილეობის ლიცენზია. 

აღნიშნული ინფორმაცია „Sputnik-საქართველოს“ ქვეყნის ეროვნულ ოლიმპიურ კომიტეტში დაუდასტურეს. 

პეკინში მსოფლიო თასის ეტაპზე სალუქვაძემ მეხუთე ადგილი დაიკავა პნევმატური პისტოლეტიდან 10 მეტრზე სროლაში (179,6 ქულა). გამომდინარე იქიდან, რომ პირველ ოთხ ადგილზე გასულ სპორტსმენებს უკვე ჰქონდათ მოპოვებული ტოკიოს ოლიმპიადის ლიცენზია, ქართველი სპორტსმენი ავტომატურად გახდა მისი მფლობელი.

ნინო სალუქვაძისთვის ტოკიოს ოლიმპიური თამაშები მეცხრე იქნება კარიერაში. ამ მაჩვენებლით მას შეუძლია რეკორდსმენიც გახდეს ქალებს შორის. ამ დროისათვის, გარდა სალუქვაძისა, რვა ოლიმპიადაში მონაწილეობა ორ ქალს აქვს მიღებული: იოზეფა იდემს (იტალია, ბაიდარზე ნიჩბოსნობა) და ლესლი ტომპსონს (კანადა, აკადემიური ნიჩბოსნობა).

ნინო სალუქვაძის ავტოგრაფი SPUTNIK-ს
SPUTNIK
ნინო სალუქვაძის ავტოგრაფი SPUTNIK-ს

აღსანიშნავია, რომ იდემმა უკვე დაასრულა სპორტული კარიერა და იმ შემთხვევაში, თუ ტომპსონი ტოკიოს ოლიმპიადაზე კვალიფიკაციაში ვერ მოხვდება, ნინო სალუქვაძე ცხრა ოლიმპიადაში მონაწილე ერთადერთი ქალი გახდება.

ნინო სალუქვაძე ერთადერთი ქართველი სპორტსმენი ქალია, რომელსაც ყველა ღირსების ოლიმპიური მედალი აქვს მოპოვებული. 1988 წელს სეულის ოლიმპიადაზე მან ოქროს მედალი აიღო სპორტული პისტოლეტიდან სროლაში 25 მ დისტანციაზე და იქვე გახდა ვერცხლის პრიზიორი პნევმატური პისტოლეტიდან 10 მეტრზე სროლაში. პეკინის 2008 წლის ოლიმპიადაზე სალუქვაძემ ბრინჯაოს მედალი დაიმსახურა პნევმატური პისტოლეტიდან სროლაში.

141
თემები:
სპორტის ამბები (814)

როგორ დაამარცხა თბილისის „ლოკომოტივმა“ მოსკოვის „დინამო“ - საუკეთესო ფოტოები

79
(განახლებულია 21:10 18.09.2020)
  • ბუკმეიკერები თავდაჯერებულად დებდნენ მოსკოვის „დინამოს“ გამარჯვებაზე, თუმცა „რკინიგზელთა“ მწვრთნელს სხვა გეგმა ქონდა
  • პირველ ტაიმში გუნდები პოზიციებისათვის იბრძოდნენ, აშკარა უპირატესობას ფლობდნენ სტუმრები
  • თამაშში გარდატეხა მეორე ტაიმის პირველივე წუთებზე მოხდა - „ლოკომოტივი“ შეტევაზე გადავიდა
  • 53-ე წუთზე 30 წლის თავდამსხმელმა ირაკლი სიხარულიძემ „დინამოს“ კარში გოლი გაიტანა
  • თავდამსხმელმა მეკარე შუნინი მოატყუა და ცარიელი კარის პირისპირ აღმოჩნდა
  • მიუხედავად იმისა, რომ „დინამო“ მთელი ტაიმის განმავლობაში ფლობდნენ უპირატესობას, ანგარიში „ლოკომოტივმა“ გახსნა
  • „ლოკომოტივი“ გოლის გატანას აღნიშნავს
  • „ლოკომოტივი“ ქომაგების გარეშე ხვდებოდა მეტოქეს საკუთარ მოედანზე, რაც ძალიან რთულია, თუმცა ქართველი სპორტსმენები ამოცანას შესანიშნავად გაუმკლავდნენ
  • ბურთის გაშვების შემდეგ „დინამოელებმა“ ტემპი გაზარდეს, თუმცა მასპინძლის დაცვამ მათ ძლიერი წინააღმდეგობა გაუწია
  • ნოვიკოვს ესმოდა, რომ თამაშის გამწვავება იყო საჭირო და მოთამაშეების შეცვლა დაიწყო
  • ჟურნალისტები, წესების თანახმად, ერთ კონკრეტულ ირჩევდნენ, მათთვის გადაადგილება არ შეიძლებოდა
  • „ლოკომოტივი“ „დინამოს“ თავისივე იარაღით შეებრძოლა - უამრავი მცირედი და ტაქტიკური ფოლი. ეს ცვლის განწყობას და შემართებას, რაც თამაშზე აისახება
  • შონიას ძლიერად დარტყმული ბურთი შუნინმა ვერ დააფიქსირა, დამატებაზე კი შესანიშნავად ითამაშა შეცვლაზე შემოსულმა გავაშელიშვილმა
  • მეტოქეები პირისპირ
  • „ლოკომოტივის“ მეკარე გიორგი მამარდაშვილის მორიგი სეივი. ის მატჩის ერთ-ერთი მთავარი გმირი გახდა
  • „დინამომ“ ძირითადი დროის ბოლო წუთზე თერთმეტმეტრიანი დარტყმა გაიტანა, დამატებითი ხუთი წუთის ხარჯზე კი ანგარიშის გათანაბრების შანსი მიეცა, თუმცა უშედეგოდ
  • საფინალო სასტვენი - 2:1!!! ადვილი წარმოსადგენია, რა მოხდებოდა ახლა სტადიონზე, ტრიბუნებზე რომ გულშემატკივრები ყოფილიყვნენ
  • გამარჯვება
  • სიხარულისგან მოედანზე სირბილი დაიწყეს, და მიუხედავად აკრძალვისა, მოთამაშეები ერთმანეთს ეხვეოდნენ და გაამრჯვებას ასე ზეიმობდნენ
  • ახლა „ლოკომოტივს“ მესამე საკვალიფიკაციო რაუნდი ელის წინ, სადაც მისი მოწინააღმდეგე ესპანური „გრანადა“ იქნება. მატჩი 24 სექტემბერს ესპანეთში გაიმართება
თბილისის „ლოკომოტივმა“ უეფას "ევროპა ლიგის" მეორე საკვალიფიკაციო რაუნდში მოსკოვის „დინამო“ დაამარცხა. იხილეთ "Sputnik-საქართველოს" ფოტომასალაში მატჩის სურათები.

უეფას "ევროპა ლიგის" მეორე საკვალიფიკაციო რაუნდში თბილისის „ლოკომოტივისა“ და მოსკოვის „დინამოს“ შორის მატჩი დასრულდა ანგარიშით 2:1 მასპინძლების სასარგებლოდ - მიუხედავად პროგნოზებისა. სპორტის ექსპერტები ქართველებს წაგებას უწინასწარმეტყველებდნენ, მაგრამ „დინამომ“ მხოლოდ პრესტიჟის გოლის გატანა შეძლო ძირითადი დროის ბოლო წუთზე.

უეფას რეგულაციებისა და რეკომენდაციების შესაბამისად სტადიონზე გულშემატკივრები არ იმყოფებოდნენ, თუმცა ქალაქის ქუჩები ორი საათით დაცარიელდა - ყველა ტელევიზორს მიეჯაჭვა. „ლოკომოტივმა“ და მისმა გულშემატკივრებმა გამარჯვება იზეიმეს.

79
  • ბუკმეიკერები თავდაჯერებულად დებდნენ მოსკოვის „დინამოს“ გამარჯვებაზე, თუმცა „რკინიგზელთა“ მწვრთნელს სხვა გეგმა ქონდა
    © Sputnik / STRINGER

    ბუკმეიკერები თავდაჯერებულად დებდნენ მოსკოვის „დინამოს“ გამარჯვებაზე, თუმცა „რკინიგზელთა“ მწვრთნელს სხვა გეგმა ქონდა

  • პირველ ტაიმში გუნდები პოზიციებისათვის იბრძოდნენ, აშკარა უპირატესობას ფლობდნენ სტუმრები
    © Sputnik / STRINGER

    პირველ ტაიმში გუნდები პოზიციებისათვის იბრძოდნენ, აშკარა უპირატესობას ფლობდნენ სტუმრები

  • თამაშში გარდატეხა მეორე ტაიმის პირველივე წუთებზე მოხდა - „ლოკომოტივი“ შეტევაზე გადავიდა
    © Sputnik / Alexander Imedashvili

    თამაშში გარდატეხა მეორე ტაიმის პირველივე წუთებზე მოხდა - „ლოკომოტივი“ შეტევაზე გადავიდა

  • 53-ე წუთზე 30 წლის თავდამსხმელმა ირაკლი სიხარულიძემ „დინამოს“ კარში გოლი გაიტანა
    © Sputnik / STRINGER

    53-ე წუთზე 30 წლის თავდამსხმელმა ირაკლი სიხარულიძემ „დინამოს“ კარში გოლი გაიტანა

  • თავდამსხმელმა მეკარე შუნინი მოატყუა და ცარიელი კარის პირისპირ აღმოჩნდა
    © Sputnik / STRINGER

    თავდამსხმელმა მეკარე შუნინი მოატყუა და ცარიელი კარის პირისპირ აღმოჩნდა

  • მიუხედავად იმისა, რომ „დინამო“ მთელი ტაიმის განმავლობაში ფლობდნენ უპირატესობას, ანგარიში „ლოკომოტივმა“ გახსნა
    © Sputnik / STRINGER

    მიუხედავად იმისა, რომ „დინამო“ მთელი ტაიმის განმავლობაში ფლობდნენ უპირატესობას, ანგარიში „ლოკომოტივმა“ გახსნა

  • „ლოკომოტივი“ გოლის გატანას აღნიშნავს
    © Sputnik / STRINGER

    „ლოკომოტივი“ გოლის გატანას აღნიშნავს

  • „ლოკომოტივი“ ქომაგების გარეშე ხვდებოდა მეტოქეს საკუთარ მოედანზე, რაც ძალიან რთულია, თუმცა ქართველი სპორტსმენები ამოცანას შესანიშნავად გაუმკლავდნენ
    © Sputnik / Alexander Imedashvili

    „ლოკომოტივი“ ქომაგების გარეშე ხვდებოდა მეტოქეს საკუთარ მოედანზე, რაც ძალიან რთულია, თუმცა ქართველი სპორტსმენები ამოცანას შესანიშნავად გაუმკლავდნენ

  • ბურთის გაშვების შემდეგ „დინამოელებმა“ ტემპი გაზარდეს, თუმცა მასპინძლის დაცვამ მათ ძლიერი წინააღმდეგობა გაუწია
    © Sputnik / Alexander Imedashvili

    ბურთის გაშვების შემდეგ „დინამოელებმა“ ტემპი გაზარდეს, თუმცა მასპინძლის დაცვამ მათ ძლიერი წინააღმდეგობა გაუწია

  • ნოვიკოვს ესმოდა, რომ თამაშის გამწვავება იყო საჭირო და მოთამაშეების შეცვლა დაიწყო
    © Sputnik / STRINGER

    ნოვიკოვს ესმოდა, რომ თამაშის გამწვავება იყო საჭირო და მოთამაშეების შეცვლა დაიწყო

  • ჟურნალისტები, წესების თანახმად, ერთ კონკრეტულ ირჩევდნენ, მათთვის გადაადგილება არ შეიძლებოდა
    © Sputnik / Alexander Imedashvili

    ჟურნალისტები, წესების თანახმად, ერთ კონკრეტულ ირჩევდნენ, მათთვის გადაადგილება არ შეიძლებოდა

  • „ლოკომოტივი“ „დინამოს“ თავისივე იარაღით შეებრძოლა - უამრავი მცირედი და ტაქტიკური ფოლი. ეს ცვლის განწყობას და შემართებას, რაც თამაშზე აისახება
    © Sputnik / Alexander Imedashvili

    „ლოკომოტივი“ „დინამოს“ თავისივე იარაღით შეებრძოლა - უამრავი მცირედი და ტაქტიკური ფოლი. ეს ცვლის განწყობას და შემართებას, რაც თამაშზე აისახება

  • შონიას ძლიერად დარტყმული ბურთი შუნინმა ვერ დააფიქსირა, დამატებაზე კი შესანიშნავად ითამაშა შეცვლაზე შემოსულმა გავაშელიშვილმა
    © Sputnik / Alexander Imedashvili

    შონიას ძლიერად დარტყმული ბურთი შუნინმა ვერ დააფიქსირა, დამატებაზე კი შესანიშნავად ითამაშა შეცვლაზე შემოსულმა გავაშელიშვილმა

  • მეტოქეები პირისპირ
    © Sputnik / STRINGER

    მეტოქეები პირისპირ

  • „ლოკომოტივის“ მეკარე გიორგი მამარდაშვილის მორიგი სეივი. ის მატჩის ერთ-ერთი მთავარი გმირი გახდა
    © Sputnik / Alexander Imedashvili

    „ლოკომოტივის“ მეკარე გიორგი მამარდაშვილის მორიგი სეივი. ის მატჩის ერთ-ერთი მთავარი გმირი გახდა

  • „დინამომ“ ძირითადი დროის ბოლო წუთზე თერთმეტმეტრიანი დარტყმა გაიტანა, დამატებითი ხუთი წუთის ხარჯზე კი ანგარიშის გათანაბრების შანსი მიეცა, თუმცა უშედეგოდ
    © Sputnik / STRINGER

    „დინამომ“ ძირითადი დროის ბოლო წუთზე თერთმეტმეტრიანი დარტყმა გაიტანა, დამატებითი ხუთი წუთის ხარჯზე კი ანგარიშის გათანაბრების შანსი მიეცა, თუმცა უშედეგოდ

  • საფინალო სასტვენი - 2:1!!! ადვილი წარმოსადგენია, რა მოხდებოდა ახლა სტადიონზე, ტრიბუნებზე რომ გულშემატკივრები ყოფილიყვნენ
    © Sputnik / Alexander Imedashvili

    საფინალო სასტვენი - 2:1!!! ადვილი წარმოსადგენია, რა მოხდებოდა ახლა სტადიონზე, ტრიბუნებზე რომ გულშემატკივრები ყოფილიყვნენ

  • გამარჯვება
    © Sputnik / STRINGER

    გამარჯვება

  • სიხარულისგან მოედანზე სირბილი დაიწყეს, და მიუხედავად აკრძალვისა, მოთამაშეები ერთმანეთს ეხვეოდნენ და გაამრჯვებას ასე ზეიმობდნენ
    © Sputnik / Alexander Imedashvili

    სიხარულისგან მოედანზე სირბილი დაიწყეს, და მიუხედავად აკრძალვისა, მოთამაშეები ერთმანეთს ეხვეოდნენ და გაამრჯვებას ასე ზეიმობდნენ

  • ახლა „ლოკომოტივს“ მესამე საკვალიფიკაციო რაუნდი ელის წინ, სადაც მისი მოწინააღმდეგე ესპანური „გრანადა“ იქნება. მატჩი 24 სექტემბერს ესპანეთში გაიმართება
    © Sputnik / STRINGER

    ახლა „ლოკომოტივს“ მესამე საკვალიფიკაციო რაუნდი ელის წინ, სადაც მისი მოწინააღმდეგე ესპანური „გრანადა“ იქნება. მატჩი 24 სექტემბერს ესპანეთში გაიმართება

კირილ ნოვიკოვი

მოსკოვის „დინამოს“ მწვრთნელმა თბილისში მარცხის მიზეზები განმარტა

76
(განახლებულია 16:39 18.09.2020)
კირილ ნოვიკოვის განცხადებით, მისმა გუნდმა დაცვაში ბევრი შეცდომა დაუშვა, რამაც მთლიანობაში თამაშის ბედი გადაწყვიტა.

თბილისი, 18 სექტემბერი – Sputnik. მოსკოვის „დინამოს“ მწვრთნელმა კირილ ნოვიკოვმა უეფას „ევროპა ლიგის“ მეორე საკვალიფიკაციო რაუნდის ფარგლებში თბილისის „ლოკომოტივთან“ ჩატარებულ მატჩში, რომელიც ქართველი ფეხბურთლების გამარჯვებით დასრულდა – 2:1, მისი გუნდის წარუმატებლობა შეაფასა. 

მატჩი თბილისის მიხეილ მესხის სახელობის სტადიონზე გუშინ გაიმართა. „ლოკომოტივის“ შემადგენლობიდან გოლები გაიტანეს ირაკლი სიხარულიძემ (54-ე წუთზე) და მამია გავაშელიშვილმა (76-ე წუთზე). „დინამოდან“ კი ნიკოლაი კომლიჩენკომ (90-ე წუთზე პენალტით).

„თამაში ჩვენი უპირატესობით მიდიოდა. „ლოკომოტივმა“ კი თავისი ძლიერი მხარეები გამოიყენა – თამაშობდა კომპაქტურად, სწრაფად გადადიოდა დაცვიდან შეტევაზე. მოწინააღმდეგემ თავისი შესაძლებლობების მაქსიმუმი გამოავლინა. ჩვენ ვერ გამოვიყენეთ ჩვენი მომენტები. დავძენ, დაცვაში გარკვეულ მომენტებში საშინლად ვითამაშეთ. ეს კი ჩვენი დამარცხების მიზეზი გახდა“, – განაცხადა „დინამოს“ მწვრთნელმა მატჩის შემდეგ გამართულ პრესკონფერენციაზე. 

Матч Лиги Европы между тбилисским ФК “Локомотив” и московским ФК “Динамо” на стадионе им. Михаила Месхи-2
© Sputnik / STRINGER
მოსკოვის „დინამო“ თბილისის „ლოკომოტივთან“ ანგარიშით 2:1 დამარცხდა

ამასთან, მან აღნიშნა, რომ არ შეიძლება საუბარი იმის შესახებ, თითქოს მოწინააღმდეგე სათანადოდ ვერ შეაფასეს.

„სათანადოდ არ შევაფასეთ – ეს სრული სისულელეა. ჩვენ ძალზე სერიოზულად მივუდექით მოწინააღმდეგეს. „ლოკომოტივი“ კარგი, სწრაფი გუნდია. ვერ ვიტყვი, რომ სათანადოდ არ შევაფასეთ მეტოქე. ჩვენ აქ გამარჯვებისთვის ჩამოვედით, მაგრამ ჩვენი შანსების რეალიზება ვერ მოვახდინეთ. დაცვაში ბევრი შეცდომა დავუშვით – ზოგ ეპიზოდში მოწინააღმდეგე გვაიძულებდა შეცდომის დაშვებას, ზოგიერთ მომენტში ჩვენით დავუშვით. ყოველივე ამან მთლიანობაში ამ შედეგამდე მიგვიყვანა“, – განაცხადა ნოვიკოვმა. 

მოსკოვის „დინამო“ „ლოკომოტივის“ წინააღმდეგ მატჩში გამოკვეთილ ფავორიტად მიიჩნეოდა. პირველ ტაიმში თამაშის უპირატესობა მათ მხარეზე იყო და გოლის გატანის ორი კარგი მომენტიც ჰქონდათ. თუმცა, უდავოდ შექების ღირსია „ლოკომოტივის“ ახალგაზრდა მეკარე გიორგი მამარდაშვილი.

შეხვედრის ბედი მეორე ტაიმში გადაწყდა. 54-ე წუთზე თბილისის გუნდს პირველი გოლი ირაკლი სიხარულიძემ, მეორე გოლი კი 22 წუთის შემდეგ მამია გავაშელიშვილმა მოუტანეს. ორივე გოლი „დინამოს“ დაცვისა და რუსეთის ნაკრების მეკარის ანტონ შუნინის შეცდომის დამსახურებაა.

ერთადერთი, რითიც სტუმრებმა პასუხის გაცემა შეძლეს მასპინძლებისთვის, 90-ე წუთზე ნიკოლაი კომლიჩენკოს გატანილი პენალტი იყო.

უეფას „ევროპა ლიგის“ მესამე საკვალიფიკაციო რაუნდში თბილისის „ლოკომოტივის“ მეტოქე ესპანური „გრანადა“ იქნება. მატჩი ესპანეთში 24 სექტემბერს გაიმართება.

76
თემები:
სპორტის ამბები (814)
ცესკო

ცესკომ საპარლამენტო არჩევნებისთვის პირველი დამკვირვებლები დაარეგისტრირა

7
(განახლებულია 00:14 19.09.2020)
ამ დროისათვის საერთაშორისო დამკვირვებლის სტატუსით რეგისტრაცია ცესკოში ექვსმა ორგანიზაციამ გაიარა.

თბილისი, 19 სექტემბერი - Sputnik. ცენტრალურმა საარჩევნო კომისიამ 18 სექტემბრისთვის დაარეგისტრირა ექვსი საერთაშორისო და 49 ადგილობრივი ორგანიზაცია, რომლებიც არჩევნების მსვლელობას დააკვირდებიან, ნათქვამი ცესკოს ვებგვერდზე გამოქვეყნებულ მასალებში.

საქართველოში 31 ოქტომბერს საპარლამენტო არჩევნები გაიმართება. პარალელურად ამ დღეს ჩატარდება არჩევნები აჭარის უმაღლეს საბჭოში და რამდენიმე მუნიციპალიტეტში მერების და საკრებულოს დეპუტატების არჩევნები.

ამ ეტაპზე სადამკვირვებლო ორგანიზაციებს მხოლოდ განაცხადები შეაქვთ. ორგანიზაციების და დამკვირვებლების ზუსტი რაოდენობა ცნობილი არჩევნებამდე ერთი კვირით გახდება.

ადრე საქართველოს ხელისუფლებაში აცხადებდნენ, რომ კორონავირუსის პანდემიის და ჩაკეტილი საზღვრების მიუხედავად, ქვეყანაში საერთაშორისო დამკვირვებლების უპრეცედენტო რაოდენობა ჩამოვა.

ამ დროისათვის საერთაშორისო დამკვირვებლის სტატუსით რეგისტრაცია გაიარეს: „ადამიანის უფლებათა საერთაშორისო საზოგადოება" (ISHR), „საერთაშორისო რესპუბლიკური ინსტიტუტი" (IRI), „საერთაშორისო საქმეთა ეროვნულ-დემოკრატიული ინსტიტუტი" (NDI), „საარჩევნო სისტემების საერთაშორისო ფონდი" (IFES), „ინიციატივა დიალოგისა და დემოკრატიისთვის" (SILBA) და „ამერიკის შეერთებული შტატების საელჩო საქართველოში".

ვის სურს პარლამენტში მოხვედრა: ცესკომ პარტიების საბოლოო სია გამოაქვეყნა >>

დამკვირვებლები დააკვირდებიან საარჩევნო უბნების მომზადების პროცესს, ბიულეტენების ბეჭდვას, კენჭისყრასა და ხმების დათვლას. არჩევნების დასრულების შემდეგ ისინი გამოაქვეყნებენ თავიანთ დასკვნებს არჩევნებზე მომხდარ დარღვევებთან დაკავშირებით.

7
თემები:
საქართველოს საპარლამენტო არჩევნები 2020