ნიკოლოზ ბასილაშვილი

რამ განაპირობა ნიკოლოზ ბასილაშვილის АТР-ს რეიტინგში ჩამოქვეითება

128
მიმდინარე კვირაში ბასილაშვილი ბუდაპეშტში დაგეგმილ ტურნირზე იასპარეზებს.

თბილისი, 22 აპრილი — Sputnik. საქართველოს პირველმა ჩოგანმა ნიკოლოზ ბასილაშვილმა АТР-ს განახლებულ რეიტინგში მე-17 ადგილიდან მე-18 ადგილზე გადაინაცვლა.

ქართველი ჩოგბურთელის მხრიდან ერთი პოზიციის დაკარგვა ორ ფაქტორთან არის დაკავშირებული. პირველ რიგში, ბასილაშვილი მონტე-კარლოში „მასტერსის" სერიის ტურნირის პირველივე წრეში დამარცხდა და ვერ შეძლო საკმარისი სარეიტინგო ქულების (სულ 10) მოპოვება. მეორე მხრივ კი ამ ტურნირის გამარჯვებულმა, იტალიელმა სპორტსმენმა ფაბიო ფონინიმ მოპოვებული წარმატების წყალობით АТР-ს განახლებულ რეიტინგში მე-18 ადგილიდან მე-12 ადგილზე გადაინაცვლა.

АТР-ს რეიტინგის ლიდერი კვლავ სერბი ნოვაკ ჯოკოვიჩია. შემდეგ მოდიან რაფაელ ნადალი და ალექსანდრ ზვერევი გერმანიიდან.

შემდეგი ტურნირი, რომელშიც ბასილაშვილი მიიღებს მონაწილეობას, გახდება Hungarian Open, რომელიც უნგრეთის დედაქალაქში 22-28 აპრილის პერიოდში გაიმართება. ქართველი ჩოგბურთელი ტურნირზე მეოთხე ნომრადაა განთესილი და ბრძოლაში მეორე წრიდან ჩაერთვება. მისი მოწინააღმდეგე პეტერ გოიოვჩიკის (გერმანია, 85) და ლოიდ ჰარისის (სამხრეთ-აფრიკის რესპუბლიკა, 90) შეხვედრის გამარჯვებული იქნება.

Hungarian Open-ის საპრიზო ფონდი 586 ათასი ევროა, მოქმედი გამარჯვებული კი იტალიელი მარკო ჩეკიტანოა.

128
თემები:
სპორტის ამბები (723)
სოსო ფრუიძე

თბილისის „ლოკომოტივს" ისევ ახალი მწვრთნელი ჰყავს

56
(განახლებულია 16:49 07.07.2020)
გუნდის ახალი მწვრთნელი „საბურთალოს" ყოფილი მწვრთნელი გახდება, რომლის დროსაც კლუბმა საქართველოს ჩემპიონატში გაიმარჯვა და საქართველოს თასი მოიპოვა.

თბილისი, 7 ივლისი — Sputnik. თბილისის საფეხბურთო კლუბ „ლოკომოტივის" მთავარმა მწვრთნელმა თანამდებობა დატოვა, ნათქვამია გუნდის განცხადებაში.

„ურთიერთშეთანხმების საფუძველზე სოსო ფრუიძემ „ლოკომოტივი" დატოვა. კლუბის სახელით მადლობას ვუხდით ბატონ სოსოს გაწეული სამუშაოსთვის და ჩვენთან გატარებული სამთვიანი პერიოდისთვის და წარმატებებს ვუსურვებთ პროფესიულ საქმიანობაში", – ნათქვამია კლუბის განცხადებაში.

ფრუიძე „ლოკომოტივს" სამი თვე ხელმძღვანელობდა. „რკინიგზელებმა" კორონავირუსის პანდემიის გამო შეწყვეტილი საქართველოს ჩემპიონატის განახლების შემდეგ ორი მატჩი გამართეს. „მერანთან" თამაში ფრედ დასრულდა – 1:1, ხოლო თბილისის „დინამოსთან" „ლოკომოტივმა" მშრალი ანგარიშით წააგო – 0:4.

ფრუიძე „ლოკომოტივის" მეორე მწვრთნელი იყო პირველი ორი ტურის განმავლობაში. ჩემპიონატის პირველ ორ მატჩში კლუბს სათავეში ედგა ლევან კორღალიძე. მისი ხელმძღვანელობით კლუბმა ორი მატჩი მოიგო („სამტრედიისა" და „ჩიხურას" წინააღმდეგ) და ჩემპიონატის ლიდერი გახდა. მიუხედავად წარმატებული სტარტისა, ხელმძღვანელობამ მასთან განშორება გადაწყვიტა.

„ლოკომოტივის" ახალი მთავარი მწვრთნელი გიორგი ჭიაბრიშვილი გახდება, რომელიც მანამდე დიდი ხანი მუშაობდა „საბურთალოსთან". სწორედ მისი ხელმძღვანელობით გახდა ეს კლუბი საქართველოს ჩემპიონი და ქვეყნის თასის მფლობელი, ასევე პირველად თავის ისტორიაში უეფას ჩემპიონთა ლიგის საკვალიფიკაციო ეტაპზე გავიდა.

საქართველოს 2020 წლის სეზონის ჩემპიონატი მარტის დასაწყისში დაიწყო, მაგრამ კორონავირუსის პანდემიის გამო ორი ტურის მერე შეწყდა. ჩემპიონატი ეროვნულ ლიგაში 25 ივნისს განახლდა. დღევანდელი მდგომარეობით გამართულია ოთხი ტური, რომლის ლიდერია თბილისის „დინამო" (8 ქულა). რაც შეეხება „ლოკომოტივს", ის შვიდი ქულით მესამე პოზიციაზეა.

56
თემები:
სპორტის ამბები (723)
„დინამო“ თბილისი

საქართველოს ფეხბურთის ჩემპიონატში ლიდერი შეიცვალა

364
(განახლებულია 15:06 04.07.2020)
თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონი დაიკავა.

თბილისი, 4 ივლისი — Sputnik. საქართველოს ფეხბურთის ჩემპიონატის ეროვნული ლიგის მეოთხე ტურში თბილისის „დინამომ“ მოუგო „ლოკომოტივს“ ანგარიშით 4:0 და სატურნირო ცხრილის პირველი სტრიქონზე „რკინიგზელები“ ჩაანაცვლა.

ცნობილი გახდა თარიღი, თუ როდის განახლდება საქართველოს საფეხბურთო ჩემპიონატი მეორე ლიგაში >>

შეხვედრის ყველა გოლი შესვენების შემდეგ გავიდა. ანგარიში 61-ე წუთზე დავით კობოურმა გახსნა. კიდევ ათი წუთის შემდეგ თორნიკე კაპანაძემ პენალტი დაარტყა, რამაც დაპირისპირების დასასრულიც განაპირობა.

შეხვედრის ბოლო 11 წუთში მასპინძლებმა თავი კიდევ ორჯერ გამოიჩინეს. თავიდან კირკიტაძემ ავტოგოლი გაიტანა, ხოლო საბოლოო ანგარიში „დინამოს“ ბრაზილიელი ლეგიონერის, ვიქტორ პერნამბუკოს გატანილმა გოლმა დაამყარა.

აღსანიშნავია, რომ დინამოელები მთელი მეორე ტაიმის დროს უპირატესობას ფლობდნენ, რადგან შესვენების წინ მინდორიდან „ლოკომოტივის“ კაპიტანი და მცველი დავით უბილავა გააძევეს.

ჩემპიონატის ოთხი მატჩის შემდეგ „დინამომ“ რვა ქულა დააგროვა და „ლოკომოტივს“ ერთი ქულით გაუსწრო. დაგროვილი ქულებით „დინამოელებს“ შეიძლება გაუტოლდეს გორის „დილა“, რომელიც საანგარიშო ტურში გასვლაზე საჩხერის „ჩიხურას“ ხვდება.

საქართველოს ჩემპიონატი ეროვნულ ლიგაში მარტის დასაწყისში ორი ტურის შემდეგ COVID-19-ის პანდემიის გამო შეწყდა. ივნისის ბოლოს ჩემპიონატი განახლდა, თუმცა ყველა მატჩი ცარიელი ტრიბუნებით ტარდება.

364
თემები:
სპორტის ამბები (723)
სასადილო

რით იკვებებიან სოციალურად დაუცველები თბილისში ორი უფასო სასადილო დაკეტეს

0
(განახლებულია 15:36 07.07.2020)
სურსათის ეროვნული სააგენტო საზოგადოებრივი კვების ობიექტების, მათ შორის, სოციალურად დაუცველ ბენეფიციართა სასადილოების შემოწმებას მუდმივად ახორციელებს.

 

თბილისი, 7 ივლისი – Sputnik.  საქართველოს სურსათის ეროვნული სააგენტოს საქალაქო სამსახურმა  თბილისის მასშტაბით ჩატარებული შემოწმების შედეგად, ორ უფასო სასადილოს საქმიანობა შეუჩერა, ნათქვამია უწყების Facebook–გვერდზე გავრცელებულ განცხადებაში.

სახელმწიფო კონტროლი 63 ობიექტზე განხორციელდა, საიდანაც კრიტიკული შეუსაბამობა მხოლოდ ორ შემთხვევაში აღინიშნა. სააგენტოს სპეციალისტებმა, კანონმდებლობით გათვალისწინებული ღონისძიებების ფარგლებში, ბიზნესოპერატორებს საწარმოო პროცესი შეუჩერეს და დააჯარიმეს.

სურსათის ეროვნული სააგენტო საზოგადოებრივი კვების ობიექტების, მათ შორის, სოციალურად დაუცველ ბენეფიციართა სასადილოების შემოწმებას მუდმივად ახორციელებს. მოწმდება სანიტარულ-ჰიგიენური მდგომარეობა, სურსათის შენახვის პირობები, ტემპერატურული რეჟიმი და პროდუქციის ვარგისიანობა.

0
თემები:
სოციალური სფერო საქართველოში