ქართველმა ჩოგბურთელმა ახალი რეკორდი დაამყარა

© Facebook / Nikoloz Basilashviliნიკოლოზ ბასილაშვილი
ნიკოლოზ ბასილაშვილი - Sputnik საქართველო
გამოწერა
დამოუკიდებელი საქართველოს ისტორიაში ქართველი ჩოგბურთელი АТР-ს რეიტინგში ასე პირველად დაწინაურდა.

თბილისი, 25 თებერვალი — Sputnik. საქართველოს პირველმა ჩოგანმა მამაკაცთა შორის ნიკოლოზ ბასილაშვილმა ახალი რეკორდი დაამყარა და АТР-ს განახლებულ რეიტინგში მე-20 ადგილიდან მე-19-ზე გადაინაცვლა.

დამოუკიდებელი საქართველოს ისტორიაში ეს უმაღლესი პოზიციაა, რომელიც ქვეყნის ჩოგბურთელს ოდესმე დაუკავებია.

ნიკოლოზ ბასილაშვილი - Sputnik საქართველო
ჩოგბურთის საერთაშორისო ასოციაციამ ბასილაშვილს საგანგებო ვიდეორგოლი მიუძღვნა

გასულ კვირაში ბასილაშვილი კორტებზე არ გამოსულა, ხოლო მისი პროგრესი იმას უკავშირდება, რომ არგენტინელი დიეგო შვარცმანი წარუმატებლად გამოვიდა რიო-დე-ჟანეიროში და რეიტინგში მდგომარეობა ექვსი საფეხურით გაიუარესა.

რეიტინგის ტოპ-ათეული უცვლელი დარჩა. მსოფლიოს უძლიერესი ჩოგბურთელების სიას კვლავ სერბი ნოვაკ ჯოკოვიჩი უდგას სათავეში. მეორე ადგილზეა ესპანელი რაფაელ ნადალი, ხოლო მესამეზე – ალექსანდრ ზვერევი გერმანიიდან.

ამ დღეებში ბასილაშვილი მონაწილეობას მიიღებს АТР-500 სერიის ტურნირში, რომელიც 25 თებერვალს დუბაიში იწყება – Dubai Duty Free Tennis Championships. ბასილაშვილის პირველი მეტოქე რუსი კარენ ხაჩანოვი იქნება.

Dubai Duty Free Tennis Championships 2 მარტამდე გაგრძელდება. ტურნირის საერთო საპრიზო ფონდია თითქმის სამი მილიონი დოლარი. მოქმედი გამარჯვებულია ესპანელი რობერტო ბაუტისტა-აგუტი.

ყველა ახალი ამბავი
0