საქართველოს ნაკრებმა ფუტსალში დანიას მოუგო

სამიდან სამი - საქართველოს ნაკრებმა ფუტსალში მორიგი გამარჯვება მოიპოვა

153
(განახლებულია 14:33 03.02.2019)
საქართველომ მსოფლიო ჩემპიონატის წინასწარ შესარჩევ რაუნდში მონაწილე 32 გუნდიდან შედეგიანობით მეოთხე ადგილი დაიკავა

თბილისი, 3 თებერვალი - Sputnik. საქართველოს ნაკრებმა ფუტსალში მსოფლიო ჩემპიონატის წინასწარ შესარჩევ რაუნდზე თბილისში ზედიზედ მესამე გამარჯვება მოიპოვა.

D ჯგუფის დასკვნით მატჩში ავთანდილ ასათიანის აღსაზრდელებმა დანიის გუნდს ანგარიშით 6:2 მოუგეს.

Сборная Грузии по футзалу - после победы над командой Дании
© Sputnik / STRINGER
საქართველოს ნაკრებმა ფუტსალში დანიას მოუგო

ტურნირიდან გამომდინარე, შეხვედრას არანაირი მნიშვნელობა არ ჰქონდა. საქართველოს ნაკრებმა მომდევნო რაუნდში გასვლა და კვარტეტში პირველი ადგილი უკვე დაიბევა, ხოლო მეორე ადგილზეა გერმანიის გუნდი, რომელმაც მანამდე ისრაელთან შეხვედრა ფრედ დაასრულა - 2:2.

მიუხედავად ამისა, ასათიანმა გამოუშვა პარკეტზე ძირითადი შემადგენლობა, რომელიც მარტივად მოერია მოტივაცია მოკლებულ სკანდინავიელებს. ექვსი გილიდან სამი გაიტანეს „ქართველმა ბრაზილიელებმა“ - რონინიომ, ტალესმა და საიოტიმ. დანარჩენი სამი - კეკელიამ (დუბლი) და თოფურიამ.

ამგვარად, საქართველოს ნაკრებმა ცხრიდან ცხრა ქულა მოიპოვა, გაიტანა 18 გოლი (სამი გაგვიტანეს) და ჯგუფში პირველი ადგილი დაიკავა. საქართველომ მსოფლიო ჩემპიონატის წინასწარ შესარჩევ რაუნდში მონაწილე 32 გუნდიდან შედეგიანობით მეოთხე ადგილი დაიკავა. ქართველებზე მეტი გოლი გაიტანეს ბელგიის (26), ბოსნიისა და ჰერცეგოვინას (24) და მოდლოვას (23) ფეხბურთელებმა.

მსოფლიო ჩემპიონატის ძირითად შესარჩევ რაუნდში, რომელიც 22-27 ოქტომბერს ვარშავაში გაიმართება, საქართველოს ნაკრები პირველ ჯგუფში ესპანეთს, პოლონეთსა და ფინეთს დაუპირისპირდება. თითოეული ჯგუფიდან ორი საუკეთესო გუნდი მსოფლიო პირველობის ელიტ-რაუნდში გავა.

Сборная Грузии по футзалу во время матча с командой Дании
© Sputnik / STRINGER
საქართველოს ნაკრებმა ფუტსალში დანიას მოუგო

მსოფლიო ჩემპიონატი ფუტსალში 2020 წლის 14 სექტემბერს-4 ოქტომბერს ლიეტუვაში გაიმართება. ტურნირში მონაწილეობას მიიღებს 24 გუნდი, საიდანაც რვა წარმოადგენს ევროპას (შვიდი კვალიფიკაციის შედეგების მიხედვით და ლიეტუვა, როგორც მასპინძელი ქვეყანა). მოქმედი მსოფლიო ჩემპიონია არგენტინის ნაკრები.

153
თემები:
სპორტი და საქართველო 2018 (581)
საქართველოს რაგბის ახალგაზრდული ნაკრები (U-20)

რაგბი: საქართველოს ახალგაზრდული ნაკრები ურუგვაელ თანატოლებთან დამარცხდა

37
(განახლებულია 22:56 23.06.2021)
ეს მარცხი ქართველი მორაგბეებისთვის ტურნირზე მეორე გახდა: რამდენიმე დღის წინ გუნდმა არგენტინის ახალგაზრდულ ნაკრებთან დიდი სხვაობით წააგო.

თბილისი, 23 ივნისი – Sputnik. საქართველოს რაგბის ახალგაზრდული ნაკრები (U-20) საერთაშორისო ამხანაგურ ტურნირში სამხრეთ აფრიკაში ურუგვაის გუნდთან ანგარიშით 15:20 დამარცხდა.

ქართველმა მორაგბეებმა შეხვედრა აქტიურად დაიწყეს და უკვე მე-10 წუთისთვის იგებდნენ ანგარიშით 7:0. მეტოქის ჩათვლის ზონაში წარმატებული ლელო დაამიწა ალექსანდრე ქუნთელიამ. შეხვედრის პირველი ნახევარი ქართველების სასარგებლოდ ანგარიშით 10:8 დასრულდა.

შესვენების შემდეგ ინიციატივას სამხრეთამერიკელები დაეუფლნენ. მე-60 წუთის შემდეგ მათ ორი წარმატებული ლელო დაამიწეს (ერთი გარდასახვით დასრულდა). ანგარიში 20:10 გახდა მათ სასარგებლოდ. ერთადერთი, რაც ამას უმცროსმა „ბორჯღალოსნებმა“ დაუპირისპირეს, 75-ე წუთზე თამაზ ჯიმშელეიშვილის ლელო გახდა.

ეს მარცხი ქართველი მორაგბეებისთვის ტურნირზე მეორე გახდა: რამდენიმე დღის წინ გუნდმა არგენტინის ახალგაზრდულ ნაკრებთან დიდი სხვაობით წააგო – 10:82.

ტურნირზე მომდევნო მატჩს საქართველოს ნაკრები 28 ივნისს სამხრეთ აფრიკის გუნდის წინააღმდეგ გამართავს.

ტურნირის რეგლამენტით, ჯგუფში პირველ ორ ადგილზე გასულ გუნდებს შორის ურთიერთდაპირისპირებაში გამარჯვებული გამოვლინდება, ხოლო დანარჩენი ორი ნაკრები მესამე ადგილისთვის იბრძოლებს.

აღსანიშნავია, რომ 3 და 10 ივლისს ისევ სამხრეთ აფრიკაში საქართველოს ეროვნული ნაკრები მსოფლიოს მოქმედ ჩემპიონთან - სამხრეთ აფრიკასთან ორ ტესტ-მატჩს გამართავს.

37
ქალთა ნაკრები ევროპის ჩემპიონატზე

ბელა ხოტენაშვილი მესამედ გახდა საქართველოს ჩემპიონი ჭადრაკში

49
მოჭადრაკემ მოიპოვა ევროპის ინდივიდუალურ ჩემპიონატში მონაწილეობის უფლება; ჩემპიონატი მიმდინარე წლის ივლისში რუმინეთში გაიმართება.

თბილისი, 23 ივნისი - Sputnik. ბელა ხოტენაშვილი კარიერის განმავლობაში მესამედ გახდა საქართველოს ჩემპიონი ჭადრაკში.

ცხრა ტურის შემდეგ ხოტენაშვილმა 6,5 ქულა მოაგროვა - მოიგო ხუთი პარტია, სამი ყაიმით დაასრულა და ერთ პარტიაში დამარცხდა.

პირველად საქართველოს ჭადრაკის ჩემპიონატში ხოტენაშვილმა 2012 წელს გაიმარჯვა და ეს მიღწევა ხუთი წლის შემდეგ გაიმეორა.

საქართველოს ვიცეჩემპიონი მერი არაბიძე გახდა (6 ქულა), ბრინჯაოს პრიზიორი კი - ნინო ბაციაშვილი (5,5 ქულა).

აღსანიშნავია, რომ სამივე მოჭადრაკემ მოიპოვა ევროპის ინდივიდუალურ ჩემპიონატში მონაწილეობის უფლება, რომელიც რუმინეთში მიმდინარე წლის ივლისში გაიმართება.

საქართველოს ჭადრაკის ჩემპიონატი ქალთა შორის 78-ედ ჩატარდა.

 

 

49
გიორგი ვაშაძე

ოპოზიციამ 2021 წლის ადგილობრივი არჩევნების სავარაუდო თარიღი დაასახელა

0
საქართველოში ადგილობრივი ხელისუფლების ორგანოების არჩევნები უნდა გაიმართოს ოქტომბერში, მაგრამ კონკრეტული თარიღი - 2 ოქტომბერი - პირველად გაჟღერდა.

თბილისი, 24 ივნისი – Sputnik. საქართველოს მმართველ პარტიას „ქართული ოცნება - დემოკრატიული საქართველო“ არჩევნების ჩატარება 2 ოქტომბერს სურს, განუცხადა ჟურნალისტებს დეპუტატმა გიორგი ვაშაძემ.

საქართველოში ადგილობრივი ხელისუფლების ორგანოების არჩევნები, სადაც მოსახლეობა მუნიციპალიტეტების მერებსა და საკრებულოების დეპუტატებს აირჩევს, 2021 წლის ოქტომბერში უნდა გაიმართოს.

ვაშაძის თქმით, „ქართულ ოცნებას“ სურს და მან დაუდასტურა ეს ოპოზიციას, რომ არჩევნები 2 ოქტომბერს შედგეს. ოპოზიციამ საპასუხოდ წამოაყენა წინადადება, კანონში გაიწეროს წესი, რომელმაც არჩევნების ჩატარების თარიღთან დაკავშირებით ყოველგვარი სპეკულაციები უნდა გამორიცხოს.

ამასთან მან აღნიშნა, რომ ოპოზიციის სურვილია არჩევნები უფრო გვიან ჩატარდეს, მაგრამ მმართველი პარტია დაჟინებით მოითხოვს ამ თარიღს.

ადგილობრივი თვითმმართველობის არჩევნები განსაზღვრავს არა მხოლოდ თვითმმართველობის ორგანოების შემადგენლობას, არამედ, შესაძლოა, ის რიგგარეშე საპარლამენტო არჩევნების საბაბიც გახდეს. ეს იმ შემთხვევაში მოხდება, თუ მმართველი პარტია „ქართული ოცნება“ არჩევნებზე პროპორციული ხმების 43%-ზე ნაკლებს მიიღებს.

0