ვახტანგ ჩიდრაშვილი

ვახტანგ ჩიდრაშვილი სამბოში მსოფლიო ჩემპიონი გახდა

35
(განახლებულია 01:09 11.11.2018)
ქართველმა სამბისტებმა მსოფლიო ჩემპიონატზე უკვე ხუთი მედალი მოიპოვეს, აქედან ორი - ოქროსია

თბილისი, 10 ნოემბერი — Sputnik. ქართველმა სპორტსმენმა  57 კგ-მდე წონით კატეგორიაში ოქროს მედალი მოიპოვა მსოფლიო ჩემპიონატზე სამბოში, რომელიც ბუქარესტში მიმდინარეობს.

„ვახტანგ ჩიდრაშვილი (57კგ) ხუთგზის მსოფლიო ჩემპიონი გახდა!! გილოცავთ კიდევ ერთ ოქროს და უდიდეს წარმატებას!“, - ნათქვამია საქართველოს სამბოს ეროვნული ფედერაციის Facebook-გვერდზე გავრცელებულ განცხადებაში.

კიდევ ერთი, ბრინჯაოს მედალი შაბათს მოიპოვა დავით ლორიაშვილმა (100 კგ).

მანამდე, პარასკევს ოქროს მედალი მოიპოვა ნინო ოძელაშვილმა (72 კგ), რომელიც ქართული სამბოს ისტორიაში პირველი ქალი - მსოფლიო ჩემპიონი გახდა.

კიდევ ორი მედალი, ამჯერად ბრინჯაოს საქართველოს შემატეს გივი ნადარეიშვილმა (52 კგ) და პაატა ღვინიაშვილმა (90 კგ).

სამბოში მსოფლიო ჩემპიონატი ბუქარესტში 8 ნოემბერს დაიწყო და 11 ნოემბრამდე გაგრძელდება.

35
თემები:
სპორტი და საქართველო (483)