ზაზა ფაჩულიას და კლაი ტომპსონს გამარჯვების თასი უკავიათ

ზაზა ფაჩულია ზედიზედ მეორედ NBA-ს ჩემპიონი გახდა

63
(განახლებულია 16:21 09.06.2018)
„გოლდენ სტეიტ უორიორზმა“, რომლის ცენტრი ზაზა ფაჩულიაა, „კლივლენდ კავალიერსს“ მოუგო და NBA-ს უძლიერესი გუნდის სახელი შეინარჩუნა

თბილისი, 9 ივნისი – Sputnik. „გოლდენ სტეიტ უორიორზის“ ქართველმა ცენტრმა, ზაზა ფაჩულიამ თავის გუნდთან ერთად NBA-ს ჩემპიონის ტიტული ზედიზედ მეორედ  მოიგო.

ქართული „შვიდკაცა“ NBA-ში ამერიკის ჰიმნსა და ქართულ სიმღერებს შეასრულებს >>

საფინალო სერიის მეოთხე მატჩი „უორიორზმა“ მოუგო „კლივლენდ კავალიერსს“ ანგარიშით 108:85, სერია მოიგო მშრალი ანგარიშით 4:0 და NBA-ს უძლიერესი გუნდის სახელი შეინარჩუნა.

34 წლის ფაჩულიამ პარკეტზე სულ ორი წუთი გაატარა და ერთი ქულა მოიპოვა. გამარჯვებულთა გუნდში ყველაზე შედეგიანი სტეფ კარი იყო, რომლის ანგარიშზეა 37 ქულა.

აღსანიშნავია „გოლდენ სტეიტის“ კიდევ ერთი ლიდერის  — კევინ დიურანტის ტრიპლ-დაბლი. ფორვარდმა თავის აქტივს 20 ქულა ჩაწერა, 12 მოხსნა და 10 შედეგიანი გადაცემა.

„უორიორზი“ და „კავალიერსი“ NBA-ს საფინალო სერიაში ზედიზედ მეოთხედ შეხვდნენ ერთმანეთს — ეს ამერიკული სპორტის ისტორიაში პირველი შემთხვევაა. 2015 წელს „გოლდენ სტეიტმა“ 40 წლის განმავლობაში პირველი ტიტული მოიპოვა, როდესაც სერია ანგარიშით 4:2 მოიგო. ერთი წლის შემდეგ „კლივლენდმა“ რევანში აიღო. გასულ სეზონზე „უორიორზმა“ ხუთ მატჩში საკმაოდ იოლი გამარჯვება მოიპოვა.

ფაჩულია ქართული კალათბურთის ისტორიაში პირველია, ვინც NBA-ს ჩემპიონი ზედიზედ ორჯერ გახდა. თუმცა, წლევანდელი საფინალო სერია ქართველი კალათბურთელისთვის არც ისე საუკეთესო გამოდგა. ოთხ მატჩში ფაჩულიამ პარკეტზე სულ ექვსი წუთი გაატარა და მხოლოდ შვიდი ქულა მოიპოვა.

დიდი ალბათობით შეიძლება ვივარაუდოთ, რომ ფაჩულიასთვის ეს სეზონი NBA-ში ბოლო იქნება, იუწყება გამოცემა thesportster.

ფაჩულია NBA-ში 2003 წლიდან ასპარეზობს. ამ პერიოდში ქართველი ცენტრი თამაშობდა „ორლანდო მეჯიკში“, „მილუოკი ბაქსში“, „დალას მავერიქსში“, ხოლო კარიერის უდიდესი პერიოდი გაატარა „ატლანტა ჰოქსში“ (2005-2013).

„გოლდენ სტეიტ უორიორზში“ ფაჩულია 2016 წლიდან თამაშობს.

 

 

 

63
დინამო არენა

საქართველოს ჩემპიონატი ფეხბურთში 25 ივნისს განახლდება

10
ყველა ფეხბურთელს კორონავირუსზე ორი ტესტი ჩაუტარდებათ – პირველი ჩემპიონატის განახლებამდე 10 დღით ადრე და მეორე მატჩის დაწყებამდე.

 

თბილისი, 29 მაისი – Sputnik.  საქართველოს ჩემპიონატი ფეხბურთში  25 ივნისს განახლდება, ნათქვამია საქართველოს ფეხბურთის ფედერაციის (სფფ) განცხადებაში.

განცხადებაში ამასთან აღნიშნულია, რომ ამ ეტაპზე საუბარია მხოლოდ ეროვნული (უმაღლესი) ლიგის ჩემპიონატზე. თუ როდის აიღებს სტარტს ჩემპიონატები დანარჩენ დივიზიონებში, ასაკობრივ ჯგუფებსა და საქართველოს თასზე – ჯერჯერობიც უცნობია. ასევე აღსანიშნავია, რომ კორონავირუსის პანდემიასთან დაკავშირებული იძულებითი პაუზის გამო, ეროვნული ლიგის ფორმატი შეიცვლება. 

 „ეროვნული ლიგა შეცვლილი ფორმატით განახლდება – ოთხი წრის ნაცვლად, გუნდები ორ წრეში ითამაშებენ. შესაბამისად, გარდა მარტში გამართული ორი ტურისა, სეზონის განახლების შემდეგ ეროვნული ლიგის მონაწილე კლუბები 16 ტურს ითამაშებენ. მატჩები საწყის ეტაპზე მაყურებლის გარეშე გაიმართება“, – ნათქვამია სფფ–ის განცხადებაში.

განცხადებაში ასევე აღნიშნულია, რომ ყველა ფეხბურთელს კორონავირუსზე ორი ტესტი ჩაუტარდებათ – პირველი ჩემპიონატის განახლებამდე 10 დღით ადრე და მეორე მატჩის დაწყებამდე.

 „საქართველოს ჩემპიონატის ეროვნული ლიგის, მეორე, მესამე და მეოთხე ლიგების გუნდები საწევრო გადასახადისგან გათავისუფლებული იქნებიან. კლუბებს აღნიშნული თანხის გამოყენება იმ რეკომენდაციების შესასრულებლად შეეძლებათ, რომელიც შექმნილ სიტუაციაში აუცილებელია. ამასთან, კორონავირუსზე ტესტების ჩატარების ხარჯებს ფედერაცია საკუთარ თავზე იღებს“, – განაცხადა სსფ–ის პრეს–ცენტრში ორგანიზაციის გენერალურმა მდივანმა დავით მუჯირმა.

COVID-19-ის პანდემიის გამო მარტის დასაწყიში საქართველოს ფეხბურთის ფედერაციამ ქვეყანაში ყველა დონეზე საფეხბურთო ჩემპიონატის შეჩერების გადაწყვეტილება მიიღო. ორ ჩატარებული მატჩის შემდეგ ლიდერობს თბილისის „ლოკომოტივი“, რომელსაც ორი გამარჯვება აქვს მოპოვებული.

საქართველოს მოქმედი ჩემპიონი თბილისის „დინამოა“.

10
თემები:
სპორტის ამბები
საფეხბურთო მატჩი

როდის განახლდება საქართველოს ჩემპიონატი ფეხბურთში: პრემიერმა პირობები დაასახელა

32
(განახლებულია 16:17 28.05.2020)
შევხედოთ ორი კვირა, ერთი თვე, როგორ განვითარდება სიტუაცია და შემდეგ შეიძლება სეზონის განახლება, რომ საერთაშორისო ტურნირებიდან არ ამოვვარდეთ, განაცხადა პრემიერმა.

თბილისი, 28 მაისი — Sputnik. აუცილებელია ქვეყანაში საფეხბურთო მატჩების განახლების შესახებ საკითხის განხილვა, განაცხადა საქართველოსპრემიერ-მინისტრმა გიორგი გახარიამ.

COVID-19-ის პანდემიის გამო მარტის დასაწყიში საქართველოს ფეხბურთის ფედერაციამ ქვეყანაში ყველა დონეზე საფეხბურთო ჩემპიონატის შეჩერების გადაწყვეტილება მიიღო.

„დასაწყებია ამ თემის განხილვა ჯანდაცვის სამინისტროსთან ერთად, ოღონდ ჯერჯერობით მაყურებლის გარეშე. დავაკვირდეთ ორი კვირა, ერთი თვე და მერე ნელ-ნელა შეიძლება [მატჩების ჩატარება], რათა არ გამოვეთიშოთ საერთაშორისო ტურნირებს, რაც მნიშვნელოვანია“, – განაცხადა გახარიამ.

შესაბამისად, ჯერჯერობით გაურკვეველი დარჩა, როდის შეძლებენ ქართული საფეხბურთო კლუბები მატჩების ჩატარებას.

კლუბებმა ეროვნულ ლიგაში მხოლოდ ორი ტურის ჩატარება მოასწრეს. აქ ორი გამარჯვებით ლიდერია თბილისის „ლოკომოტივი“. საქართველოს მოქმედი ჩემპიონია თბილისის „დინამო“.

ერთადერთი ევროპული ქვეყანა, სადაც ფეხბურთში ეროვნული ჩემპიონატი არ შეწყვეტილა, ბელარუსია. პირველი ქვეყანა, სადაც პანდემიის გამო იძულებითი შესვენების შემდეგ პირველობა განახლდა, გერმანიაა, თუმცა ბუნდესლიგის მატჩები ცარიელი ტრიბუნების პირობებში მიმდინარეობს.

32
თემები:
სპორტის ამბები