ქართველი ჩოგბურთელი რომის ტურნირის ძირითად ბადეში გავიდა

© Sputnik / Alexander Imedashviliნიკოლოზ ბასილაშვილი
ნიკოლოზ ბასილაშვილი - Sputnik საქართველო
გამოწერა
ტურნირის პირველ წრეში ბასილაშვილი 22 წლის იტალიელ სპორტსმენს შეხვდება.

თბილისი, 14 მაისი — Sputnik. საქართველოს პირველმა ჩოგანმა ნიკოლოზ ბასილაშვილმა (74) ფრანგ ჟულიენ ბენეტოს (60) მოუგო სამ სეტში 3:6, 7:5, 6:4 და „მასტერსის" АТР სერიის ძირითად ბადეში გავიდა. ტურნირი რომში დაიწყო.

ჩოგბურთელი გიორგი ცივაძე - Sputnik საქართველო
საქართველოს ნაკრებმა ჩოგბურთში დევისის თასზე ლუქსემბურგთან წააგო

სეზონის დასკვნითი „მასტერსის" პირველ რაუნდში ქართველი ჩოგბურთელი 22 წლის იტალიელ ფილიპო ბალდის (370) შეხვდება. მატჩი 15 მაისს არის დაგეგმილი.

ტურნირის ძირითად ბადეში გასვლამ ბასილაშვილს უკვე მოუტანა 10 სარეიტინგო ქულა და საპრიზო თანხა — 17 ათას ევროზე ცოტა მეტი.

ასევე უნდა აღინიშნოს, რომ АТР-ს განახლებულ რეიტინგში ქართველმა სპორტსმენმა გაიუმჯობესა პოზიციები და 77-ე ადგილიდან 74-ზე გადაინაცვლა.

რაც შეეხება ტურნირს რომში Internazionali BNL d"Italia, ის 20 მაისამდე გაგრძელდება. მისი საერთო საპრიზო ფონდია თითქმის ხუთნახევარი მილიონი ევრო. ტურნირის მოქმედი გამარჯვებულია ალექსანდრ ზვერევი (გერმანია).

ყველა ახალი ამბავი
0