მოსკოვის „ლოკომოტივის" ყოფილმა ფეხბურთელმა ქართული კლუბი იყიდა

© Photo: courtesy of Anna Gallaiანა გალაი ზაზა ჯანაშიასთან ერთად
ანა გალაი ზაზა ჯანაშიასთან ერთად - Sputnik საქართველო
გამოწერა
ზაზა ჯანაშიამ ზუგდიდის საფეხბურთო კლუბი ონლაინ-აუქციონზე შეიძინა.

თბილისი, 9 იანვარი — Sputnik. მოსკოვის „ლოკომოტივის" ყოფილი თავდამსხმელი ზაზა ჯანაშია საფეხბურთო კლუბ „ზუგდიდის" მფლობელი გახდა, იუწყება Р-спорт.

ჯანაშიამ კლუბის აქციების 100% ონლაინ-აუქციონზე 61 ათას ლარად შეიძინა. აუქციონის პირობებით, მყიდველმა და ზუგდიდის მერიამ შეთანხმებას კლუბის გადაცემის შესახებ ხელი 15 კალენდარული დღის განმავლობაში უნდა მოაწერონ.

გასული სეზონის შედეგებით, „ზუგდიდმა" საქართველოს ჩემპიონატის მეორე ეროვნულ ლიგაში ბოლო ადგილი დაიკავა და მესამე დივიზიონში გადავიდა. კლუბმა 36 მატჩში 25 ქულა მოაგროვა.

ჯანაშია მოსკოვის „ლოკომოტივში" 1996-2001 წლებში თამაშობდა. საქართველოს ნაკრებში მან ცხრა თამაში ჩაატარა და ოთხი გოლი გაიტანა.

ყველა ახალი ამბავი
0