ხელბურთი

მსოფლიოს ხელბურთის ჩემპიონატი ყველა მონაწილე ცნობილია

15
(განახლებულია 17:33 25.04.2017)
გაირკვა მონაწილე ყველა 24 გუნდი, რომელიც ჭაბუკ ხელბურთელთა მსოფლიოს ჩემპიონატზე თბილისში იასპარეზებს.

თბილისი, 25 აპრილი — Sputnik. ჭაბუკ ხელბურთელთა მსოფლიოს ჩემპიონატზე, რომელიც თბილისში აგვისტოში გაიმართება, ბოლო საგზურები მოიპოვეს არგენტინის, ბრაზილიის, ჩილეს, ვენესუელისა და მექსიკის გუნდებმა, იუწყება საქართველოს სპორტისა და ახალგაზრდობის საქმეთა სამინისტროს ვებ-გვერდი.

არგენტინის გუნდი ჭაბუკ ხელბურთელთა პანამერიკული ჩემპიონატის გამარჯვებული გახდა და მსოფლიო პირველობაზე კვალიფიკაცია მოიპოვა. თბილისში ასევე იასპარეზებენ ნაკრებები, რომლებიც ტურნირზე პირველ ხუთეულში გავიდნენ.

სრული განთესვა ასეთია:

1 კალათი: საფრანგეთი, ხორვატია, გერმანია, სლოვენია

2 კალათი: დანია, ესპანეთი, ისლანდია, არგენტინა

3 კალათი: საქართველო, სერბეთი, ბრაზილია, შვედეთი

4 კალათი: პორტუგალია, რუსეთი, ბაჰრეინი, ტუნისი

5 კალათი: ეგვიპტე, იაპონია, კორეა, ჩილე

6 კალათი: ვენესუელა, ალჟირი, მექსიკა, ნორვეგია

ამგვარად, გარკვეულია ყველა 24 გუნდი, რომელიც ექვს კალათში განაწილდა. საქართველოს ნაკრები მესამე კალათში მოხვდა.

19-წლამდელთა მსოფლიო ჩემპიონატის კენჭისყრა 11 მაისს შვეიცარიის ქალაქ ბაზელში გაიმართება, სადაც ხელბურთის საერთაშორისო ფედერაციის (IHF) შტაბ-ბინა მდებარეობს.

საქართველომ ჭაბუკთა მსოფლიო ჩემპიონატის მასპინძლობის უფლება 2013 წელს ხელბურთის საერთაშორისო ფედერაციის (IHF) კონგრესზე, ბაჰრეინის დედაქალაქ დოჰაში მოიპოვა.

19-წლამდელ ხელბურთელთა მსოფლიო ჩემპიონატი თბილისში 8-20 აგვისტოს გაიმართება.

15