თბილისი, 25 აპრილი — Sputnik. იტალიური საფეხბურთო კლუბ „ემპოლის" ქართველი თავდამსხმელი ლევან მჭედლიძე უქმეებზე „სასუოლოს" წინააღმდეგ დაგეგმილ მატჩში მინდორს დაუბრუნდება, იუწყება იტალიური მასმედია.
იტალიის ჩემპიონატის XXXIII ტურში „მილანის" წინააღმდეგ გამართულ გასვლით მატჩში მჭედლიძემ 53-ე წუთზე ტრავმა მიიღო და მოედანი დატოვა. მოგვიანებით, დეტალური სამედიცინო გამოკვლევამ აჩვენა, რომ დაზიანება სერიოზული არ არის და „სასუოლოს" (30 აპრილი) წინააღმდეგ დაგეგმილ მატჩში ქართველი ფორვარდი სათამაშო მოედანზე გამოვა.
„მილანის" წინააღმდეგ მატჩში მჭედლიძემ ანგარიში მე-40 წუთზე გახსნა, თამაში "ემპოლის" სასარგებლოდ, ანგარიშით 2:1 დასრულდა. თავდამსხმელისთვის ეს გოლი იტალიის ჩემპიონატში მეექვსეა. ამ მაჩვენებლით მჭედლიძე გუნდში საუკეთესო ბომბარდირია.
