თბილისი, 23 თებერვალი — Sputnik. საქართველოს საფეხბურთო ნაკრებისა და იტალიური კლუბი „ემპოლის“ თავდამსხმელი ლევან მჭედლიძე ტრავმის შემდეგ უკვე მზადაა, მინდორზე გამოვიდეს, იუწყება იტალიური მასმედია.
ფორვარდმა საერთო ჯგუფში სრულფასოვნად ივარჯიშა და, „ემპოლის“ სამედიცინო შტაბის განცხადებით, მზადაა, შაბათს „იუვენტუსის“ წინააღმდეგ გამოვიდეს.
საქართველოს საფეხბურთო ნაკრებისა და იტალიის "ემპოლის" თავდამსხმელი ლევან მჭედლიძე
თავდამსხმელმა ზურგი დაიზიანა 23-ე ტურის მატჩში „ტორინოს“ წინააღმდეგ. შედეგად, მჭედლიძე იძულებული გახდა „სერია А“-ს ორი მატჩი გამოეტოვებინა მილანის „ინტერისა“ (0:2) და რომის „ლაციოს“ (1:2) წინააღმდეგ.
მიმდინარე სეზონში მჭედლიძემ იტალიის ჩემპიონატში 12 მატჩი ჩაატარა და ხუთი გოლი გაიტანა.
