თბილისი, 11 აგვისტო— Sputnik. საქართველოს პრემიერ-მინისტრის ირაკლი ღარიბაშვილის მოწვევით, ესტონეთისა და რუმინეთის პრემიერ-მინისტრები თბილისში უეფას სუპერთასის მატჩს დაესწრებიან, განაცხადეს მთავრობის პრეს-სამსახურში სამშაბათს, 11 აგვისტოს.
„ბარსელონა“-„სევილიის“ მატჩის დაწყებამდე ირაკლი ღარიბაშვილი ოფიციალურ ვახშამზე თავის ესტონელ და რუმინელ კოლეგებს — ტაავი რიივასს (Taavi Roivas) და ვიქტორ პონტასს (Victor Ponta) მიიღებს.
უეფას სუპერთასის მატჩი „ბარსელონასა“ და „სევილიას“ შორის „დინამო არენაზე“ 11 აგვისტოს, 22:45 სთ-ზე დაიწყება.