ხობის სოფლებში ძლიერმა წვიმამ პრობლემები შექმნა

© FB / Gori Municipality City Hallწყალდიდობა
წყალდიდობა - Sputnik საქართველო, 1920, 23.07.2021
გამოწერა
ხობის მუნიციპალიტეტში მერიის თანამშრომლები სტიქიის შედეგად მიყენებულ ზარალს ითვლიან. მიმდინარეობს შიდა სასოფლო გზების გაწმენდითი სამუშაოები.
თბილისი, 23 ივლისი – Sputnik. ძლიერმა წვიმამ ხობის მუნიციპალიტეტის სოფლებში პრობლემები შექმნა, იუწყება „პირველი არხი“.
სტიქიის შედეგად დაიტბორა საცხოვრებელი სახლების პირველი სართულები და სასოფლო-სამეურნეო სავარგულები. ძლიერმა წვიმამ შიდა სასოფლო გზები დააზიანა. 
წვიმა ბათუმში - Sputnik საქართველო, 1920, 23.07.2021
ბათუმში კოკისპირული წვიმის შედეგად რამდენიმე სახლი დაიტბორა
ამ დროისათვის სოფლებში არსებულ მდგომარეობას ხობის მუნიციპალიტეტის მერიის შესაბამისი სამსახურების წარმომადგენლები ადგილზე ეცნობიან. ზარალის ოდენობას სპეციალური კომისია დაითვლის.
გარდა ამისა, ძლიერი წვიმის შედეგად თბილისი–ზუგდიდის ცენტრალურ გზაზე დროებით შეფერხდა საავტომობილო მოძრაობა. ადგილზე მობილიზებული იყო შესაბამისი სამსახურები.
საქართველოში ცხელი ამინდების შემდეგ ჰაერის ტემპერატურამ მკვეთრად დაიკლო და დასავლეთ საქართველოს ცალკეულ რაიონებში უხვი ნალექი მოვიდა. სინოპტიკოსების პროგნოზით, წვიმები და ქარი 24 ივლისამდე გაგრძელდება.
ყველა ახალი ამბავი
0