გურამ ლომიძე ივანა მელაი

„ჩათვალა, რომ ვუღალატე...“ რატომ დაშორდნენ გურამ ლომიძე და ხატია შამუგია?

130
(განახლებულია 18:45 20.07.2021)
ცნობილი წყვილი წლების შემდეგ დაშორების რეალურ მიზეზებზე ალაპარაკდა. ნახეთ რატომ დაშორდნენ და ვინ ჩადგა მათ შორის.

მომღერალმა გურამ ლომიძემ, რომელიც გადაცემა „ფარულ კონვერტს” სტუმრობდა, ხატია შამუგიასთან ოჯახის შექმნის ისტორია გაიხსენა. როგორც გურამ ლომიძემ აღნიშნა, მიუხედავად იმისა, რომ ოჯახის შექმნის გადაწყვეტილება 20 წლის ასაკში მიიღო, ამ ნაბიჯს შეცდომად არ მიიჩნევს, რადგან მათ საერთო ვაჟი ჰყავთ.

„ვერის ბაღში იყო კლუბი და ხატია მანდ გავიცანი. თანაცხოვრება ხატიას, ალბათ, ცოტა გაუჭირდა. ჩემმა ერთ-ერთმა ფლირტმა შეიწირა ეს ოჯახი, რაც ხატიამ ვერ აიტანა. ჩათვალა, რომ ვუღალატე, არადა, არ მიღალატია იმ პერიოდში. გოგოსთან არ დავდიოდი, ფლირტის დონეზე იყო სხვასთან მიმოწერა. ალბათ ძალიან კარგი ფლირტი იყო. იყო ოჯახის გადარჩენის მცდელობა, მაგრამ ასაკმაც იმოქმედა. ხატია, ალბათ, სწორად მოიქცა, რადგან ჩვენი ურთიერთობა არ შედგებოდა“, – თქვა გურამ ლომიძემ.

ივანა მელაის და გურამ ლომიძის ვარსკვლავური წყვილი ამჟამად ჩიკაგოში ცხოვრობს, სადაც შემოქმედებით საქმიანობასთან ერთად პატარა ელიზაბეტ ნატალის აღზრდით არიან დაკავებული. ელიზაბეტი დეკემბერში 5 წლის გახდება. მშობლები ინტერვიუებში აღნიშნავენ, რომ არის ძალიან არტისტული, კომუნიკაბელური ბავშვი, ძალიან კარგად მღერის და სამომავლოდ, სავარაუდოდ, ხელოვნების გზას აირჩევს.

წყვილმა დაქორწინების გადაწყვეტილება 2016 წელს მიიღო, მანამდე კი ორი წლის მანძილზე საიდუმლოდ ხვდებოდნენ ერთმანეთს. გურამ ლომიძეს და ივანა მელაის 2016 წლის ბოლოს შეეძინათ ქალიშვილი ნატალი-ელისაბედი, რომლის აღზრდაშიც წყვილს მშობლები ეხმარებიან. ჯგუფ „ქუჩის ბიჭების“ წევრს გურამიკოს პირველი ქორწინებიდან ხატია შამუგიასთან 19 წლის ნიკა და კიდევ ამერიკაში 11 წლის ლიამი ჰყავს.

130
თემები:
ქართველი სელებრითები (660)
ელექტროგადამცემი ხაზი

„თელასი" ნაძალადევის რაიონს ხვალ ელექტროენერგიას გაუთიშავს

40
(განახლებულია 18:01 29.07.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ივლისი – Sputnik. სააქციო საზოგადოება „თელასი" იუწყება, რომ 30 ივლისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

40
თემები:
თბილისი დღეს
ვაქცინაცია

ვაქცინაციის პროცესში ჩართულობა იმატებს - აცრებისთვის განკუთვნილი ზონები ფართოვდება

42
სპეციალისტები ქვეყანაში მიმდინარე ვაქცინაციის პროცესში მოქალაქეთა ჩართულობას დადებითად აფასებენ და ფიქრობენ, რომ ქვეყანა იმუნიზაციის დაგეგმილ ნიშნულს უახლოეს მომავალში მიაღწევს.

თბილისი, 29 ივლისი - Sputnik. ბოლო პერიოდში საქართველოში იმუნიზაციის პროცესში ჩართული მოქალაქეების რაოდენობა საგრძნობლად იმატებს, ქვეყანაში მიმდინარე ვაქცინაციის პროცესს სპეციალისტები დადებითად აფასებენ.

ეპიდემიოლოგების მიიჩნევენ, რომ საქართველოში კორონავირუსის დასამარცხებლად მოსახლეობის 70% უნდა აიცრას. ამ დროისთვის ორჯერადად აცრილია საქართველოს მოსახლეობის დაახლოებით 4%. 29 ივლისის დილის მონაცემებით, საქართველოს მასშტაბით აიცრა 17.133 ადამიანი.

ვაქცინაციის ტემპის ზრდასთან დაკავშირებით, ნიკოლოზ ყიფშიძის სახელობის ცენტრალურ საუნივერსიტეტო (ყოფილი რესპუბლიკური კლინიკა) და ვახტანგ ბოჭორიშვილის კლინიკამ აცრებისთვის განკუთვნილი შესაბამისი ზონები გამოყო. ვაქცინირებული პირებისთვის კლინიკებმა ასევე ეზოში განათავსეს კარვები.

როგორც რესპუბლიკური საავადმყოფოს დირექტორის მოადგილე ჯავარა უგრეხელიძე აცხადებს, ბოლო 24 საათში იმუნიზაციის პროცესში ჩართული მოქალაქეების რაოდენობა საკმაოდ მაღალი იყო და ქვეყანა დაგეგმილ ნიშნულს ძალიან მალე მიაღწევს.

„გუშინ, საერთო რაოდენობა დღიურად აცრილებისა იყო 2500-ზე მეტი. 15 კაბინეტი 12 საათიან რეჟიმში Pfizer-ზე მუშაობს. Pfizer-ზე კვლავ განსაკუთრებით დიდი მოთხოვნაა. იცით, რომ დამატებით ჯავშნებიც დაემატა გუშინ საღამოს და მოქალაქეები თავისუფლად ახერხებენ დაჯავშნას“, - აცხადებს ჯავარა უგრეხელიძე.

ქვეყანაში ვაქცინაციის ტემპის ბოლოდროინდელ ზრდაზე საუბრობს იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძეც. ის იმუნიზაციის პროცესში მოქალაქეების აქტიურ ჩართულობას დადებითად აფასებს.

„აგვისტოსთვის ჩვენ უფრო მეტი ადამიანი დაგვიგროვდება ქვეყანაში ორჯერადად ვაქცინირებული. „დელტა“ ვარიანტის გავრცელების შეჩერების ერთადერთი რესურსი ორჯერადად ვაქცინირებული ადამიანების რაოდენობის გაზრდაა“, - აცხადებს ივანე ჩხაიძე.  

საქართველოში მოსახლეობის მასობრივი ვაქცინაცია 5 ივლისიდან დაიწყო, ხოლო მასობრივი ხასიათი ვაქცინაციის კამპანიამ 5 ივლისიდან მიიღო. ამ მომენტისთვის საქართველოში ვაქცინაცია მიმდინარეობს Pfizer-ის, AstraZeneca-ს, Sinovac-ისა და Sinopharm-ის პრეპარატებით. ამ დროისთვის, რეგისტრაცია ამავე ვაქცინებზე მიმდინარეობს.

29 ივლისის მონაცემებით, საქართველოში ამ დროისათვის სულ აცრილია 450.026 პირი, აქედან სრულად, ანუ ორი დოზით – 148.972 ადამიანი.

42