ადამიანი კომპიუტერთან

ტიკარაძე: ველოდი, რომ IT სამსახურები სისტემის უკეთ მართვას შეძლებდნენ

95
ჯანდაცვის სამინისტროს ვებ-გვერდზე დაფიქსირებული ხარვეზის მიუხედავად, აცრის პროცესი 16 ივლისიდან დაიწყება. ვაქცინაცია 18 წელს ზემოთ ასაკის პირებისთვის იქნება შესაძლებელი.

თბილისი, 15 ივლისი - Sputnik. არსებობდა წინასწარი დასკვნა, რომ მაღალი მოთხოვნიდან გამომდინარე სისტემები ვერ უძლებს დატვირთვას და ვაქცინაზე რეგისტრაცია ფერხდება, განაცხადა ჯანდაცვის მინისტრმა ეკატერინე ტიკარაძემ ტელეკომპანია „იმედის“ ეთერში საუბრისას.

Pfizer-ით ვაქცინაციისთვის რეგისტრაცია გუშინ, 14 ივლისს, 15:00 საათიდან უნდა დაწყებულიყო, თუმცა მოსახლეობის დიდმა ნაწილმა რეგისტრაცია ვერ შეძლო. ჯანდაცვის სამინისტროში გუშინ განაცხადეს, რომ ვაქცინაციის სარეგისტრაციო სისტემაში დაფიქსირებული ხარვეზი მაღალი მიმართვიანობით იყო გამოწვეული.

ჯანდაცვის მინისტრის თქმით, ყველა იმ კიბერშეტევიდან გამომდინარე, რომელიც წინა პერიოდში ჯანდაცვის სისტემების წინააღმდეგ განხორციელდა, IT სამსახურები ყველა პრობლემის იდენტიფიცირებასა და აღმოფხვრაზე მარტიდან მუშაობენ, თუმცა ხარვეზი კვლავ განმეორდა.

„ჯანდაცვის სამინისტრო სრულად იღებს პასუხისმგებლობას. მეც და ჩემმა მოადგილემაც გუშინ ბოდიში მოვიხადეთ შექმნილი უხერხულობის გამო. IT სამსახური ანგარიშვალდებულია სამინისტროს წინაშე და ველოდი, რომ გაფართოებული გუნდური მუშაობით ისინი სისტემის უკეთ მართვას შეძლებდნენ“, - აღნიშნა მინისტრმა.

ტიკარაძემ აღნიშნა, რომ პროცესში ჩართულია ქვეყნის მასშტაბით ყველა ის უწყება, რომელსაც გააჩნია კომპეტენცია IT უსაფრთხოების მიმართულებით. მან ასევე იმედი გამოთქვა, რომ პრობლემა აღმოიფხვრება და მოქალაქეებს მომავალში მსგავსი შეფერხება აღარ შეექმნებათ.

მოსახლეობის მასობრივი ვაქცინაცია ქვეყანაში 5 ივლისს დაიწყო, მას შემდეგ, რაც საქართველომ ჩინური წარმოების Sinopharm-ისა და Sinovac-ის ერთი მილიონი დოზა მიიღო.

ბოლო მონაცემებით, ქვეყანაში ვაქცინირებულია 324.802 ადამიანი, აქედან სრულად (ორჯერადად) აცრილია 123.848 მოქალაქე.

საქართველოში ბოლო დღე-ღამეში კორონავირუსის 1.398 შემთხვევა დაფიქსირდა და ინფიცირებულთა საერთო რაოდენობამ 382 ათასს გადააჭარბა.

აცრისთვის ჯავშნის გასაკეთებლად მოქალაქე უნდა ეწვიოს ვებგვერდ booking.moh.gov.ge-ს ან დარეკოს ნომერზე 1522.

95
ელექტროგადამცემი ხაზი

„თელასი" ნაძალადევის რაიონს ხვალ ელექტროენერგიას გაუთიშავს

13
(განახლებულია 18:01 29.07.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ივლისი – Sputnik. სააქციო საზოგადოება „თელასი" იუწყება, რომ 30 ივლისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

13
თემები:
თბილისი დღეს
ვაქცინაცია

ვაქცინაციის პროცესში ჩართულობა იმატებს - აცრებისთვის განკუთვნილი ზონები ფართოვდება

38
სპეციალისტები ქვეყანაში მიმდინარე ვაქცინაციის პროცესში მოქალაქეთა ჩართულობას დადებითად აფასებენ და ფიქრობენ, რომ ქვეყანა იმუნიზაციის დაგეგმილ ნიშნულს უახლოეს მომავალში მიაღწევს.

თბილისი, 29 ივლისი - Sputnik. ბოლო პერიოდში საქართველოში იმუნიზაციის პროცესში ჩართული მოქალაქეების რაოდენობა საგრძნობლად იმატებს, ქვეყანაში მიმდინარე ვაქცინაციის პროცესს სპეციალისტები დადებითად აფასებენ.

ეპიდემიოლოგების მიიჩნევენ, რომ საქართველოში კორონავირუსის დასამარცხებლად მოსახლეობის 70% უნდა აიცრას. ამ დროისთვის ორჯერადად აცრილია საქართველოს მოსახლეობის დაახლოებით 4%. 29 ივლისის დილის მონაცემებით, საქართველოს მასშტაბით აიცრა 17.133 ადამიანი.

ვაქცინაციის ტემპის ზრდასთან დაკავშირებით, ნიკოლოზ ყიფშიძის სახელობის ცენტრალურ საუნივერსიტეტო (ყოფილი რესპუბლიკური კლინიკა) და ვახტანგ ბოჭორიშვილის კლინიკამ აცრებისთვის განკუთვნილი შესაბამისი ზონები გამოყო. ვაქცინირებული პირებისთვის კლინიკებმა ასევე ეზოში განათავსეს კარვები.

როგორც რესპუბლიკური საავადმყოფოს დირექტორის მოადგილე ჯავარა უგრეხელიძე აცხადებს, ბოლო 24 საათში იმუნიზაციის პროცესში ჩართული მოქალაქეების რაოდენობა საკმაოდ მაღალი იყო და ქვეყანა დაგეგმილ ნიშნულს ძალიან მალე მიაღწევს.

„გუშინ, საერთო რაოდენობა დღიურად აცრილებისა იყო 2500-ზე მეტი. 15 კაბინეტი 12 საათიან რეჟიმში Pfizer-ზე მუშაობს. Pfizer-ზე კვლავ განსაკუთრებით დიდი მოთხოვნაა. იცით, რომ დამატებით ჯავშნებიც დაემატა გუშინ საღამოს და მოქალაქეები თავისუფლად ახერხებენ დაჯავშნას“, - აცხადებს ჯავარა უგრეხელიძე.

ქვეყანაში ვაქცინაციის ტემპის ბოლოდროინდელ ზრდაზე საუბრობს იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძეც. ის იმუნიზაციის პროცესში მოქალაქეების აქტიურ ჩართულობას დადებითად აფასებს.

„აგვისტოსთვის ჩვენ უფრო მეტი ადამიანი დაგვიგროვდება ქვეყანაში ორჯერადად ვაქცინირებული. „დელტა“ ვარიანტის გავრცელების შეჩერების ერთადერთი რესურსი ორჯერადად ვაქცინირებული ადამიანების რაოდენობის გაზრდაა“, - აცხადებს ივანე ჩხაიძე.  

საქართველოში მოსახლეობის მასობრივი ვაქცინაცია 5 ივლისიდან დაიწყო, ხოლო მასობრივი ხასიათი ვაქცინაციის კამპანიამ 5 ივლისიდან მიიღო. ამ მომენტისთვის საქართველოში ვაქცინაცია მიმდინარეობს Pfizer-ის, AstraZeneca-ს, Sinovac-ისა და Sinopharm-ის პრეპარატებით. ამ დროისთვის, რეგისტრაცია ამავე ვაქცინებზე მიმდინარეობს.

29 ივლისის მონაცემებით, საქართველოში ამ დროისათვის სულ აცრილია 450.026 პირი, აქედან სრულად, ანუ ორი დოზით – 148.972 ადამიანი.

38