https://sputnik-georgia.com/20210714/gamopena-sazgvao-qveynis-lurji-politika-batumshi-gaimarteba-252311291.html
ბათუმში გამოფენა „საზღვაო ქვეყნის ლურჯი პოლიტიკა“ გაიმართება
ბათუმში გამოფენა „საზღვაო ქვეყნის ლურჯი პოლიტიკა“ გაიმართება
Sputnik საქართველო
სამეცნიერო ღონისძიება ბათუმის შოთა რუსთაველის სახელობის უნივერსიტეტის მიმდებარე ტერიტორიაზე, ბულვარში გაიმართება 14.07.2021-ს, Sputnik საქართველო
2021-07-14T09:41+0400
2021-07-14T09:41+0400
2021-10-19T18:01+0400
ახალი ამბები
საზოგადოება
საქართველო
https://cdnn1.img.sputnik-georgia.com/img/07e5/07/0a/252270798_0:0:3225:1823_1920x0_80_0_0_1a0fd6f30e0cdfe77163c7cb549d64bf.jpg
თბილისი, 14 ივლისი – Sputnik. სამეცნიერო გამოფენა „საზღვაო ქვეყნის ლურჯი პოლიტიკა“ ბათუმში 21 სექტემბერს გაიმართება, იუწყება საქართველოს განათლებისა და მეცნიერების სამინისტროს პრეს-სამსახური.ღონისძიების მთავარი მიზანი სამეცნიერო მიმართულებით ახალგაზრდების დაინტერესებაა.გამოფენის მოსამზადებელ სამუშაოებთან დაკავშირებით განათლების მინისტრის მოადგილე ნუნუ მიცკევიჩმა პროექტში მონაწილე უნივერსიტეტების, სამეცნიერო დაწესებულებებისა და ოფიციალური უწყებების წარმომადგენლებთან შეხვედრა გამართა.სანახაობრივი ღონისძიება პროექტის „მეცნიერების კალენდარი - 2021“-ის ფარგლებში ჩატარდება. ექსპერტებთან და მკვლევარებთან ერთად პროექტში ჩართვა შეუძლიათ სხვადასხვა სამეცნიერო კონკურსებში გამარჯვებულ მოსწავლეებსაც. ახალგაზრდებს შესაძლებლობა ექნებათ მონაწილეობა მიიღონ ზღვის თემატიკასთან დაკავშირებულ აქტივობებში. დაგეგმილია ტრენინგები საზღვაო ნარჩენების მავნებლობის საკითხებზე, საზღვაო კვლევები, გემით ზღვაზე გასვლა, სასწავლო ვიდეოფილმების ჩვენება, რეპორტაჟი ზღვის ფსკერიდან და ა.შ.გამოფენაზე წარმოდგენილი იქნება შავი ზღვისა და სანაპირო ზოლის შესახებ უახლესი სამეცნიერო კვლევების შედეგები, ჩატარდება გამოფენები, პრეზენტაციები, ინტელექტუალური თამაშები, ექსპერიმენტები, სანაპირო ზოლის დასუფთავების აქცია.სამეცნიერო ღონისძიებაში აქტიურ მონაწილეობას მიიღებენ წამყვანი უმაღლესი სასწავლებლები. კერძოდ, თსუ, ილიაუნი, სტუ, კავკასიის საერთაშორისო და ბათუმის სახელმწიფო უნივერსიტეტები, ბათუმის სახელმწიფო საზღვაო აკადემია, ბათუმის ნავიგაციის სასწავლო უნივერსიტეტი, ბათუმის ხელოვნების სახელმწიფო სასწავლო უნივერსიტეტი, ბათუმის ბოტანიკური ბაღი, ივანე ბერიტაშვილის ექსპერიმენტული ბიომედიცინის ცენტრი, ბაქტერიოფაგიის, მიკრობიოლოგიისა და ვირუსოლოგიის ინსტიტუტი და სხვადასხვა საერთაშორისო და ადგილობრივი ორგანიზაციების წარმომადგენლები.
https://sputnik-georgia.com/20210701/qarTvelologia-vikipediaSi-ganaTlebis-saministro-konkurss-acxadebs-252188037.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/07/0a/252270798_0:0:3225:2027_1920x0_80_0_0_8071ed6fe0e8bf5fb58a2147b3a85135.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საზოგადოება, საქართველო
ახალი ამბები, საზოგადოება, საქართველო
ბათუმში გამოფენა „საზღვაო ქვეყნის ლურჯი პოლიტიკა“ გაიმართება
09:41 14.07.2021 (განახლებულია: 18:01 19.10.2021) სამეცნიერო ღონისძიება ბათუმის შოთა რუსთაველის სახელობის უნივერსიტეტის მიმდებარე ტერიტორიაზე, ბულვარში გაიმართება
თბილისი, 14 ივლისი – Sputnik. სამეცნიერო გამოფენა „საზღვაო ქვეყნის ლურჯი პოლიტიკა“ ბათუმში 21 სექტემბერს გაიმართება, იუწყება საქართველოს განათლებისა და მეცნიერების სამინისტროს პრეს-სამსახური.
ღონისძიების მთავარი მიზანი სამეცნიერო მიმართულებით ახალგაზრდების დაინტერესებაა.
გამოფენის მოსამზადებელ სამუშაოებთან დაკავშირებით განათლების მინისტრის მოადგილე ნუნუ მიცკევიჩმა პროექტში მონაწილე უნივერსიტეტების, სამეცნიერო დაწესებულებებისა და ოფიციალური უწყებების წარმომადგენლებთან შეხვედრა გამართა.
სანახაობრივი ღონისძიება პროექტის „მეცნიერების კალენდარი - 2021“-ის ფარგლებში ჩატარდება. ექსპერტებთან და მკვლევარებთან ერთად პროექტში ჩართვა შეუძლიათ სხვადასხვა სამეცნიერო კონკურსებში გამარჯვებულ მოსწავლეებსაც.
ახალგაზრდებს შესაძლებლობა ექნებათ მონაწილეობა მიიღონ ზღვის თემატიკასთან დაკავშირებულ აქტივობებში. დაგეგმილია ტრენინგები საზღვაო ნარჩენების მავნებლობის საკითხებზე, საზღვაო კვლევები, გემით ზღვაზე გასვლა, სასწავლო ვიდეოფილმების ჩვენება, რეპორტაჟი ზღვის ფსკერიდან და ა.შ.
გამოფენაზე წარმოდგენილი იქნება შავი ზღვისა და სანაპირო ზოლის შესახებ უახლესი სამეცნიერო კვლევების შედეგები, ჩატარდება გამოფენები, პრეზენტაციები, ინტელექტუალური თამაშები, ექსპერიმენტები, სანაპირო ზოლის დასუფთავების აქცია.
სამეცნიერო ღონისძიებაში აქტიურ მონაწილეობას მიიღებენ წამყვანი უმაღლესი სასწავლებლები. კერძოდ, თსუ, ილიაუნი, სტუ, კავკასიის საერთაშორისო და ბათუმის სახელმწიფო უნივერსიტეტები, ბათუმის სახელმწიფო საზღვაო აკადემია, ბათუმის ნავიგაციის სასწავლო უნივერსიტეტი, ბათუმის ხელოვნების სახელმწიფო სასწავლო უნივერსიტეტი, ბათუმის ბოტანიკური ბაღი, ივანე ბერიტაშვილის ექსპერიმენტული ბიომედიცინის ცენტრი, ბაქტერიოფაგიის, მიკრობიოლოგიისა და ვირუსოლოგიის ინსტიტუტი და სხვადასხვა საერთაშორისო და ადგილობრივი ორგანიზაციების წარმომადგენლები.