ტყიბულში მეშახტეების გაფიცვა გრძელდება - მხარეებმა შეთანხმებას ვერ მიაღწიეს

© Sputnik / STRINGERმინდელის შახტი
მინდელის შახტი - Sputnik საქართველო, 1920, 04.07.2021
გამოწერა
მეშახტეები ხელფასის მომატებას 300 ლარით მოითხოვენ და ბონუსების სისტემის გაუქმებას მოითხოვენ. მათი თქმით, ბონუსები 30-40 ლარს არ აღემატება.
თბილისი, 4 ივლისი - Sputnik. ტყიბულში მინდელის სახელობის შახტის თანამშრომლების შეხვედრა სამთომომპოვებელი კომპანია „საქნახშირის“ ხელმძღვანელობასთან უშედეგოდ დასრულდა.
შახტის თანამშრომლებმა გაფიცვა შაბათს, 3 ივლისს გამოაცხადეს. ისინი ხელფასის მომატებას 300 ლარით მოითხოვენ და ეწინააღმდეგებიან ბონუსების სისტემას, რომლითაც სახელფასო დანამატი, მათი თქმით, 30-40 ლარს არ აღემატება. თავის მხრივ, კომპანია „საქნახშირში“ აცხადებენ, რომ გაფიცული მეშახტეების მოთხოვნების გამოხატვის ფორმა მათთვის მიუღებელია. ისინი არ აპირებენ ხელფასების მომატებას, რადგან მეშახტეებისთვის ბონუსების სისტემა არსებობს.
შახტი - Sputnik საქართველო, 1920, 03.07.2021
მეშახტეების გაფიცვა ტყიბულში: კომპანიამ თანამშრომლებს პასუხი გასცა
მეშახტეების თქმით, მათი ხელფასი 580-დან 640 ლარამდე მერყეობს.
„მხოლოდ ის გვინდა, ჩვენი შრომა დაფასდეს. ბონუსით ვერაფერს ვაკეთებთ. 30 ლარი ბონუსად არ ითვლება. ვთხოვთ ჩვენს მაჟორიტარს, ქალაქის გამგებელს, დაგვიდგნენ გვერდით“, - განაცხადა ერთ-ერთმა მეშახტემ ტელეკომპანია Formula-ს ეთერში.
„640 ლარი მაქვს ხელფასი და 400 მეტრზე ჩავდივარ მიწაში. ოჯახები გვყავს სარჩენი. რა ვქნათ“, - ამბობს სხვა მეშახტე.
დღეს ტყიბულში ორი შახტია - მინდელის და ძიძიგურის. დანარჩენი 25 კარიერი 2018 წლის ივლისიდან, მესამე ტრაგედიის შემდეგ, არ მუშაობს. 2018 წლის 5 აპრილს ექვსი მეშახტე დაიღუპა, 2018 წლის 2 ივნისს - ორი, 2018 წლის 16 ივლისს კი - ოთხი. მათი გარდაცვალების მიზეზი სხვადასხვაა - მეთანის აფეთქება, კედლების ჩამოშლა.
სამთომომპოვებელ კომპანია „საქნახშირში“ 1170 ადამიანია დასაქმებული.
ყველა ახალი ამბავი
0