ნამახვანჰესის მშენებლობა

ნამახვანჰესის მშენებლობის საკითხზე ევროკავშირის მედიაციით პირველი შეხვედრა დაიწყო

65
(განახლებულია 16:02 12.06.2021)
თურქულ კომპანია Enka-სთან ხელშეკრულების ერთ-ერთ პუნქტს წარმოადგენს დიდი რაოდენობით მიწების 99 წლის ვადით გადაცემა, რაც მიუღებელია აქციის მონაწილეებისთვის. მინისტრის მოადგილის თქმით, კომპანიასთან ამ ვადის შემცირებაზე მოლაპარაკება მიმდინარეობს.

თბილისი, 12 ივნისი – Sputnik. „ნამახვანჰესის“ მშენებლობის საკითხზე საერთაშორისო მედიატორების ჩართულობით პირველი შეხვედრა მიმდინარეობს, იუწყება „პირველი არხი“.

საქართველოში იმყოფებიან ევროკავშირის ენერგეტიკული გაერთიანების დავების გადაწყვეტისა და მოლაპარაკების ცენტრის წარმომადგენლები, რომელთა შუამავლობით უნდა შედგეს დიალოგი მთავრობასა და „ნამახვანჰესის“ მშენებლობის მოწინააღმდეგეებს შორის.

შეხვედრას, რომელიც ნატახტარში მიმდინარეობს, შვიდთვიანი საპროტესტო აქციების ორგანიზატორები, „რიონის ხეობის მცველები“ ესწრებიან. მთავრობის მხარეს ეკონომიკისა და მდგრადი განვითარების სამინისტრო, ასევე გარემოს დაცვის სამინისტრო წარმოადგენს.

პროტესტების ერთ-ერთი ორგანიზატორის, ვარლამ გოლეთიანის თქმით, დღევანდელ შეხვედრაზე აქციის მონაწილეებმა უნდა დააყენონ ის პირობები, რომელთა შესრულების შემთხვევაში შემდგომი დიალოგისთვის სივრცე გაჩნდება. საუბარია რიონის ხეობაში რკინის ჯებირების აღებაზე, საპოლიციო ძალების გაყვანაზე და აქციის დაკავებული მონაწილეების დაუყოვნებლივ გათავისუფლებაზე.

შეხვედრის დაწყებამდე ეკონომიკის მინისტრის მოადგილემ, დავით თვალაბეიშვილმა აღნიშნა, რომ იმედი აქვს, რომ ევროპელი სპეციალისტების მედიაციის შედეგად პროექტთან დაკავშირებულ ყველა კითხვას პასუხი გაეცემა.

„ჩვენ, მთავრობა დაინტერესებული ვართ და ყოველთვის ვუსვამდით ამას ხაზს, რომ გადავიდეთ დიალოგის პროცესში, რომ იმ საკითხების განხილვა, რომლებიც დაკავშირებულია მშენებლობასთან, ქუჩიდან მოლაპარაკების მაგიდასთან გადმოვიდეს... მზად ვართ, რომ ეს საკითხები განვიხილოთ დეტალურად, მივიღოთ გადაწყვეტილებები, გამოვნახოთ გამოსავალი და ისე აშენდეს ეს პროექტი, რომ მისაღები იყოს საქართველოს მოსახლეობისა და სახელმწიფოსთვის“, – განაცხადა მინისტრის მოადგილემ.

„ნამახვანჰესის“ მშენებლობის წინააღმდეგ პროტესტი შვიდ თვეზე მეტია გრძელდება. მიუხედავად იმისა, რომ პროექტი ქვეყნის ენერგოდამოუკიდებლობისთვის მნიშვნელოვანია, მის წინააღმდეგ პროტესტი სულ უფრო მძაფრდება. პროტესტს ორი მიზეზი აქვს: ერთი - ესაა საფრთხე, რომელიც მომავალი კაშხლის შესაძლო გარღვევამ შეიძლება შეუქმნას მთელ იმერეთის რეგიონს, მეორე - საქართველოში თურქული კომპანია Enka-სთვის დიდი რაოდენობით მიწების 99 წლის ვადით გადაცემაა.

„ხელშეკრულების იმ ნაწილში, სადაც საუბარია მიწის გადაცემის საკითხზე, მიმდინარეობს კომპანია Enka-სთან მოლაპარაკებები, რომ შემცირდეს ეს 99 წელი. ამ ეტაპზე ვერ გეტყვით და ვერ დაგიდასტურებთ, სადამდე იქნება შემცირებული, მაგრამ მიდის პოზიტიური პროცესი“, - აღნიშნა თვალაბეიშვილმა.

საქართველოს პრემიერ-მინისტრმა ირაკლი ღარიბაშვილმა ორი დღის წინ განაცხადა, რომ რიონის ხეობაში „ნამახვანჰესის“ მშენებლობა ინვესტორთან გაფორმებულ ხელშეკრულებაში არსებული პირობებით არ გაგრძელდება. როგორც პრემიერმა აღნიშნა, მას „ნამახვანჰესის“ პროექტი და პრობლემა მემკვიდრეობით დახვდა და ის ამაზე აქტიურად მუშაობს.

მანამდე, მასშტაბური საპროტესტო აქციების ფონზე, საქართველოს მთავრობამ 24 აპრილს „ნამახვანჰესის“ მშენებლობაზე ერთწლიანი მორატორიუმი გამოაცხადა. კაშხლის მშენებლობის პროექტს ხელახლა შეისწავლიან სპეციალისტები. ხელისუფლება ირწმუნება, რომ კაშხალი მანამ არ აშენდება, სანამ ხელახლა არ დამტკიცდება ეკოლოგიური, გეოლოგიური და სეისმოლოგიური კვლევები. ამასთან მორატორიუმი არ ეხება სხვა სამშენებლო სამუშაოებს რიონის ხეობაში.

65
შანაე ბრუკი

რას წერდა გარდაცვალებამდე ავსტრალიელი ქალი - განცხადება სოციალური ქსელიდან

1335
(განახლებულია 21:20 31.07.2021)
აი რას წერდა ავსტრალიელი შანიე ბრუკი სოციალურ ქსელში, რომელიც თბილისში რამდენიმე საათის წინ გაუჩინარდა და ცოტა ხნის წინ გარდაცვლილი იპოვეს

თბილისი, 31 ივლისი – Sputnik. ავსტრალიის მოქალაქე, რომელიც ცოტა ხნის წინ გარდაცვლილი იპოვეს, საქართველოს ბევრ მხარეშია ნამყოფი. როგორც სოციალურ ქსელში გამოქვეყნებული მისი ფოტოებიდან ირკვევა, შანაე ბრუკი ისეთ ადგილებშია ნამყოფი, როგორცაა მარტვილის კანიონი, სამშვილდე, მტირალას ეროვნული პარკი, წყალტუბო და სხვა.

View this post on Instagram

A post shared by @shanae.be

მისი ფოტოებიდან ჩანს, რომ შანაეს საქართველო ძალიან მოსწონდა. ქუთაისში ერთ-ერთ წარწერაზე მსგავსი კომენტარიც აქვს გაკეთებული – „ყველაზე ლამაზი ხელნაწერი მსოფლიოში“. როგორც ჩანს, შანაე ბრუკის ერთ-ერთი შვებულებაც საქართველოში აქვს გატარებული.

View this post on Instagram

A post shared by @shanae.be

„ლაშქრობა, ჩანჩქერები, პლაჟები, მოტოციკლები, მიტოვებული სანატორიუმები, ექსპრომტი თავგადასავლები, ბევრი სასაცილო და გასართობი ისტორია… აი როგორ უნდა გაატაროთ თქვენი შვებულება, მადლობა მარკ და ლინა იმისთვის, რომ კარგი დრო კიდევ უფრო გრანდიოზული გახადეთ“,- წერდა იგი სოციალურ ქსელში.

View this post on Instagram

A post shared by @shanae.be

ავსტრალიელი შანაე ბრუკი რამდენიმესაათიანი გაუჩინარების შემდეგ მთაწმინდაზე გარდაცვლილი იპოვეს. გავრცელებული ვერსიით, გოგონა მოკლეს. მისი ცხედარი „ეშმაკის ბორბლის“ ქვემოთ ხეობაში იპოვეს. ის ტოტებით და ფოთლებით იყო დაფარული. ჯერჯერობით სხვა დეტალები უცნობია. შსს-ს ოფიციალური განცხადება ჯერ არ გაუკეთებია.

View this post on Instagram

A post shared by @shanae.be

დაკარგული ტურისტის შესახებ ინფორმაცია სოციალურ ქსელ Facebook-ზე მისმა მეგობარმა გაავრცელა. მისი განცხადებით, როდესაც პარასკევს საღამოს შანაი ბრუკს ბოლოს ტელეფონით ელაპარაკებოდა, ის მთაწმინდაზე იმყოფებოდა. მისივე ინფორმაციით, სატელეფონო საუბრის დროს ტურისტ გოგონას მოულოდნელად თავს დაესხნენ და ის დახმარებას ითხოვდა.

View this post on Instagram

A post shared by @shanae.be

თბილისში, მთაწმინდის ტერიტორიაზე უცხო ქვეყნიდან ჩამოსულ ქალს პარასკევიდან ეძებდნენ, სამძებრო სამუშაოებში დრონი და კინოლოგები ჩართეს. გოგონა, სავარაუდოდ, თავდასხმის მსხვერპლი გახდა. ბრუკი საქართველოში წელიწადნახევრის წინ ჩამოვიდა, ის ინგლისურის მასწავლებელი იყო.

View this post on Instagram

A post shared by @shanae.be

გავრცელებული ინფორმაციის, ახალგაზრდა ქალი სათვალთვალო კამერებმა ბოლოს გუშინ, დაახლოებით, 15:30 საათზე, ვერაზე, საცხოვრებელ სახლთან დააფიქსირეს. გავრცელებული ინფორმაციით, საქართველოში შანაი ბრუკის ოჯახის წევრები მოემგზავრებიან. ისინი, თბილისში სავარაუდოდ, გვიან ღამით ჩამოვლენ.

View this post on Instagram

A post shared by @shanae.be

შსს-ში გამოძიება თავდაპირველად სსკ-ის 143-ე მუხლით დაიწყო, რაც თავისუფლების უკანონო აღკვეთას გულისხმობს. სავარაუდოდ, მუხლი გადავკვალიფიცირდება.

1335
თემები:
შემთხვევები საქართველოში
ვაქცინაციის ცენტრი Hualing Plaza-ში

გაბუნია: ყველა ამცრელ დაწესებულებაში ე.წ. ვირტუალური კაბინეტები გაიხსნება

139
მინისტრის მოადგილის თქმით, მოქალაქეები, რომლებიც თვითონ ვერ ახერხებენ რეგისტრაციას, ამის გაკეთებას უშუალოდ ამცრელ დაწესებულებაში შეძლებენ

თბილისი, 31 ივლისი – Sputnik. მომავალი კვირიდან ყველა ამცრელ დაწესებულებაში ე.წ. ვირტუალური კაბინეტები გაიხსნება, განაცხადა ჯანდაცვის მინისტრის მოადგილე თამარ გაბუნიამ.

გაბუნიას განცხადებით, ყველაფერი გაკეთდება ვაქცინაციის მეტი ხელმისაწვდომობისთვის. მისივე ინფორმაციით, ვირტუალური კაბინეტები დაეხმარება ადამიანებს, ვისაც აცრა სურთ, თუმცა დარეგისტრირებულები არ არიან და ისინი ადგილზე შეძლებენ დარეგისტრირებას.

„ყველა ამცრელ დაწესებულებას ექნება ე.წ. ვირტუალური კაბინეტი, სადაც არა მხოლოდ სამედიცინო პერსონალს, არამედ ნებისმიერ სხვა მოქალაქეს ექნება შესაძლებლობა, თუ ის დარეგისტრირებული არ არის და უნდა აიცრას, დარეგისტრირდეს ადგილზე“, - განაცხადა გაბუნიამ.

თუმცა, როგორც გაბუნიამ აღნიშნა, ვირტუალურ კაბინეტებში შესაძლოა მცირე დისკომფორტი შეიქმნას.

„ერთადერთი დისკომფორტი რაც შეიძლება შეიქმნას, იქნება, თუ ერთად მივიდა დიდი რაოდენობით აცრის მსურველი და შეიქმნა რიგი. რიგს მოცდა დიდი ხანი არ დასჭირდება, თუმცა ამის თავიდან ასაცილებლად უმჯობესია, წინასწარ დარეკოს მოქალაქემ კლინიკაში ცხელ ხაზზე და ითხოვოს ვიზიტისთვის დრო. რეგისტრაციის პროცედურა იქნება მაქსიმალურად გამარტივებული და არავინ დარჩება აცრის გარეშე“, – განაცხადა გაბუნიამ.

მისი თქმით, ეპიდსიტუაცია ქვეყანაში ძალიან დაძაბულია. მან კიდევ ერთხელ მოუწოდა მოსახლეობას, ჩაიტარონ ვაქცინაცია, ატარონ პირბადე და თავი აარიდონ დიდ თავშეყრებს, როგორიცაა, მაგალითად, ფესტივალები.

საქართველოში მოსახლეობის მასობრივი ვაქცინაცია 5 ივლისიდან დაიწყო, მას შემდეგ, რაც ქვეყანამ ჩინური ვაქცინების - Sinopharm-ისა და Sinovac-ის 1 მილიონი დოზა მიიღო. ამ მომენტისთვის საქართველოში ვაქცინაცია მიმდინარეობს Pfizer-ის, AstraZeneca-ს, Sinovac-ისა და Sinopharm-ის პრეპარატებით. ამავე ვაქცინებზეა ხელმისაწვდომი რეგისტრაციაც.

ბოლო მონაცემებით, საქართველოში ამ დროისათვის სულ აცრილია 481.591 პირი, აქედან სრულად, ანუ ორი დოზით – 157.754 ადამიანი.

139
მზის ჩასვლა

დღის ასტროპროგნოზი ზოდიაქოს ნიშნებისთვის: 1 აგვისტო

0
(განახლებულია 08:03 31.07.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 1 აგვისტოა, კვირა. კლებადი მთვარე კუროს ნიშანშია. ამ დღეს პლანეტა მზე მფარველობს.

არაერთი სიურპრიზი გელოდებათ. ესაა შემოქმედებითი ვნებების, მოულოდნელი გადაწყვეტილებებისა და გრძნობების უეცარი „ამოფრქვევის“ დღე. აჯობებს, თუ არ მიიღებთ საპასუხისმგებლო გადაწყვეტილებებს, არ გამართავთ მნიშვნელოვან მოლაპარაკებებს – შედეგის გათვლა შეუძლებელია.

დღის ასტროპროგნოზი ზოდიაქოს ნიშნებისთვის: 31 ივლისი>>

ვერძი: მრავალფეროვანი სიურპრიზები გელოდებათ – ვის როგორ გაუმართლებს. თქვენ გულში შეიძლება იფეთქოს მოულოდნელმა და ცეცხლოვანმა ვნებამ, რომელიც, დიდი ალბათობით, უბრალო რომანით არ დასრულდება. მალეც რომ დასრულდეს ეს კავშირი, ის თქვენს გულში საგრძნობ კვალს დატოვებს. გრძნობების მოზღვავება იმდენად უეცარი იქნება, რომ მომზადებას ვერ მოასწრებთ.

კურო: სჯობს, არავინ მოაწყოს თქვენი პროვოცირება, თუნდაც გარეგნულად ძალზე დამყოლი და აუღელვებელი ჩანდეთ. გარშემომყოფებს კი არა, თქვენც შეიძლება დარწმუნებული იყოთ, რომ სიმშვიდის განსახიერება ხართ. მაგრამ მაინც – მოსალოდნელია გაღიზიანების უეცარი შემოტევა, ამიტომ აჯობებს, თუ არავინ დაიწყებს თქვენი მისამართით „ისრების გამოსროლას“.

ტყუპი: ყველაზე ეფექტური გზა დღეს თქვენთვის დინებაზე მშვიდად გაყოლაა. არ ღირს გარემოებებზე შეწინააღმდეგება. უაზრობაა ბედთან კამათი და მით უმეტეს, მკაცრი გეგმის მიხედვით მოქმედება. გეგმის დაწყობა, რა თქმა უნდა, შეგიძლიათ, მაგრამ მზად იყავით იმისთვის, რომ გზადაგზა მასში კორექტივების შეტანა მოგიწევთ. ენდეთ ინტუიციას – ის გიკარნახებთ, როგორ მოიქცეთ მოულოდნელ ვითარებებში.

კირჩხიბი: არ იჩქაროთ. დღის პირველი ნახევარი, შესაძლოა, არცთუ ხელსაყრელად დაიწყოს და მნიშვნელოვანი საქმეებისთვის არ იყოს შესაფერისი, მაგრამ დროთა განმავლობაში პოზიტიური ტენდენციების გავლენა გაძლიერდება. დღის მეორე ნახევარი სასიამოვნო ნაცნობობის დროა, როდესაც არაა გამორიცხული მეგობრული ან სასიყვარულო ურთიერთობების დაწყება. ენდეთ ინტუიციას.

ლომი: ვერანაირი გაუთვალისწინებელი გარემო რიტმიდან ვერ ამოგაგდებთ. შესაძლებელია ასეთმა დაუგეგმავმა მოვლენამ დროებით თქვენი ყურადღება გაფანტოს, მაგრამ ეს ხელს ვერ შეგიშლით, კალაპოტიდან ვერ ამოგაგდებთ და საქმეს მაინც მიიყვანთ ბოლომდე. ასე რომ, დღე პროდუქტიულად ჩაივლის, განსაკუთრებით იმ შემთხვევაში, თუ ნებისმიერ წვრილმანზე არ გაღიზიანდებით.

ქალწული: დღე მთლიანობაში მშვიდად და პოზიტიურად ჩაივლის, თუმცა რაღაც მომენტებში, უდრო დღის პირველ ნახევარში მოულოდნელი მოვლენები, გაუგებრობებია მოსალოდნელია. პოზიტიური ტენდენციები მალე გაძლიერდება და დღის მეორე ნახევარში უკვე გაჩნდება ახალი, პერსპექტიული შესაძლებლობები. ეს პერიოდი კარგი დროა ურთიერთობებისთვის, ადვილად პოულობთ საერთო ენას ყველასთან, მათ შორის ახლად გაცნობილ ადამიანებთანაც.

სასწორი: ვარსკვლავები გირჩევენ, თავი შეიკავოთ ფინანსებთან დაკავშირებული გადაწყვეტილებებისგან, რაღაც „თავქარიანი“ ექსპერიმენტების ჩატარებისგან. არ აჰყვეთ უკვე ნაცნობ ცდუნებებს, რადგან მორალური თუ მატერიალური შედეგები იმაზე მასშტაბური იქნება, ვიდრე წარმოგიდგენიათ. საფრთხის შემცველია ზედმეტი, გადაჭარბებული მოთხოვნები, ანუ დაკმაყოფილდით იმით, რაც დღეს გაქვთ.

მორიელი: დღეს ვარსკვლავები თქვენ მხარეს არიან. საკმაოდ პოზიტიური პერიოდი გელოდებათ რამე განსაკუთრებული იარყოფითი ძვრების გარეშე. მოასწრებთ დასვენებასაც და საქმეების გაკეთებასაც. მოსალოდნელია სასიამოვნო სიურპრიზები, ხოლო უსიამოვნებებისგან შინაგანი წინდახედულება და დღეს განსაკუთრებულად გამძაფრებული ინტუიცია დაგიცავთ.

მშვილდოსანი: შეგწევთ ძალა, რომ ბევრი სასარგებლო რამ გააკეთოთ არა მარტო თქვენთვის, არამედ გარშემომყოფებისთვისაც. მოსალოდნელია უჩვეულო შეხვედრები, დამეგობრება საინტერესო ადამიანებთან. ნათლად გამოვლინდება თქვენი ლიდერის თვისებები. საქმე ბევრი გექნებათ, მაგრამ დაღლილობას ვერ იგრძნობთ – ენერგიით ხართ სავსე.

თხის რქა: საკმაოდ პოზიტიური დღე გელოდებათ. სერიოზული პრობლემები და სირთულეები, რომელთა გადალახვასაც ვერ შეძლებთ, არ გელოდებათ. ხართ მშვიდი და თავდაჯერებული, მაგრამ მოდუნება არ ღირს, რადგან ბედმა არაერთი შესანიშნავი შანსი შეიძლება მოგცეთ, რომ მეტოქეებსა და კონკურენტებზე გაიმარჯვოთ. სავარაუდოდ, გაგიჩნდებათ საინტერესო იდეები, მაგრამ მათი რეალიზების დაწყებისთვის ჯერ შესაფერისი დრო არ დამდგარა.

მერწყული: დღეს ძალიან წაგადგებათ სრულფასოვანი დასვენება ახლობელი ადამიანების გარემოცვაში, მაგრამ დღის განმავლობაში თქვენი გეგმები შეიძლება არაერთხელ შეიცვალოს. ეს უფრო დღის პირველ ნახევარს ეხება, როცა გგონიათ, რომ ათასი საქმე გაქვთ სასწრაფოდ გასაკეთებელი. თავისუფლად შეგიძლიათ დასვენების უფლება მისცეთ თავს. ამისთვის დღის მეორე ნახევარი გამოდგება, როდესაც თავს უფრო მშვიდად იგრძნობთ.

თევზები: ეცადეთ, არ იჩქაროთ. დღეს კარგად მოფიქრებული გადაწყვეტილებები უნდა მიიღოთ და დაფიქრებული ნაბიჯები გადადგათ. არ ენდოთ ყველას, ვინც ერთი შეხედვით კარგ შთაბეჭდილებას ტოვებს. მართალია, დიდი სურვილი გაქვთ, რომ დაისვენოთ და მოდუნდეთ, მაგრამ საქმეები ამის საშუალებას არ მოგცემთ. კარგი დღეა მოკლე მანძილზე მგზავრობისა და გარემოს გამოცვლისთვის.

0