ნანუკა გოგიჩაიშვილი

ნანუკა გოგიჩაიშვილი ფეხმძიმობას აღარ მალავს ნახეთ როგორ გამოიყურება მომავალი დედა

2254
(განახლებულია 19:38 11.06.2021)
სულ მალე გოგიჩაიშვილების ოჯახის პოპულარული წარმომადგენელი დედიკოების რიგს შეუერთდება. მანამდე კი ფეხმძიმე მოდელმა დუმილი დაარღვია და საზოგადოებას ბედნიერი ამბავი გაუზიარა.

როგორც ნანუკას ერთ-ერთი ინსტა-ინტერაქტივიდან გაირკვა, წყვილი საცხოვრებლად დაქორწინების შემდეგ ცალკე გადავიდა. ამიტომ ყოველ საღამოს, განსაკუთრებით კი უქმეებზე, მათ სახლში ხალხმრავლობა იყო. დაფეხმძიმების შემდეგ კი ნანუკას ყოველდღიურობა შეიცვალა. ის საკუთარ თავთან ჰარმონიას ეძებს და სხვადასხვა ხერხით პოულობს, მათ შორის მოგზაურობით. ამის ამსახველ კადრებს ნანუკა „ფოლოვერებს“ ყოველთვის უზიარებს.

მოდელისა და ნიკა ნაყოფიას შორის ურთიერთობაზე მას შემდეგ დაიწყეს საუბარი, რაც ნიკამ ნანუკას Instagram-ზე საჯაროდ მიულოცა დაბადების დღე – გამოაქვეყნა ვიდეო წარწერით: „გილოცავ ნანუკა! შენ ჩემთვის ხელოვნების საყვარელი ნიმუში ხარ“.

View this post on Instagram

A post shared by Senpai™ (@nanukagogicha)

მოდელმა ნანუკა გოგიჩაიშვილმა და ნიკოლოზ ნაყოფიამ პანდემიის დასაწყისში კახეთში, ალავერდის მონასტერში დაიწერეს ჯვარი. ქვეყანაში არსებული ეპიდსიტუაციიდან გამომდინარე დაწესებული მკაცრი რეგულაციების გამო ჯვრისწერას სულ რამდენიმე ადამიანი ესწრებოდა. „მხოლოდ ჯვრისწერა რეგულაციების სრული გათვალისწინებით. არანაირი ქორწილი, ვახშამი მხოლოდ ოჯახის წევრებთან”, – დაწერა ნანუკა გოგიჩაიშვილმა. წყვილისთვის მნიშვნელოვანი დღის ამსახველი ფოტოები მოდელმა და მისმა დამ სოციალურ ქსელ Instagram-ზე ატვირთეს.

ბოლო წლებია მოდელი ხატავს და ჩიკაგოში გამოფენებსაც მართავს. მიუხედავად იმისა, რომ ნანუკა გოგიჩაიშვილი პირად ცხოვრებას საგულდაგულოდ მალავდა, კულუარებში აქტიურად საუბრობდნენ მათ წყვილზე და ცოტა ხნის წინ ფეხმძიმობაზეც ალაპარაკდნენ. ამ ბედნიერებას ნანუკა სამოსითა და ჩანთებით მალავდა მაშინ, როდესაც ფოტოს გამოქვეყნება სურდა.

View this post on Instagram

A post shared by Senpai™ (@nanukagogicha)

ცოტა ხნის წინ კი მოდელმა დუმილი დაარღვია და მეუღლის დაბადების დღეზე უახლესი ფოტოსესიის დეტალები გაასაჯაროვა, რომელზეც შეუდარებლად გამოიყურება. ნანუკას პოსტს ჟურნალისტი ნანუკა ჟორჟოლიანიც გამოეხმაურა. „ეს ამბავი როდის გამოვიცანი!“ – დაწერა ტელესახემ, რაზეც მოდელმა უპასუხა, რომ მაშინ გამოიცნო, როდესაც ჯერ მეგობრებმაც კი არ იცოდნენ.

ვარსკვლავური წყვილი კეთილი სურვილებითა და მილოცვებით გაანებივრეს.

2254
თემები:
ქართველი სელებრითები (479)
მარიამ ხორგუაშვილი

„წონის კლებაში წავედი და მეშინია...“ - მარიამ ხორგუაშვილის აღიარება

16
(განახლებულია 11:12 21.06.2021)
მარიამ ხორგუაშვილი საზოგადოებამ რამდენიმე წლის წინ გაიცნო. ქართველი მოდელისა და ფეხბურთელი ლაშა კალანდაძის სილამაზემ ინტერნეტი მას შემდეგ „ააფეთქა", რაც სოციალურ ქსელში წყვილის ქორწილის ფოტოები გამოქვეყნდა.

მარიამი და ლაშა რამდენიმე წლის წინ დაშორდნენ. მოდელი ამ ინფორმაციას კატეგორიულად უარყოფდა, თუმცა ჭორები და შემდეგ ფაქტები სხვა რამეს მეტყველებდა. მშვენიერი მოდელის გარშემო მუდამ იყო საუბარი იმაზე, შეურიგდებოდა თუ არა ყოფილ მეუღლეს. სხვადასხვა წყაროები ირწმუნებოდნენ, რომ შერიგდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მოდელისა და ფეხბურთელის წყვილი – მარიამ ხორგუაშვილი და ლაშა კალანდაძე, რომელთა სილამაზემ მთელი საქართველო აალაპარაკა, რამდენიმეთვიანი დაშორების შემდეგ მართლაც შერიგდნენ. მარიამი ამბობდა, რომ შვიდთვიანი დაშორების შემდეგ შერიგება რთული არ ყოფილა, რადგან ამ პერიოდის განმავლობაში ორივე ბევრ რამეზე დაფიქრდა.

Посмотреть эту публикацию в Instagram

Публикация от Mariam Khorguashvili (@miss_mariamkh)

წყვილი საბოლოოდ მაინც დაშორდა და ახლა უმშვენიერეს მარიამს გვერდით ჰყავს ის ერთადერთი მამაკაცი, რომელიც ძალიან უყვარს. გოგონას რჩეული ვაკო გიგინეიშვილია. წყვილი ერთმანეთს უზომოდ უხდება. ხშირად მოგზაურობენ მსოფლიოს სხვადასხვა ქვეყნებში და „ინსტაგრამზე“ ერთად თუ ცალ-ცალკე გადაღებულ ულამაზეს ფოტოებს გვთავაზობენ. რამდენიმე კვირის წინ მარიამმა „ინსტაგრამის“ „სთორიზე“ ფოტოები და ვიდეოები გამოაქვეყნა, საიდანაც ირკვევა, რომ ვაკომ საკუთარ დაბადების დღეზე მარიამს ხელი სთხოვა და წყვილმა ერთგვარი ქორწილი მოაწყო, რომელსაც მათი მეგობრები ესწრებოდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მარიამს უსაყვარლესი შვილი ჰყავს, რომელსაც დემეტრე ჰქვია. მარიამის მეგობრები დემეტრეს დედას ძალიან ამსგავსებენ. ულამაზეს, სიყვარულით სავსე ახალგაზრდებს ძალიან ბევრი გულშემატკივარი ჰყავთ, რომლებიც მათ მიმართ კომპლიმენტებს არასდროს იშურებენ. ისინი ხშირად ამბობენ, რომ მარიამი და ვაკო გამორჩეული, ლამაზი და ძალიან გემოვნებიანი წყვილია.

აღმოჩდა, რომ მოდელს წონის პრობლემა აქვს. „ინსტაგრამის“ ხელმომწერებს მარიამმა გაუმხილა, რომ ბოლო პერიოდში წონას კარგავს და ამან შეაშინა, თუმცა აპირებს პრობლემას სერიოზულად მიუდგეს.

16
თემები:
ქართველი სელებრითები (479)
იუსტიციის სახლი

სკოლადამთავრებულთა საყურადღებოდ: ატესტატების გაცემა დაიწყო

12
(განახლებულია 11:44 21.06.2021)
აბიტურიენტებს სრული ზოგადი განათლების დამადასტურებელი დოკუმენტის საფასურის გადახდის გარეშე მისაღებად განაცხადის გაკეთება 31 დეკემბრის ჩათვლით შეეძლებათ.

თბილისი, 21 ივნისი - Sputnik. სრული ზოგადი განათლების დამადასტურებელი სახელმწიფო დოკუმენტის ატესტატის გაცემა დღეიდან,  21 ივნისიდან დაიწყო, ნათქვამია საქართველოს იუსტიციის სამინისტროს სახელმწიფო სერვისების განვითარების სააგენტოს მიერ გავრცელებულ განცხადებაში. 

სააგენტოს ინფორმაციით, აბიტურიენტებმა სასკოლო ატესტატის მისაღებად განაცხადი უნდა შეიტანონ იუსტიციის სახლებში, საზოგადოებრივ ცენტრებსა და სახელმწიფო სერვისების განვითარების სააგენტოს ფილიალებში.

ატესტატი განაცხადის წარდგენიდან მეათე სამუშაო დღეს უფასოდ გაიცემა. დოკუმენტის დაჩქარებული წესით აღების სურვილის შემთხვევაში კი მათ  შესაბამისი საფასურის გადახდა მოუწევთ ( მე-5 სამუშაო დღეს - 20 ლარი, მე-3 სამუშაო დღეს - 30 ლარი, მე-2 სამუშაო დღეს - 40 ლარი, 1 სამუშაო დღეში - 50 ლარი).

„სრული ზოგადი განათლების დამადასტურებელი სახელმწიფო დოკუმენტის – ატესტატის მიღება შესაძლებელია როგორც მატერიალური, ასევე  ელექტრონული ასლის ფორმით“, – ნათქვამია განცხადებაში.

მზა ატესტატის მატერიალური ფორმით მიღება შესაძლებელი იქნება იუსტიციის სახლის ფილიალებში, საზოგადოებრივ ცენტრებსა და სახელმწიფო სერვისების განვითარების სააგენტოს ტერიტორიულ სამსახურებში, ასევე, ფოსტის მეშვეობით, განმცხადებლის მიერ მითითებულ მისამართზე. 

რაც შეეხება ელექტრონულ ატესტატს, ის  არის ორიგინალი დოკუმენტის ასლი, რომელიც ორიგინალის თანაბარი იურიდიული ძალის მქონე ელექტრონული დოკუმენტია. აბიტურიენტმა შეიძლება ელექტრონული ატესტატით ისარგებლოს იმის მიუხედავად, გაიტანს თუ არა მზა მატერიალურ დოკუმენტს.

მატერიალური დოკუმენტის დამზადების შემდეგ, სკოლადამთავრებული შეძლებს ელექტრონული პორტალიდან (my.gov.ge) ელექტრონული ატესტატი ჩამოტვირთოს განცხადების ჩაბარების დროს მისთვის გადაცემულ სამახსოვრო ბარათში მითითებული განცხადების ნომრისა და კოდის მეშვეობით და გადააგზავნოს საჭიროებისამებრ.

ამასთანავე, ნებისმიერ დაინტერესებულ პირს შეუძლია ელექტრონულ პორტალ my.gov.ge-ზე ატესტატის ელექტრონული ასლის ვალიდურობა გადაამოწმოს ელექტრონულ ატესტატზე მითითებული ინდივიდუალური ნომრის მეშვეობით.

იმ შემთხვევაში კი, თუ  პირი ატესტატის მისაღებად უფლებამოსილ სამსახურს წლის ბოლომდე არ მიმართავს, მასზე სრული ზოგადი განათლების დამადასტურებელი სახელმწიფო დოკუმენტის დუბლიკატი მომდევნო წელს გაიცემა.

12
თემები:
განათლება საქართველოში