ბოლო ერთი თვის განმავლობაში ხეტყის უკანონო ჭრის 140-მდე ფაქტი გამოვლინდა

© photo: Sputnikსაბადურის ტყე
საბადურის ტყე - Sputnik საქართველო, 1920, 10.06.2021
გამოწერა
ხეტყის უკანონოდ მოპოვების ფაქტების მასალები, რაც სისხლის სამართლის დანაშაულის ნიშნებს შეიცავს, შემდგომი რეაგირების მიზნით შესაბამის უწყებას გადაეცა.

თბილისი, 10 ივნისი – Sputnik. სამართალდამცველებმა 2021 წლის 1 მაისიდან 31 მაისის ჩათვლით ხეტყის უკანონო მოპოვებისა და ტრანსპორტირების 139 ფაქტი გამოავლინეს, ნათქვამია გარემოსდაცვითი ზედამხედველობის დეპარტამენტის მიერ გავრცელებულ განცხადებაში.

„საქმიანი ეზოების“ მოწყობა საქართველოს ყველა რეგიონში მიმდინარეობს>>

ხეტყის უკანონო მოპოვებისა და ტრანსპორტირების ყველაზე მეტი, 32 ფაქტი გამოვლინდა კახეთის რეგიონული სამმართველოს სამოქმედო ტერიტორიაზე.

დარღვევები გამოვლინდა საქართველოს სხვადასხვა რეგიონებში, მათ შორის:

  • აჭარაში – 20, შიდა ქართლში – 17, სამცხე-ჯავახეთში – 17, სამეგრელო–ზემო სვანეთში – 15, იმერეთში – 14, ქვემო ქართლში – 12, რაჭა-ლეჩხუმში და ქვემო სვანეთში – 8, გურიაში – 3 და მცხეთა-მთიანეთში – 1.

უწყების ცნობით, ჯამში ამოღებულია უკანონოდ მოპოვებული 630 კუბურ მეტრამდე ხეტყე. დროის აღნიშნულ მონაკვეთში ასევე დაფიქსირდა სახერხი საამქროს ტექნიკური რეგლამენტის დარღვევის 37 ფაქტი. ამასთან გამოვლენილია 18 ერთეული არარეგისტრირებული სახერხი საამქრო.

ხის მოჭრა - Sputnik საქართველო, 1920, 08.01.2021
საქართველოში 2020 წელს ხეტყის უკანონო ჭრის 2,7 ათასზე მეტი ფაქტი გამოვლინდა

აღნიშნული მასალები შემდგომი რეაგირების მიზნით შესაბამის უწყებებში გადაიგზავნა.

2018 წლის ბოლოს საქართველოს ხელისუფლებამ ტყის უკანონო ჭრასთან უკომპრომისო ბრძოლის დაწყების შესახებ განაცხადა. ხელისუფლებაში აღნიშნეს, რომ დაუნდობლები იქნებოდნენ იმ ადამიანების მიმართ, ვინც ტყეებს ჩეხავს ან ფარავს ამ დანაშაულს.

საქართველოში ხეტყის ჭრა დაშვებულია მხოლოდ სპეციალურ ტერიტორიაზე და ისიც კონკრეტული ხეების, რომლებიც დეპარტამენტის თანამშრომლების მიერ არის მონიშნული. ხეტყის უკანონო მოჭრა ისჯება ჯარიმით ან თავისუფლების აღკვეთით, თუ საუბარია იშვიათ ხეებზე ან ხეტყის ჭრაზე ნაკრძალში.

საქართველოს ტყის ფონდი 2,9 მილიონ ჰა ფართობს იკავებს, საიდანაც 2,7 მილიონი ჰექტარი დაფარულია ტყეებით, რომლებიც ქვეყნის საერთო ტერიტორიის 40%-ს შეადგენს.

ყველა ახალი ამბავი
0