ქეთა თოფურია

ქეთა თოფურიამ იმიჯი შეიცვალა ნახეთ ვარსკვლავის ახალი ფოტოები

4707
(განახლებულია 19:17 10.06.2021)
მომღერალი ქეთა თოფურია ვაჟის გაჩენის შემდეგ მალევე ჩადგა სასურველ ფორმაში. ნახეთ თოფურიას ახალი ფოტოები შეცვლილი იმიჯით.

ჯგუფ A'Studio-ს სოლისტმა ქეთა თოფურიამ იმიჯი შეიცვალა და ამის შესახებ ხელმომწერებს „ინსტაგრამის“ „სთორიდან“ ამცნო. ახალ ვიდეოში მომღერალს თმა აქვს შეჭრილი და, როგორც ჩანს, ძალიან მოსწონს ახალი იმიჯი. ქეთამ ცოტა ხნის წინ მეუღლესთან, ბიზნესმენ ლევ დენგოვთან ერთად დასვენების დღეები მოიწყო. შვებულებაში მყოფი შემსრულებელი მალდივებზე გაეშურა და იქ მეორე ნახევართან ერთად ფანტასტიკურად ატარებდა დროს.

ამას ის ფოტოებიც მოწმობს, რომლებიც სოციალურ ქსელში გამოაქვეყნა და ხელმომწერების აღფრთოვანება დაიმსახურა – პირველ რიგში იმით, რომ მეორე მშობიარობიდან დიდი დრო არ გასულა, ქეთა კი უკვე არაჩვეულებრივ ფორმაშია.

მომღერალ ქეთა თოფურიას მეუღლე, ბიზნესმენი ლევ დენგოვი, როგორც ჩანს, ჯანსაღი ცხოვრების წესის დიდი ქომაგია. ამას მოწმობდა ის ვიდეო, რომელიც მომღერალმა მალდივებიდან გამოაქვეყნა. შვებულებაშიც კი ლევი მზიან სანაპიროზე გარუჯვას და დასვენებას სპორტდარბაზში ვარჯიშს ამჯობინებდა.

რამდენიმე კვირის წინ A'Studio-ს ქართველი სოლისტის მეუღლემ „ინსტაგრამის“ „ფოლოვერებს“ საგაზაფხულო დიეტის დაწყების შესახებ ამცნო. „სთორიზე“ გამოქვეყნებულ ვიდეოში ლევმა საზოგადოებას აჩვენა, რას მიირთმევს ის მეუღლესთან ერთად, თუმცა აქვე სიცილით აღნიშნა, რომ ქეთა დიეტურ კვებას არ ემორჩილება.

მას შემდეგ, რაც მომღერალ ქეთა თოფურიასა და ბიზნესმენ ლევ დენგოვის წყვილი პაპარაცებმა დეკემბერში დუბაის სანაპიროზე დააფიქსირეს, მალევე ფარდა აეხადა საიდუმლოს, რომ მომღერალი ორსულად იყო, და იანვარში ქვეყანას ვაჟიც მოავლინა. მომღერალი ქეთა თოფურია და მისი რჩეული ლევ დენგოვი უკვე რა ხანია, როგორც წყვილი, ყურადღების ცენტრში არიან. ქეთა მეორე ბავშვის დაბადების შემდეგ ფორმაში მალევე ჩადგა. ის ჩვეულ დახვეწილ სტილს არ ღალატობს. ქეთა და მისი რჩეული ერთად გადაღებულ ფოტოებს ხშირად არ აქვეყნებენ.

წყვილმა გასული წლის მიწურულს იქორწინა. პანდემიის გამო მომღერალმა მოკრძალებული ქორწილი გადაიხადა, სადაც სტუმრები მხოლოდ ერთი მაგიდის ირგვლივ შეიკრიბნენ. გამორჩეულ ადამიანებს შორის მოხვდნენ ქეთას უახლოესი მეგობრები, რუსეთში მცხოვრები დიზაინერი არტურ არუთინოვი, ფოტომოდელი მიმი შელია, ასევე დიზაინერი ლიკა ალადაშვილი, ქეთას დედა და ქეთას ბავშვობის მეგობარი ნუცა ბერიძე, რომელიც ასევე რუსეთში მოღვაწეობს.

4707
თემები:
ქართველი სელებრითები (480)

აქციის დაშლა ბათუმში: ადგილობრივები პოლიციას დაუპირისპირდნენ - ვიდეო

8
აჭარის მთავრობის სახლთან გამართულ აქციაზე პოლიციასთან დაპირისპირების შედეგად მინიმუმ შვიდი ადამიანი დააკავეს, იუწყება აჭარის ტელევიზია. იხილეთ Sputnik-საქართველოს ვიდეოში კადრები შემთხვევის ადგილიდან

საპროტესტო აქციის მონაწილეები ითხოვდნენ შვიდი სპორტსმენის გათავისუფლებას, რომლებსაც ბრალად ედებათ აპრილში ნამახვან-ჰესის მშენებლობის წინააღმდეგ საპროტესტო აქციის ორგანიზება და მასში მონაწილეობა.

მომიტინგეებმა მთავრობის სახლთან კარვების გაშლა სცადეს, თუმცა პოლიციამ ამის საშუალება არ მისცა. დაკავებულებს შორის არის „ერთიანი ნაციონალური მოძრაობის“ წევრი ბონდო თედორაძე. ერთ-ერთი დემონსტრანტი, რომელიც შეუძლოდ გახდა, სასწრაფო დახმარების ბრიგადამ წაიყვანა.

მომიტინგეები მიიჩნევენ, რომ 12 აპრილს აქციაზე მომხდარი ინციდენტი პროვოკაცია იყო. ისინი სპორტსმენების დაკავებას, რომელთა შორისაც არიან თავისუფალი სტილით მოჭიდავეები ფირუზ და რევაზ წულუკიძეები, პოლიტიკურს უწოდებენ.

გამოძიებით დადგინდა, რომ ბრალდებულებმა 12 აპრილს აქციის დროს სხეულის დაზიანება მიაყენეს აქციის სამ მონაწილეს, ასევე დააზიანეს ავტომობილი, რომელიც ერთ-ერთ დაზარალებულს ეკუთვნოდა.

ექვსი სპორტსმენი - ძმები ფირუზ და რეზო წულუკიძეები, ძმები თამაზ და თორნიკე ჭელიძეები, ირაკლი და გელა ჭელიძეები, 15 აპრილს ბათუმში დააკავეს. რამდნეიმე დღის შემდეგ დააკავეს ელდარ ანთაძეც.

აღძრულია სისხლის სამართლის საქმე „ჯგუფური ძალადობის ორგანიზებისა და მასში მონაწილეობის“ მუხლით. დანაშაული ისჯება ოთხიდან ექვს წლამდე თავისუფლების აღკვეთით.

თავად ბრალდებულდა ვერსიის თანახმად, აქციაზე მათთან მივიდა უცნობი მამაკაცი, რომელმაც პროვოკაციული შეკითხვები დაუსვა, შემდეგ კი შეურაცხყოფა მიაყენა, რის შემდეგაც ხელჩართული ბრძოლა დაიწყო.

8
თამო ვაშალომიძე

თამო ვაშალომიძემ იმიჯი კარდინალურად შეიცვალა - ქერა თმა ცეცხლოვანმა წითელმა ჩაანაცვლა

23
(განახლებულია 13:20 21.06.2021)
სექსუალური მოდელი გარდასახვას თავს არ არიდებს, თუმცა ეროტიკულ ფოტოსესიებში აღარ მონაწილეობს. მოულოდნელი ცვლილებები დაოჯახებამ და მეორე შვილის გაჩენამ განაპირობა, თუმცა თამო ძველ სითამამეს არ კარგავს. როგორ მოგწონთ ფოტომოდელის უახლესი გადაწყვეტილება?

სექსუალურმა ფოტომოდელმა ცხოვრების წესი შეიცვალა და დიასახლისობას დიდი მონდომებით შეუდგა. თამო ახლა ორი შვილის დედაა. ტელესახემ 28 ნოემბერს მეორე შვილი გააჩინა. დეკემბრის დასაწყისში დედა-შვილი სამშობიაროდან გაწერეს და თამოს მეუღლემ ოჯახის წევრებს სახლში ლამაზი სიურპრიზი დაახვედრა. ახალშობილ მაქსიმეს ახალბედა მამა ზღაპრული დეკორაციებითა და დიდი სიხარულით დახვდა. პატარა ძმას სოფიაც მალევე დაუმეგობრდა. აკა სამხარაძე სოფიასა და მაქსიმეს თანაბარ დროს უთმობს და ანებივრებს.

Посмотреть эту публикацию в Instagram

Публикация от Tamo Vashalomidze (@tamovashalomidze)

მეორე ნახევრის დახმარებით, თამო საკუთარ თავს კვლავ დიდ დროს უთმობს. ფოტომოდელი ექსპერიმენტებზე უარს ვერ ამბობს, და ამჯერად იმიჯი რადიკალურად შეიცვალა. 2 შვილის დედა წითელი თმის მოხდენას ცდილობს, რაც მისმა თაყვანისმცემლებმა დადებითად შეუფასეს. ბევრმა აღნიშნულ ფოტოზე თამოს ტანი შენიშნა, თუმცა ჩრდილქვეშ არც ვარცხნილობა მაქცეულა. როგორ მოგწონთ სექს-სიმბოლოდ წოდებული ყოფილი ფოტომოდელის ახალი იმიჯი?

Посмотреть эту публикацию в Instagram

Публикация от Tamo Vashalomidze (@tamovashalomidze)

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი ყოფილი პარტნიორის ვინაობაა.მან ახალშობილი ვაჟის ფოტო მშობიარობის დღესვე გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა.

Посмотреть эту публикацию в Instagram

Публикация от Tamo Vashalomidze (@tamovashalomidze)

ეპატაჟური ვარსკვლავი ახალ ცხოვრებას ახალი ძალებით შეუდგა. რთული ცხოვრების მიუხედავად, თამო უამრავი ქალბატონისთვის სიძლიერის მაგალითად იქცა. ახლა მისი ცხოვრება ფოტომოდელობის მიღმა ოჯახურ სივრცეში მიედინება, რაც თამოსთვის დიდი კომფორტის ზონა და ბედნიერებაა. უახლეს ფოტოებსა და ვიდეოზე კარგად ჩანს, თუ რა მარტივად მოირგო ცოლ-ქმარმა მშობლის როლი.

23
თემები:
ქართველი სელებრითები (480)
ქეით მიდლტონი და პრინცი უილიამი

პრინცი უილიამი მეგან მარკლს „ძმის გატაცებაში“ ადანაშაულებს

0
(განახლებულია 14:19 21.06.2021)
მას შემდეგ, რაც პრინცი ჰარი და მეგან მარკლი დიდი ბრიტანეთიდან ამერიკაში გადავიდნენ საცხოვრებლად, ორ ძმას შორის ურთიერთობა დაიძაბა

ბრიტანეთის დედოფლის ელისაბედ II- ის შვილიშვილმა, კემბრიჯის ჰერცოგმა უილიამმა სასექსის ჰერცოგინია მეგანი დაადანაშაულა „მისი ძმის გატაცებაში“. ამის შესახებ ბრიტანელი ისტორიკოსი და ბიოგრაფი რობერტ ლეისი ახალ წიგნში „ძმების ბრძოლა: უილიამი და ჰარი - მეგობრობა და მტრობა“ წერს, რომლის ამონარიდიც მოჰყავს The Sun- ს.

ლეისის თქმით, პრინცი უილიამი დარწმუნებულია, რომ მეგან მარკლი ფარულ გეგმას მისდევს, რომლის თანახმად, მას სურს მისი ძმის პრინცი ჰარის ოჯახიდან „გატაცება“ და ნათესავების წინააღმდეგ მიმართვა. გარდა ამისა, კემბრიჯის ჰერცოგმა იგი დაადანაშაულა „მონარქიის ზოგიერთი ძვირფასი პრინციპის დარღვევაში“.

ლეისმა ასევე აღნიშნა, რომ უილიამი ნაწყენად და დაღალატებულად გრძნობს, ხოლო მის მეუღლეს ქეით მიდლტონს „თავიდანვე ეშინოდა მარკლის“. ამის შესახებ მან მაშინ შეიტყო, როდესაც პრინცმა ჰარიმ შეურაცხყოფა მიაყენა თავის ძმას და შეწყვიტა მის ზარებზე პასუხის გაცემა.

კენსინგტონის სასახლემ კომენტარის გაკეთება არ ისურვა მწერლის ბრალდებებზე.

ივნისის დასაწყისში სასექსის ჰერცოგმა და ჰერცოგინიამ მეორე და მესამე ადგილი დაიკავეს დაწესებულების ყველაზე პატივცემული წევრების გამოკითხვაში. გამოკითხვის შედეგების თანახმად, აღმოჩნდა, რომ დედოფალი ელისაბედ II უდიდესი პატივისცემით სარგებლობს ახალგაზრდებს შორის, რომლებმაც ხმების 25 პროცენტი მიიღეს. მეორე ადგილზე იყო პრინცი ჰარი 22 პროცენტით, ხოლო მესამე ადგილი დაიკავა მისმა მეუღლემ მეგან მარკლმა, რომელსაც რესპონდენტთა 21 პროცენტი ანიჭებს უპირატესობას.

0
თემები:
სამეფო ოჯახის ამბები