ჩვილების შეჯიბრი

მაუგლის მეთოდი საქართველოში უკანონო საექიმო საქმიანობის ფაქტი გამოავლინეს

91
(განახლებულია 23:25 07.06.2021)
ადრეული ასაკის ბავშვების განვითარების და მკურნალობის აგრესიულმა მეთოდმა, რომელიც „მაუგლის მეთოდის“ სახელით არის ცნობილი და საქართველოშიც გამოიყენებოდა, სამედიცინო და ფარმაცევტული საქმიანობის რეგულირების სააგენტოს ყურადღება მიიპყრო.

თბილისი, 7 ივნისი - Sputnik. საქართველოში ე.წ. მაუგლის მეთოდთან დაკავშირებული უკანონო საექიმო საქმიანობის ფაქტი გამოვლინდა, ნათქვამია სამედიცინო და ფარმაცევტული საქმიანობის რეგულირების სააგენტოს Facebook-გვერდზე.

შემოწმების შედეგად გამოიკვეთა, რომ ფიზიკურ პირს, რომელიც აღნიშულ მეთოდს იყენებდა არასრულწლოვან პაციენტებთან, ჯანდაცვის სამინისტროს ერთიანი სასერტიფიკაციო მონაცემთა ბაზის მიხედვით, არ გააჩნია დამოუკიდებელი საექიმო საქმიანობის დამადასტურებელი სახელმწიფო სერტიფიკატი არც ერთ საექიმო სპეციალობაში - არც პედიატრიაში, არც ნეონატოლოგიაში, არც ფიზიკურ მედიცინაში, არც რეაბილიტაციაში, არც კურორტოლოგიაში.

შესაბამისად, დაირღვა როგორც „საექიმო საქმიანობის შესახებ“, ასევე „ჯანმრთელობის დაცვის შესახებ“ საქართველოს კანონით განსაზღვრული მოთხოვნები. ადმინისტრაციულ სამართალდარღვევათა კოდექსის შესაბამისად, ფიზიკური პირის მიმართ შედგა ადმინისტრაციული სამართალდარღვევის ოქმი და ჩაბარდა სასამართლოს. სასამართლოს გადაწყვეტილებით, ფიზიკურ პირს განესაზღვრა სანქცია 1000 ლარის ოდენობით.

სამედიცინო და ფარმაცევტული საქმიანობის რეგულირების სააგენტოში აღნიშნავენ, რომ პედიატრიული და ბიოეთიკის ასოციაციების მიერ მოწოდებული ინფორმაციის თანახმად, „მაუგლის მეთოდი“ არ არის დანერგილი სამკურნალო ან გამაჯანსაღებელ პრაქტიკაში. ამასთანავე, აღნიშნულ მეთოდს არასერტიფიცირებული ფიზიკური პირი იყენებდა.

სააგენტოში ასევე აღნიშნეს, რომ სამართალდამრღვევი არ აწარმოებდა სამედიცინო დოკუმენტაციას, რითიც ვერ დგინდება პაციენტებში კონკრეტული დაავადებების არსებობა და გაწეული სამედიცინო დახმარების მოცულობა.

„სააგენტო მოკლებულია შესაძლებლობას განახორციელოს პირის მიერ მიწოდებული სერვისის კლინიკური შეფასება. იმის გამო, რომ არ არსებობს მტკიცებით მედიცინაზე დაფუძნებული დასკვნა არსებული სერვისის სამკურნალო ან გამაჯანსაღებელი მიზნით გამოყენების შესახებ, სააგენტო მოუწოდებს საზოგადოებას და განსაკუთრებით მშობლებს, სიფრთხილე გამოიჩინონ ბავშვებთან მსგავსი ტიპის ჩარევების გამოყენების დროს“, - ნათქვამია განცხადებაში.

„მაუგლის“ მისი მიმდევრები ცხოვრების საწყისი პერიოდის ბავშვების განვითარების მეთოდიკას უწოდებენ. მათი თქმით, პროგრამა „მაუგლის“ მთავარი ამოცანა მდგომარეობს ბავშვების ჯანმრთელობის გაძლიერებაში, მათ შემდგომ სოციალიზაციაში და ფიზიკური დატვირთვების შეგუებაში. პატარებს აჯანჯღარებენ, აგდებენ მაღლა და ა.შ. პედიატრები და სერტიფიცირებული ექიმები აღნიშნულ მეთოდს არ აღიარებენ და ბავშვების მიმართ ძალადობას უწოდებენ.

რეგულირების სააგენტომ „მაუგლის მეთოდით“ ბავშვების მკურნალობის საკითხის შესწავლა საქართველოს სახალხო დამცველის მიმართვის შემდეგ დაიწყო.

ომბუდსმენის აპარატში აცხადებენ, რომ აღნიშნული მეთოდით მკურნალობა წარმოადგენს ბავშვების სიცოცხლის და ჯანმრთელობისთვის რისკის შემცველ ჩარევას, რასაც განსაკუთრებით მათ ადრეულ ასაკში, მძიმე და შეუქცევადი გართულებების განვითარება შეიძლება მოჰყვეს.

ომბუდსმენის განცხადებაში აღნიშნულია, რომ ამ მეთოდის შესახებ დეტალური ინფორმაცია არსად არ მოიპოვება. უცნობია, თუ რას ემყარება ეს მეთოდი, არის თუ არა სადმე აღწერილი და აქვს თუ არა მას რაიმე თეორიული თუ პრაქტიკული საფუძველი.

„ის კადრები, რაც ინტერნეტ-სივრცეში და სატელევიზიო გადაცემებში ვრცელდება, მიუთითებს, რომ ეს არის ძალზე აგრესიული მოძრაობების ნაკრები, რომელიც ხორციელდება ახალშობილობის ასაკიდან და რომელიც ბავშვის თავის ტვინის და საყრდენ-მამოძრავებელი აპარატის დაზიანებების მაღალი რისკის შემცველია და შესაძლოა განვიხილოთ, როგორც ბავშვზე ძალადობის ერთ-ერთი ფორმა“, - ნათქვამია განცხადებაში.

ბავშვის ჰაერში აგდება ერთი შეხედვით უვნებელ ქმედებად შეიძლება ჩაითვალოს, მაგრამ სპეციალისტები აფრთხილებენ, რომ თავის ტვინსა და თავის ქალის ძვლებს შორის ძალიან მცირე სივრცეა და ჯანჯღარის შედეგად თავის ტვინი უხეშად ეხება ძვლებს და შეიძლება დაზიანდეს. ამან ტვინში სისხლის ჩაქცევა, მისი შეშუპება და პაციენტის სიკვდილიც (შემთხვევების 13-23%) კი შეიძლება გამოიწვიოს. გარდა ამისა, ბავშვს შეიძლება განუვითარდეს ძვლების და რბილი ქსოვილების დაზიანება, მალის მოტეხილობა, სისხლის ჩაქცევა თვალის ბადურაში, რამაც მხედველობის დაქვეითება ან მისი დაკარგვა შეიძლება გამოიწვიოს.

91
ლიანდაგები

აქცია ქობულეთში: მოსახლეობამ რკინიგზა გადაკეტა

2
როგორც ადგილობრივები აცხადებენ, გასაყიდად გატანილი მიწის ნაკვეთი მათი საკუთრებაა. მიწის ნაკვეთზე პრეტენზიას 100-ზე მეტი ოჯახი აცხადებს.

თბილისი, 19 ივნისი — Sputnik. ქობულეთის მუნიციპალიტეტის სოფელ ბობოყვათში ადგილობრივები საპროტესტო აქციას მართავენ, იუწყება „აჭარის ტელევიზია“.

აქციის მონაწილეებმა ქობულეთში რკინიგზა გადაკეტეს და თბილისი-ბათუმის მატარებელს გავლის საშუალებას არ აძლევენ.

ადგილობრივი მოსახლეობა მიწების აუქციონის წესით გასხვისებას აპროტესტებს, რომლის თანახმადაც ბობოყვათის სანაპირო ზოლზე 27 ჰექტარი მიწის ფართობი უნდა გაიყიდოს.

აქციის მონაწილეები ამტკიცებენ, რომ გასაყიდად გატანილი მიწის ნაკვეთი მათი საკუთრებაა და მისი დარეგისტრირება ვერ მოახერხეს.

აქციას ხმაური და დაპირისპირება მოჰყვა, რის შედეგადაც რამდენიმე ადამიანი დააკავეს.

ამ დროისთვის აღნიშნულ სარკინიგზო მონაკვეთზე მატარებლის მოძრაობა აღდგენილია.

შემთხვევის ადგილას სამართალდამცველები არიან მობილიზებული.

აუქციონის შეჩერების მოთხოვნით აქცია ქობულეთში ერთი კვირის წინაც გაიმართა, დღევანდელი პროტესტის მიზეზი კი, მათივე განცხადებით, აჭარის ფინანსთა და ეკონომიკის სამინისტროს პასუხი გახდა. მათი თქმით, უწყება აუქციონის შეჩერებას არ აპირებს.

2
მომავლის გზა - მამა და შვილი

საქართველოში მამის დღე აღინიშნება

38
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

38
38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим,

ცნობილი რუსი მომღერალი კორონავირუსის გამო ხელოვნურ კომაში შეიყვანეს

15
(განახლებულია 16:29 19.06.2021)
ახალგაზრდა მომღერალს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით.

თბილისი, 19 ივნისი — Sputnik. 38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим, ფილტვის ხელოვნური ვენტილაციის აპარატზე შეაერთეს და ხელოვნურ კომაში შეიყვანეს, იუწყება РИА Новости მომღერლის წარმომადგენელზე დაყრდნობით.

მომღერლის მენეჯერმა დააზუსტა, რომ არტისტს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით. მიუხედავად იმისა, რომ კორონავირუსზე ტესტი უარყოფით შედეგს აჩვენებს, ექიმებს მიაჩნიათ, რომ საქმე სწორედ COVID-19-თან აქვთ.

„ჟანგბადზე რეაქცია არ ჰქონდა, ფილტვები არ იწმინდებოდა, ამიტომ ექიმმა მისი კომაში შეყვანა გადაწყვიტა“, - განმარტა მან.

მან აღნიშნა, რომ МакSим კომაში რამდენიმე დღის განმავლობაში იქნება.

„ექიმი საკმაოდ პოზიტიურ პროგნოზს გვაძლევს, ანუ ეს იძულებით გაკეთდა იმისათვის, რომ არ შეიქმნას ჟანგბადის ნაკლებობა, ამიტომ ახლა ყველა ძალა მიმართულია იქითკენ, რომ გაიწმინდოს ფილტვები, შესაბამისად, კომიდან ნელ-ნელა გამოიყვანენ და მკურნალობაზე რეაქციას დააკვირდებიან“, - განაცხადა მომღერლის წარმომადგენელმა.

15