ავტოავარია

„შეყვარებულს გადაეფარა და დაიღუპა...“ ვინ არის 18 წლის ბიჭი, რომელიც ავარიას ემსხვერპლა

165
(განახლებულია 18:37 07.06.2021)
გორში მომხდარი ტრაგიკული ავარიის შესახებ ახალი დეტალები ხდება ცნობილი. ირკვევა, რომ ბიჭი, რომელმაც შეყვარებული გადაარჩინა, მომავალი ექიმი იყო.

თბილისი, 7 ივნისი – Sputnik. გორში 6 ივნისს მომხდარი ავარიისას დაღუპული 18 წლის ბიჭის და სოციალურ ქსელში წერს, რომ ახალგაზრდა სამედიცინო უნივერსიტეტის სტუდენტი იყო და ექიმობას აპირებდა, რის გამოც ოჯახი ძალიან გახარებული იყო.

როგორც გოგონა „ფეისბუქის“ ჯგუფში „ჩემი გორი“ წერს, ბიჭი ავარიისას შეყვარებულს გადაეფარა და ადგილზე გარდაიცვალა.

„გუშინ ჩემი 18 წლის ძმა, მომავალი ექიმი, მეგობრებთან და შეყვარებულთან ერთად გზაზე გადადიოდა. როცა დაინახეს მაღალი სიჩქარით მომავალი მანქანა, ზოლზე გაჩერდნენ. ამ ადამიანმა არ დაამუხრუჭა, მანქანას გვერდი აუქცია და ჩემი ძმა ადგილზე მოკლა. ისე ვამაყობდით სამედიცინოზე რომ ჩააბარა. ჩემი ძმა ექიმი უნდა გამხდარიყო, ისე უხდებოდა თეთრი ხალათი. ჩემი მწვანეთვალება ანგელოზი“, – წერს დაღუპული ბიჭის და.

ცნობილი ხდება, რომ ბიჭს სიცოცხლისთვის შეუთავსებელი დაზიანებები თავის არეში ჰქონდა მიყენებული. 16 წლის გოგონას ფეხი აქვს მოტეხილი და მისი მდგომარეობა სტაბილურია.

ადგილზე მობილიზებული იყო საპატრულო, სასწრაფო და სახანძრო დახმარების ეკიპაჟები.

შსს-მ გამოძიება 276 მუხლის მე-6 ნაწილით დაიწყო.

165
თემები:
შემთხვევები საქართველოში (2191)
ლიანდაგები

აქცია ქობულეთში: მოსახლეობამ რკინიგზა გადაკეტა

10
როგორც ადგილობრივები აცხადებენ, გასაყიდად გატანილი მიწის ნაკვეთი მათი საკუთრებაა. მიწის ნაკვეთზე პრეტენზიას 100-ზე მეტი ოჯახი აცხადებს.

თბილისი, 19 ივნისი — Sputnik. ქობულეთის მუნიციპალიტეტის სოფელ ბობოყვათში ადგილობრივები საპროტესტო აქციას მართავენ, იუწყება „აჭარის ტელევიზია“.

აქციის მონაწილეებმა ქობულეთში რკინიგზა გადაკეტეს და თბილისი-ბათუმის მატარებელს გავლის საშუალებას არ აძლევენ.

ადგილობრივი მოსახლეობა მიწების აუქციონის წესით გასხვისებას აპროტესტებს, რომლის თანახმადაც ბობოყვათის სანაპირო ზოლზე 27 ჰექტარი მიწის ფართობი უნდა გაიყიდოს.

აქციის მონაწილეები ამტკიცებენ, რომ გასაყიდად გატანილი მიწის ნაკვეთი მათი საკუთრებაა და მისი დარეგისტრირება ვერ მოახერხეს.

აქციას ხმაური და დაპირისპირება მოჰყვა, რის შედეგადაც რამდენიმე ადამიანი დააკავეს.

ამ დროისთვის აღნიშნულ სარკინიგზო მონაკვეთზე მატარებლის მოძრაობა აღდგენილია.

შემთხვევის ადგილას სამართალდამცველები არიან მობილიზებული.

აუქციონის შეჩერების მოთხოვნით აქცია ქობულეთში ერთი კვირის წინაც გაიმართა, დღევანდელი პროტესტის მიზეზი კი, მათივე განცხადებით, აჭარის ფინანსთა და ეკონომიკის სამინისტროს პასუხი გახდა. მათი თქმით, უწყება აუქციონის შეჩერებას არ აპირებს.

10
მომავლის გზა - მამა და შვილი

საქართველოში მამის დღე აღინიშნება

42
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

42
ნიკოლოზ წულუკიძე ამსტერდამში

ნიკოლოზ წულუკიძე: „შემიძლია ადამიანების მიმართ ძალიან დიდი სითბო გავცე“

0
(განახლებულია 17:07 19.06.2021)
ნიკოლოზ წულუკიძე საკუთარ თავზე საუბრობს, იხსენებს ბავშვობას და განმარტავს თუ რა მნიშვნელობა აქვს მისთვის პოპულარობას.

 

წულუკიძე
„ბებიაჩემი რომ რეკავს ხოლმე, სულ ვაფარებ ყურმილს ხელს, რომ არავინ გაიგოს. ის ჩემთან საუბარს სულ სიმღერით და მოფერებით იწყებს: „ბებოს სიხარულებოო“!.. ვფიქრობ, ყველა ადამიანს, ვინც პოპულარობისთვის იღწვის, იმის განცდა აქვს ხოლმე, რომ განსაკუთრებულია“, -ამბობს ნიკოლოზ წულუკიძე.

თეატრმცოდნე და ტელეწამყვანი ნიკოლოზ წულუკიძის თქმით, მას ადამიანებისადმი სიყვარულისა და სითბოს გაცემა ბავშვობიდან ასწავლეს და სურვილს გამოთქვამს, რომ ყველა ადამიანმა უშურველად გასცეს სიკეთე და სიყვარული.

0