ნინოწმინდის პანსიონს არასრულწლოვნები ტოვებენ - საქმეში ბავშვთა ზრუნვის სამსახური ჩაერთო

ნინოწმინდის პანსიონს არასრულწლოვნები ტოვებენ საქმეში ბავშვთა ზრუნვის სამსახური ჩაერთო

95
(განახლებულია 23:23 09.06.2021)
სააგენტომ არასრულწლოვნების სხვა ზრუნვის ფორმაში გადაყვანა უკვე უზრუნველყო. პანსიონის დატოვების სურვილი კიდევ რამდენიმე ბავშვს აქვს.

თბილისი, 4 ივნისი - Sputnik. ნინოწმინდის ბავშვთა პანსიონის დატოვების სურვილი ექვსმა არასრულწლოვანმა გამოთქვა, ინფორმაციას სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტო ავრცელებს.

დაწესებულების ირგვლივ ბოლო დროს სკანდალი აგორდა. მასმედიაში გავრცელდა ინფორმაცია, რომ პანსიონში ბავშვებზე ფსიქოლოგიური და ფიზიკური ზეწოლის აღმაშფოთებელი ფაქტები ფიქსირდება და აღმზრდელები სხვადასხვა სადამსჯელო მეთოდებს მიმართავენ, მაგალითად, ბავშვებს აიძულებენ მუხლებზე იდგნენ, არ აძლევენ საკვებს და სხვ.

წმინდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონი საქართველოს საპატრიარქოს დაქვემდებარებაშია.

სააგენტოში აცხადებენ, რომ რამდენიმე არასრულწლოვანმა დაწესებულების დატოვების სურვილი გამოთქვა მას შემდეგ, რაც ბავშვთა ზრუნვის სამსახურს მიეცა შესაძლებლობა შესულიყო ნინოწმინდის პანსიონში თავისი საქმიანობის გასახორციელებლად. მანამდე ვითარებაზე კონტროლი ქვეყნის სახალხო დამცველმა აიღო თავის თავზე, მაგრამ, ნინო ლომჯარიას განცხადებით, მისი აპარატის თანამშრომლებს ბავშვთა მდგომარეობის მონიტორინგისთვის პანსიონში შესვლის უფლება არ მისცეს.

„არასრულწლოვნების საუკეთესო ინტერესების გათვალისწინებით, სააგენტომ მოახდინა შესაბამისი რეაგირება და უკვე უზრუნველყო მათი სხვა ზრუნვის ფორმაში გადაყვანა. ამჟამად გრძელდება ინტენსიური მუშაობა, იდენტიფიცირებულია კიდევ ათამდე ბავშვი, რომელთა გადაყვანაზეც მიმდინარეობს მუშაობა“, – ნათქვამია ინფორმაციაში.

სააგენტოს ცნობით, ნინოწმინდის ბავშვთა პანსიონში ამჟამად სოციალური მუშაკები და სამედიცინო საქმიანობის სახელმწიფო რეგულირების სააგენტოს წარმომადგენლები იმყოფებიან, საქმეში ასევე ჩაერთვნენ სააგენტოს ფსიქოლოგებიც.

სააგენტოს მიმართვისა და სახალხო დამცველის აპარატიდან შესული წერილის საფუძველზე ნინოწმინდის ბავშვთა პანსიონში შესაძლო ძალადობის ფაქტებზე შინაგან საქმეთა სამინისტრომ გუშინ გამოძიება დაიწყო. ხოლო ამ პანსიონთან დაკავშირებით 2016 წლიდან გამოძიება კიდევ ოთხი სისხლის სამართლის საქმეზე დღემდე მიმდინარეობს.

სახალხო დამცველის განცხადებით, მის ხელთ არსებული ინფორმაციით, ოთხიდან ერთ-ერთი გამოძიება არასრულწლოვნის შესაძლო გაუპატიურებას ეხება, დანარჩენი სამი – ბავშვების მიმართ შესაძლო ძალადობას.

ბოლო დღეებში საქართველოში გაიმართა რამდენიმე აქცია, სადაც შსს-სა და პროკურატურას მოუწოდეს, ნინოწმინდის პანსიონში არსებული სიტუაცია კვალიფიციურად გამოიძიონ.

აღნიშნულთან დაკავშირებით შსს-მ გაავრცელა საგანგებო განცხადება, სადაც ნათქვამია, რომ, მიუხედავად საკმარისი მტკიცებულებების არარსებობისა, პანსიონთან დაკავშირებით სამინისტრო თითოეულ სისხლის სამართლის საქმეზე მუდმივ რეჟიმში განაგრძობს საჭირო საგამოძიებო და საპროცესო მოქმედებების ჩატარებას, რათა სრულყოფილად და ობიექტურად იქნეს გამოძიებული დანაშაულის ყველა შესაძლო ჩადენის ფაქტი.

95
ვაშლიჯვარი

როდის აღდგება ვაშლიჯვრის გზაზე მოძრაობა - თბილისის მერის მოადგილის განმარტება

4
(განახლებულია 13:14 17.06.2021)
თბილისის მერია ელოდება ექსპერტულ პროექტს, რომლის მიხედვით დაიწყება მეორე ეტაპის სამუშაოები. ორმხრივი მოძრაობა მეწყრული პროცესების სრული სტაბილიზაციის შემდეგ აღდგება.

თბილისი, 17 ივნისი — Sputnik. ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩაზე ავტოტრანსპორტის მოძრაობა, სავარაუდოდ 2,5 თვეში აღდგება, განაცხადა თბილისის მერის მოადგილეირაკლი ბენდელიანმა ტელეკომპანია Imedi-ის ეთერში.

15 მარტს თბილისის მერიამ გაავრცელა განცხადება, რომ ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდებზე განხორციელებული გარკვეული მოქმედებების გამო მეწყრული პროცესები გააქტიურდა. ფერდობზე 18 მეტრზე მეტი სიღრმის ნაპრალები გაჩნდა, რომელთა სიგანე ყოველდღე დაახლოებით 5 სანტიმეტრით იზრდებოდა. გეოლოგების პროგნოზით, გაჩნდა ფერდობის ჩამოშლის სერიოზული საფრთხე. მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა. მოგვიანებით დაიწყო ფერდობის გამაგრების სამუშაოები.

ბენდელიანის განმარტებით, ქალაქის ხელისუფლებამ უცხოელი სპეციალისტების ჩართულობით წარმატებით შეასრულა მაჭავარიანის ქუჩაზე და მიმდებარე ტერიტორიაზე გამაგრებითი სამუშაოების პირველი ეტაპი და მოსახლეობას არანაირი საფრთხე აღარ ემუქრება. აღნიშნულ ტერიტორიაზე მეწყრული პროცესის შეჩერების მიზნით, სამუშაოების მეორე ეტაპი ექსპერტული პროექტის შესაბამისად განხორციელდება, დაძინა მან.

„რამდენიმე დღეში ველოდებით დეტალურ პროექტს, რომლის მიხედვითაც დაიწყება მეორე ეტაპის სამუშაოები... ბუნებრივია, ჩვენც გვეჩქარება საავტომობილო მოძრაობის აღდგენა, თუმცა, პირველ რიგში, აუცილებელია დავრწმუნდეთ, რომ იგი გადაადგილებისთვის უსაფრთხო იქნება", - განაცხადა ბენდელიანმა.

მეწყრული პროცესების გააქტიურების შემდეგ თბილისის მერიამ მეწყერსაშიშ ტერიტორიაზე დაამონტაჟა მონიტორინგის თანამედროვე სისტემა, რომელიც 24-საათიან რეჟიმში უზრუნველყოფს მეწყრულ პროცესებზე ზუსტი ინფორმაციის მიღებას.

ამჟამად მეწყრის რისკები მერიის მიერ ჩატარებული სამუშაოების შედეგად შემცირებულია.

4
თემები:
თბილისის მერია
თინა ხიდაშელი და დავით უსუფაშვილი

„უნდა გავყვე დათოს ცოლად...“ - რა მოხდა პოლიტიკოს ცოლ-ქმარს შორის?

38
(განახლებულია 12:45 17.06.2021)
თინა ხიდაშელი კორონავირუსით გამოწვეულ ავადმყოფობას დღემდე ვერ გამოუძვრა. პოლიტიკოსს სერიოზული მკურნალობა დასჭირდა, ის დამოუკიდებლად ჯერ კიდევ ვერ გადაადგილდება

თავდაცვის ყოფილი მინისტრი თინა ხიდაშელი, რომელიც კორონავირუსის გადატანის შემდგომ გართულებებს ებრძვის, სოციალურ ქსელში ემოციურ განცხადებას ავრცელებს და მის მეუღლეს, ცნობილ პოლიტიკოსს დავით უსუფაშვილს საჯაროდ უხდის მადლობას მისი სიცოცხლის გადარჩენისთვის.

„ჩემმა ქმარმა გადამარჩინა. წელს ქორწინების 25 წლისთავი გვაქვს და თავიდან უნდა გავყვე ცოლად. ის რომ არ ყოფილიყო, შეიძლებოდა, მარტივად მიმენებებინა თავი ბრძოლისთვის. საავადმყოფოში ისევ ის დათო ვიპოვე, 1993-95 წლებში რომ შემიყვარდა და რატომაც გავყევი ცოლად. ოქტომბერში თავიდან გავყვები ცოლად და ისევ თავიდან დავიწყებ. დედაჩემს ჩემი ცრემლები არ უნახავს, არავის ვუნახივარ ცუდად მყოფი, როგორ ცუდადაც უნდა ვყოფილიყავი, არასდროს არავის ვაძლევ უფლებას, რომ შევეცოდო. თურმე მან ეს ყველაფერი კარგად იცის, ბოლომდე იცის და არ მომცა უფლება, ვინმესთან დისკომფორტი შემქმნოდა. მასთან მოხდა ეს ყველაფერი და შესაბამისად, საავადმყოფოში, ექიმთან, ექთანთან ურთიერთობა მარტივი გახდა. დათო რომ არა, მე ვერ გამოვიდოდი იქიდან ცოცხალი…“ - წერს ხიდაშელი.

თავდაცვის ყოფილმა მინისტრმა თინა ხი­და­შე­ლმა, რო­მელ­მაც კო­რო­ნა­ვირუ­სი გა­და­ი­ტა­ნა, „მთა­ვარ არხზე“ გა­და­ცე­მა „პოსტ ფაქ­ტუმ­ში” იმ ურ­თუ­ლეს გარ­თუ­ლე­ბებ­ზე ისაუბრა, რო­მლე­ბიც ვირუს­მა და­უ­ტო­ვა. პოლიტიკოსი ჰყვება, რომ მისი ოჯახის წევრები ვირუსს ადვილად გადაურჩნენ, მას კი უკვე მეოთხე დღიდან ადგომაც კი გაუჭირდა, შემდეგ იყო კლინიკაში მაღალი ტემპერატურით.

მისი თქმით, თმამაც კი შეწყვიტა ზრდა – ოთხი თვის წინ შეღებილი თმა არც ერთი მილიმეტრით არ გაზრდია. ყველაზე მეტად კი სახსრები აწუხებს.

თინა ხიდაშელს კორონავირუსი მიმდინარე წლის 18 თებერვალს დაუდასტურდა და მას საავადმყოფოში მკურნალობდნენ. გარკვეული პერიოდის შემდეგ ის კლინიკიდან გაწერეს, თუმცა ჯანმრთელობის მდგომარეობის გაუარესების გამო ისევ საავადმყოფოში გადაიყვანეს.

როგორც პოლიტიკოსი წერს, ავადმყოფობის გამო ბევრი რამ გამოტოვა: თოვლი თბილისში, გაზაფხულის მოსვლა, შვილის დაბადების დღე, ბზობა, აღდგომა, რადგან თავი ვერ დააღწია საავადმყოფოს, ჟანგბადის და ათასგვარ სხვა აპარატს, წამლებს, ნემსებს, გადასხმებს.

38
თემები:
ქართველი სელებრითები