ტესტირება COVID - 19-ზე

როგორ გავიკეთოთ ტესტი კორონავირუსზე ფასები და ლაბორატორიები

148
(განახლებულია 23:49 02.06.2021)
კორონავირუსის ტესტირებაზე მთელი მსოფლიოს ლაბორატორიებში ყველაზე მაღალი მოთხოვნაა, გამონაკლისი არც საქართველოა.

თბილისი, 2 ივნისი – Sputnik. საქართველომ 1 ივნისიდან სახმელეთო საზღვრები გახსნა უცხოელებისთვის, ხოლო საავიაციო მიმოსვლა 1 თებერვლიდან განახლდა.

უცხოელმა სტუმრებმა, რომელთაც კორონავირუსის საწინააღმდეგო ვაქცინაციის სრული კურსის დამადასტურებელი ცნობა არ გააჩნიათ, საქართველოში ჩამოსვლიდან მესამე დღეს PCR-ტესტი უნდა გაიკეთონ.

ტესტი საკუთარი ხარჯით კეთდება. PCR-ტესტირების ფასი სხვადასხვა კლინიკაში 95-დან 120 ლარამდე მერყეობს. ტესტის პასუხი მოქალაქეს 24 საათის განმავლობაში ეგზავნება.

იმის გასარკვევად, რომელ ლაბორატორიაში ჯობს წასვლა, საჭიროა მთავრობის ცხელ ხაზზე - 144 - დარეკვა და სასურველი რაიონის მითითება. რამდენიმე წუთში ოპერატორი მობილურ ტელეფონზე ტერიტორიულად თქვენთვის მისაღებ რაიონში განლაგებული რამდენიმე კლინიკის დასახელებას გამოგიგზავნით.

მაგალითად, თუ ვაკე-საბურთალოს რაიონს სტუმრობთ, მაშინ ხელსაყრელია შემდეგ კლინიკებში მისვლა:

  • „ავერსის“ კლინიკა, ვაჟა-ფშაველას გამზირი, 27-ბ., ტელ.: 0322500700ООО
  • „ნეოლაბი“, ტაშკენტის ქ. №4, ტელ.: 0322392896
  • „მეგალაბი“, ქავთარაძის ქ. 23, ტელ.: 0322051111
  • თბილისის ინფექციური საავადმყოფო (ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრი), ყაზბეგის გამზ. 16, ტელ.: 0322398018
  • აკად. ნ. ყიფშიძის სახელობის ცენტრალური საუნივერსიტეტო კლინიკა (რესპუბლიკური საავადმყოფო), ვაჟა-ფშაველას გამზირი 29, ტელ.: 0322244033.

კლინიკაში წასვლამდე უმჯობესია დარეკვა. ზოგიერთი სამედიცინო დაწესებულება, როგორიცაა, მაგალითად, „მედისონ ჰოლდინგი“ გლდანი-ნაძალადევის რაიონში, PCR-ტესტირებას ატარებდა პანდემიის პირველ ეტაპზე, მაგრამ დღეს კლიენტებს ასეთ მომსახურებას აღარ სთავაზობს.

მნიშვნელოვანია! თუ უცხოელი სტუმარი PCR-ტესტირებას არ ჩაიტარებს, მას 2000-ლარიანი ჯარიმა ემუქრება.

148
თამო ვაშალომიძე

თამო ვაშალომიძემ იმიჯი კარდინალურად შეიცვალა - ქერა თმა ცეცხლოვანმა წითელმა ჩაანაცვლა

12
(განახლებულია 13:20 21.06.2021)
სექსუალური მოდელი გარდასახვას თავს არ არიდებს, თუმცა ეროტიკულ ფოტოსესიებში აღარ მონაწილეობს. მოულოდნელი ცვლილებები დაოჯახებამ და მეორე შვილის გაჩენამ განაპირობა, თუმცა თამო ძველ სითამამეს არ კარგავს. როგორ მოგწონთ ფოტომოდელის უახლესი გადაწყვეტილება?

სექსუალურმა ფოტომოდელმა ცხოვრების წესი შეიცვალა და დიასახლისობას დიდი მონდომებით შეუდგა. თამო ახლა ორი შვილის დედაა. ტელესახემ 28 ნოემბერს მეორე შვილი გააჩინა. დეკემბრის დასაწყისში დედა-შვილი სამშობიაროდან გაწერეს და თამოს მეუღლემ ოჯახის წევრებს სახლში ლამაზი სიურპრიზი დაახვედრა. ახალშობილ მაქსიმეს ახალბედა მამა ზღაპრული დეკორაციებითა და დიდი სიხარულით დახვდა. პატარა ძმას სოფიაც მალევე დაუმეგობრდა. აკა სამხარაძე სოფიასა და მაქსიმეს თანაბარ დროს უთმობს და ანებივრებს.

Посмотреть эту публикацию в Instagram

Публикация от Tamo Vashalomidze (@tamovashalomidze)

მეორე ნახევრის დახმარებით, თამო საკუთარ თავს კვლავ დიდ დროს უთმობს. ფოტომოდელი ექსპერიმენტებზე უარს ვერ ამბობს, და ამჯერად იმიჯი რადიკალურად შეიცვალა. 2 შვილის დედა წითელი თმის მოხდენას ცდილობს, რაც მისმა თაყვანისმცემლებმა დადებითად შეუფასეს. ბევრმა აღნიშნულ ფოტოზე თამოს ტანი შენიშნა, თუმცა ჩრდილქვეშ არც ვარცხნილობა მაქცეულა. როგორ მოგწონთ სექს-სიმბოლოდ წოდებული ყოფილი ფოტომოდელის ახალი იმიჯი?

Посмотреть эту публикацию в Instagram

Публикация от Tamo Vashalomidze (@tamovashalomidze)

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი ყოფილი პარტნიორის ვინაობაა.მან ახალშობილი ვაჟის ფოტო მშობიარობის დღესვე გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა.

Посмотреть эту публикацию в Instagram

Публикация от Tamo Vashalomidze (@tamovashalomidze)

ეპატაჟური ვარსკვლავი ახალ ცხოვრებას ახალი ძალებით შეუდგა. რთული ცხოვრების მიუხედავად, თამო უამრავი ქალბატონისთვის სიძლიერის მაგალითად იქცა. ახლა მისი ცხოვრება ფოტომოდელობის მიღმა ოჯახურ სივრცეში მიედინება, რაც თამოსთვის დიდი კომფორტის ზონა და ბედნიერებაა. უახლეს ფოტოებსა და ვიდეოზე კარგად ჩანს, თუ რა მარტივად მოირგო ცოლ-ქმარმა მშობლის როლი.

12
თემები:
ქართველი სელებრითები
რობოტისა და ადამიანის ხელები

„მეცნიერების კალენდარი 2021“: საქართველოში ახალი პროექტი იწყება

15
(განახლებულია 12:09 21.06.2021)
სამინისტროს ცნობით, პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გასტანს.

თბილისი, 21 ნოემბერი – Sputnik. საქართველოში იწყება ახალი პროექტი „მეცნიერების კალენდარი – 2021“, რომლის მიზანიც მეცნიერების ხელშეწყობა და პოპულარიზაციაა, ნათქვამია განათლებისა და მეცნიერების სამინისტროს განცხადებაში. 

პროექტი, რომლის სლოგანია Undique scientia est (მეცნიერება ყველგან არის), მეცნიერების, როგორც საზოგადოების ყველა ფენის ყოველდღიური ცხოვრების ნაწილის წარმოჩენასა და საქართველოს ფართო საზოგადოებაში მის პოპულარიზაციას ემსახურება.

პროექტის „მეცნიერების კალენდარი – 2021“ განხორციელებაში ჩართული არიან სამეცნიერო-კვლევითი დაწესებულებები, უნივერსიტეტები, ასევე სახელოვნებო უნივერსიტეტები, განათლებისა და მეცნიერების სფეროში მოღვაწე პირები და ახალგაზრდა მეცნიერები.

პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გაგრძელდება.

10 ნოემბერს საქართველოში მეცნიერების საერთაშორისო დღე აღინიშნება. იგეგმება  სხვადასხვა კონკურსის ჩატარება, მათ შორის, ქართველოლოგიის ვიკიკონკურსი, კონკურსი „ქართული მეცნიერება ვიკიპედიაში“, „ქართული მეცნიერება უცხოენოვან ვიკიპედიაში“ და ა.შ.  ასევე იგეგმება მასტერკლასები და კონფერენციები, ღონისძიებებისა და საჯარო ლექციების ციკლი შავი ზღვის თემაზე.

გარდა ამისა, 2021 წელს  ქუთაისის საერთაშორისო უნივერსიტეტში ევროპელ მკვლევართა ღამის საზეიმო ღონისძიებები გაიმართება.

 

15
თემები:
განათლება საქართველოში