ივანე ჩხაიძე

რამდენად ეფექტურია ვაქცინები კორონავირუსის სხვადასხვა შტამის წინააღმდეგ: ჩხაიძის კომენტარი

51
(განახლებულია 16:53 02.06.2021)
თუ რომელიმე ახალი შტამი მუტაციის შემდეგ ვაქცინის მიმართ მდგრადი იქნება, მწარმოებლისთვის რამდენიმე კვირაა საკმარისი, რომ ვაქცინის ვექტორი შეცვალოს, აღნიშნა ჩხაიძემ.

თბილისი, 2 ივნისი – Sputnik. „სამხრეთაფრიკული შტამი" ყველაზე მეტად გამძლეა არსებული ვაქცინების მიმართ, განაცხადა იაშვილის კლინიკის დირექტორმა, იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ.

როგორც გუშინ გახდა ცნობილი, საქართველოში კორონავირუსის „სამხრეთაფრიკული შტამის" პირველი შემთხვევა ლაბორატორიულად დადასტურდა.

როგორც ჩხაიძემ განაცხადა, „სამხრეთაფრიკულ შტამზე“ ყველა ვაქცინა მოქმედებს, თუმცა ბევრად ნაკლები ეფექტურობით.

„პანდემია „ჩინური შტამით“ დაიწყო, ამიტომ ყველა ვაქცინა „ჩინური შტამის“ საწინააღმდეგოდაა შექმნილი. რაც შეეხება შემდეგში გამოჩენილ სხვადასხვა შტამებს, ასეთი რვა შტამია, დადგენილია, რომ ყველა ეს ვაქცინა მოქმედებს ამ შტამების საწინააღმდეგოდ, მაგრამ შედარებით ნაკლები ეფექტურობით“, – განაცხადა ჩხაიძემ.

მისი ინფორმაცით, ყველა ის მუტაცია, რომელიც მსოფლიოში დაფიქსირდა, ექვემდებარება ვაქცინაციას.

„მინდა ხაზგასმით აღვნიშნო: თუ რომელიმე ახალი შტამი მუტაციის შემდეგ იქნება მდგრადი და რეზისტენტული ვაქცინის მიმართ, მწარმოებლისთვის ეს არის რამდენიმეკვირიანი, ორი–სამი თვის საქმე, რომ შეცვალოს ვაქცინის ვექტორი და მიმართული გახადოს ახალი შტამის საწინააღმდეგოდ“, – განაცხადა ივანე ჩხაიძემ.

საქართველოში ამჟამად ე.წ. ჩინური შტამის გარდა ყველაზე მეტად ცირკულირებს ბრიტანული შტამი, დაფიქსირებულია ასევე ინდური და სამხრეთამერიკული შტამების რამდენიმე შემთხვევა.

საქართველოში ვაქცინაცია 15 მარტიდან პირველ ეტაპზე მედპერსონალით დაიწყო, თუმცა შემდგომ პროგრამა გაფართოვდა და ამჟამად იმუნიზაციის პროცესში ჩართვა 18 წელს ზემოთ პირებისთვისაც არის შესაძლებელი.

ამ ეტაპზე საქართველოში ვაქცინაცია კორონავირუსის საწინააღმდეგო ვაქცინებით – AstraZeneca-თი, Pfizer-ით, Sinopharm-ითა და Sinovac-ით ხორციელდება. ყველა ამ ვაქცინის შემთხვევაში საჭიროა ორი დოზის გაკეთება.

51
თემები:
კორონავირუსი საქართველოში: ბოლო ცნობები (810)
თინა ხიდაშელი და დავით უსუფაშვილი

„უნდა გავყვე დათოს ცოლად...“ - რა მოხდა პოლიტიკოს ცოლ-ქმარს შორის?

36
(განახლებულია 12:45 17.06.2021)
თინა ხიდაშელი კორონავირუსით გამოწვეულ ავადმყოფობას დღემდე ვერ გამოუძვრა. პოლიტიკოსს სერიოზული მკურნალობა დასჭირდა, ის დამოუკიდებლად ჯერ კიდევ ვერ გადაადგილდება

თავდაცვის ყოფილი მინისტრი თინა ხიდაშელი, რომელიც კორონავირუსის გადატანის შემდგომ გართულებებს ებრძვის, სოციალურ ქსელში ემოციურ განცხადებას ავრცელებს და მის მეუღლეს, ცნობილ პოლიტიკოსს დავით უსუფაშვილს საჯაროდ უხდის მადლობას მისი სიცოცხლის გადარჩენისთვის.

„ჩემმა ქმარმა გადამარჩინა. წელს ქორწინების 25 წლისთავი გვაქვს და თავიდან უნდა გავყვე ცოლად. ის რომ არ ყოფილიყო, შეიძლებოდა, მარტივად მიმენებებინა თავი ბრძოლისთვის. საავადმყოფოში ისევ ის დათო ვიპოვე, 1993-95 წლებში რომ შემიყვარდა და რატომაც გავყევი ცოლად. ოქტომბერში თავიდან გავყვები ცოლად და ისევ თავიდან დავიწყებ. დედაჩემს ჩემი ცრემლები არ უნახავს, არავის ვუნახივარ ცუდად მყოფი, როგორ ცუდადაც უნდა ვყოფილიყავი, არასდროს არავის ვაძლევ უფლებას, რომ შევეცოდო. თურმე მან ეს ყველაფერი კარგად იცის, ბოლომდე იცის და არ მომცა უფლება, ვინმესთან დისკომფორტი შემქმნოდა. მასთან მოხდა ეს ყველაფერი და შესაბამისად, საავადმყოფოში, ექიმთან, ექთანთან ურთიერთობა მარტივი გახდა. დათო რომ არა, მე ვერ გამოვიდოდი იქიდან ცოცხალი…“ - წერს ხიდაშელი.

თავდაცვის ყოფილმა მინისტრმა თინა ხი­და­შე­ლმა, რო­მელ­მაც კო­რო­ნა­ვირუ­სი გა­და­ი­ტა­ნა, „მთა­ვარ არხზე“ გა­და­ცე­მა „პოსტ ფაქ­ტუმ­ში” იმ ურ­თუ­ლეს გარ­თუ­ლე­ბებ­ზე ისაუბრა, რო­მლე­ბიც ვირუს­მა და­უ­ტო­ვა. პოლიტიკოსი ჰყვება, რომ მისი ოჯახის წევრები ვირუსს ადვილად გადაურჩნენ, მას კი უკვე მეოთხე დღიდან ადგომაც კი გაუჭირდა, შემდეგ იყო კლინიკაში მაღალი ტემპერატურით.

მისი თქმით, თმამაც კი შეწყვიტა ზრდა – ოთხი თვის წინ შეღებილი თმა არც ერთი მილიმეტრით არ გაზრდია. ყველაზე მეტად კი სახსრები აწუხებს.

თინა ხიდაშელს კორონავირუსი მიმდინარე წლის 18 თებერვალს დაუდასტურდა და მას საავადმყოფოში მკურნალობდნენ. გარკვეული პერიოდის შემდეგ ის კლინიკიდან გაწერეს, თუმცა ჯანმრთელობის მდგომარეობის გაუარესების გამო ისევ საავადმყოფოში გადაიყვანეს.

როგორც პოლიტიკოსი წერს, ავადმყოფობის გამო ბევრი რამ გამოტოვა: თოვლი თბილისში, გაზაფხულის მოსვლა, შვილის დაბადების დღე, ბზობა, აღდგომა, რადგან თავი ვერ დააღწია საავადმყოფოს, ჟანგბადის და ათასგვარ სხვა აპარატს, წამლებს, ნემსებს, გადასხმებს.

36
თემები:
ქართველი სელებრითები
ეკატერინე ტიკარაძე

ტიკარაძე: საქართველოს ვაქცინების ფართო ასორტიმენტი ექნება

20
(განახლებულია 12:45 17.06.2021)
ქვეყანაში სხვადასხვა დასახელების ვაქცინების ახალი დოზები ივლისიდან შემოვა, საუბარია ჯამში დაახლოებით 3,2 მლნ დოზა ვაქცინაზე.

თბილისი, 17 ივნისი — Sputnik. საქართველოში უახლოეს მომავალში კორონავირუსის საწინააღმდეგო ვაქცინების ფართო არჩევანი და საკმარისი მარაგი იქნება, განაცხადა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ ჟურნალისტებთან.

ტიკარაძის თქმით, ქვეყანაში ვაქცინების შემოტანასთან დაკავშირებით რამდენიმე მწარმოებელთან აქტიური მუშაობა მიმდინარეობს. ამა თუ იმ ვაქცინის შემოტანის კონკრეტული ვადა არ სახელდება, თუმცა მინისტრი პირობას დებს, რომ ახლო მომავალში საქართველოს მოქალაქეებს ვაქცინების არჩევის საშუალება ექნებათ.

„უახლოეს მომავალში ვაქცინების ფართო ასორტიმენტი გვექნება, რის საფუძველზეც მასობრივ ვაქცინაციას დავიწყებთ. საუბარია, როგორც Moderna-ზე, ისე Jonson&Jonson-სა და Novovax-ზე. აქედან გამომდინარე, მოქალაქეებს არჩევანის საშუალება ექნებათ, რათა მიიღონ გადაწყვეტილება და იზრუნონ როგორც საკუთარ ჯანმრთელობაზე, ისე დღეისთვის მთავარი პრობლემის - ვაქცინაციის გზით პანდემიის დამარცხებაზე", - განაცხადა ტიკარაძემ.

როგორც კვირის დასაწყისში ჯანდაცვის უწყებაში განმარტეს, საქართველოში უახლოეს პერიოდში ექვსი კომპანიის ვაქცინა შემოვა. კერძოდ, ივლისიდან ოქტომბრამდე  ქვეყანა სხვადასხვა კომპანიისგან 3,2 მლნ დოზა ვაქცინას მიიღებს.

მინისტრმა ხაზგასმით აღნიშნა ვაქცინაციის პროცესში აქტიური ჩართულობის მნიშვნელობა და დასძინა, რომ საქართველოს იმ რეგიონებში, სადაც დიდი მობილობა შეინიშნება ბრიგადები დაემატა და ეს პროცესი მომავალშიც გაგრძელდება.

ამ დროისთვის საქართველოში 184 ბრიგადა მუშაობს. თბილისში დამატებით 16 ჰოსპიტალი და პირველადი ჯანდაცვის 15 დაწესებულება მზად არის ეტაპობრივად ჩაერთოს ვაქცინაციის პროგრამაში,

საქართველოში ვაქცინაცია 15 მარტიდან AstraZeneca-ს, 30 მარტიდან კი Pfizer-ის ვაქცინებით დაიწყო. ვაქცინაციის პროცესში 4 მაისიდან ჩინური Sinopharm-ი ჩაერთო, 24 მაისიდან კი Sinovac-ი. პირველ ეტაპზე ვაქცინაცია მედპერსონალით დაიწყო, თუმცა შემდგომ პროგრამა გაფართოვდა და ამჟამად იმუნიზაციის პროცესში ჩართვა 18 წელს ზემოთ პირებისთვის არის შესაძლებელი.

ბოლო მონაცემებით, საქართველოში სულ 221.156 ადამიანია აცრილი, სრულად, ორი დოზით ვაქცინირებულია 74.495 ადამიანი.

20
თემები:
კორონავირუსი საქართველოში: ბოლო ცნობები (810)

იტალიაში საბაგირო მოწყდა - ვიდეო

0
იტალიირმა მედიამ გამოაქვეყნა სტრეზა-მოტარონეს საბაგირო გზაზე მომხდარი ავარიის კადრები, რის შედეგადაც 14 ადამიანი დაიღუპა

იტალიაში 23 მაისს საბაგირო გზაზე ავარია მოხდა. შემთხვევას 14 ადამიანის სიცოცხლე შეეწირა. ვიდეო Twitter-ზე ტელეარხმა Tg3 გამოაქვეყნა.

ვრცელდება ინფორმაცია, რომ ვიდეოჩანაწერი საბაგიროს ზედა სადგურზე დამონტაჟებულმა კამერამ გადაიღო, რაც გამოძიებისათვის გამოიყენება.

კადრებში ჩანს, რომ კაბინა თითქმის უკვე ფინალურ წერტილში იყო, როდესაც ერთ-ერთი გვარლა გაწყდა და კაბინამ უკუმიმართულებით უკონტროლოდ დაიწყო მოძრაობა.

0