მერია გვპირდება – თბილისში ტრანსპორტის მოცდის დრო 4 წუთამდე შემცირდება

მერია გვპირდება თბილისში ტრანსპორტის მოცდის დრო 4 წუთამდე შემცირდება

89
(განახლებულია 08:35 02.06.2021)
სატრანსპორტო პოლიტიკის ძირითადი მიზანია, რომ დედაქალაქში საზოგადოებრივი ტრანსპორტი რაც შეიძლება ბევრმა ადამიანმა გამოიყენოს, აცხადებენ მერიაში.

თბილისი, 1 ივნისი — Sputnik.  თბილისში ახალი სატრანსპორტო ქსელის სრულად დანერგვის შემდეგ, საზოგადოებრივი ტრანსპორტის მოცდის დრო საშუალოდ ოთხ წუთამდე შემცირდება, განაცხადა ვიცე-მერმა ირაკლი ხმალაძემ ტრანსპორტის პოლიტიკის მიმართულებით განხორციელებული პროექტების ანგარიშის პრეზენტაციაზე. 

ბოლო წლებში საქართველოში აქტიურად ხორციელდება სატრანსპორტო რეფორმა, რომელიც  დედაქალაქის „საცობებისგან“ განტვირთვასთან ერთად მიზნად ისახავს, რომ თბილისელებისთვის მუნიციპალური ტრანსპორტით მგზავრობა უფრო კომფორტული და უსაფრთხო იყოს.

მერია ეტაპობრივად ანახლებს ავტობუსის პარკს, ასევე უკვე შემუშავებულია და ინერგება ახალი სატრანსპორტო ქსელი, რომელიც სამი დონისგან შედგება.

 „ის შედგება სწრაფი გადაადგილების დერეფნისა და  დამაკავშირებელი ორი – საქალაქო და საუბნო მნიშვნელობის მარშრუტებისგან. სწრაფ სატრანზიტო დერეფანზე მოძრაობს 12-მეტრიანი ავტობუსები, მომავალში კი იმოძრავებს 18-მეტრიანი ავტობუსები, ხოლო საქალაქო და საუბნო მნიშვნელობის მარშრუტებზე – 6, 8 და 10-მეტრიანი ავტობუსები. აღნიშნული ქსელის სრულად დანერგვის შემდეგ მოცდის დრო შემცირდება მინიმუმამდე. ეს იქნება საშუალოდ ოთხი წუთი, ხოლო ავტობუსების ტევადობა და გამტარუნარიანობა გაიზრდება 2,5-ჯერ“, – განაცხადა  ხმალაძემ.

თბილისის ავტობუსები დღეში დაახლოებით 109,5 ათას კილომეტრს გადიან და 1,8 ათასზე მეტ გაჩერებაზე ჩერდებიან. ხშირად ქალაქელებს ავტობისის 30–40 წუთით ლოდინი უწევთ. 

„ქალაქში ჯერ კიდევ არის სერიოზული პრობლემა მოცდის დროსთან დაკავშირებით. ეს დაკავშირებულია იმასთან, რომ საზოგადოებრივ ტრანსპორტს ქალაქში ჯერ კიდევ არ აქვს შესაბამისი ინფრასტრუქტურა...  არის შემთხვევები, როდესაც ადამიანებს უწევთ ნახევარი საათი, 40 წუთი ლოდინი, მიუხედავად იმისა, რომ ჩვენ ვზრდით ავტობუსების რაოდენობას და გვყავს განახლებული საზოგადოებრივი ტრანსპორტი.  მაგრამ მხოლოდ ეს ვერ იქნება პრობლემის მოგვარების გზა. ამას სჭირდება შესაბამისი, თანმდევი ინფრასტრუქტურის მოწესრიგება, რასაც აუცილებლად გავაკეთებთ“, – განაცხადა  თბილისის მერმა კახა კალაძემ.

საზოგადოებრივი ტანსპორტის სწრაფი და კომფორტული მოძრაობის მიზნით 2021 წელს დედაქალაქში 20–კილომეტრიანი საავტობუსე ზოლი, ე.წ. „ბასლაინი“ გაჩნდა. წელს იგეგმება მისი 60 კილომეტრამდე გაზრდა, რაც სატრანსპორტო დერეფნის დაახლოებით ნახევარია.

საზოგადოებრივი ტრანსპორტის პრობლემა არ იქნება

თბილისის მერმა მოსახლეობას პირობა მისცა, რომ საზოგადოებრივ ტრანსპორტთან დაკავშირებით პრობლემა არ ექნებათ და მათ სუფთა და სწრაფი ავტობუსები და მიკროავტობუსები მოემსახურებათ.

დღეისთვის თბილისში 680 ერთეული ახალი ავტობუსი და 300 მიკროავტობუსი მოძრაობს. წლის ბოლომდე კიდევ 380 ერთეული ავტობუსის შემოყვანა იგეგმება: 8–მეტრიანი 180 ერთეული და 18–მეტრიანი 200 ერთეული ავტობუსისა და 700 ერთეული მიკროავტობუსის შემოყვანა. 

„ფაქტია, რომ სათანადო სატრანსპორტო ქსელის გარეშე შეუძლებელია ქალაქში წესრიგის დამყარება, გარემოზე ზრუნვა კი მოძველებული ავტოპარკის პირობებში სასურველ შედეგს არ გამოიღებს. აი, რატომაც იყო ჩვენი მიდგომა კომპლექსური, რათა შეგვექმნა ეკოლოგიურად სუფთა, თანამედროვე ინფრასტრუქტურა და არსებითად გავაუმჯობესოთ ჩვენი სატრანსპორტო პოლიტიკა“, – განაცხადა კალაძემ.

მერის თქმით, სატრანსპორტო პოლიტიკის განხორციელება ქალაქისთვის სასიცოცხლოდ მნიშვნელოვანია. დღეს თბილისს 1500–1700 მიკროავტობუსი ემსახურება, მაშინ როდესაც  ახალი სატრანსპორტო პოლიტიკის თანახმად, ავტობუსების ავტოპარკის გაზრდის ხარჯზე, ქალაქისთვის საკმარისი ათასი მიკროავტობუსიც იქნება.

სატრანსპორტო რეფორმის ფარგლებში,  დედაქალაქში 1 აპრილიდან  ლურჯი მიკროავტობუსებით მგზავრობა 80 თეთრის ნაცვლად 50 თეთრი გახდა. ინტეგრირებული სისტემის შემთხვევაში 1,5 საათის განმავლობაში ერთხელ გადახდილი თანხით შესაძლებელი იქნება ავტობუსით, მიკროავტობუსითა და მეტროთი მგზავრობა.  დღის განმავლობაში აღნიშნული ტრანსპორტით 600 ათასზე მეტი ადამიანი სარგებლობს.

89
თემები:
თბილისის მერია (386)
რობოტისა და ადამიანის ხელები

„მეცნიერების კალენდარი 2021“: საქართველოში ახალი პროექტი იწყება

5
(განახლებულია 12:09 21.06.2021)
სამინისტროს ცნობით, პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გასტანს.

თბილისი, 21 ნოემბერი – Sputnik. საქართველოში იწყება ახალი პროექტი „მეცნიერების კალენდარი – 2021“, რომლის მიზანიც მეცნიერების ხელშეწყობა და პოპულარიზაციაა, ნათქვამია განათლებისა და მეცნიერების სამინისტროს განცხადებაში. 

პროექტი, რომლის სლოგანია Undique scientia est (მეცნიერება ყველგან არის), მეცნიერების, როგორც საზოგადოების ყველა ფენის ყოველდღიური ცხოვრების ნაწილის წარმოჩენასა და საქართველოს ფართო საზოგადოებაში მის პოპულარიზაციას ემსახურება.

პროექტის „მეცნიერების კალენდარი – 2021“ განხორციელებაში ჩართული არიან სამეცნიერო-კვლევითი დაწესებულებები, უნივერსიტეტები, ასევე სახელოვნებო უნივერსიტეტები, განათლებისა და მეცნიერების სფეროში მოღვაწე პირები და ახალგაზრდა მეცნიერები.

პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გაგრძელდება.

10 ნოემბერს საქართველოში მეცნიერების საერთაშორისო დღე აღინიშნება. იგეგმება  სხვადასხვა კონკურსის ჩატარება, მათ შორის, ქართველოლოგიის ვიკიკონკურსი, კონკურსი „ქართული მეცნიერება ვიკიპედიაში“, „ქართული მეცნიერება უცხოენოვან ვიკიპედიაში“ და ა.შ.  ასევე იგეგმება მასტერკლასები და კონფერენციები, ღონისძიებებისა და საჯარო ლექციების ციკლი შავი ზღვის თემაზე.

გარდა ამისა, 2021 წელს  ქუთაისის საერთაშორისო უნივერსიტეტში ევროპელ მკვლევართა ღამის საზეიმო ღონისძიებები გაიმართება.

 

5
თემები:
განათლება საქართველოში
მარიამ ხორგუაშვილი

„წონის კლებაში წავედი და მეშინია...“ - მარიამ ხორგუაშვილის აღიარება

19
(განახლებულია 11:12 21.06.2021)
მარიამ ხორგუაშვილი საზოგადოებამ რამდენიმე წლის წინ გაიცნო. ქართველი მოდელისა და ფეხბურთელი ლაშა კალანდაძის სილამაზემ ინტერნეტი მას შემდეგ „ააფეთქა", რაც სოციალურ ქსელში წყვილის ქორწილის ფოტოები გამოქვეყნდა.

მარიამი და ლაშა რამდენიმე წლის წინ დაშორდნენ. მოდელი ამ ინფორმაციას კატეგორიულად უარყოფდა, თუმცა ჭორები და შემდეგ ფაქტები სხვა რამეს მეტყველებდა. მშვენიერი მოდელის გარშემო მუდამ იყო საუბარი იმაზე, შეურიგდებოდა თუ არა ყოფილ მეუღლეს. სხვადასხვა წყაროები ირწმუნებოდნენ, რომ შერიგდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მოდელისა და ფეხბურთელის წყვილი – მარიამ ხორგუაშვილი და ლაშა კალანდაძე, რომელთა სილამაზემ მთელი საქართველო აალაპარაკა, რამდენიმეთვიანი დაშორების შემდეგ მართლაც შერიგდნენ. მარიამი ამბობდა, რომ შვიდთვიანი დაშორების შემდეგ შერიგება რთული არ ყოფილა, რადგან ამ პერიოდის განმავლობაში ორივე ბევრ რამეზე დაფიქრდა.

Посмотреть эту публикацию в Instagram

Публикация от Mariam Khorguashvili (@miss_mariamkh)

წყვილი საბოლოოდ მაინც დაშორდა და ახლა უმშვენიერეს მარიამს გვერდით ჰყავს ის ერთადერთი მამაკაცი, რომელიც ძალიან უყვარს. გოგონას რჩეული ვაკო გიგინეიშვილია. წყვილი ერთმანეთს უზომოდ უხდება. ხშირად მოგზაურობენ მსოფლიოს სხვადასხვა ქვეყნებში და „ინსტაგრამზე“ ერთად თუ ცალ-ცალკე გადაღებულ ულამაზეს ფოტოებს გვთავაზობენ. რამდენიმე კვირის წინ მარიამმა „ინსტაგრამის“ „სთორიზე“ ფოტოები და ვიდეოები გამოაქვეყნა, საიდანაც ირკვევა, რომ ვაკომ საკუთარ დაბადების დღეზე მარიამს ხელი სთხოვა და წყვილმა ერთგვარი ქორწილი მოაწყო, რომელსაც მათი მეგობრები ესწრებოდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მარიამს უსაყვარლესი შვილი ჰყავს, რომელსაც დემეტრე ჰქვია. მარიამის მეგობრები დემეტრეს დედას ძალიან ამსგავსებენ. ულამაზეს, სიყვარულით სავსე ახალგაზრდებს ძალიან ბევრი გულშემატკივარი ჰყავთ, რომლებიც მათ მიმართ კომპლიმენტებს არასდროს იშურებენ. ისინი ხშირად ამბობენ, რომ მარიამი და ვაკო გამორჩეული, ლამაზი და ძალიან გემოვნებიანი წყვილია.

აღმოჩდა, რომ მოდელს წონის პრობლემა აქვს. „ინსტაგრამის“ ხელმომწერებს მარიამმა გაუმხილა, რომ ბოლო პერიოდში წონას კარგავს და ამან შეაშინა, თუმცა აპირებს პრობლემას სერიოზულად მიუდგეს.

19
თემები:
ქართველი სელებრითები