მომღერალმა სალომე ბაკურაძემ 12 კილო დაიკლო. ამის შესახებ ის ჟურნალ „თბილისელებს“ უყვება. სალომე ამბობს, რომ გამხდარი თავს ბევრად კარგად გრძნობს და თავდაჯერება მოემატა.
View this post on Instagram
„შვიდი თვის წინ სწორი კვება დავიწყე და დღემდე ვაგრძელებ. 10-12 კილო დავიკელი. ხანდახან მეც მაჯდება მხარზე დემონი და ვარღვევ, მაგრამ ფაქტია, შედეგი მაქვს. პარალელურად, სახლში ყოველდღიურად ვვარჯიშობ და „ელპიჯი“ მასაჟ-პროცედურასაც ვიკეთებ“, - ამბობს მომღერალი.
View this post on Instagram
მისი თქმით, ზედმეტი კილოგრამები ნამდვილად არ უშლიდა ხელს, მაგრამ ახლა ფანტასტიკურად გრძნობს თავს. „წონის დაკლებამ თავდაჯერება მომცა, მაგრამ ჩაცმის მხრივ არაფერი შემიცვლია. ვთვლი, რომ სიგამხდრე მიხდება, თუმცა ჩემი თავი არც იმ წონით დამიწუნია. არასდროს არავინ მაბიჯებდა ფეხს, არიქა, დაიკელიო. ამ მხრივ განებივრებული ვიყავი. ყველა მატუტუცებდა და მეუბნებოდა: გიხდება, არ გინდა დაკლებაო…“- ამბობს მომღერალი.
View this post on Instagram
მომღერალ სალომე ბაკურაძისა და პროდუსერ ლაშა ბასლანძის წყვილი მუდმივად საზოგადოების ყურადღების ცენტრშია. წყვილმა ერთმანეთი 8 წლის წინ გაიცნო, 2015 წელს კი დაქორწინდნენ და ახლა ვაჟს, უსაყვარლეს ალექსანდრეს ზრდიან. ის პოპულარობით არც დედას ჩამოუვარდება და არც მამას. ლაშა ბასლანძემ და სალომე ბაკურაძემ ერთმანეთი საერთო მეგობრების წრეში გაიცნეს.