ამირან გამყრელიძე

გამყრელიძე: საზღვრის კვეთისას მხოლოდ ვაქცინაცია საკმარისი არაა

124
(განახლებულია 23:51 31.05.2021)
საქართველოს სახმელეთო საზღვრებს 1 ივნისს ხსნის, ამასთან დაკავშირებით ვიზიტორებისთვის ქვეყანაში შემოსვლის გარკვეული წესებია განსაზღვრულია.

თბილისი, 31 მაისი — Sputnik. საზღვრის კვეთისას კორონავირუსის საწინააღმდეგო სრული ვაქცინაციის დამადასტურებელი დოკუმენტის გარდა ვიზიტორებს თან უნდა ჰქონდეთ PCR–ტესტის უარყოფითი პასუხი, მასმედიის წარმომადგენლებისთვის გამართულ ვებინარზე განუცხადა ჟურნალისტებს დაავადებათა კონტროლის და საზოგადოებრივი ჯანმრთელობის ცენტრის დირექტორმა ამირან გამყრელიძემ.

გამყრელიძემ განმარტა, რომ თუ ვიზიტორს ქვეყანაში შემოსვლის დროს თან აქვს მხოლოდ PCR–ტესტის უარყოფითი პასუხი, 72 საათის შემდეგ ის ვალდებულია საკუთარი ხარჯით განმეორებითი PCR–ტესტი ჩაიტაროს.

ქვეყნის მთავარი ეპიდემიოლოგის თქმით, საზღვარზე ვიზიტორებს გადასცემენ ლაბორატორიების სიას (დაახლოებით 50), სადაც ისინი PCR–ტესტის ჩატარებას შეძლებენ, წინააღმდეგ შემთხვევაში მათ 2 ათასი ლარის ოდენობით ჯარიმის გადახდა მოუწევთ.

გამყრელიძემ ასევე განაცხადა, რომ იმ შემთხვევაში, თუ ტურისტი კორონავირუსით უკვე საქართველოში დაინფიცირდება, მისი მკურნალობის ხარჯებს დაფარავს სამედიცინო დაზღვევა, რომლის ერთ-ერთი ნაწილი კოვიდ-დაზღვევა იქნება. ყველა ტურისტულმა კომპანიამ ამ წესების შესახებ თავისი პარტნიორები უნდა გააფრთხილოს.

საქართველო 1 ივნისიდან სახმელეთო საზღვრებს ხსნის. გადაწყვეტილება 25 მაისს უწყებათაშორისმა საკოორდინაციო საბჭომ მიიღო.

ის პირები, რომლებმაც კორონავირუსის საწინააღმდეგო ვაქცინის ორივე დოზა მიიღეს (Johnson and Johnson-ის ვაქცინის შემთხვევაში - ერთი დოზა) და აქვთ ბოლო 72 საათში გაკეთებული PCR–ტესტის უარყოფითი პასუხი, საქართველოს საზღვარს დამატებითი შეზღუდვების გარეშე გადმოკვეთენ.

გარდა ამისა, საქართველოში ჩამოსვლა შეუძლიათ აუცრელ მოქალაქეებს, რომლებმაც PCR–ტესტირება ბოლო 72 საათში გაიკეთეს და უარყოფითი პასუხი მიიღეს. ამ შემთხვევაში ისინი ვალდებული იქნებიან მომდევნო 72 საათის განმავლობაში განმეორებით ჩაიტარონ PCR–ტესტი.

ტესტის უარყოფითი პასუხის დამადასტურებელი დოკუმენტი უნდა თან ჰქონდეთ ბავშვებს მათი ასაკის მიუხედავად.

უწყებათაშორისი საკოორდინაციო საბჭოს დადგენილებაში ქვეყანაში სახმელეთო საზღვრების გავლით შემოსვლის წესების შესახებ ჯერჯერობით არ არის მითითებული იმ ქვეყნების ცალკეული ჩამონათვალი, რომელთა მოქალაქეებს საქართველოში შემოსვლა შეუძლიათ. ბოლო 72 საათში გაკეთებული PCR–ტესტის უარყოფითი პასუხის წარმოდგენის შემთხვევაში ქვეყანაში საჰაერო საზღვრის გავლით შემოსვლა შეუძლიათ ევროკავშირის წევრი ქვეყნების და შემდეგი ქვეყნების მოქალაქეების: ისრაელის, თურქეთის, შვეიცარიის, ნორვეგიის, აშშ, დიდი ბრიტანეთისა და ჩრდილოეთ ირლანდიის გაერთიანებული სამეფოს, საუდის არაბეთის, კატარის, არაბთა გაერთიანებული საემიროების, ბაჰრეინის, სომხეთის, აზერბაიჯანის, უკრაინის, ყაზახეთის, რუსეთის, ბელორუსის, უზბეკეთის, ტაჯიკეთის, ტაჯიკეთის, ყირგიზეთის, თურქმენეთის, კანადის, იაპონიის, ქუვეითის, ჩინეთის, სამხრეთ კორეის, ომანისა და მოლდოვის.

მიზანშეწონილია, რომ საქართველოში ჩამომსვლელ ყველა პირს სამედიცინო დაზღვევა უნდა გააჩნდეს.

124
თამო ვაშალომიძე

თამო ვაშალომიძემ იმიჯი კარდინალურად შეიცვალა - ქერა თმა ცეცხლოვანმა წითელმა ჩაანაცვლა

9
(განახლებულია 13:20 21.06.2021)
სექსუალური მოდელი გარდასახვას თავს არ არიდებს, თუმცა ეროტიკულ ფოტოსესიებში აღარ მონაწილეობს. მოულოდნელი ცვლილებები დაოჯახებამ და მეორე შვილის გაჩენამ განაპირობა, თუმცა თამო ძველ სითამამეს არ კარგავს. როგორ მოგწონთ ფოტომოდელის უახლესი გადაწყვეტილება?

სექსუალურმა ფოტომოდელმა ცხოვრების წესი შეიცვალა და დიასახლისობას დიდი მონდომებით შეუდგა. თამო ახლა ორი შვილის დედაა. ტელესახემ 28 ნოემბერს მეორე შვილი გააჩინა. დეკემბრის დასაწყისში დედა-შვილი სამშობიაროდან გაწერეს და თამოს მეუღლემ ოჯახის წევრებს სახლში ლამაზი სიურპრიზი დაახვედრა. ახალშობილ მაქსიმეს ახალბედა მამა ზღაპრული დეკორაციებითა და დიდი სიხარულით დახვდა. პატარა ძმას სოფიაც მალევე დაუმეგობრდა. აკა სამხარაძე სოფიასა და მაქსიმეს თანაბარ დროს უთმობს და ანებივრებს.

Посмотреть эту публикацию в Instagram

Публикация от Tamo Vashalomidze (@tamovashalomidze)

მეორე ნახევრის დახმარებით, თამო საკუთარ თავს კვლავ დიდ დროს უთმობს. ფოტომოდელი ექსპერიმენტებზე უარს ვერ ამბობს, და ამჯერად იმიჯი რადიკალურად შეიცვალა. 2 შვილის დედა წითელი თმის მოხდენას ცდილობს, რაც მისმა თაყვანისმცემლებმა დადებითად შეუფასეს. ბევრმა აღნიშნულ ფოტოზე თამოს ტანი შენიშნა, თუმცა ჩრდილქვეშ არც ვარცხნილობა მაქცეულა. როგორ მოგწონთ სექს-სიმბოლოდ წოდებული ყოფილი ფოტომოდელის ახალი იმიჯი?

Посмотреть эту публикацию в Instagram

Публикация от Tamo Vashalomidze (@tamovashalomidze)

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი ყოფილი პარტნიორის ვინაობაა.მან ახალშობილი ვაჟის ფოტო მშობიარობის დღესვე გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა.

Посмотреть эту публикацию в Instagram

Публикация от Tamo Vashalomidze (@tamovashalomidze)

ეპატაჟური ვარსკვლავი ახალ ცხოვრებას ახალი ძალებით შეუდგა. რთული ცხოვრების მიუხედავად, თამო უამრავი ქალბატონისთვის სიძლიერის მაგალითად იქცა. ახლა მისი ცხოვრება ფოტომოდელობის მიღმა ოჯახურ სივრცეში მიედინება, რაც თამოსთვის დიდი კომფორტის ზონა და ბედნიერებაა. უახლეს ფოტოებსა და ვიდეოზე კარგად ჩანს, თუ რა მარტივად მოირგო ცოლ-ქმარმა მშობლის როლი.

9
თემები:
ქართველი სელებრითები
რობოტისა და ადამიანის ხელები

„მეცნიერების კალენდარი 2021“: საქართველოში ახალი პროექტი იწყება

15
(განახლებულია 12:09 21.06.2021)
სამინისტროს ცნობით, პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გასტანს.

თბილისი, 21 ნოემბერი – Sputnik. საქართველოში იწყება ახალი პროექტი „მეცნიერების კალენდარი – 2021“, რომლის მიზანიც მეცნიერების ხელშეწყობა და პოპულარიზაციაა, ნათქვამია განათლებისა და მეცნიერების სამინისტროს განცხადებაში. 

პროექტი, რომლის სლოგანია Undique scientia est (მეცნიერება ყველგან არის), მეცნიერების, როგორც საზოგადოების ყველა ფენის ყოველდღიური ცხოვრების ნაწილის წარმოჩენასა და საქართველოს ფართო საზოგადოებაში მის პოპულარიზაციას ემსახურება.

პროექტის „მეცნიერების კალენდარი – 2021“ განხორციელებაში ჩართული არიან სამეცნიერო-კვლევითი დაწესებულებები, უნივერსიტეტები, ასევე სახელოვნებო უნივერსიტეტები, განათლებისა და მეცნიერების სფეროში მოღვაწე პირები და ახალგაზრდა მეცნიერები.

პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გაგრძელდება.

10 ნოემბერს საქართველოში მეცნიერების საერთაშორისო დღე აღინიშნება. იგეგმება  სხვადასხვა კონკურსის ჩატარება, მათ შორის, ქართველოლოგიის ვიკიკონკურსი, კონკურსი „ქართული მეცნიერება ვიკიპედიაში“, „ქართული მეცნიერება უცხოენოვან ვიკიპედიაში“ და ა.შ.  ასევე იგეგმება მასტერკლასები და კონფერენციები, ღონისძიებებისა და საჯარო ლექციების ციკლი შავი ზღვის თემაზე.

გარდა ამისა, 2021 წელს  ქუთაისის საერთაშორისო უნივერსიტეტში ევროპელ მკვლევართა ღამის საზეიმო ღონისძიებები გაიმართება.

 

15
თემები:
განათლება საქართველოში