ამირან გამყრელიძე

საქართველოში კორონავირუსის „სამხრეთაფრიკული შტამის“ შესაძლო შემთხვევას იკვლევენ

41
(განახლებულია 21:43 31.05.2021)
ამირან გამყრელიძის განცხადებით, არ არსებობს არანაირი მინიშნება, რომ „სამხრეთაფრიკული შტამი“ იწვევს უფრო მძიმე დაავადებას ან ხანგრძლივ ავადობას.

თბილისი, 31 მაისი – Sputnik. დაავადებათა კონტროლისა და საზოგადოებრივი ჯანმრთელობის ეროვნული ცენტრი „სამხრეთაფრიკულ შტამზე“ ერთ საეჭვო შემთხვევას იკვლევს, განაცხადა დაავადებთა კონტროლის ეროვნული ცენტრის ხელმძღვანელმა ამირან გამყრელიძემ.

საქართველოში შემოსულ პირებს შესაძლოა დამატებითი რეგულაციების შესრულება დააკისრონ>>

გამყრელიძის განცხადებით, ამჟამად საქართველოში ძირითადად კორონავირუსის „ბრიტანული შტამი" ცირკულირებს. მასთან შედარებით კი „სამხრეთაფრიკული შტამი“ კლინიკურად უფრო მძიმე არ არის, ამასთან, შედარებით ნაკლებად არის გავრცელებული.

„დაავადებათა კონტროლის ცენტრში მიმდინარეობს ამ საეჭვო შემთხვევის გენეტიკური ანალიზი... ალბათ ამ დღეებში გვექნება პასუხი... თუ დადებითი აღმოჩნდა, ვიტყვით, რომ დიახ, „სამხრეთაფრიკული შტამიც“ გვაქვს. რაც შეეხება იმას, არის თუ არა ის კლინიკურად უფრო მძიმე, გეტყვით რომ არა“, – აღნიშნა გამყრელიძემ.

ეპიდემიოლოგები დღეისათვის კორონავირუსის რამდენიმე შტამს არჩევენ. ესენია: „ჩინურ-ევროპული შტამი“, რომელიც პირველად გავრცელდა, შემდეგ მოდის ე.წ. „ბრიტანული შტამი“, „ბრაზილიური“, „სამხრეთაფრიკული“ და „ინდური“ შტამები.

ეპიდემიოლოგების განცხადებით, „სამხრეთაფრიკული შტამი“, ისევე, როგორც „ბრიტანული“, არაა პრინციპულად ახალი მოვლენა, რომელმაც შეიძლება რადიკალურად შეცვალოს კოვიდ-პანდემიის დინამიკა, ან მედიკოსთა ტაქტიკის რადიკალურ ცვლილებას მოითხოვდეს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 360-ით გაიზარდა და ინფიცირებულთა საერთო რიცხვმა  343.963-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

41
თემები:
კორონავირუსი საქართველოში: ბოლო ცნობები (808)
სტრასბურგის ადამიანის უფლებათა სასამართლო

დეკანოზ გიორგი მამალაძის სარჩელი ევროპულმა სასამართლომ განხილვაში მიიღო

10
(განახლებულია 10:42 17.06.2021)
დეკანოზ გიორგი მამალაძის საქმე თანამედროვე საქართველოს ისტორიაში ერთ-ერთი ყველაზე რეზონანსული გახდა.

თბილისი, 17 ივნისი — Sputnik. ადამიანის უფლებათა ევროპულმა სასამართლომ საქართველოს კათaლიკოს-პატრიარქის მდივან-რეფერენტის შორენა თეთრუაშვილის მკვლელობის მცდელობისთვის მსჯავრდებული დეკანოზ გიორგი მამალაძის სარჩელი წარმოებაში მიიღო, ამის შესახებ მსჯავრდებულის ძმამ თორნიკე მამალაძემ საკუთარ Facebook-გვერდზე დაწერა.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს.

„ევროპულმა სასამართლომ ჩემი ძმის სარჩელი დააკმაყოფილა და განხილვაში მიიღო. დაწყებულია კომუნიკაცია. იმედი მაქვს აქ მაინც იზეიმებს სამართალი!", - წერს მამალაძე.

აღნიშნულ საკითხს სოციალურ ქსელში ეხმიანება მამალაძის ადვოკატი დავით ჯანდიერი, რომელმაც ევროსასამართლოში გაგზავნილი საჩივარი მოამზადა.

„საჩივრიდან გამომდინარე, სასამართლოს ყველა ძირითად საკითხზე აქვს ყურადღება გამახვილებული. მომჩივანთან დაკავშირებული ფაქტები უკავშირდება კონვენციის მეექვსე (საქმის სამართლიანი განხილვის უფლება) და მესამე მუხლის (წამების აკრძალვა) სავარაუდო დარღვევას", - აცხადებს ჯანდიერი.

ადვოკატის განცხადებით, დღეს იგი გლდანის პენიტენციურ დაწესებულებებში გიორგი მამალაძეს შეხვდება, რის შემდეგაც მედიასთან კომენტარს გააკეთებს.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს, საიდანაც ის გერმანიაში უნდა გაფრენილიყო. იმ დროს გერმანიაში კათოლიკოს-პატრიარქი ილია მეორე სამკურნალოდ იმყოფებოდა. გამოძიების მონაცემებით, მამალაძის ბარგში ნატრიუმის ციანიდი იპოვეს, ხოლო ბინაში – კუსტარულად დამზადებული ცეცხლსასროლი იარაღი და ექვსი ვაზნა.

თბილისის საქალაქო სასამართლომ 2017 წლის სექტემბერში გიორგი მამალაძეს ცხრა წლით თავისუფლების აღკვეთა შეუფარდა პატრიარქის მდივან-რეფერენტ შორენა თეთრუაშვილის მკვლელობის მომზადებისა და ცეცხლსასროლი იარაღის უკანონო შეძენა-შენახვისთვის.

2018 წლის თებერვალში სააპელაციო სასამართლომ განაჩენი ძალაში დატოვა. 2018 წლის აგვისტოში უზენაესმა სასამართლომ მამალაძის ადვოკატის სარჩელის განხილვაზე უარი განაცხადა და ამით ქვედა ინსტანციების სასამართლოების გადაწყვეტილება ასევე ძალაში დატოვა.

10
თემები:
სკანდალი საპატრიარქოში – „ციანიდის საქმე"
მარიამ კუკუნაშვილი

„ქმარმა სხვა ქალის გამო მიმატოვა... - მარიამ კუკუნაშვილი ია ფარულავას დაუპირისპირდა

61
(განახლებულია 10:38 17.06.2021)
მარიამ კუკუნაშვილმა სოციალურ ქსელში პირად ტრაგედიაზე პირველად ისაუბრა და მეგობრებს - ია ფარულავას და დალი ჩიტალაძეს საჯაროდ დაუპირისპირდა

სუ­რო­გა­ცი­ის ცენ­ტრის, NEW LIFE-ის დამ­ფუძ­ნე­ბე­ლი მა­რი­ამ კუ­კუ­ნაშ­ვი­ლი „ფე­ის­ბუ­ქის“ პი­რად გვერ­დზე წერს, რომ სექტემბერში ქმარმა სხვა ქალის გამო მოულოდნელად მიატოვა და დეპრესია ჰქონდა, როდესაც მისი ცნობილი მეგობრები გვერდში არ დაუდგნენ.

მარიამ კუკუნაშვილი სტატუსში ცნობილ მსახიობ ია ფარულავას და მოდის ბლოგერს დალი ჩიტალაძეს ახსენებს და მათ მიმართ გამოთქვამს წყენას. ბიზნესმენი ამბობს, რომ ქმრის ღალატის შემდეგ მიხვდა, რომ ნამდვილი მეგობრები არ ჰყავს და მის ზურგს უკან მასზე ჭორაობენ.

მარიამის თქმით, როდესაც ია ფარულავამ უთხრა, რომ არ უკვირდა მისგან ქმარი რომ გაიქცა, არავინ გამოესარჩლა და შეშლის უწოდებდა ქალი, რომელიც სააღდგომო პასკებს აფურთხებდა და ასე მოძღვრავდა ადამიანებს, თუ როგორ არ გასუქებულიყვნენ მისი ჭამის დროს.

ბიზნესმენი წერს, რომ მას შემდეგ, რაც პირადი ცხოვრება დაალაგა და ისევ იმ მარიამად იქცა, როგორც საზოგადოება იცნობს, არავის მოუკითხია ია ფარულავას სამეგობროდან, განსაკუთრებით დალი ჩიტალაძეს, რომელსაც მისი თქმით, ყველა მოგზაურობიდან ჩამოსული ძვირადღირებულ სუნამოებს ჩუქნიდა და მას მხოლოდ მაშინ გაახსენდა, როდესაც შუამავლად დაუდგა ბიჭს, რომელსაც მისგან ფული სჭირდებოდა.

მარიამის სტატუსს ცოტა ხანში ია ფარულავაც გამოეხმაურა და ყოფილ მეგობარს ურჩია სასწრაფოდ მოძებნოს საუკეთესო ევროპელი სცენარისტი და ფილმში ითამაშოს. „ამ ფოტოთი შენ ანა მანიანი დაჩრდილე. შენ უკვე მზად ხარ. წარმატებები Darling“, - უწერს მსახიობი.

„მარიამ, ნეტავ მეც მომეცეს გამბედაობა ასევე ვამხილო ჩემს გარშემო ზოგი ფარისეველი. ყოჩაღ! შენი გულწრფელობისთვის. ეს სიძლიერის ნიშანია. ვიცი ბევრჯერ გატკინეს გული, მაგრამ მაინც აგრძელებდი მეგობრობას და „ატარებდი“ მათ კბენებს და ანგარებით მიდგომებს. შენი პოსტი ამ ყველაფრის ლოგიკური ფინალია და ადრე თუ გვიან დაგიდგებოდა ეგ ეტაპი. თუმცა....ისეთი გული გაქვს, არც ის გამიკვირდება. რაღაც დროის მერე, ისევ ხელახლა შეცურო იგივე ჭაობში. შენ ხომ მიტევების ოსტატი ხარ“, - წერს კომენტარებში საოპერო მომღერალი თამარ ივერი.

სუროგაციის ცენტრ New Life-ის ხელმძღვანელი მარიამ კუკუნაშვილი საკუთარი დიზაინით მოწყობილ უზარმაზარ სახლში ცხოვრობს. მარიამ კუკუნაშვილს ახლა სამი ტყუპი ჰყავს, თუმცა წლების განმავლობაში არ ჰყავდა შვილები. სწორედ ამან გადააწყვეტინა ამ სფეროში დაეწყო ბიზნესი.

როგორც ერთ-ერთ ინტერვიუში ყვება, ბიზნესი 1200 ლა­რით დაიწყო - მუშაობდა ამერიკის საელჩოში, ბოლო ხელფასი რომ აიღო 300 დოლარად იქირავა ერთი ოთახაი ბახტრიონის ქუჩაზე და პატარ-პატარა ნაბიჯებით დაიწყო. 2008 წლი­დან დაიწყო დო­ნა­ცი­ი­სა და სუ­რო­გა­ცი­ის ცენ­ტრის გახ­სნით სა­ქარ­თვე­ლო­ში, შემ­დეგ უკვე სხვა ფი­ლი­ა­ლე­ბი მოყ­ვა, შემ­დეგ - ხე­ლოვ­ნუ­რი გა­ნა­ყო­ფი­ე­რე­ბის კლი­ნი­კე­ბი და ამ­ჟა­მად უკვე 10-ზე მეტ ქვე­ყა­ნა­შია.

მარიამ კუკუნაშვილი ცხრაჯერ დაქორწინდა საკუთარ მეუღლეზე. როგორც ინტერვიუებში ამბობად, ეს ტრადიცია უკვე მობეზრდათ და ჩვევა, რომ ყოველ წელს ახლიდან თხოვდა ქმარი ხელს, დაივიწყეს, თუმცა იმის შესახებ, რომ მეუღლეს დაშორდა, ახლაღა გახდა ცნობილი.

61
თემები:
ქართველი სელებრითები
გიორგი გურგენაშვილი

ქართველის შექმნილი ბენდი ათენში და მისი გიტარისტი, რომელიც Deep purple-ში უკრავდა

0
(განახლებულია 11:48 17.06.2021)
რუბრიკა „ქართველები უცხოეთში“ დღეს საბერძნეთში მცხოვრები მომღერლის, ჯორჯ გურენის შემოქმედებით სიახლეებს გაგაცნობთ.

ჯორჯ გურენი გიორგი გურგენაშვილის შემოქმედებითი ფსევდონიმია. ბოლო წლებში ის ხელოვნების სამსახურში დგას: ქმნის საავტორო სიმღერებს, აქტიურად თანამშრომლობს ბერძენ კომპოზიტორებთან და წარმატებით გამოდის ადგილობრივ სცენაზე. პანდემიის დროს ჩატარებულ ელექტრონული მუსიკის ფესტივალ Gem fest-ზე, რომელიც მსოფლიო მედიამ და მათ შორის ΒΒC-მაც გააშუქა,  ცნობილ დიჯეებთან ერთად ქართველი ჯორჯ გურენიც მონაწილეობდა. ის ფესტივალზე ერთადერთი მომღერალი იყო.

 

გიორგი გურგენაშვილი
გიორგი გურგენაშვილი

— ჯორჯ, ბოლო წლების შემოქმედებითი სიახლეებით დავიწყოთ...

— ბოლო რამდენიმე წლის განმავლობაში ბევრი პროექტი განვახორციელე. მათ შორის რამდენიმე მასშტაბური იყო და ვფიქრობ, მეტ-ნაკლებად წარმატებულიც. ყველა ჩემს მეგობარსა და კოლეგას მადლობას ვუხდი, რომ არა ისინი, ბევრ რამეს ვერ შევძლებდი. ჩემთვის ყველაზე მნიშვნელოვნი იყო სიმღერა I’m defensless, რადგან მასზე ბერძნული მუსიკალური შოუს, Fame Story-ის მთავარმა ქოუჩიმ, ჯული მასინომ იმუშავა. თქვენს მკითხველს შევახსენებ, რომ ჯული ამერიკელია და ჩემთვის ძალიან სასიამოვნოა მასთან თანამშრომლობა. ამ სიმღერის ბექვოკალსაც სწორედ მისი ხმა ამშვენებს.

— ვინ შექმნა ეს სიმღერა და სად გაჟღერდა?

— ამ სიმღერის შექმნის ინსპირაცია ალბათ მისტიური გრძნობები გახდა. მისი ავტორი ცნობილი ბერძენი კომპოზიტორი ნიკოს ანტონიადისია, რომელსაც ბერძენი მომღერლებისთვის ბევრი სიმღერა აქვს დაწერილი. სიმღერის მენეჯმენტზე დაიანა ვასილიადუმ იზრუნა, ვიდეოკლიპის გადაღება და მსოფლიოს 227 ქვეყნის digital-პლატფორმებზე გაშვება-გაყიდვა კი ბერძნულმა კომპანია Inside out production-მა აიღო საკუთარ თავზე.

— როგორც ვხედავ, მიუხედავად შექმნილი სიტუაციისა, შემოქმედებითად მაინც არ გაჩერებულხართ. რომელი იყო ყველაზე მნიშვნელოვანი მოვლენა პანდემიის დროს?

— 2020 წელს ზაკინთოში ჩატარდა ფესტივალი Gem fest-ი, რომელიც მსოფლიო მედიამ პანდემიის დროს მომხდარ უპრეცედენტო მოვლენად შეაფასა. ამ ფაქტს ΒΒC-ც კი გამოეხმაურა. ელექტრონული მუსიკის ამ ფესტივალზე, ბევრ ვარსკვლავ დიჯეისთან ერთად, მომღერალი მხოლოდ მე გახლდით. ასევე გეტყვით, რომ 2020 წელს ჩემი ალბომი უნდა გამოსულიყო, მაგრამ მუშაობის პროცესი პანდემიამ შეაფერხა. თუმცა ახლო მომავალში ვიმედოვნებ, რომ ეს ალბომი აუცილებლად გამოვა.

— ახალი ვიდეოკლიპის გადაღებას სად აპირებთ?

— ჩემი ახალი ვიდეოკლიპის გადაღებას სექტემბერში გერმანიაში ვფიქრობ. ეს ელექტრონული სიმღერაა, რასაც გერმანული გარემო უფრო უხდება. ორი კვირის წინ ვიყავი იქ ჩასული და ადგილები შევათვალიერე გადასაღებად.

ამჟამად ვმუშაობ სიმღერაზე სახელწოდებით Milestone, რაც ქართულად ითარგმნება როგორც ცხოვრებასა თუ კარიერაში ახალი ეტაპის დასაწყისი. ეს სიმღერა დაწერა ქართველმა კომპოზიტორმა, რომელსაც იცნობენ სახელით უტა (Uta). ჩემი სიმღერების უმეტესობა მისი დაწერილია.

გიორგი გურგენაშვილი და მისი ბენდის წევრები სცენაზე ჯული მასინოსთან, ნიკოლეტა კონსტანტინოდუსთან და მამუკა ლიპარტელიანთან ერთად
გიორგი გურგენაშვილი და მისი ბენდის წევრები სცენაზე ჯული მასინოსთან, ნიკოლეტა კონსტანტინოდუსთან და მამუკა ლიპარტელიანთან ერთად

— ვიცი, რომ არც ისე დიდი ხნის წინ დაგაჯილდოვეს. რა ჯილდო გადმოგეცათ?

— „ოქროს ნოტი“, რომელიც ჩემს ხუთკაციან George Guren's band-ს მივუძღვენი. ამ ბენდში ყველა ბერძენია. ერთ-ერთი მომღერალი, 65 წლის ნიკოს იდრეოსი, მრავალი წელი იან გილანის ცნობილი ჯგუფის, Deep purple-ს წევრი იყო. ის დღესაც უკრავს იმ გიტარაზე, რომელიც იან გილანმა პერსონალურად მისთვის დაამზადებინა. ამ გიტარის ფასი 100 000 დოლარია.

— მკითხველს შევახსენებ, რომ ბოლო დროს ხატვაც დაიწყეთ, ამ კუთხით ხომ არ არის რაიმე სიახლე?

— ხატვას რაც შეეხება, სამწუხაროდ, ბოლო ორი წელია, ვერ ვხატავ, რადგან მხედველობის პრობლემა შემექმნა და მკურნალობის შემდეგ ოპერაციული ჩარევა გახდა აუცილებელი. როგორც კი ოპერაციას გავიკეთებ, ჩემს საყვარელ გატაცებას მაშინვე დავუბრუნდები.

ჯორჯ გურენის შემოქმედება
ჯორჯ გურენის შემოქმედება

— ადრე ინტერვიუში მითხარით, რომ ცოტა ხანში თქვენი სიმღერების ალბომი უნდა გამოსულიყო, რომელშიც ქართულ, ინგლისურ და ბერძნულ ენებზე სიმღერები შევიდოდა. გამოვიდა ეს ალბომი?

— ეს სიმღერები Electro Pop R&B სტილში შექმნილი ბალადებია და მათი უმეტესი ნაწილი ქართულენოვანია, რადგან ძალიან მიყვარს ჩემი ენა და ქვეყანა. ქართულ სიმღერებს განსაკუთრებული ადგილი აქვს ჩემს რეპერტუარში. ვფიქრობ, ქართველი მსმენელი ამ ალბომში განსხვავებულ, თბილ და ენერგიულ სიმღერებს მოისმენს.

საქართველოში ოთხი წელია არ ვყოფილვარ და როცა ვნახე, ქვეყანა ძალიან შეცვლილი იყო. ბედნიერი ვიქნები, თუ ყოველი ნახვისას საქართველო იქ მომხდარი სასიამოვნო სიახლეებით გამაოცებს ხოლმე. სხვანაირად შეუძლებელია, ეს ხომ ჩემი მშობლიური ქვეყანაა?!

0