სტუ-ს სტუდენტების აქცია

ბუნტი სტუ-ში: ტექნიკური უნივერსიტეტის სტუდენტები განათლების მინისტრთან შეხვედრას მოითხოვენ

88
სტუს-სტუდენტები მოითხოვენ დავით გურგენიძის გადადგომას, რადგან მიაჩნიათ, რომ ნასამართლევი ადამიანი არ უნდა იკავებდეს უმაღლესი სასწავლო დაწესებულების რექტორის თანამდებობას.

თბილისი, 22 მაისი – Sputnik. საქართველოს ტექნიკური უნივერსიტეტის (სტუ) სტუდენტები განათლების სამინისტროს შენობასთან რექტორის გადადგომის მოთხოვნით მორიგ საპროტესტო აქციას მართავენ და საღამომდე განათლების მინისტრთან შეხვედრას მოითხოვენ.

სტუდენტები და არასამთავრობო ორგანიზაციების წარმომადგენლები ამტკიცებენ, რომ დავით გურგენიძე სამჯერაა ნასამართლევი და მისი რეზიუმე გაყალბებულია. ისინი ამტკიცებენ, რომ ტექნიკური უნივერსიტეტის რექტორი გასამართლებულია ისეთი მძიმე დანაშაულისთვის, როგორიცაა იარაღის უკანონო შეძენა, არასრულწლოვანი ბავშვების გატაცება მამასთან ერთად და თაღლითობა.

საპროტესტო აქციები სტუ-ში აპრილის დასაწყისიდან მიმდინარეობს. რამდენიმე სტუდენტი პროტესტის ნიშნად მესამე დღეა შიმშილობს.

„სტუდენტები კრიმინალი რექტორის წინააღმდეგ“ - პლაკატები ასეთი წარწერებით უკავიათ სტუდენტებს.

„იქიდან გამომდინარე, რომ ის არის არაერთგზის ნასამართლევი სხვადასხვა მძიმე ბრალდებებისთვის, მისი ამ თანამდებობაზე ყოფნა არის ამორალური. უკვე სამი დღეა ვშიმშილობთ, რაზეც არანაირი რეაგირება არ ყოფილა სამინისტროს მხრიდან. ჩვენი პირველი მოთხოვნაა, რომ შევხვდეთ მინისტრს და მთავარი მოთხოვნა ის არის, რომ დავით გურგენიძემ დატოვოს დაკავებული თანამდებობა“, - განაცხადა აქციის ერთ-ერთმა მონაწილემ.

აქციის მონაწილეებმა განათლების მინისტრს შეხვედრისთვის დრო 21:00 საათამდე მისცეს. როგორც აქციის მონაწილეებმა განაცხადეს, თუ მინისტრი სტუდენტებს დათქმულ დრომდე არ შეხვდება, განათლების სამინისტროსთან მიმდინარე აქცია დასრულდება და პროტესტი საკანონმდებლო ორგანოსთან გადაინაცვლებს.

აღსანიშნავია, რომ მომიტინგეებს მხარდაჭერა გამოუცხადა ოპოზიციური პარტია „სტრატეგია აღმაშენებლის“ ლიდერმა გიორგი ვაშაძემ, რომელიც პარლამენტში ინიციატივის დარეგისტრირებას გეგმავს, რომლის თანახმადაც, ნასამართლევი ადამიანი ვერ დაიკავებს სახელმწიფო უმაღლესი სასწავლებლის რექტორის თანამდებობას.

სტუდენტებმა ვაშაძეს მხარდაჭერისთვის მადლობა გადაუხადეს.

სტუ–ის რექტორი, თავის მხრივ, აცხადებს, რომ რეზიუმეში მთელი ინფორმაცია სარწმუნოა და ხელმისაწვდომია საზოგადოებისთვის, ის პასუხისმგებელია თითოეულ პუნქტზე.

უნივერსიტეტის სტუდენტები საპროტესტო აქციების შეწყვეტას რექტორის გადადგომამდე არ აპირებენ.

88
თამო ვაშალომიძე

თამო ვაშალომიძემ იმიჯი კარდინალურად შეიცვალა - ქერა თმა ცეცხლოვანმა წითელმა ჩაანაცვლა

9
(განახლებულია 13:20 21.06.2021)
სექსუალური მოდელი გარდასახვას თავს არ არიდებს, თუმცა ეროტიკულ ფოტოსესიებში აღარ მონაწილეობს. მოულოდნელი ცვლილებები დაოჯახებამ და მეორე შვილის გაჩენამ განაპირობა, თუმცა თამო ძველ სითამამეს არ კარგავს. როგორ მოგწონთ ფოტომოდელის უახლესი გადაწყვეტილება?

სექსუალურმა ფოტომოდელმა ცხოვრების წესი შეიცვალა და დიასახლისობას დიდი მონდომებით შეუდგა. თამო ახლა ორი შვილის დედაა. ტელესახემ 28 ნოემბერს მეორე შვილი გააჩინა. დეკემბრის დასაწყისში დედა-შვილი სამშობიაროდან გაწერეს და თამოს მეუღლემ ოჯახის წევრებს სახლში ლამაზი სიურპრიზი დაახვედრა. ახალშობილ მაქსიმეს ახალბედა მამა ზღაპრული დეკორაციებითა და დიდი სიხარულით დახვდა. პატარა ძმას სოფიაც მალევე დაუმეგობრდა. აკა სამხარაძე სოფიასა და მაქსიმეს თანაბარ დროს უთმობს და ანებივრებს.

Посмотреть эту публикацию в Instagram

Публикация от Tamo Vashalomidze (@tamovashalomidze)

მეორე ნახევრის დახმარებით, თამო საკუთარ თავს კვლავ დიდ დროს უთმობს. ფოტომოდელი ექსპერიმენტებზე უარს ვერ ამბობს, და ამჯერად იმიჯი რადიკალურად შეიცვალა. 2 შვილის დედა წითელი თმის მოხდენას ცდილობს, რაც მისმა თაყვანისმცემლებმა დადებითად შეუფასეს. ბევრმა აღნიშნულ ფოტოზე თამოს ტანი შენიშნა, თუმცა ჩრდილქვეშ არც ვარცხნილობა მაქცეულა. როგორ მოგწონთ სექს-სიმბოლოდ წოდებული ყოფილი ფოტომოდელის ახალი იმიჯი?

Посмотреть эту публикацию в Instagram

Публикация от Tamo Vashalomidze (@tamovashalomidze)

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი ყოფილი პარტნიორის ვინაობაა.მან ახალშობილი ვაჟის ფოტო მშობიარობის დღესვე გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა.

Посмотреть эту публикацию в Instagram

Публикация от Tamo Vashalomidze (@tamovashalomidze)

ეპატაჟური ვარსკვლავი ახალ ცხოვრებას ახალი ძალებით შეუდგა. რთული ცხოვრების მიუხედავად, თამო უამრავი ქალბატონისთვის სიძლიერის მაგალითად იქცა. ახლა მისი ცხოვრება ფოტომოდელობის მიღმა ოჯახურ სივრცეში მიედინება, რაც თამოსთვის დიდი კომფორტის ზონა და ბედნიერებაა. უახლეს ფოტოებსა და ვიდეოზე კარგად ჩანს, თუ რა მარტივად მოირგო ცოლ-ქმარმა მშობლის როლი.

9
თემები:
ქართველი სელებრითები
რობოტისა და ადამიანის ხელები

„მეცნიერების კალენდარი 2021“: საქართველოში ახალი პროექტი იწყება

15
(განახლებულია 12:09 21.06.2021)
სამინისტროს ცნობით, პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გასტანს.

თბილისი, 21 ნოემბერი – Sputnik. საქართველოში იწყება ახალი პროექტი „მეცნიერების კალენდარი – 2021“, რომლის მიზანიც მეცნიერების ხელშეწყობა და პოპულარიზაციაა, ნათქვამია განათლებისა და მეცნიერების სამინისტროს განცხადებაში. 

პროექტი, რომლის სლოგანია Undique scientia est (მეცნიერება ყველგან არის), მეცნიერების, როგორც საზოგადოების ყველა ფენის ყოველდღიური ცხოვრების ნაწილის წარმოჩენასა და საქართველოს ფართო საზოგადოებაში მის პოპულარიზაციას ემსახურება.

პროექტის „მეცნიერების კალენდარი – 2021“ განხორციელებაში ჩართული არიან სამეცნიერო-კვლევითი დაწესებულებები, უნივერსიტეტები, ასევე სახელოვნებო უნივერსიტეტები, განათლებისა და მეცნიერების სფეროში მოღვაწე პირები და ახალგაზრდა მეცნიერები.

პროექტის ფარგლებში არაერთი შემეცნებითი და გასართობი აქტივობაა დაგეგმილი. ღონისძიებების ციკლი წლის ბოლომდე გაგრძელდება.

10 ნოემბერს საქართველოში მეცნიერების საერთაშორისო დღე აღინიშნება. იგეგმება  სხვადასხვა კონკურსის ჩატარება, მათ შორის, ქართველოლოგიის ვიკიკონკურსი, კონკურსი „ქართული მეცნიერება ვიკიპედიაში“, „ქართული მეცნიერება უცხოენოვან ვიკიპედიაში“ და ა.შ.  ასევე იგეგმება მასტერკლასები და კონფერენციები, ღონისძიებებისა და საჯარო ლექციების ციკლი შავი ზღვის თემაზე.

გარდა ამისა, 2021 წელს  ქუთაისის საერთაშორისო უნივერსიტეტში ევროპელ მკვლევართა ღამის საზეიმო ღონისძიებები გაიმართება.

 

15
თემები:
განათლება საქართველოში