ია ფარულავა

„ორი დღის წინ მეტროში შემხვდა ტარიელი...“ - რა მისწერეს ია ფარულავას

4952
(განახლებულია 17:27 21.05.2021)
ია ფარულავამ სოციალურ ქსელში, პირად შეტყობინებაში მისული წერილები გაასაჯაროვა. ნახეთ რას წერენ მსახიობს ტარიელ სუარზე

ცნობილმა მსახიობმა ია ფარულავამ „ინსტაგრამის“ „სთორიზე“ პირად შეტყობინებებში მისული მესიჯები გაასაჯაროვა. ირკვევა, რომ შეტყობინებების ავტორები ია ფარულავას ყოფილი მეუღლით, მუსიკოს ტარიელ სუარით არიან მოხიბლულები.

„სადგურის მოედანზე ვნახე როგორ ეხმარებოდა მოხუც ქალს გზაზე გადაადგილებაში. მადლობა გადაუხადეთ ასეთი გულისხმიერი რომაა“, „მეც ვნახე ორი დღის წინ მეტროში, ძალიან კეთილშობილია“, „საკონდიტროში რიგი დამითმო, კეთილშობილი ადამიანია“, - წერენ მსახიობს უცნობი ადამიანები.

მსახიობმა ია ფარულავამ რამდენიმე თვის წინ „ინსტაგრამის“ „სთორიში“ ყოფილი მეუღლე, მუსიკოსი ტარიელ სუარი გამოაჩინა. წყვილი ჯერ ბიოლში ისვენებდა ერთად, შემდეგ ტარიელის დედასაც ესტურმნენ დაბადების დღეზე. ბოლო პერიოდში კი მსახიობი აქტიურად დებს სახლიდან ვიდეოებს, სადაც კადრებში ტარიელიც ხვდება.

ვალენტიობის დღეს ია ფარულავამ „ფოლოუერების“ კითხვაზე რატომ ამბობს, რომ ვალენტინი არ ჰყავს, ია ფარულავამ განაცხადა, რომ ტარიელი ოჯახის წვერია, ვალენტინი კი სხვა რამეა. როგორც ჩანს, წყვილი ერთად ცხოვრობს და როგორც ია ფარულავამ ცოტა ხნის წინ „ინსტაგრამის“ „სთორიში“ გამოქვეყნებულ ვიდეოში განაცხადა, როდესაც ხედავს, როგორ უვლის ტარიელი დედას, სიბერის აღარ ეშინია ტარიელის გვერდით.

თავის დროზე დიდი გამოხმაურება მოჰყვა იმ ფაქტს, რომ ია ფარულავას გვერდით მუსიკოსი ტარიელ სუარი გამოჩნდა, რომელთან ერთადაც მსახიობმა ცხოვრება გადაწყვიტა. მათი ურთიერთობა საკმაოდ ორიგინალურად განვითარდა, რაც ქართველი მაყურებლისთვისაც განსაკუთრებით დასამახსოვრებელი აღმოჩნდა.

ტარიელს იას მიმართ გრძნობები მრავალი წლის მანძილზე ჰქონდა, სოციალურ ქსელში მისი გაცნობა მოახერხა და ყველაფერი ასე დაიწყო. შემდეგ იყო ხელის თხოვნა სცენაზე და ქორწინება. სოციალურ ქსელში ბოლო დროს ია ფარულავა განსაკუთრებით აქტიურია – მისი „ინსტაგრამი“ საგრძნობლად გააქტიურდა. მსახიობი ხშირად აქვეყნებს „სთორებს“, სადაც აქტუალურ საკითხებზე კომენტარებს არ ერიდება.

მსახიობი ია ფარულავა 2014 წელს გიტარისტ ტარიელ სუარზე მოულოდნელად გათხოვდა. წყვილი ასევე ხმაურიანად დაშორდა. მისი მეუღლე დაშორების მიზეზებზე თავად წერდა facebook-ის პირად გვერდზე და დაშორების მიზეზად ია ფარულავას და მისი „პარიკმახერის“ მიმოწერას ასახელებდა, სადაც ისინი თითქოს მას უღირს, ავადმყოფ და არაადეკვატურ ადამიანს უწოდებდნენ, აგინებდენ დედას, იმუქრებოდნენ მისი მოშორებით, რის გამოც სიბრაზისგან თავი ვერ შეიკავა და მინა ჩაამტვრია.

4952
თემები:
ქართველი სელებრითები (463)
კესარია აბრამიძე

„ვასაძეს უნდა გავყვე ცოლად, რომ დავამშვიდო...“ - კესარია აბრამიძის სკანდალური განცხადება

0
(განახლებულია 11:59 17.06.2021)
ცნობილი ტრანსგენდერი მოდელი კესარია აბრამიძე ლგბტ ადამიანების წინააღმდეგ მებრძოლი ბიზნესმენის ლევან ვასაძის დამშვიდებას უცნაური ხერხით აპირებს

ცნობილი ტრანსგენდერი მოდელი კესარია აბრამიძე ამბობს, რომ ბიზნესმენ ლევან ვასაძეს ცოლად უნდა გაჰყვეს, რომ დაამშვიდოს. ეს განცხადება კესარიამ ტელეკომპანია „პირველის“ გადაცემაში „პირველ ხაზზე“ გააკეთა, სადაც წამყვანმა ჰკითხა, თუ ყოფილან მის ცხოვრებაში „გაჭენებული ჰომოფობები“, რომლებიც მერე ლოიალურები გახდნენ.

„მე რომ დამინახეს და დამშვიდდნენ მერე? კი, ყოფილან. მგონი ლევან ვასაძეს უნდა გავყვე ცოლად და დავამშვიდო. ცოტა მოვალბო ლგბტ ადამიანების მიმართ. თეთრი კაბით კი ვარ, შემოაგორეთ სტუდიაში. ნუ, ეს რა თქმა უნდა, ხუმრობით. მგონი ასეთი ადამიანები კი არიან ერთი, ან ორი, მაგრამ დაიკუჭებიან და ნაგვის ურნაში ჩაიყრებიან“, - განაცხადა კესარიამ.

View this post on Instagram

A post shared by Kesaria (@kesaria_official)

„თბილისი პრაიდის“ ჩატარება 18-23 ივნისს არის დაგეგმილი. ვასაძემ „თბილისი პრაიდის“ წინააღმდეგ თვითორგანიზებული სახალხო რაზმების შექმნა დაანონსა. პრაიდის ორგანიზატორების განმარტებით, ვასაძის განცხადებები შეიცავს სისხლის სამართლის კოდექსის 223-ე (უკანონო ფორმირების შექმნა) და 144-ე (თავისუფლების უკანონო აღკვეთა) მუხლებით გათვალისწინებული განსაკუთრებით მძიმე დანაშაულის ნიშნებს.

0
თემები:
ქართველი სელებრითები (463)
სტრასბურგის ადამიანის უფლებათა სასამართლო

დეკანოზ გიორგი მამალაძის სარჩელი ევროპულმა სასამართლომ განხილვაში მიიღო

10
(განახლებულია 10:42 17.06.2021)
დეკანოზ გიორგი მამალაძის საქმე თანამედროვე საქართველოს ისტორიაში ერთ-ერთი ყველაზე რეზონანსული გახდა.

თბილისი, 17 ივნისი — Sputnik. ადამიანის უფლებათა ევროპულმა სასამართლომ საქართველოს კათaლიკოს-პატრიარქის მდივან-რეფერენტის შორენა თეთრუაშვილის მკვლელობის მცდელობისთვის მსჯავრდებული დეკანოზ გიორგი მამალაძის სარჩელი წარმოებაში მიიღო, ამის შესახებ მსჯავრდებულის ძმამ თორნიკე მამალაძემ საკუთარ Facebook-გვერდზე დაწერა.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს.

„ევროპულმა სასამართლომ ჩემი ძმის სარჩელი დააკმაყოფილა და განხილვაში მიიღო. დაწყებულია კომუნიკაცია. იმედი მაქვს აქ მაინც იზეიმებს სამართალი!", - წერს მამალაძე.

აღნიშნულ საკითხს სოციალურ ქსელში ეხმიანება მამალაძის ადვოკატი დავით ჯანდიერი, რომელმაც ევროსასამართლოში გაგზავნილი საჩივარი მოამზადა.

„საჩივრიდან გამომდინარე, სასამართლოს ყველა ძირითად საკითხზე აქვს ყურადღება გამახვილებული. მომჩივანთან დაკავშირებული ფაქტები უკავშირდება კონვენციის მეექვსე (საქმის სამართლიანი განხილვის უფლება) და მესამე მუხლის (წამების აკრძალვა) სავარაუდო დარღვევას", - აცხადებს ჯანდიერი.

ადვოკატის განცხადებით, დღეს იგი გლდანის პენიტენციურ დაწესებულებებში გიორგი მამალაძეს შეხვდება, რის შემდეგაც მედიასთან კომენტარს გააკეთებს.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს, საიდანაც ის გერმანიაში უნდა გაფრენილიყო. იმ დროს გერმანიაში კათოლიკოს-პატრიარქი ილია მეორე სამკურნალოდ იმყოფებოდა. გამოძიების მონაცემებით, მამალაძის ბარგში ნატრიუმის ციანიდი იპოვეს, ხოლო ბინაში – კუსტარულად დამზადებული ცეცხლსასროლი იარაღი და ექვსი ვაზნა.

თბილისის საქალაქო სასამართლომ 2017 წლის სექტემბერში გიორგი მამალაძეს ცხრა წლით თავისუფლების აღკვეთა შეუფარდა პატრიარქის მდივან-რეფერენტ შორენა თეთრუაშვილის მკვლელობის მომზადებისა და ცეცხლსასროლი იარაღის უკანონო შეძენა-შენახვისთვის.

2018 წლის თებერვალში სააპელაციო სასამართლომ განაჩენი ძალაში დატოვა. 2018 წლის აგვისტოში უზენაესმა სასამართლომ მამალაძის ადვოკატის სარჩელის განხილვაზე უარი განაცხადა და ამით ქვედა ინსტანციების სასამართლოების გადაწყვეტილება ასევე ძალაში დატოვა.

10
თემები:
სკანდალი საპატრიარქოში – „ციანიდის საქმე"