Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„ვიყავი ოთხი თვის ფეხმძიმე... ამიგორეს ჭორი“ – ირმა სოხაძე პირად ტრაგედიაზე

© Sputnik / Denis Aslanovირმა სოხაძე
ირმა სოხაძე - Sputnik საქართველო, 1920, 07.05.2021
გამოწერა
ირმა სოხაძემ პირადი ტრაგედიის დეტალები გაასაჯაროვა. ნახეთ რა შეემთხვა მომღერალს და რატომ დაკარგა ბავშვი.

მომღერალი ირმა სოხაძე „ფარულ კონვერტს” სტუმრობდა, სადაც ერთ-ერთი მძიმე ისტორია გაიხსენა. 80-იან წლებში ირმა სოხაძე „პირველ არხზე“ მიუზიკლ „ზღაპარქალაქის“ ჩასაწერად ემზადებოდა, როდესაც ის ამ არხზე მომუშავე სამი ცნობილი ქალბატონის ინტრიგის მსხვერპლი გახდა და მიუზიკლის გადაღება ჩაიშალა. მომღერალმა კონვერტი არ გახსნა, თუმცა ამ ამბის შესახებ ისაუბრა.

„ეს სამი ქალბატონი არ იყო ჩვენი რედაქციის წევრი… ეს იყო ჩემს ცხოვრებაში მეორე დიდი ტრავმა, რომელიც შემხვედრია. ძალიან დიდი ბოროტება ჩაიდინა, ერთი დედაჩემის მეგობარი იყო… მაგრამ რაღა აზრი აქვს მათი სახელებისა და გვარების ხსენებას. ამიგორეს – მუსიკაც და ტექსტიც ირმა სოხაძისაა, რა, ჩარლი ჩაპლინიაო?! დამიბარა თავმჯდომარემ. არ იქნება ამისი ჩაწერაო. წარმოუდგენელი მეხი იყო. სამი თვე ამით ვცხოვრობდი. პირველი მიუზიკლი უნდა ჩამეწერა, საბავშვო. ვიყავი ოთხი თვის ფეხმძიმე. სახლში მისული ცუდად გავხდი, წამიყვანეს საავადმყოფოში. ბავშვი ვერ შევინარჩუნე“, – გაიხსენა მომღერალმა.

მისი თქმით, სამი თვის შემდეგ მას გიგა ლორთქიფანიძემ დაურეკა და უთხრა, რომ მიუზიკლი ჩაიწერებოდა.

ყველა ახალი ამბავი
0